მადრიდის „ატლეტიკოს“ ერთ-ერთმა ლიდერმა კოკემ კრიშტიანუ რონალდუსა და ლიონელ მესიზე ისაუბრა.
„ამ ორს შორის საუკეთესოს დასახელება მიჭირს. ლიონელ მესი და კრიშტიანუ რონალდუ ჩინებული მოთამაშეები არიან, თუმცა პორტუგალიელი უბრალოდ კარგი სპორტსმენია, ხოლო არგენტინელი – უბრალოდ ღმერთია. მოედანზე იგი არნახულად თამაშობს.
ნებისმიერი კლუბი რონალდუს დონის მოთამაშეზე ოცნებობს, თუმცა მე მაინც მესის ავირჩევდი“, – აცხადებს კოკე.
ზაფხულის სატრანსფერო ფანჯარაზე, ”რეალი” მეკარის შეძენას აპირებს.
ესპანური Marca-ს მტკიცებით, ”სამეფო კლუბი” ზამთარში, ”ესპანიოლის” მეკარეს, კიკო კასილიას შეიძენს. ”სამეფო კლუბი”, 28 წლის ესპანელ კიპერში 10 მილიონ ევროს გადაიხდის.
თავად კასილიას, კლუბთან მიმდინარე კონტრაქტი 2018 წელს ეწურება.
კიკო კასილია, მადრიდის ”რეალის” აღზრდილია, მაგრამ მთავარ გუნდთან ერთად, თამაში არ აქვს ჩატარებული. 2007 წელს იგი ”ესპანიოლში” გადავიდა.
კრიშტიანუ რონალდუმ და კარიმ ბენზემამ ერთობლივი რეკორდი დაამყარეს. მათი წყვილი, ჩემპიონთა ლიგის ისტორიაში, თავდამსხმელებს შორის ყველაზე შედეგიანი გახდა.
ორივე ფეხბურთელი, მადრიდის ”რეალში” 2009 წლის ზაფხულში მოვიდა. აქედან მოყოლებული, რონალდუმ ჩემპიონთა ლიგაზე 54 გოლი გაიტანა, ბენზემამ კი 26. საერთო ჯამში, 2009 წლიდან, ამ ორი ფეხბურთელის ანგარიშზე 80 გოლია. 1992 წლიდან მოყოლებული, ვერცერთა თავდამსხმელების დუეტმა ვერ მოახერხა ამდენი გოლის გატანა. აქამდე რეკორდი, ”ბარსელონას” ფეხბურთელებს, ლიონელ მესის და პედრო როდრიგესს ეკუთვნოდათ. მათ, საერთო ჯამში 75 გოლი აქვთ გატანილი.
მიმდინარე სეზონში, რონალდუმაც და ბენზემამაც, ჩემპიონთა ლიგის ორივე თამაშში მოახერხეს გოლის გატანა.
მადრიდის ”რეალის” სუპერ ვარსკვლავი, კრიშტინუ რონალდუ, ”მანჩესტერის” ფანების მიეხ განხორციელებუს აქციას გამოეხმაურა. როგორც ვიცით, გასულ კვირაში, ”რეალისა” და ”ვილიარეალის” დაპირისპირების დროს, სტადიონზე, მანჩესტერ იუნაიტედის ფანების თვითმფრინავმა გადაიფრინა, რომელსაც გამობმული ჰქონდა ბანერი და რონალდუს ინგლისურ კლუბში დაბრუნებას მოითხოვდა.
”მე დავინახე ეს ბანერი, ასეთი ყურადღების ცენტრში ყოფნა, ჩემთვის სასიამოვნოა. მე ყოველთვის ვამბობდი, რომ ”მანჩესტერი” ჩემი ოჯახია, მაგრამ ”რეალშიც” კარგად ვარ.”
”მანჩესტერის” ფანების ჩემდამი სიყვარული მაბედნიერებს. ეს იმას ნიშნავს, რომ კლუბში კარგი სახელი დავტოვე.” – განაცხადა რონალდუმ.
მადრიდის ”რეალმა”, სტუმრად ”ლუდოგორეცი დაამარცხა.
გოლები: მარსელინიო 1-0 6′; რონალდო 1-1 25′ (პენ.); ბენზემა 2-1 77′.
როგორც გახსოვთ, გასულ სეზონში, ”რეალის” კარს, ესპანეთის ჩემპიონატში დიეგო ლოპესი იცავდა, ესპანეთის თასზე და ჩემპიონთა ლიგაზე კი კარის დარაჯად იკერ კასილასი გვევლინებოდა. იგივე სცენარის განმეორება, მიმდინარე სეზონშიც შესაძლებელია, ოღონდ რამდენიმე მატჩში. ამჯერად როლები გაცვლილია: სულ ცოტა ხნის წინ, ”პაპა კარლომ” იკერს სრული ნდობა გამოუცხადა, რაც იმას ნიშნავს, რომ კასილასი, კვლავ ”სამეფო კლუბის” ნომერ პირველი გოლკიპერი გახდა, კეილორ ნავასს კი დრო და დრო სათამაშო დროს მისცემს, რათა ფორმა არ დაკარგოს.
თუ ესპანურ СМИ -ის დავუჯერებთ, ”ლუდოგორეცთან”, ჩემპიონთა ლიგის მე-2 ტურის მატჩში, ”რეალის” კარს კეილორ ნავასი დაიცავს. კეილორიმა ერთხელ უკვე ითამაშა ”თეთრების” შემადგენლობაში. იგი მოედანზე მე-5 ტურში, ”ელჩეს” წინააღმდეგ მოგვევლინა და ერთი გოლი, საპენალო დარტყმიდან გაუშვა.
შეგახსენებთ, რომ ”ლუგორეცისა და ”რეალის” დაპირისპირება, ხვალ, თბილისის დროით 22:45 საათზე გაიმართება.
მადრიდის “რეალი” მიდმინარე სეზონში პირველად ითამაშებს შავი ფორმებით, რომელზეც დრაკონია გამოსახული. აღნიშნული ეკიპირებით მადრიდელები “ლუდოგორეცთან” იასპარეზებენ.
ორიგინალური ფორმა იაპონელმა დიზაინერმა, იოჯი იამამოტომ შექმნა. მისი აზრით დრაკონი ღირსების და გამარჯვების სიმბოლოა.
ლონდონის „არსენალის“ მთავარი მწვრთნელი არსენ ვენგერი კვლავ მადრიდის „რეალის“ ნახევარმცველის სამი ხედირას გადაბირებას ცდილობს.
გავრცელებული ინფორმაციით, ფრანგი სპეციალისტი გერმანიის ნაკრების მოთამაშესთან კონტრაქტის გაფორმებას იანვარში შეეცდება.
ამჟამად სამის ხელფასი მადრიდულ კლუბში 3,5 მილიონ ევროს შეადგენს, ხოლო „არსენალში“ მისი ანაზღეურება, შესაძლოა, 5-6 მილიონამდე გაიზარდოს.
ცნობისთვის, „ბლანკონსთან“ კონტრაქტი ხედირას 2015 წლის ზაფხულამდე აკავშირებს.
მადრიდის ”რეალის” ყოფილმა დირექტორმა, ხორხე ვალდანომ, კრიშტიანუ რონალდუზე ისაუბრა.
”ასაკი, ფეხბურთელის კარიერაში დიდ როლს თამაშობს. როდესაც წლოვანება გემატება, მაღალ დონეზე თამაში გიჭირს, მაგრამ რონალდუს შემთხვევაში, ეს გამონაკლისია.”
”რონალდუ უნიკალური ფეხბურთელია. მას ცხოვრებაში დიდი ამბიცია გააჩნია და ყოველთვის წარმატებისაკენ ისწაფვის. მისი მონდომება და შრომისუნარიანობა, თანაგუნდელებზე გადადის. მისი ღვაწლი ”რეალში” ძალიან მნიშვნელოვანია.”
”ვფიქრობ, რომ კრიშტიანუ მსოფლიოში ერთადერთი ფეხბურთელია, რომელსაც შეტევაში, ნებისმიერ პოზიციაზე შეუძლია თამაში. რა პოზიციაზეც არ უნდა თამაშობდეს, იგი ყველგან დომინირებს.”
”ორ წერტილს შორის, პატარა მანძილია – ეს ეხება რონალდუს და გოლებს.” – განაცხადა ვალდანომ.
შეგახსენებთ, რომ პორტუგალიელი სუპერვარსკვლავი, თებერვაში 30 წლის გახდება.
მიმდინარე სეზონში, პრიმერა დივიზიონში, რონალდუს ანგარიშზე, 5 მატჩში 10 გოლია.
„მილანისა“ და მადრიდის „რეალის“ ხელმძღვანელები ამხანაგური მატჩის ჩატარების შესახებ შეთანხმდნენ.
როგორც გაირკვა, გუნდები ერთმანეთს ზამთრის შესვენების დროს, კერძოდ კი, 30 დეკემბერს შეხვდენიან. ამ მატჩის ორგანიზატორი ორივე კლუბის სპონსორი „Fly Emirates“-ი გახდა.
შეგახსენებთ, რომ ამჟამად „ბლანკოსს“ კარლო ანჩელოტი თავკაცობს, რომელიც „როსონერიში“ 2001 წლიდან 2009 წლამდე მუშაობდა.
ესპანეთის პრიმერადივიზიონის VI ტურში “ვილიარეალსა” და მადრდის “რეალს” შორის გამართული მატჩის მიმდინარეობის დროს “მანჩესტერ იუნაიტედის” ფანების ჯგუფმა “ელ მადრიგალს” თვითმფრინავით გადაუფრინა, რომელსაც სპეცალური ბანერი ჰქონდა გამოკიდული. “რონალდუ, სახლში დაბრუნდი”, – ეს წარწერა იყო ბანერზე გამოსახული. აღნიშნული შეხვედრა “რეალის” გამარჯვებით, ანგარიშით 2:0 დასრულდა, ერთ-ერთი გოლი კი სწორედ რონალდუმ გაიტანა.
შეგახსენებთ, რომ კრიშტიანუ რონალდუ “მანჩესტერ იუნაიტედის” ღირსებას 2003-დან 2009 წლამდე იცავდა. ბოლო პეროდში აქტიურად ისმის ხმები იმის შესახებ, რომ პორტუგალელ ფეხბურთელს “ოლდ ტრაფორდზე” დაბრუნება სურს, თუმცა თავად რონალდუ ამას უარყოფს.
ეს პირველი შემთხვევა არ გახლავთ, როდესაც “მანჩესტერ იუნაიტედის” ფანებმა საკუთარი სურვილის გამოსახატავად ამ ხერხს მიმართეს — გასულ სეზონში თვითმფრინავზე გამობმულ ბანერზე დევიდ მოიესის გათავსუფლების მოთხოვნა იყო დაფიქსრებული.
მადრიდის “რეალი” ზაფხულის დამდეგ სატრანსფერო პერიოდში კვლავ აპირებს ბაზარზე აქტიურობას. “სამეფო კლუბმა” თვალი “ლივერპულის” ახალგაზრდა შემტევ ნახევარმცველ რაჰიმ სტერლინგს დაადგა.
თავის მხრივ, მერსისაიდული გუნდი 19 წლის ფეხბურთელის დათმობას არ აპირებს და მასთან კონტრაქტის გახანგრძლივებასაც გეგმავს, თუმცა მხარეები ჯერჯერობით შეთანხმებას ვერ აღწევენ. “რეალი” სტერლინგის ტრანსფერის გაჩარხვას მომავალი წლის ზაფხულში შეეცდება. ინგლისელი ფეხბურთელით თავად “რეალის” თავკაცი კარლო ანჩელოტია დაინტერესებული.
რაჰიმ სტერლინგს ინგლისის პრემიერლიგის მიმდინარე გათამაშებაში ჩატარებულ 5 მატჩი 3 გოლი აქვს გატანილი.
ცნობისათვის, ინგლისელ ნახევარმცველს “ლვერპულთან” მოქმედი შრომითი ხელშეკრულება 2017 წლის 30 ივნისს ეწურება.
