მიუნხენის “ბაიერნის” ნახევარმცველმა ჩაბი ალონსომ ბოლო პერიოდში ბუნდესლიგაში ესპანელი ფეხბურთელების მომრავლებაზე ისაუბრა.
“ბოლო ოთხ-ხუთ წელიწადში ბუნდესლიგა გაცილებით მიმზიდველი გახდა.
მანამდე ესპანელი ფეხბურთელები, როგორც წესი, მხოლოდ პრიმერადივიზიონსა და ინგლისის პრემიერლიგაში თამაშობდნენ.
ახლა ბუნდესლიგაში ტრანსფერების პოპულარობა იზრდება. რაულმა, რომელიც “შალკეში” 2010 წელს გადავიდა, კარი ბევრს გაუხსნა”, – ჩაბი ალონსოს სიტყვები “მარკამ” გამოაქვეყნა.
მადრიდის “რეალის” ლეგენდამ, რაულ გონსალეს ბლანკომ განაცხადა, რომ იმედგაცრუებული დარჩა ესპანეთის ჩემპიონატის გასულ ტურში გამართულ ელ კლასიკოში კარლო ანჩელოტის გუნდის მარცხით(1:2). თუმცა, მას ძალიან მოეწონა “რეალის” თამაში და მიაჩნია, რომ მადრიდელებმა კრიზისულ პერიოდს თავი დააღწიეს.
“რა თქმა უნდა, რეალის ასპარეზობას ყურადღებით ვაკვირდები. ძალიან მეწყინა “ბარსელონასთან” მარცხი, მაგრამ კმაყოფილი დავრჩი “რეალის” მიერ ნაჩვენები თამაშით. გუნდმა შეხვედრის დიდი ნაწილი მოწოდების სიმაღლეზე ჩაატარა და ბევრი პრობლემა შეუქმნა მასპინძლებს. ანჩელოტის გუნდმა ასეთ სტილში უნდა განაგრძოს და ვფიქრობ, საჩემპიონო ბრძოლა ჯერ არ დასრულებულა,”-ამბობს რაული.
საფეხბურთო პორტალმა Squawka-მ იმ ფეხბურთელებისაგან, რომლებიც რონალდოს თანაგუნდელები იყვნენ, სიმბოლური ნაკრები შეადგინა.
მეკარე – იკერ კასილასი
მარჯვენა მცველი – კაფუ
ცენტრალური მცველი – ფერნანდო იერო
ცენტრალური მცველი – პაოლო მალდინი
მარცხენა მცველი – რობერტო კარლოსი
ცენტრალური ნახევარმცველი – კლოდ მაკელელე
ცენტრალური ნახევარმცველი – კლარენს ზეედორფი
შემტევი ნახევარმცველი – რივალდო
შემტევი ნახევარმცველი – რონალდინიო
შემტევი ნახევარმცველი – ზინედინ ზიდანი
თავდამსხმელი – რაული
საფეხბურთო პორტალმა Squawka-მ დაასახელა შვიდი საუკეთესო ფეხბურთელი, რომელთაც 7-ნომრიანი მაისურით უთამაშიათ.
დევიდ ბექჰემი
კევინ კიგანი
კენი დალგლიში
კრიშტიანო რონალდუ
ანდრეი შევჩენკო
რაული
ლუიშ ფიგუ
ერიკ კანტონა
უეფას ჩემპიონთა ლიგის მერვედფინალურ ეტაპზე მადრიდის “რეალის” ლიდერმა კრიშტიანუ რონალდუმ გელზენკირხენის “შალკეს” წინააღმდეგ გამართულ მატჩში გაიტანა. პორტუგალიელი ფეხბურთელისთვის ეს ევროთასებზე გატანილი 76-ე გოლია, რითაც ის “ბარსელონას” ლიდერ ლიონელ მესის და “რეალის” ყოფილ თავდამსხმელ რაულს დაეწია.
მადრიდის „რეალის“ ლეგენდამ რაულმა „ნიუ-იორკ კოსმოსში“ სადებიუტო მატჩი ჩაატარა და გოლიც გაიტანა. ნიუ-იორკელების მეტოქე სამხრეთ ჩინეთის საფეხბურთო კლუბი იყო.
ესპანელმა მეტოქის კარი დანიშნული პენალტის შემდეგ აიღო.
ცნობისთვის, მატჩი ფრედ 2:2 დასრულდა.
მადრიდის “რეალისა” და გელზენკირხენის “შალკეს” ყოფილმა თავდამსხმელმა რაულმა ამ კლუბთა შორის უეფას ჩემპიონთა ლიგის მერვედფინალურ ეტაპზე გასამართი დაპირისპირების შესახებ ისაუბრა.
“ქაღალდზე “რეალი” აშკარა ფავორიტია და თითქოს, ეს ეტაპი იოლად უნდა გაიაროს, თუმცა “შალკე” ასე ადვილად არ დანებდება. ამჯერად გერმანელები იმ ანგარიშით აღარ დამარცხდებიან, როგორც შარშან წააგეს (ორი მატჩის ჯამში 2:9). “შალკე” ყველაფერს გააკეთებს იმისთვის, რომ “რეალს” ცხოვრება გაურთულოს”, – რაულის სიტყვები გერმანულმა გამოცემა “კიკერმა” გამოაქვეყნა.
შეგახსენებთ, რომ ჩემპიონთა ლიგის მერვედფინალურ ეტაპზე გელზენკირხენის “შალკესა” და მადრიდის “რეალს” შორის გასამართი პირველი მატჩი გერმანიაში, 18 თებერვალს ჩატარდება, განმეორებითი კი – 10 მარტს, ესპანეთში.
პრიმერას 23-ე ტურში “დეპორტივოსთან” მოპოვებული გამარჯვება იკერ კასილიასისთვის ესპანეთის ჩემპიონატებში 327-ე გახდა. ამ მაჩვენებლით 33 წლის ფეხბურთელი ლეგენდარულ რაულს გაუთანაბრდა.
აღსანიშნავია, რომ 327 გამარჯვების მოსაპოვებლად კასილიასს 499 თამაში ეყო, ხოლო რაულს – 550. 22 თებერვალს “ელჩეს” დამარცხების შემთხვევაში იკერს “რეალის” რეკორდსმენობის შანსი ეძლევა.
მადრიდის “რეალის” ყოფილი თავდამსხმელი რაული ფიფას საპრეზიდენტო არჩევნებზე ლუიშ ფიგუს მიერ საკუთარი კანდიდატურის დაყენების ფაქტს გამოეხმაურა. ესპანელი ფეხბურთელის აზრით, ფიგუს მსოფლიო ფეხბურთის მმართველი ორგანოსთვის ბევრი სასიკეთო საქმის გაკეთება შეუძლია.
“ფიგუ მდიდარი ისტორიის მქონე ფეხბურთელია. მას ფეხბურთისთვის ბევრი კარგი საქმის გაკეთება შეუძლია. კარგია, რომ მან საკუთარი კანდიდატურა წამოაყენა. დარწმუნებული ვარ, ფიგუ დებატებში მონაწილეობას მიიღებს და ფეხბურთის განვითარებისთვის ახალ იდეებსაც შემოგვთავაზებს. მე მისკენ ვარ”, – რაულის სიტყვები “მარკამ” გამოაქვეყნა.
შეგახსენებთ, რომ ფიფას საპრეზიდენტო არჩევნებში ერთმანეთს კონკურენციას გაუწევენ: მოქმედი პრეზიდენტი ზეპ ბლატერი, იორდანიის პრინცი ალი ბინ ალ ჰუსეინი, ჟერომ შამპანი, ყოფილი ფეხბურთელები დავიდ ჟინოლა და ლუიშ ფიგუ, აგენტი მინო რაიოლა და ჰოლანდიის ფეხბურთის ასოციაციის ხელმძღვანელი მიქაელ ვან პრააგი.
ფიფას საპრეზიდენტო არჩევნები მიმდინარე წელს გაიმართება.
იმის შემდეგ, რაც ევროპის ყველაზე პრესტიჟულ საკლუბო ტურნირს ჩემპიონთა ლიგა დაერქვა, გულშემატკივრებმა არაერთი გამორჩეული ფეხბურთელი იხილეს.
სპორტულმა პორტალმა Sportskeeda-მ ჩემპიონთა ლიგის ყველა დროის სიმბოლური ნაკრები შეადგინა.
იკერ კასილასი
პაოლო მალდინი
კარლეს პუიოლი
ალესანდრო ნესტა
რობერტო კარლოსი
კლარენს ზეედორფი
ჩავი
დეკუ
რაიან გიგზი
ლიონელ მესი
რაული
“ნიუ იორკ კოსმოსის” რიგებში რაულის დებიუტი 2015 წლის 4 აპრილს შედგება, როდესაც ჩრდილოეთ ამერიკის საფეხბურთო ლიგის ახალი სეზონის პირველი ტური გაიმართება. 37 წლის ესპანელი თავდამსხმელი პირველ შეხვედრას “ფორტ ლოდერდეილის” წინააღმდეგ ჩაატარებს.
უკვე 18 აპრილს რაული “ნიუ იორკ კოსმოსის” საშინაო არენაზე ითამაშებს პირველად. იმ შეხვედრაში მისი გუნდი “ტამპა ბეი რაუდისს” უმასპინძლებს.
შეგახსენებთ, რომ რაულმა ამერიკულ კლუბთან ოქტომბრის ბოლოს ორწლიანი კონტრაქტი გააფორმა. ესპანელი ფეხბურთელი “ნიუ იორკ კოსმოსში” 7-ნომრიანი მაისურით ითამაშებს. მომავალი წლიდან რაული კლუბის აკადემიაშიც დასაქმდება.
როგორც მოგეხსენებათ, ვეტერანი ესპანელი თავდამსხმელი რაული ამერიკულ “ნიუ იორკ კოსმოსში” გადავიდა. კლუბის კომერციული დირექტორი ერიკ სტოუვერი აცხადებს, რომ ლეგენდარული ესპანელი ფეხბურთელის მისვლამ უკვე მოახდინა გუნდზე დადებითი ეფექტი.
“ჩვენი გუნდის ფანები რაულის შეძენით აღფრთოვანებულები არიან.
მნიშვნელოვნად გაიზარდა ბილეთებისა და საკლუბო ატრიბუტიკის გაყიდვების რაოდენობა. რაულის დამატება ჩვენი კლუბის ისტორიის იმ მონაკვეთებს ჰგავს, როდესაც ჩვენთან პელე და ფრანც ბეკენბაუერი მოვიდნენ”, – ციტირებს “კოსმოსის” კომერციული დირექტორის სიტყვებს “ასი”.
