ტურინის “იუვენტუსის” ყოფილი მცველი პატრის ევრა თითქმის დარწმუნებულია, რომ იტალიის სერია A-ს მიმდინარე გათამაშებას მილანის “ინტერი” მოიგებს, თუმცა იქვე იმასაც აღნიშნავს, რომ ამ გამარჯვების მთავარი შემოქმედები “ბებერი სინიორას” ყოფილი თანამშრომლები არიან.
“თითქმის შეუძლებელია, რომ სკუდეტო “იუვენტუსმა” მოიგოს. “ინტერს” დიდებული სეზონი აქვს. ვულოცავ მათ, მაგრამ ისინი მიხვდნენ, რომ გუნდში “იუვენტუსის” ყოფილი ბიჭები მიიყვანეს.
მიუხედავად იმისა, რომ “ინტერი” მძულს, ანტონიო კონტე სხვა დონეზეა, ის სხვა პლანეტიდანაა. არ დაგვავიწყდეს არც ბეპე მაროტა. ეს ბიჭი “იუვეში” მუშაობის პერიოდში ჯადოქრობებს ახდენდა. მან რამდენიმე დიდებული ფეხბურთელი დაიმატა და ზოგიერთი მათგანი უსასყიდლოდაც კი: კარლოს ტევესი, ანდრეა პირლო, კინგლსი კომანი, პოლ პოგბა და თვით მეც კი”, – თქვა ევრამ ვიდეომიმართვაში.
შეგახსენებთ, რომ გათამაშების დასრულებამდე ექვსი ტურით ადრე “ინტერი” უახლოეს მდევარ “მილანს” 10 ქულით უსწრებს. “ნერაძურიმ” სკუდეტო უკანასკნელად 2010 წელს მოიგო.
