17 დეკემბერს, მსოფლიოს საკლუბო ჩემპიონატის ნახევარფინალში ერთმანეთს “ბარსელონა” და “გუანგჟოუ” დაუპირისპირდნენ, შეხვედრა კი კატალონიელთა გამარჯვებით 3:0 დასრულდა. ჩინური კლუბის კარი სამივეჯერ ლუის სუარესმა დალაშქრა.
აღსანიშნავია, რომ ლეგენდარული პელეს შემდეგ, ლუის სუარესი პირველი ფეხბურთელი გახდა, რომელმაც მსოფლიოს საკლუბო ჩემპიონატის მატჩში სამი გოლის გატანა შეძლო.
ცნობისთვის, პელემ სამი გოლის გატანა 1962 წელს “ბენფიკას” წინააღმდეგ გამართულ შეხვედრაში მოახერხა.
ბრაზილიისა და ტრინიდადისა და ტობაგოს ქალთა ნაკრებებს შორის საერთაშორისო ტურნირზე გამართულ შეხვედრაში “სელესაოს” თავდამსხმელმა მარტამ ხუთი გოლი გაიტანა.
მისთვის ეს ეროვნულ ნაკრებში ჩატარებული მეასე შეხვედრა გამოდგა, თუმცა ეს მატჩი მხოლოდ ამ ფაქტით არ იყო გამორჩეული. “ოქროს ბურთის” ხუთგზის მფლობელმა ნაკრებში გატანილი გოლების რაოდენობა 98 ბურთამდე გაზარდა, რითაც პელეს გაუსწრო. მამაკაცთა შორის მსოფლიოს სამგზის ჩემპიონმა 114 სანაკრებო მატჩი 95 გოლი გაიტანა.
„ატალანტასთან“ იტალიის სერია ა-ს მეცხრე ტურის გუშინდელ მატჩში ტურინის „იუვენტუსის“ ნახევარმცველი პოლ პოგბა მოედანზე ორიგინალური მაისურით გავიდა, რითაც ფეხბურთის ლეგენდას, ბრაზილიელ პელეს 75-ე დაბადების დღე მიულოცა.
22 წლის ფეხბურთელი 10-ნომრიან მაისურს ატარებს, რომელიც 70-ნომრიან მაისურს ჰგავს, რის გამოც ფეხბურთელმა მას „+5“ მიაწერა და ამით რიცხვი „75“ გამოსახა.
დღეს ლეგენდარული ბრაზილიელი ფეხბურთელი პელე იუბილარია. ფეხბურთის მეფეს 75 წელი შეუსრულდა.
პელე თამაშობდა “სანტოსისა” და “ნიუ-იორკ კოსმოსის” რიგებში. ბრაზილის ნაკრებში ჩატარებულ 92 მატჩში თავდამსხმელმა 77 გოლი გაიტანა. პელე ნაკრებთან ერთად სამჯერ გახდა მსოფლიოს ჩემპიონი, “სანტოსში” კი 6-ჯერ მოიგო ბრაზილიის თასი, ორჯერ კი ლიბერტადორესის თასსა და და საკონტინენტთაშორისო თასს დაეუფლა. საერთო ჯამში, ბრაზილიურ კლუბში ჩატარებულ 496 მატჩში პელე გოლით 504-ჯერ გამოირჩა.
ფიფას ვერსიით პელე XX საუკუნის საუკეთესო ფეხბურთელად დასახელდა, საერთაშორისო ოლიმპიურმა კომიტეტმა კი ბრაზილიელი საუკუნის საუკეთესო სპორტსმენად ცნო.
ლეგენდარულმა ბრაზილიელმა ფეხბურთელმა პელემ, რომელიც ვიზიტით ინდოეთში იმყოფება, ლიონელ მესისა და კრიშტიანუ რონალდუს შესახებ ისაუბრა.
“მესი ბოლო ათწლეულის საუკეთესო მოთამაშეა. ბევრი ადარებს ერთმანეთს მესისა და კრიშტიანუ რონალდუს, თუმცა ისინი სრულიად განსხვავებული ფეხბურთელები არიან. ამასთან, ორივე მათგანი ფანტასტიური მოთამაშეა”, – ციტირებს პელეს სიტყვებს ესპანური გამოცემა “ასი”.
“ეჭვგარეშეა, რომ ფეხბურთი დღეს უფრო რთული სათამაშოა, ვიდრე ადრე, მაგრამ როდესაც ღმერთი გაძლევს განსაკუთრებულ ნიჭს, თაობას მნიშვნელობა აღარ ენიჭება”, – აღნიშნა პელემ.
ლეგენდარულმა ბრაზილიელმა იქვე ისიც განაცხადა, რომ ფიფას საპრეზიდენტო არჩევნებზე საკუთარი კანდიდატურის დაყენებას არ აპირებს.
ლეგენდარული ბრაზილიელი ფეხბურთელი პელე ლონდონის “ჩელსის” ფორვარდ დიეგო კოსტას გამოექომაგა, რომელსაც სამმატჩიანი დისკვალიფიკაცია მისცეს.
“მსგავსი ფაქტები ჩემთვის ძალზედ ნაცნობია, რადგან მთელი კარიერის განმავლობაში ბევრს მირტყამდნენ. ყველამ იცის, რომ კოსტა დიდი ფეხბურთელია. ფეხბურთი დინამიური თამაშია. უარესი გააკეთა ლუის სუარესმა, რომელმაც მეტოქეები დაკბინა”, – პელეს სიტყვები “მარკამ” გამოაქვეყნა.
კლგენდარულმა ბრაზილიელმა ფეხბურთელმა პელემ ფიფას შიგნით არსებული სიტუაცია შეაფასა.
პელე ფიფას ფეხბურთის განვითარების კომიტეტის მრჩეველია, თუმცა აღნიშნული კომიტეტის წევრები მნიშვნელოვანი თემების განსახილველად უკვე რამდენიმე წლის განმავლობაში არ შეკრებილან.
„ბეკენბაუერთან ერთად ფიფას დასახმარებლად მოგვიწვიეს. ორი ან სამი წლის განმავლობაში ვმუშაობდით, ამიტომაც ბოლო დროინდელი მოვლენების ხილვა ძალიან საწყენია“, – აღნიშნა პელემ.
მსოფლიოს სამგზის ჩემპიონი თვლის, რომ ზეპ ბლატერმა აღნიშნულ სიტუაციას ნათელი უნდა მოჰფინოს.
„არ ვიცი, სინამდვილეში ორგანიზაციაში რა ხდება. უამრავი ჭორი არსებობს. ბოლო მოვლენების ფონზე ბლატერმა ორგანიზაციის საქმიანობის შესახებ მხოლოდ სიმართლე უნდა თქვას“, – დაასრულა ბრაზილიელმა.
ლეგენდარული ბრაზილიელი ფეხბურთელი პელე საავადმყოფოდან გამოწერეს.
შეგახსენებთ, რომ 74 წლის პელე სან პაულუში მდებარე ალბერტ აინშტაინის სახელობის კლინიკაში გასულ კვირას მოათავსეს. ბრაზილიელს ზურგის ოპერაცია გაუკეთეს. მან კლინიკაში კვირაზე ნაკლები დაჰყო.
შეგახსენებთ, რომ პელე გასული წლის ნოემბრიდან მოყოლებული უკვე მეოთხედ მოხვდა საავადმყოფოში. ნოემბერში მას თირკმელებიდან კენჭები ამოუღეს. ამ ოპერაციიდან რამდენიმე დღის შემდეგ ბრაზილიელი ინფექციის გამო კვლავ მოათავსეს კლინიკაში. მიმდინარე წლის მაისში ჰიპერპლაზიის გამო ქირურგიული ჩარევა გახდა საჭირო. ჰიპერპლაზიას მიაკუთვნებენ სიმსივნის წინა სტადიას, თუმცა მაშინ პელეს ონკოლოგიური დაავადება არ აღმოაჩნდა.
ლეგენდარული ბრაზილიელი ფეხბურთელი პელე სან პაულუში მდებარე ალბერტ აინშტაინის სახელობის საავადმყოფოში გადაიყვანეს.
ჯერჯერობით უცნობია, რა გახდა პელეს ჰოსპიტალიზების მიზეზი. როგორც ირკვევა, ის საავადმყოფოში ხუთი დღის წინათ მოათავსეს.
Reuters-ის თანახმად, 74 წლის ბრაზილიელს ზურგის ოპერაცია გაუკეთეს. იმავე წყაროს ცნობით, სერიოზული არაფერია.
შეგახსენებთ, რომ პელე გასული წლის ნოემბრიდან მოყოლებული უკვე მეოთხედ მოხვდა საავადმყოფოში. ნოემბერში მას თირკმელებიდან და შარდის ბუშტიდან კენჭები ამოუღეს. ამ ოპერაციიდან რამდენიმე დღის შემდეგ ბრაზილიელი ინფექციის გამო კვლავ მოათავსეს კლინიკაში. მიმდინარე წლის მაისში ჰიპერპლაზიის გამო ქირურგიული ჩარევა გახდა საჭირო. ჰიპერპლაზიას მიაკუთვნებენ სიმსივნის წინა სტადიას, თუმცა მაშინ პელეს ონკოლოგიური დაავადება არ აღმოაჩნდა.
ლონდონის “არსენალის” ნახევარმცველმა ჯეკ უილშირმა ჟურნალისტის ამპლუა მოირგო და მსოფლიოს სამგზის ჩემპიონ, ლეგენდარულ ბრაზილიელ ფეხბურთელ პელეს ინტერვიუ ჩამოართვა.
— რომელია თქვენი კარიერის ყველაზე საამაყო ეპიზოდი?
— ღმერთს მადლობას ვუხდი ბევრი საამაყო მომენტისთვის. გამოვყოფდი შვედეთში გამართულ მსოფლიოს ჩემპიონატს, რომელიც ჩემთვის პირველი იყო. მაშინ 17 წლის ვიყავი, ბრაზილიის ნაკრებმა ტურნირი მოიგო. აღსანიშნავია ჩემი ბოლო მსოფლიოს ჩემპიონატიც, როდესაც იტალია დავამარცხეთ, 1970 წელს.
— ვინ იყო თქვენი ბავშვობის გმირი?
— ჩემი ბავშვობის გმირი მამაჩემი იყო. ის “სან პაულუს” ცენტრალური თავდამსხმელი გახლდათ.
— რა გრძნობაა მსოფლიოს ჩემპიონატის მოგება?
— პირველი მსოფლიოს ჩემპიონატი 17 წლის ასაკში, შვედეთში ვითამაშე. ეს ჩემთვის ოცნება იყო. მაშინ პასუხისმგებლობა არ მქონდა, ახალგაზრდა ვიყავი და ყველაფერი მშვენიერი იყო, მაგრამ ბოლო მსოფლიოს ჩემპიონატზე, 1970 წელს, უკვე გამოცდილი მოთამაშე გახლდით და გაცილებით რთული იყო, რადგან უდიდესი წნეხის ქვეშ ვიყავით, ბრაზილიაში პოლიტიკური პრობლემა იყო. მსოფლიოს ჩემპიონატი უნდა მოგვეგო. ძალიან რთული იყო.
— რატომ აირჩიეთ 10-ნომრიანი მაისური?
— ეს სრული შემთხვევითობა იყო. როდესაც “სანტოსში” დებიუტი მქონდა, ჩვენი მეათე ნომერი ტრავმირებული იყო და ის მე შევცვალე. 16-17 წლის ვიყავი. გამიმართლა, რადგან ეს იღბლიანი ნომერი აღმოჩნდა. ამისთვის ღმერთს მადლობას ვეუბნები.
ლეგენდარულ ბრაზილიელ ფეხბურთელ პელეს ამ დრომდე უჭირს იმის ახსნა, თუ როგორ დამარცხდა გასული წლის მსოფლიოს ჩემპიონატის ნახევარფინალურ ეტაპზე ბრაზილიის ნაკრები გერმანიასთან ანგარიშით 1:7.
“ვერავინ ვერ ხსნის, რა მოხდა ნახევარფინალში. მსოფლიოს ჩემპიონატის დაწყებამდე ყველა, მათ შორის ისინიც, ვინც ფეხბურთში ვერ ერკვევა, ამბობდა, რომ ფინალში ბრაზილიელები და ესპანელები ითამაშებდნენ.
ნახევარფინალში კატასტროფა მოხდა. ასეთ რამეს არავინ მოელოდა. ბრაზილიის ნაკრები შესაძლოა 0:1 ან 0:2 დამარცხებულიყო, თუმცა 1:7 და შემდეგ ბრძოლა მესამე ადგილისთვის 0:3 (ჰოლანდიასთან)?!… მხოლოდ ღმერთი თუ ახსნის, რა მოხდა მაშინ”, – პელეს სიტყვებს Sambafoot-ი ციტირებს.
ლეგენდარულმა ბრაზილიელმა ფეხბურთელმა პელემ თანამედროვეობის ორი საუკეთესო ფეხბურთელი ლიონელ მესი და კრიშტიანუ რონალდუ ერთმანეთს კიდევ ერთხელ შეადარა.
„ამ ორს შორის საუკეთესოს არჩევას როდესაც მთხოვენ, ყოეველთვის ვამბობ, რომ მათი შედარება არ შეიძლება. კრიშტიანუ დიდებული მოთამაშე და უფრო გამოკვეთილი თავდამსხმელია. ლიონელი კი ის ფეხბურთელია, რომელიც არამხოლოდ მეტოქის კარს უტევს, არამედ თანაგუნდელებსაც ეხმარება. ორივე მათგანი ჩემს გუნდში მნიშვნელოვან როლს შეასრულებდა, თუმცა ერთ-ერთის არჩევისას, მაინც მესის ვამჯობინებდი“, – განაცხადა პელემ.
