პატრის ევრამ პრესასთან საუბრისას ის დღე გაიხსენა, როდესაც რონალდუს სახლში ეწვია და ამ უკანასკნელის ცხოვრების წესმა დიდად გააოცა. შეგახსენებთ, რომ ევრა და რონალდუ “მანჩესტერ იუნაიტედში” ერთმანეთის თანაგუნდელები იყვნენ.
“მინდა რჩევა მივცე ნებისმიერს, ვისაც რონალდუ ლანჩზე დაპატიჟებს საკუთარ სახლში, უბრალოდ უარი უთხარით მას,” – აცხადებს ფრანგი მცველი ხუმრობით.
“ვარჯიშის შემდეგ მასთან სადილობა შემომთავაზა. მეც ძალიან დაღლილი ვიყავი და დავთანხმდი. როცა მაგიდასთან დავსხედით, მხოლოდ სალათი და ქათმის ხორცის მცირე ულუფა დავინახე და წყალიც – არანაირი წვენი. ხორცის დიდ ნაჭრების შემოტანას ველოდი, მაგრამ მსგავსი არაფერი მომხდარა.
როგორც კი ჭამა დაასრულა, გარეთ გავიდა და ბურთთან ერთად ვარჯიში დაიწყო, რაღაც ილეთებს ამუშავებდა. ერთად ვარჯიში შემომთავაზა, მე კი ისევ ჩემს საჭმელზე ვფიქრობდი. დავთანხმდი ვარჯიშს. ვარჯიშის შემდეგ კი საცურაოდ დამპატიჟა.
სწორედ ამიტომ ვურჩევ ხალხს, რომ რონალდუს არ გაყვენ – არა იმიტომ, რომ ცუდი ადამიანია – უბრალოდ ის არასოდეს წყვეტს ვარჯიშს, ნამდვილი მანქანაა,” – აცხადებს ევრა.
უცხოური პრესის ერთ-ერთი ყველაზე ავტორიტეტული წარმომადგენლის, The Times-ის ჟურნალისტის, პოლ ჯოისის თქმით, პატრის ევრა ამ წუთებში “ვესტ ჰემის” ოფისში იმყოფება.
როგორც ჩანს, გამოცდილმა ფრანგმა მცველმა ინგლისური პრემიერ ლიგის გარეშე დიდი ხნის მანძილზე ვერ გაძლო – ევრას ინგლისში შვიდ სეზონზე მეტი აქვს გატარებული “მანჩესტერ იუნაიტედის” მაისურით.
ბოლოსკენ პატრის ევრა “მარსელის” ღირსებას იცავდა, თუმცა ფრანგულმა კლუბმა ფანებთან მომხდარი ინციდენტის გამო ის გუნდიდან მოკვეთა. ევრა 2018 წლის ივნისის თვემდე არის დისკვალიფიცირებული.
West Ham are signing Patrice Evra on free transfer
“მარსელის” ფანებმა პატრის ევრას აგრესიულ ქმედებას უპასუხეს, რომელიც შუა კვირაში, 2 ნოემბერს მწყობრიდან გამოვიდა და ერთ-ერთ გულშემატკივარს ფეხი თავში ჩაარტყა.
“კაენთან” გამართული მატჩის დაწყების წინ (5-0), “მარსელის” ფანებმა ბანერის მეშვეობით თავიანთი სათქმელი საკმაოდ მკვეთრად გადმოსცეს: “სიყვარული კლუბს, პატივისცემა ფანებს, პოფესიონალიზმი. ბევრს ვითხოვთ?”
აღსანიშნავია, რომ “მანჩესტერ იუნაიტედის” ყოფილი ფეხბურთელის მსგავსს ქმედებას ფრანგული კლუბის მხრიდან მკაცრი რეაგირება მოჰყვა – პატრის ევრა მაშინვე მოკვეთეს გუნდიდან, თუმცა, ჯერჯერობით უცნობია, თუ რა დროით.
ტურინის “იუვენტუსისა” და “მილანის” ხელმძღვანელები “ვოლფსბურგის” ნახევარმცველის, ლუის გუსტავოს გადაბირებას ცდილობენ. ამ ინფორმაციას იტალიური გამოცემა, La Gazzetta dello Sport ავრცელებს.
როგორც ცნობილი ხდება, ტურინის “იუვენტუსი” მზადაა, ბუნდესლიგური კლუბის ფეხბურთელის სანაცვლოდ 15 მილიონი ევრო ზამთარშივე გადაიხადოს. მილანელებს კი მისი გადაბირება ზაფხულის სატრანსფერო ფანჯარაზე სურთ.
პეპე ჩინურ კლუბს შეუთანხმდა
მადრიდის “რეალის” ცენტრალური მცველი, კეპლერ პეპე ჩინური სუპერ ლიგის კლუბს, “ჰებეი ფორტუნას” შეუთანხმდა. Calciomercato-ს ცნობით, ჩინელები პორტუგალიელს 15 მილიონ ევროს სთავაზობენ თითო ჩატარებულ სეზონში.
როგორც იცით, 33 წლის პორტუგალიელი ბოლო დროს “მანჩესტერ იუნაიტედსა” და “იუვენტუსსაც” დაუკავშირეს, თუმცა, მან ევროპაში თამაშს მანუელ პელეგრინისთან გაერთიანება არჩია, რომელიც “ჰებეის” თავკაცი გახლავთ.
“მანჩესტერ იუნაიტედს” “ლაციოს” დუეტი მოუნდა
იტალიურ პრესაში გავრცელებულ უახლეს ინფორმაციას თუ დავუჯერებთ, “მანჩესტერ იუნაიტედის” მფლობელები “ლაციოს” ორი ფეხბურთელის, სტეფან დე ვრეისა და კეიტა ბალდე დიაოს გადაბირებით არიან დაინტერესებულნი.
როგორც ცნობილი ხდება, ჟოზე მოურინიოს დე ვრეის ტრანსფერით გუნდის დაცვის ხაზის გაძლიერება სურს, კეიტას კი რუნის პოტენციურ შემცვლელად მოისაზრებს.
ევრა “მარსელში” გადასვლასთან ძალიან ახლოსაა
ტურინის “იუვენტუსის” ფრანგი მცველი, პატრის ევრა კლუბს ტოვებს. RMC Sport-ის ჟურნალისტები ირწმუნებიან, რომ ფრანგმა ფეხბურთელმა უკვე გადაწყვიტა, თუ სად სურს კარიერის გაგრძელება.
წყაროს ცნობით, “მანჩესტერ იუნაიტედის” ექს-ფეხბურთელი “მარსელთან” 1,5-წლიან კონტრაქტს გააფორმებს.
გვარდიოლა ახანგრძლივებს?
The Sun-ის რედაქცია ძალზედ საინტერესო და მოულოდნელ ინფორმაციას ავრცელებს, რომლის თანახმადაც, “მანჩესტერ სიტის” ესპანელ სპეციალისტს, პეპ გვარდიოლას კლუბთან ახალი, უფრო გრძელვადიანი კონტრაქტის გაფორმება სურს.
მიუხედავად მისი ბოლოდროინდელი განცხადებების, რომლის მიხედვითაც პეპის სამწვრთნელო კარიერა დასასრულს უახლოვდებოდა, ის მზადაა “ეტიჰადის” ბინადრებთან ახალი, 5-წლიანი კონტრაქტი გააფორმოს.
იტალიური სერია ა-ს კლუბები “ჩელსის” ესპანელი ნახევარმცველის, ცესკ ფაბრეგასის გადაბირებით არიან დაინტერესებულნი. ამ ინფორმაციას Fichajes-ის რედაქცია გვაწვდის.
წყაროს ცნობით, 25 მილიონ ფუნტად შეფასებული ფაბრეგასის გადაბირების სურვილს “იუვენტუსის”, “მილანისა” და “ინტერის” ხელმძღვანელები გამოთქვამენ.
ტურინის “იუვენტუსის” ფრანგი მცველი, პატრის ევრა საფრანგეთის ლიგა 1-ში გადაბარგებასთან ძალიან ახლოსაა.
როგორც იტალიური გამოცემები იტყობინებიან, “ლიონის” ხელმძღვანელები უკვე დაუკავშირდნენ “ბებერ ქალბატონს” ევრას ტრანსფერის თაობაზე.
“ლიონის” მთავარმა მწვრთნელმა, ბრუნო ჟენეზომ ევრაზე საუბრისას განაცხადა: “ევრა დიდებული და უდიდესი გამოცდილების მქონე ფეხბურთელია. მასთან თანამშრომლობა შეიძლება საინტერესოც გამოდგეს.”
ცნობისთვის გეტყვით იმასაც, რომ მიმდინარე სეზონში 35 წლის პატრის ევრამ სერია ა-ს მხოლოდ 6 მატჩში მიიღო მონაწილეობა.
Sky Sport Italia-ს ჟურნალისტს, ჯანლუკა დი მარციოს თუ დავუჯერებთ, ტურინის “იუვენტუსის” ხელმძღვანელებმა უკვე იპოვეს ევრას შემცვლელი იმ შემთხვევისთვის, თუ ის კლუბის დატოვებას გადაწყვეტს.
შეგახსენებთ, რომ ბოლო დროს პრესაში ბევრს ლაპარაკობენ ევრას უკან, “ოლდ ტრაფორდზე” დაბრუნების შესახებ, რაზეც “ბებერმა ქალბატონმა” რეაგირება როგორც სჩანს, უკვე მოახდინა.
საუბარი გვაქვს “შალკეს” მარცხენა მცველზე, სეად კოლაშინაცზე, რომელიც მიმდინარე სეზონის ბოლოს თავისუფალი აგენტი ხდება.
აღსანიშნავია, რომ გერმანიის ჩემპიონატის მიმდინარე სეზონში კოლაშინაცმა უკვე მოახერხა 2 გოლის გატანა და აქტივში 4 საგოლე გადაცემის ჩაწერა.
სულ ცოტა ხნის წინ ოფიციალურად დადასტურდა, რომ თბილისის “დინამოს” უკვე ყოფილი ფეხბურთელი, მათე ცინცაძე 2017 წლიდან პოლონური “პოგონის” ღირსებას დაიცავს,რომელიც ქვეყნის ჩემპიონატში ამჟამად 26 ქულით მე-7 ადგილზეა.
2017 წელს, ვალერიან გვილიას გარდა, ბელარუსის ჩემპიონატში კიდევ ერთი ქართველი ფეხბურთელი იასპარეზებს: ოფიციალურად დადასტურდა, რომ სომხური “განძასარის” უკვე ყოფილი ფეხბურთელი, გოგიტა გოგატიშვილი ამიერიდან მინსკის “დინამოში” ითამაშებს.
პატრის ევრა “მანჩესტერ იუნაიტედში” ბრუნდება?
დღეს, პრესაში საკმაოდ საინტერესო ინფორმაცია გავრცელდა, რომლის თანახმადაც “მანჩესტერ იუნაიტედის” ხელმძღვანელებმა გუნდში 35 წლის ფრანგი მცველის, პატრის ევრას დაბრუნება განიზრახეს, რასაც რიო ფერდინანდიც გამოეხმაურა: “ნუთუ მართალია, რასაც მედია ავრცელებს? უკან ბრუნდები? დამელაპარაკე!”
“მიდლსბრომ” რუდი ჟესტედეს ტრანსფერი ოფიციალურად დაადასტურა
ბრიტანული “მიდლსბროს” ხელმძღვანელობამ ოფიციალურად დაადასტურა რუდი ჟესტედეს ტრანსფერი, რომელიც აქამდე ქვედა დივიზიონში მყოფი “ასტონ ვილას” ღირსებას იცავდა.
მილანური “ინტერის” ფლეიმეიკერი, ევერ ბანეგა ჩინური კლუბის ინტერესთა სფეროში მოექცა. TMW-ს ცნობით, “შანხაი სიპგ” მზადაა, 25.5 მილიონი ფუნტი გადაიხადოს არგენტინელი ნახევარმცველის სანაცვლოდ.
“ვესტ ჰემს” დეფო ნებისმიერ ფასად სურს
ბრიტანული, საკმაოდ გავლენიანი გამოცემის, Sky Sports-ის ჟურნალისტი ირწმუნება, რომ ჟერმეინ დეფოს გადაბირება “ვესტ ჰემის” ხელმძღვანელთა მთავარი მიზანია ზამთრის სატრანსფერო ფანჯარაზე. მისი ცნობით, “ჩაქუჩები” ყველაფრის გაკეთებას აპირებენ, რაც დეფოს გასაფორმებლად იქნება საჭირო.
West Ham determined to sign Jermain Defoe. Will pay what it takes to get deal done. Have told Sunderland to name their price #WHUFC
ტურინის “იუვენტუსის” ფრანგმა მცველმა, პატრის ევრამ “ბებერ ქალბატონთან” ახალი, ერთწლიანი კონტრაქტი გააფორმა, რომელშიც არის თანამშრომლობის კიდევ უფრო გაგრძელების პუნქტი.
შეგახსენებთ, რომ გამოცდილი ფრანგი ფეხბურთელი ტურინში 2014 წელს, “მანჩესტერ იუნაიტედიდან” გადავიდა. ასე რომ ის იტალიელებს მინიმუმ კიდევ ერთი სეზონით დაეხმარება.
“დღეს პატრის ევრამ “იუვენტუსთან” კონტრაქტი გაახანგრძლივა. შედეგად ის კიდევ ერთი წლით დარჩება ჩვენთან. კონტრაქტში არის პუნქტი, რომლის ამოქმედების შემთხვევაშიც ის 2018 წლამდე არ დატოვებს კლუბს (კიდევ ერთი წლით დარჩება).” – ვკითხულობთ კლუბის ოფიციალურ განცხადებაში.
“იუვენტუსის” მარცხენა მცველმა “მანჩესტერული” ხანა გაიხსენა, როდესაც მას სერ ალექს ფერგიუსონის ზედამხედველობით უწევდა თამაში.
ფრანგმა ფეხბურთელმა ინსტაგრამზე ფოტო გამოაქვეყნა, სადაც მასთან ერთად ფერგიუსონია დაფიქსირებული. ამ ფოტოზე ალექსი ყველაზე ტექნიკური ფეხბურთელის შთაბეჭდილებას ნამდვილად არ ტოვებს…
როგორც იცით, ფრანგულ ლიგა 1-ში ერთხელისუფლიანობაა. არადა სავსებით შესაძლებელი იყო, რომ პარიზული გრანდისთვის ღირსეული კონკურენცია გაეწია “მონაკოს”, რომელშიც ერთ დროს მართლაც რომ ნიჭიერი ფეხბურთელები ირიცხებოდნენ.
თუმცა, მოვლენები სხვაგვარად განვითარდა. “მონაკოს” ხელმძღვანელობამ ცდუნებას ვერ გაუძლო და ვარსკვლავები საკმაოდ დიდ თანხად გაყიდა.
გთავაზობთ, თუ როგორი იქნებოდა ფრანგული კლუბის შემადგენლობა, ლიდერები რომ შეენარჩუნებინათ:
პოზიცია: მეკარე
ასაკი: 31
ამჟამინდელი კლუბი: “მონაკო”
“მონაკოს” რიგებში ჩატარებული მატჩი: 166
2012-ში “მონაკოს” რიგებში ჩარიცხვის შემდგომ, დანიელ სუბაშიჩი ძალზედ ძლიერ ფიგურად იქცა ფრანგული კლუბისათვის.
წლევანდელ სეზონში მან ფრანგული ჩემპიონატის 21 მატჩიდან 8-ში მოახერხა კარის მშრალად შენახვა და გუნდს ჩემპიონთა ლიგის საგზურის მოპოვების საკმაოდ კარგი შანსი შეუნარჩუნა.
პოზიცია: მარჯვენა მცველი
ასაკი: 21
ამჟამინდელი კლუბი: “მონაკო”
“მონაკოს” რიგებში ჩატარებული მატჩი: 118
მადრიდის “რეალის” აკადემიაში აღზრდილმა ფაბინიომ, მიუხედავად იმისა, რომ სულ რაღაც 21 წლისაა, უკვე მიიპყრო მსოფლიოს რამდენიმე წამყვანი გუნდის ყურადღება.
თუკი მის ნიჭსა და კლუბის სატრანსფერო პოლიტიკას გავითვალისწინებთ, დიდია ალბათობა, რომ ფაბინიო, რომელმაც “მონაკოს” მაისურით 118 მატჩის ჩატარება მოახერხა, სულ მალე ვიხილოთ ინგლისის, ესპანეთის, იტალიის ან გერმანიის ჩემპიონატში მოასპარეზე წამყვან გუნდში. თუმცა ერთი რამ უდავოა – ის ნამდვილად იმსახურებს ამ გუნდში მოხვედრას.
პოზიცია: ცენტრალური მცველი
ასაკი: 37
ამჟამინდელი კლუბი: “მონაკო”
“მონაკოს” რიგებში ჩატარებული მატჩი: 104
რიკარდო კარვალიო ერთ-ერთია იმ ცნობილ ფეხბურთელთა შორის, რომელიც “მონაკომ” 2013-2014 წლების სეზონისთვის დაიმატა. რითიც გუნდმა უდიდესი გამოცდილებისა და შესაძლებლობების მქონე მცველი დაიმატა.
“ჩელსის”, “პორტოსა” და “რეალის” რიგებში უმაღლეს დონეზე თამაშის შემდგომ, დიდია ალბათობა იმისა, რომ წლევანდელი სეზონი 37 წლის ფეხბურთელისთვის ბოლო აღმოჩნდეს.
პოზიცია: ცენტრალური მცველი
ასაკი: 26
ამჟამინდელი კლუბი: “ვალენსია”
“მონაკოს” რიგებში ჩატარებული მატჩი: 32
“ტულუზადან” “მონაკოში” განათხოვრებულმა აიმენ აბდენურმა ბევრი სპეციალისტის მოწონება დაიმსახურა. შედეგმაც არ დააყოვნა და 2014-ში მან “მონაკოსთან” ოფიციალური კონტრაქტი გააფორმა.
22 მილიონად შეფასებულმა მცველმა პრემიერლიგაში ერთადერთი სეზონი ჩაატარა და გუნდს მესამე ადგილზე გასვლის საშუალება მისცა.
პოზიცია: მარცხენა მცველი
ასაკი: 34
ამჟამინდელი კლუბი: “იუვენტუსი”
“მონაკოს” რიგებში ჩატარებული მატჩი: 148
მარცხენა ფლანგის დაცვა ვის უნდა დავავალოთ, თუ არა პატრის ევრას. ფრანგი ფეხბურთელი “მონაკოს” 2002-ში შეუერთდა და მალევე გახდა გუნდის ძირითადი წევრი.
საფრანგეთში გატარებული 4 შესანიშნავი წლის შემდგომ, ევრამ სერ ალექს ფერგიუსონის ყურადღებაც მიიქცია და 2006 წელს ოფიციალურად გახდა “წითელი ეშმაკუნა”. დღეს კი, ის “იუვენტუსის” ღირსებას იცავს.
პოზიცია: ცენტრალური ნახევარმცველი
ასაკი: 32
ამჟამინდელი კლუბი: “მანჩესტერ სიტი”
“მონაკოს” რიგებში ჩატარებული მატჩი: 27
კოტ დ’იუვარის ნაკრებში წარმატებული თამაშით, იაია ტურემ ფრანგული კლუბის ყურადღება მიიპყრო. 2006-ში საფრანგეთში გადაბარგებულმა ნახევარმცველმა, ლიგა 1-ში მხოლოდ 1 სეზონი გასძლო.
რის შემდგომაც მას მწვრთნელთან მოუვიდა გაუგებრობა და კარიერა კატალონიურ “ბარსელონაში” განაგრძო.
პოზიცია: ცენტრალური ნახევარმცველი
ასაკი: 24
ამჟამინდელი კლუბი: “ინტერი”
“მონაკოს” რიგებში ჩატარებული მატჩი: 64
2012 წელს “სევილიაში” გადაბარგებულმა კონდოგბიამ საფრანგეთის სიშორე ვერ გაძლო და 2013/14 წლების სეზონისთვის კვლავ დაუბრუნდა ფრანგებს.
ნახევარდაცვაში მისმა მშვენიერმა თამაშმა კი, გუნდს 2014/15 წლების სეზონისთვის ჩემპიონთა ლიგის საგზური მოუტანა.
პოზიცია: ცენტრალური ნახევარმცველი
ასაკი: 29
ამჟამინდელი კლუბი: “მონაკო”
“მონაკოს” რიგებში ჩატარებული მატჩი : 116
შესანიშნავი შესაძლებლობებით დაჯილდოვებული მოუტინიო ფრანგულ კლუბში ხამეს როდრიგესთან ერთად მოვიდა 2013 წელს.
116 მატჩში ცენტრალურმა მცველმა 24 ასისტი გამოიმუშავა, რაც არც ისე ცუდი შედეგია, მსგავს პოზიციაზე მოთამაშე ფეხბურთელისათვის.
პოზიცია: შემტევი ნახევარმცველი
ასაკი: 21
ამჟამინდელი კლუბი: “მონაკო”
“მონაკოს” რიგებში ჩატარებული მატჩი :79
21 წლის ბერნარდო სილვა მართლაც რომ იმედისმომცემ ფეხბურთელად ითვლება. მან “მონაკოს” ფორმით ჩატარებულ 79 მატჩში 15 გოლის გატანა მოახერხა.
პოზიცია: შემტევი ნახევარმცველი
ასაკი: 24
ამჟამინდელი კლუბი: “რეალი”
“მონაკოს” რიგებში ჩატარებული მატჩი : 38
ხამეს როდრიგესი ერთადერთია, რომლის გაყიდვაზეც უარს არა მარტო “მონაკო” არამედ, ვერცერთი სხვა კლუბი ვერ იტყოდა.
71 მილიონ ფუნტად ღირებული კოლუმბიელი ფეხბურთელი მადრიდის “რეალის” ერთ-ერთ ლიდერად გადაიქცა და აუცილებლად იმსახურებს ამ გუნდში მოხვედრას.
პოზიცია: თავდამსხმელი
ასაკი: 20
ამჟამინდელი კლუბი: “მანჩესტერ იუნაიტედი”
“მონაკოს” რიგებში ჩატარებული მატჩი : 70
ფრანგული კლუბი ნამდვილად არ მოელოდა, რომ ასე მალე დაკარგავდა ფრანგ ფორვარდს. თუმცა ლუი ვან გაალის გუნდმა ისეთი შეთავაზება გაუკეთა “მონაკოს”, რომ ამაზე დაფიქრებაც არ იყოს საჭირო.
“მონაკოს” მაისურით ჩატარებულ 70 მატჩში მარსიალმა 15 გოლის გატანა მოახერხა.
დღეს ბერლინის ოლიმპიურ სტადიონზე უეფას ჩემპიონთა ლიგის ფინალია — ტურინის “იუვენტუსი” “ბარსელონას” წინააღმდეგ.
“ბებერი სინიორას” მცველ პატრის ევრას კიდევ ერთხელ მოუწევს ლუის სუარესთან შეხვედრა. შეგახსენებთ, რომ 2011 წლის ოქტომბერში ურუგვაელ ფეხბურთელს ევრას მიმართ რასისტული შეურაცხყოფის გამო რვამატჩიანი დისკვალიფიკაცია მისცეს.
ფრანგმა მცველმა კიდევ ერთხელ გაიხსენა ის ინციდენტი და განაცხადა, რომ ფინალურ მატჩამდე სუარესს ხელს ჩამოართმევს.
“მისი ბოდიში არ მჭირდება. ამას არც აქვს მნიშვნელობა. ჩემთვის ეს პრობლემა არ არის. მატჩამდე ხელს ჩამოვართმევ, როგორც ეს “მანჩესტერ იუნაიტედში” ყოფნის პერიოდში გავაკეთე.
ის ვერასოდეს იქნება ჩემი საუკეთესო მეგობარი. წარსული წარსულს ჩაბარდა. ვამაყობ ჩემი ფერით.
მე ვთამაშობ “ბარსელონას” და არა ლუის სუარესის წინააღმდეგ, თუმცა დარწმუნებული ვარ, ის მოედანზე ჩემ ყოფნას იგრძნობს.
სასამართლო პროცესზე არ მითქვამს, რომ სუარესი რასისტია. მე ვთქვი, რომ მან რასისტული კომენტარები გააკეთა. სუარესს იმდენად კარგად არ ვიცნობ, რომ მას რასისტობა დავაბრალო.
იმ მომენტში საკუთარ თავს ვაკონტროლებდი. თითქოს რაღაც ხმა ჩამესმოდა: “სულელური არაფერი გააკეთო, ხელი არ კრა, ამ თამაშს უამრავი ადამიანი უყურებს”.
ბავშვებისთვის მაგალითი უნდა იყო. რაიმე ცუდი რომ ჩამედინა, დღეს ჩემპიონთა ლიგის ფინალს ვერ ვითამაშებდი. შესაძლოა, ჩემთვის სამწლიანი დისკვალიფიკაციაც კი მოეცათ.
იმ მატჩის შემდეგ სერ ალექს ფერგიუსონი და თანაგუნდელები გაოცებულები მიყურებდნენ. იმ მომენტში სხვა სამყაროში ვიყავი.
ის ჩემთვის მართლაც მძიმე დღე იყო, თუმცა ჩემი თავით ვამაყობ”, – უთხრა ევრამ ITV Sport-ს.
ტურინის „იუვენტუსის“ მცველი პატრის ევრა უეფა-ს ჩემპიონთა ლიგის ფინალში „ბარსელონასთან“ დაპირისპირების შეფასებისას ლუის სუარესის თემასაც შეეხო.
„ბევრი სუარესის შესახებ მეკითხება, თუმცა მთავარი ფინალში თამაშია.
ჩემი თავით ვამაყობ. ვამაოყობ ჩემი კანის ფერით. სუარესს ხელს ჩამოვართმევ, ამის არანაირი პრობლემა არ მაქვს. ამავდროულად, შევეცდები, მოედანზე მას ცხოვრება გავუფუჭო“, – განაცხადა ევრამ.
