ჭდე: სერია A

სერია А – პრევიუ

Posted on by Levan

მცირე საახალწლო შესვენების შემდეგ იტალიური სერია A სუპერმატჩით ბრუნდება. 

მილანი – ატალანტა

“მილანი” შობას მეცამეტე პოზიციაზე შეხვდა. ასეთი შედეგი მილანური კლუბის ყველაზე ასაკოვან გულშემატკივრებსაც არ ახსოვთ. საინტერესოა, რომ გასავარდნ ზონამდე “მილანს” 5 ქულა აშორებს, ხოლო ევროზონამდე 12 ქულაა. სატრანსფერო ფანჯრის გახსნასთან ერთად მილანში კეისუკე ჰონდა გადაბარგდა. იაპონელს დიდი იმედებს უკავშირებენ.

“ატალანტა” ბოლო დროს ასევე ცუდად გამოიყურება. განსაკუთრებით ეს სტუმრად ჩატარებულ მატჩებზე ითქმის. მაგრამ, ასეთ “მილანთან” გამკლავება ბერგამოელებს ნამდვილად შეუძლიათ. თუმცა, ისიც გასათვალისწინებელია, რომ შეხვედრას “სან სირო” უმასპინძლებს, უცხო სტადიონებზე კი, “ატალანტამ” მხოლოდ 4 ქულა მოიპოვა მიმდინარე სეზონში.

ლაციო – ინტერი

მილანურმა დერბიმ ნათლად აჩვენა საფეხბურთ საზოგადოებას, რომ “ინტერს” მაღალი მიზნებისათვის ბრძოლა შეუძია. მაგრამ, მაცარის გუნდს რეალური შედეგების მისაღწევად მთავარი კომპონენტი, სტაბილურობა აკლიათ.

თუმცა, მთავარი ამ დაპირისპირებაში არც მაცარის პერსოდა და არც მისი “ინტერი” იქნება. ყველა “ლაციოში” დაბრუნებული ედოარდო რეიას დებიუტის მოლოდინშია, რომელმაც მთავარი მწვრთნელის პოსტზე ვლადიმირ პეტკოვიჩი შეცვალა. სხვათა შორის, რეაია სერია ა-ს ყველაზე ასაკოვანი მწვრთნელია.

უკანასკნელ რვა შეხვედრაში, “არწივებმა” მხოლოდ ერთი გამარჯვება მოიპოვეს, რაც პეტკოვიჩის გათავისუფლების მთავარი მიზეზი გახსნა. ვნახოთ, შესძლებს თუ არა სიტუაციის გამოსწორებას ახალი მთავარი მწვრთნელი.

იუვენტუსი – რომა

ამ მატჩის შედეგზე ბევრი რამეა დამოკიდებული. “რომას”, რომელიც  წელს დაუმარცხებლად ასპარეზობს, აუცილებლად სჭირდება გამარჯვება, რათა სხვაობა ტურინულ კლუბთან 2 ქულამდე შეამციროს. “იუვეს” კი ფრეს აწყობს ხელს. ვინაიდან სხვა კონკურენტები უკვე დიდი სხვაობით ჩამორჩებიან ბებერ სენიორას. რომაელებთან კი 5 ქულიანი სტატუს-კვო შენარჩუნებული იქნება.

“იუვენტუსის” შანსებს ცრამატჩიანი წაუგებელი სერია, ლიგის საუკეთესო შეტევა და საკუტარი გულშემატკივარი ზრდის. ამ ყველაფერს “რომა” გათამაშების საკუეთესო დაცვასა და მიმდინარე სეზონში წაუგებელ სერიას უპირისპირებს.

გასულ სეზონში გუნდებმა საშინაო გამარჯვებები გაცვალეს. მაგრამ, ამ გუნდების შარშანდელ მდგომარეობასთან შედარება, ცოტა არასწორი იქნება. ეს განსაკუთრებით “რომაზე” ითქმის.
ამიტომ დღეს საკმაოდ საინტერესო დაპირისპირებას უნდა ველოდოთ.

შეხვედრა დღეს, 23:45-ზე დაიწყება და ჩვენი საიტი ამ მატჩის პირდაპირ რეპორტაჟს შემოგთავაზებთ.

05/01/14

კიევო – კალიარი

გამოიცანი შედეგი: http://fanebi.com/premium/?match_id=1426

ფიორენტინა – ლივორნო

გამოიცანი შედეგი: http://fanebi.com/premium/?match_id=1428

 იუვენტუსი – რომა

გამოიცანი შედეგი: http://fanebi.com/premium/?match_id=1431

06/01/14

ნაპოლი – სამპდორია

გამოიცანი შედეგი: http://fanebi.com/premium/?match_id=1432

კატანია – ბოლონია

გამოიცანი შედეგი: http://fanebi.com/premium/?match_id=1435

ჯენოა – სასულო

გამოიცანი შედეგი: http://fanebi.com/premium/?match_id=1436

მილანი – ატალანტა

გამოიცანი შედეგი: http://fanebi.com/premium/?match_id=1437

პარმა – ტორინო

 გამოიცანი შედეგი: http://fanebi.com/premium/?match_id=1440

უდინეზე – ვერონა

გამოიცანი შედეგი: http://fanebi.com/premium/?match_id=1441

ლაციო – ინტერი

გამოიცანი შედეგი: http://fanebi.com/premium/?match_id=1443

 

 

კონტე: „ტოტის და დე როსის პასუხს მოედანზე გავცემთ“

Posted on by ბექა დოგრაშვილი

იტალიის სერია A დღეს მე-18 ტურით განახლდება. ცენტრალური მატჩი ტურინში შედგება, სადაც ადგილობრივი „იუვენტუსი“ „რომას“ მიიღებს. შეგახსენებთ, რომ სატურნირო ცხრილს „ბებერი ქალბატონი“ 46 ქულით ლიდერობს, რომელიც მეორეადგილოსან „რომას“ 5 ქულით უსწრებს.

რომაელმა „მგლებმა“ უკვე გაჰკრეს კბილი ტურინელებს, როდესაც ფრანჩესკო ტოტიმ განაცხადა, რომ „რომა“ „იუვენტუსს“ ინდივიდუალური თვალსაზრისით სჯობს, მეტოქე კი უბრალოდ კარგად შეკრული გუნდია. კაპიტნის ამ მოსაზრებას მხარი დანიელე დე როსიმაც დაუჭირა.

„იუვენტუსის“ მთავარმა მწვრთნელმა ანტონიო კონტემ ეს განცხადება პროვოკაციად აღიქვა.

„როდესაც საქმე ასეთ პროვოკაციასთან გაქვს, უბრალოდ ხუმრობად უნდა მიიღო ეს სიტყვები. ტოტისა და დე როსის განცხადებაზე კომენტარს არ გავაკეთებ, ისინი პასუხს მოედანზე მიიღებენ. ბოლო ორწელიწადნახევარია, ეს საქმე კარგად გამოგვდის. მგონია, რომ იტალიაში პოლემიკას უფრო დიდ ყურადღებას აქცევენ, ვიდრე მოედანზე მიმდინარე მოვლენებს.

რაც შეეხებამ რუდი გარსიას კამპანია, რომაელებს სამი წლის წინაც ასეთივე თავგადასავალი ჰქონდათ ლუის ენრიკესთან. ამ დროის განმავლობაში ჩვენ ორჯერ მოვიგეთ სკუდეტო და ორჯერ – იტალიის სუპერთასი. ალბათ, რომაელებმა სატრანსფერო ბაზარზე შეცდომები დაუშვეს. შესაძლოა, „რომამ“ ის ფეხბურთელები ვერ აარჩია, რომლებიც სჭირდებოდა. არადა, ყველაზე მეტ ფულს სწორედ ისინი ხარჯავდნენ.

ბოლო სამი წელიწადია, ჩვენ ვიგებთ და არც შეცდომები მოგვდის, თუმცა ახლა ამ ფაქტს ყურადღებას არ აქცევენ. გარედან ზოგს შეიძლება ეს იოლი ეგონოს, მაგრამ ჩვენ ექსტაორდინალური მუშაობის გაწევა გვიწევს.

ბარძალის, ტევესისა და პირლოს თამაში საეჭვოა. გადაწყვეტილებას მივიღებ, არაფრის არ მეშინია. მყავს ის შემადგენლობა, რომელსაც შემიძლია, დავეყრდნო“, – განაცხადა კონტემ მატჩისწინა პრესკონფერენციაზე.

შეხვედრა „იუვენტუსსა“ და „რომას“ შორის კვირას, თბილისის დროით 23:45 საათზე აიღებს სტარტს და მას გამოცდილი არბიტრი ნიკოლა რიცოლი განსჯის.

ბექა დოგრაშვილი

კაპელო: „კონტეს „იუვენტუსი“ უკეთესია, ვიდრე ჩემი იყო“

Posted on by ბექა დოგრაშვილი

რუსეთის ნაკრების მთავარმა მწვრთნელმა ფაბიო კაპელომ ახლანდელი „იუვენტუსი“ იმ „იუვენტუსს“ შეადარა, რომელსაც 2004-2006 წლებში თავად წვრთნიდა. ფეხბურთის იტალიელი სპეციალისტი ამბობს, რომ ტურინელთა ამჟამინდელი თავკაცი ანტონიო კონტე უკეთეს შედეგს აჩვენებს, ვიდრე თავის დროზე მას ჰქონდა. აღსანიშნავია, რომ ორივე მწვრთნელის თავკაცობით „იუვენტუსმა“ იტალიის ჩემპიონატის ზედიზედ ორჯერ მოიგო.

„კონტე იტალიაში საუკეთესო მწვრთნელია. მან ეს გუნდის მიერ უკანასკნელ პერიოდში ნაჩვენები შედეგებით დაამტკიცა. კონტე თავს არ ზოგავს იმისთვის, რომ „იუვენტუსს“ გამარჯვებულის მენტალიტეტი დაუბრუნოს. თქმა არ უნდა იმას, რომ ევროპაში უფრო სერიოზული კონკურენციაა, ვიდრე იტალიაში, თუმცა ანტონიოს ევროპულ დონეზეც შეუძლია მაღალი დონის ჩვენება. „იუვეს“ ბოლოდროინდელ სტატისტიკას გადავხედე და დავრწმუნდი, რომ ციფრები არ იტყუებიან – კონტეს „იუვენტუსი“ უკეთესია, ვიდრე ჩემი იყო“, – კაპელოს სიტყვები იტალიურმა გამოცემა „ტუტოსპორტმა“ გამოაქვეყნა.

მოგეხსენებათ, 5 იანვარს იტალიის სერია A მე-18 ტურით განახლდება, რომლის ცენტრალური მატჩიც „იუვენტუსსა“ და „რომას“ შორის შედგება. როგორც მოგეხსენებათ, კაპელოს ორივე გუნდში აქვს ნამუშევარი. იტალიელმა სპეციალისტმა აღნიშნული შეხვედრის შესახებაც გააკეთა კომენტარი.

„თუ ტურინელები „რომას“ დაამარცხებენ, მაშინ მათ შორის სხვაობა 8 ქულამდე გაიზრდება და ამის აღმოფხვრა რთული იქნება. ჩემი გული ნახევრად არის გაყოფილი – დაუვიწყარი დრო გავატარე რომშიც და ტურინშიც“, – განაცხადა კაპელომ.

ბექა დოგრაშვილი

ვალერო: “სერია A-ში პრიმერა დივიზიონზე მეტი კონკურენციაა”

Posted on by -

იტალიური “ფიორენტინას” ნახევარმცველი, ბორხა ვალერო აცხადებს, რომ სერია A-ში, ესპანეთის პრიმერა დივიზიონთან შედარებით, უფრო მეტი კონკურენციაა.

შეგახსენებთ, რომ 28 წლის ფეხბურთელი ფლორენციულ კლუბში 2012 წლის ზაფხულში, ესპანური “ვილიარეალიდან” გადავიდა.

“ვფიქრობ, იტალიის სერია A-ში საკმაოდ დაძაბული ვითარებაა. ჩემი აზრით, აქ გუნდებს შორის უფრო მეტი კონკურენციაა, ვიდრე ესპანეთის პრიმერა დივიზიონში”, – ამბობს ესპანეთის ნაკრების წევრი.

სერია A-ს მიმოხილვა

Posted on by Levan

“ინტერის” პირველი მოგებული დერბი მაცარის ხელმძღვანელობით, ბუფონის შეწყვეტილი მშრალი სერია და “რომას” დამაჯერებელი გამარჯვება სერია A-ს მეჩვიდმეტე ტურის მიმოხილვაში.

დერბი “ინტერის” სასარგებლოდ

დაძაბული ტრილერის მოლოდინში 80 ათასიანი “სან-სირო” ტიფოზებმა ბოლომდე შეავსეს. მაგრამ გულშემატკივართა მოლოდინი არ გამართლდა. განსაკუთრებული სანახაობა გუშნ მილანში არ შედგა.

შეხვედრის პირველი ნახევარი “მილანის” კარნახით მიმდინარეობდა. თუმცა, ისიც უნდა აღინიშნოს, რომ “ინტერს” მსაჯმა ასპროცენტიანი პენალტი არ დაუდო. საპატამ პალასიოს წინააღმდეგ დაარღვია თამაშის წესი.

მეორე ტაიმში მაცარიმ მოედანზე შემტევები: კოვაჩიჩი, კარდი და კუზმანოვიჩი შეუშვა, რამაც შედეგი გამოიღო და მატჩის მიწურულს “ინტერმა” გამარჯვების გოლი გაიტანა.

მშრალი სერიის დასასრული

გასულ უქმეებზე “იუვემ” ბერგამოში ნამდვილი ქარიშხალი დაატრიალა და ადგილობრივი “ატალანტა” გაანადგურა. ანგარიში მე-6 წუთზე ტევესმა გახსნა. თუმცა, სტუმრებმა მალევე აღადგინეს წონასწორობა და ჯანლუიჯი ბუფონის მშრალი სერიაც შეწყვიტეს, რომელიც 744 წუთი გრძელდებოდა. შესვენებამდე ანგარიში აღარ შეცვლილა, მაგრამ მეორე ტაიმში ტურინელებმა პოგბას, ლიორენტეს და ვიდალის გოლებით საბოლოო ანგარიში დააფიქსირეს – 4:1.

რომაელები სრული სვლით

თავის უშუალო კონკურენტებს არც რომაელები ჩამორჩნენ და აუტსაიდერი “კატანია” გაანადგურეს. “რომა” ბენატიას გოლით დაწინაურდა. გამანადგურებელი კი ანგარიში მეორე ნახევარში გახდა.

“პირველი ტაიმი ჩავაგდეთ, თუმცა მეორე ნახევარში სწორედ ის “რომა” ვიხილეთ, რომლის ნახვაც მე პირადად მსურს. 17 მატჩის შემდეგ 41 ქულა გვაქვს. ეს ძალიან კარგი მაჩვენებელია, მაგრა წელს “იუვენტუსი” შესანიშნავ სეზონს ატარებს და ყველაფერს იგებს. საშობაო არდადეგების შემდეგ ჩვენ აუცილებლად ვიფიქრებთ იმაზე, თუ როგორ შევაჩეროთ ტურინელები” – განაცხადა მატჩის შემდეგ რუდი გარსიამ.

21/12/13

ლივორნო 1-2 უდინეზე 

გოლები: ლოპესი 11′ (0:1); სილიგარდი 32′ (1:1); ჰორტო 65′ (1:2)

კალიარი 1-1 ნაპოლი

გოლები: ნენე 9′ (1:0); იგუაინი 19′ (1:1)

 22/12/13

ბოლონია 1-0 ჯენოა

გოლი: დიამანტი 57′

 ატალანტა 1-4 იუვენტუსი

გოლები: ტევესი 6′ (0:1); მორალესი 15′ (1:1); პოგბა 46′ (1:2); ლიორენტე 75′ (1:3); ვიდალი 79′ (1:4). 

 ვერონა 4-1 ლაციო

გოლები: ტონი 5′ (1:0); ბიგლია 27′ (1:1); იტურბე 44′ (2:1); რომულო 64′ (3:1); ტონი 78′ (4:1)

 რომა 4-0 კატანია

გოლები: ბენატია 18′ ; დესტრო 55′ ; ბენატია 59′ ; ჟერვინიო 80′

სამპდორია 1-1 პარმა

გოლები: ედერი 44′ (1:0); ლუკარელი 64′ (1:1)

 სასულო 0-1 ფიორენტინა

გოლები: როსი 82′

 ტორინო 4-1 კიევო

გოლები: ჩერეუ 9′ (0:1); იმობილე 45′ , 65′ (2:1); ვივესი 80′ (3:1); კერჩი 90′ (4:1)

ინტერი 1-0 მილანი

გოლი: პალასიო 86′

 

 

 

“ინტერი” – “მილანი” (სასტარტო შემადგენლობები)

Posted on by -

დღეს, თბილისის დროით 23:45 საათზე, იტალიაში მილანური დერბი დაიწყება, რომელშიც ერთმანეთს “ინტერი” და “მილანი” დაუპირისპირდებიან.

გუნდები მოედანზე ასეთი შემადგენლობებით გავლენ:

“ინტერი”: ჰანდანოვიჩი, კამპანიარო, როლანდო, ჟუან ჟესუსი, ჯონათანი, კამბიასო, ძანეტი, ტაიდერი, ნაგატომო, გუარინი, პალასიო.

“მილანი”: აბიატი, დე შილიო, საპატა, ბონერა, კონსტანტი, პოლი, დე იონგი, მუნტარი, საპონარა, კაკა, ბალოტელი.

ემანუელსონი “ინტერთან” სათამაშოდ მზად არის

Posted on by Levan

“მილანის” ნახევარმცველმა, ურბი ემანუელსონმა “რომასთან” მიღებული ტრავმა მოიშუშა და “ინტერთან” სათამაშოდ მზად არის. იყო ეჭვები, რომ 27 წლის ნახევარმცველმა ხელი მოიტეხა, მაგრამ ეს არ დადასტურდა და ურბი დღვანდელი მატჩიშ განაცხადშიც შეიყვანეს. აქვე გეტყვით, რომ “მილანის” მეკარე, კრისტიან აბიატიც სრულად გამოჯანმრთელდა.

მაგრამ “მილანი” დანაკლისს მაინც ვერ გადაურჩა. “ინტერთან” სხვადასხვა მიზეზების გამო გუნდს ვერ დაეხმარებიან: ელ შარავი, რობინიო, აბატე, სილვესტრე, ბირსა, ამელია და მონტოლივო.

სერია ა-ს მეჩვიდმეტე ტურის დღევანდელი შეხვედრა, თბილისის დროით 23:45-ზე დაიწყება.

სერიას A – პრევიუ

Posted on by Levan

მილანური დერბი, “იუვეს” ვოიაჟი ბერგამოში და “რომას” დუელი აუტსაიდერთან სერიას A-ს მეჩვიდმეტე ტურის პრევიუში. 

მილანი ყურადღების ცენტრში

ტურის ცენტრალური შეხვედრა რა თქმა უნდა მილანშია. “სან-სიროზე” მილანური დერბი გაიმართება. “ინტერის” პრეზიდენტმა, ერიკ ტოჰირმა მომავალი დაპირისპირება წლის ყველაზე მნიშვნელოვან მატჩად მონათლა.

უკანასკნელ ოთხი დერბიდან, “ინტერმა” სამჯერ შეძლო მოგება. ერთი მატჩი კი ფრედ დასრულდა. თუმცა ეს არაფერს ნიშნავს კონკრეტული შეხვედრის წინ. “მილანი” წესით საკმაოდ მოტივირებული უნდა გამოვიდეს მოედანზე. მასიმილიანი ალეგრის ბედი შესაძლოა ამ მატჩმაც გადაწყვიტოს. გუშინ გავრცელებული ინფორმაციით ალეგრის გადაყენება უბრალოდ დროი ამბავია და ბერლუსკონი არცევანს ვილაშ-ბოაშსა და კლარენს ზეედორფს შორის გააკეთებს.

კიდევ ერთი თემა, რომელსაც ამ მატჩზე საუბრისას გვერდს ვერ აუვლით – ფანების დაპირისპირებაა. შეგახსენებთ, რომ იტალიის ფეხბურთის ფედერაციამ “ინტერის” გულშემატკივრები დასაჯა და “მილანთან” დასწრება აუკრძალა. რაზეც “ინტერმა” აპელაცია შეიტანა და სასჯელი გაუქმებულ იქნა. ასევე აღსანიშნავია “მილანის” ფანების პროტესტი, რომლებიც სოლიდარობას უცხადებდნენ საკუთარ მთავარ მტერს და ტრიბუნებზე ასვლას არ აპირებდნენ. საბოლოოდ ყველაფერი დადებითად გადაწყდა და ორივე გუნდის ფანები დერბის დაესწრებიან, რაც კიდევ უფრო მეტად გაალამაზებს კვირას გასამართ შეხვედრას.

ბრძლა ლიდერობისათვის

მომდევნო ტურში “იუვენტუსი” და “რომა” ტურინში შეხვდებიან ერთმანეთს. თუმცა, მანამდე გუნდებს აუტსაიდერებტან უწევთ დაპირისპირება.

ფრეების სერიის გამო, “რომა” ტურინელებს 5 ქულით ჩამორჩა. მაგრამ ახალ წლამდე სიტუაცია შესაძლოა შეიცვალოს. იმისათვის, რომ “იუვენტუსმა” რომაელებს დაუტმოს პირველი ადგილი, ჯერ “ატალანტასთან” უნდა დამარცხდეს და შემდეგ “რომასთან” წააგოს საშინაო შეხვედრა. თუმცა, მოვლენათა ასეთი ალბათობა ძალიან მცირეა.
“ატალანტა” ბოლო დროს საკმაოდ ცუდად გამოიყურება და სავარაუდოდ ქულის აღებაც გაუჭირდება კონტეს გუნდთან.

“იუვენტუსისგან” განსხვავებით, “რომა” საკუთარ მატჩს საშინაო მოედანზე გამართავს, სადაც ლიგის უსუსტესს გუნდს, “კატანიას” დაუპირისპირდება. წესით და რიგირ, რომაელებმა იოლი გამარჯვება უნდა მოიპოვონ. თანაც ძალების მინიმალური დახარჯვით, ვინაიდან რუდი გარსიას ბიჭებს მომდევნო ტურში წლის ერთ-ერთი მთავარი მატჩი აქვთ სათამაშო. “რომას” დისკვალიფიკაციის გამო დე როსი და სტროტმანი დააკლდებიან.

21/12/13

ლივორნო – უდინეზე 

გამოიცანი შედეგი: http://fanebi.com/premium/?match_id=845

კალიარი – ნაპოლი

გამოიცანი შედეგი: http://fanebi.com/premium/?match_id=846

 22/12/13

ბოლონია – ჯენოა

გამოიცანი შედეგი: http://fanebi.com/premium/?match_id=847

 ატალანტა – იუვენტუსი

გამოიცანი შედეგი: http://fanebi.com/premium/?match_id=848

 ვერონა – ლაციო

გამოიცანი შედეგი: http://fanebi.com/premium/?match_id=849

 რომა – კატანია

გამოიცანი შედეგი: http://fanebi.com/premium/?match_id=850

 სამპდორია – პარმა

გამოიცანი შედეგი: http://fanebi.com/premium/?match_id=851

 სასულო – ფიორენტინა

გამოიცანი შედეგი: http://fanebi.com/premium/?match_id=852

 ტორინო – კიევო

გამოიცანი შედეგი: http://fanebi.com/premium/?match_id=853

 ინტერი – მილანი

გამოიცანი შედეგი: http://fanebi.com/premium/?match_id=854

 

 

მუნტარი: „მილანი“ სწორი გზით მიდის“

Posted on by Alix

„მილანის“ ნახევარმცველი სალი მუნტარი „რომასთან“ იტალიის სერია ა-ს მე-16 ტურის ფრედ 2:2 დასრულებული მატჩით კმაყოფილი დარჩა.

„რომა“ კარგად თამაშობდა, რაც მოსალოდნელი იყო. ვფიქრობ, მნიშვნელოვანი ქულა ავიღეთ, ამავე დროს, მოგების შანსიც კი გვქონდა. ასეთი შეხვედრის შემდეგ უახლოეს მატჩებში გუნდის კარგ თამაშში ეჭვი არ მეპარება. „მილანი“ სწორი გზით მიდის“, – განაცხადა განელმა შუახაზელმა.

შეგახსენებთ, რომ რომაულ კლუბთან შეხვედრაში მუნტარიმ გოლის გატანა მოახერხა.

ცნობისთვის, იტალიის ჩემპიონატის შემდეგი ტურის მატჩში „როსონერის“ მეტოქე თანაქალაქელი „ინტერი“ იქნება.

ალექსანდრე მატევოსოვი

სერია А-ს მიმოხილვა

Posted on by Levan

“იუვენტუსის” ახალი რეკორდი, ტევესის ჰეტ-ტრიკი და ტოტის უიღბლო დაბრუნება სერია ა-ს პრევიუში. 

ტურინული მშრალი

8 გამარჯვება, 19 გატანილი და არცერთი მიღებული ბურთი – ასეთია “იუვეს” სტატისტიკა იტალიის ჩემპიონატის უკანასკნელ რვა ტურში, რაც ლიგის რეკორდია. გასულ უიკენდზე ანტონიო კონტეს შეგირდებმა “სასულო” გაანადგურეს (4:0), რამაც გარკვეულ წილად “გალათასარაისთან” მარცხიც დაავიწყა ტურინელებს. დიდი წვლილი გამაჯვებაში კარლოს ტევესს მიუძღვის. არგენტინელმა “იუვეს” მაისურით პირველი ჰეთ-ტრიკი შეასრულა.

“ძალიან დათრგუნულები ვართ ჩემპიონთა ლიგიდან გამოვარდნის გამო, მაგრამ ეს ჩვენთვის დამატებითი სტიმულია სერია – ა-ში წარმატების მისაღწევათ” – განაცხადა კონტემ მატჩის შემდეგ.

შოუ “სან-პაოლოზე”

“ნაპოლისა” და “ინტერის” შეხვედრა ნამდვილი საფეხბურთო სპექტაკლი იყო. ტურის ერთ-ერთი ცენტრალური შეხვედრა რაფაელ ბენიტესის გუნდის გამარჯვებით დასრულდა (4:2).

ინტერის მთავარი მწვრთნელი, ვალტერ მაცარი საკუთარი გუნდის მარცხს მსაჯთა შეცდომებს აბრალებდა. სტუმრები 71-ე წუთზე, როდესაც ანგარიში 3-2 იყო, 10 კაცით დარჩნენ. წითელი ბარათი ალვარესმა მიიღო.
თუმცა ისიც უნდა აღინიშნოს, რომ “ნაპოლი” მთელი შეხვედრის განმავლობაში უეთესად გამოიყურებოდა. და რომ არა 92-ე წუთზე, ჰანდანოვიჩის მოგერიებული პენალტი, ანგარიში უფრო დიდი იქნებოდა.

ეს “ინტერის” მეორე მარცხია მიმდინარე სეოზნში. მილანური კლუბი მეხუთე პოზიციაზე ჩამოქვეითდა.

კაპიტანმაც ვერ უშველა

ითამაშებდა თუ არა ტოტი “მილანთან” ეს მთავარი კითხვა იყო მატჩის წინ. “რომა” იმპერატორთან ერთად და მის გარეშე სხვადასხვა გუნდებია. ეს მატჩისწინა პრესკონცერენციაზე მასიმილიანი ალეგრიმაც დაადასტურა. მისი აზრთი “მილანისთვის”  უკეთესი ინქებოდა, რომ ფრანჩესკოს არ ეთამაშა.
საბოლოოდ ტოტიმ ითამაშა, ტუმცა ალეგრისთვის საბედნიეროდ, “იმპერატორმა” მატჩი სათადარიგოთა სკამზე დაიწყო.

პირველ წუთებზე გუნდები ფრხილობდნენ. სტუმრები ცდილობდნენ “მილანის” დაცვის გარღვევას, თუმცა ამას განსაკუთრებული ფანატიზმის გარეშე აკეთებდნენ. როგორც ჩანს, მთავარი ამოცანა საკუთარი კარის უსაფრთხოება იყო. თუმცა, სტუმრების ტაქტიკა მატჩის დებიუტში მომგებიანი აღმოჩნდა და უკვე მე-13 წუთზე სტუმრები დესტროს გოლით დაწინაურდნენ.

მილანს გონს მოსასველად დაახლოებით 15 წუთი დასჭირდა. 30-ე წუთზე ანგარიში საპატამ გაათანაბრა – 1:1.

მეორე ნახევარი გაბრიელის შეცდომით დაიწყო. “მილანის” ახალგაზრდა მეკარემ 52-ე წუთზე საჯარიმოში თამაშის წესი დაარღვია. პენალტი ზუსტად სტროორმანმა შეასრულა – 1:2.

გატანილი გოლის შემდეგ, “რომამ” ინიციატივა დათმო და მეორე ნომრად არჩია თამაში. 64-ე წუთზე კი მოედანზე ფრანჩესკო ტოტი დაბრუნდა. თუმცა, რომაელებმა ამ მოვლენის გამარჯვებით აღნიშვნა ვერ მოახერხეს. 77-ე წუთზე მუნტარიმ საბოლოო ანგარიში დააფიქსირა – 2:2.

 

14/12/13

კატანია 0-0 ვერონა

15/12/13

კიევო 0-1 სამპდორია

გოლი: ედერი 16′

ფიორენტინა 3-0 ბოლონია

გოლები: ილიჩიჩი 13′ , ბორხა ვალერო 30′ , როსი 64′

ჯენოა 1-1 ატალანტა

გოლები: ბერტოლაჩი 72′ (1:0); დე ლუკა 90′ (1:1)

ლაციო 2-0 ლივორნო

გოლები: კლოზე 19′ , 26′

პარმა 0-0 კალიარი

უდინეზე 0-2 ტორინო

გოლები: ფარნერუდი 48′ ; იმმობილე 75′ 

იუვენტუსი 4-0 სასულო

გოლები: ტევესი 15′ ; პელუსო 28′ ; ტევესი 45′ ; ტევესი 68′ 

ნაპოლი 4-2 ინტერი

გოლები: იგუაინი 9′ (1:0); კამბიასო 35′ (1:1); მერტენს 39′ (2:1); ჯემაილი 41′ (3:1); ნაგამოტო 45′ (3:2); ხოსე კალიეხონი 81′ (4:2)

16/12/13

მილანი 2-2 რომა

გოლები: დესტრო 13′ (0:1); საპატა 30′ (1:1); სტროორმანი 52′ (1:2); მუნტარი 77′ (2:2)

 

„ინტერი“ ნეაპოლში დამარცხდა

Posted on by Alix

დასრულდა იტალიის სერია ა-ს XVI ტურის ბოლოსწინა მატჩი, რომელშიც „ნაპოლიმ“ საკუთარ მოედანზე „ინტერი“ მიიღო.

ანგარიში შეხვედრის უკვე მე-6 წუთზე გონსალო იგუაინმა გახსნა. 35-ე წუთზე კამბიასომ წონასწორობა აღადგინა, თუმცა სტუმართა სიხარული დიდ ხანს არ გაგრძელებულა, რადგან ოთხ წუთში თავისი გუნდი წინ მერტენსმა გაიყვანა. ორ წუთში ნეაპოლიტანელთა უპირატესობა ორ ბურთამდე გაიზარდა – გოლი თავის ანგარიშზე ძემაილიმ ჩაიწერა. „ნერაძურის“ ფეხბურთელებმა ანგარიშის შემცირება პირველი ნახევრის დამატებითი დროის მე-2 წუთზე მოახერხეს – მეკარე რაფაელის კარი იუტო ნაგატომომ აიღო.

მეორე ტაიმის პირველივე წუთზე სტუმართა ნახევარმცველმა რიკი ალვარესმა ყვითელი ბარათი მიიღო. 71-ე წუთზე მსაჯმა იგი მეორედ გააფრთხილა, შედეგად, „ინტერს“ მატჩის დასრულება უმცირესობაში მოუწია.

ალვარესის გაძევებიდან ათ წუთში ხოსე მარია კალეხონმა ზუსტად დაარტყა – ჰანდანოვიჩმა თავისი გუნდის გადარჩენა ვერ შეძლო. დამატებითი დროის მე-2 წუთზე კი შეცვლაზე შესულმა გორან პანდევმა პენალტის გამოყენება ვერ შეძლო.

საბოლოოდ, 4:2 და „ნაპოლიმ“ ამ გამარჯვებით 35 ქულა დააგროვა და მეორე ადგილზე მყოფ „რომას“ მინიმუმ ხვალამდე 2 ქულით მიუახლოვდა. რაც შეეხება „ინტერს“, მაცარის გუნდი 35 ქულით სერია ა-ს სატურნირო ცხრილის მე-5 პოზიციას იკავებს.

„ნაპოლი“ – „ინტერი“ 4:2
გოლები: იგუაინი 6′, მარტენსი 39′, ჯემაილი 41′, კალეხონი 81′ – კამბიასო 35′, ნაგატომო 45+2′

„ნაპოლი“: რაფაელი, მაჯო, ფერნანდესი, ალბიოლი, რეველიერი (პანდევი 90+1′); ინლერი, კალეხონი, ჯემაილი; ინსინიე, მერტენსი (არმერო 85′); იგუაინი (ბერამი 78′)

„ინტერი“: ჰანდანოვიჩი; რანოკია, კამპანიარო (იკარდი 82′), როლანდო; ტაიდერი (კოვაჩიჩი 61′), ალვარესი, ნაგატომო, კამბიასო, ჟონათანი; გუარინი; პალასიო

გაფრთხილებები: ინსინიე, ინლერი – ალვარესი, რანოკია

გაძევება: ალვარესი 71′

ტურის სხვა მატჩების შედეგები:

„კატანია“ – „ვერონა“ 0:0
„კიევო“ – „სამპდორია“ 0:1
„ფიორენტინა“ – „ბოლონია“ 3:0
„ჯენოა“ – „ატალანტა“ 1:1
„ლაციო“ – „ლივორნო“ 2:0
„პარმა“ – „კალიარი“ 0:0
„უდინეზე“ – „ტორინო“ 0:2
„იუვენტუსი“ – „სასუოლო“ 4:0

იტალიის პირველობის XVI ტური ხვალ, „სან-სიროზე“ დასრულდება, სადაც ერთმანეთს „მილანი“ და „რომა“ დაუპირისპირდებიან.

ალექსანდრე მატევოსოვი

სერია A-ს პრევიუ

Posted on by Levan

იტალიურმა ფეხბურთმა კიდევ ერთი დარტყმა მიიღო გასულ კვირას. ჩემპიონთა ლიგაში მოთამაშე სამი გუნდიდან პლეი-ოფში მხოლოდ „მილანი“ გავიდა, რაც საკმაოდ ცუდად აისახა სერია А-ს რეპუტაციაზე, რომლის მორიგი ტურის პრევიუსაც გთავაზობთ ჩვენი საიტი.

„იუვენტუსი“ –  „სასულო“

ანტონიო კონტემ ოთხშაბათს თავის კარიერაში ყველაზე მტკივნეული მარცხი იწვნია.  „გალათასარაისთან“ მტკივნეულ მატჩზე ბევრს აღარ ვილაპარაკებთ. ამ თემაზე საკუთარი აზრი უკვე ყველამ არაერთხელ გამოთქვა. მოახლოებულ ტურში „ტურინელები“ „სასულოს“ მიიღებენ.  ეს შეხვედრა გარკვეულწილად რეაბილიტაცია უნდა იყო გულშემატკივართა წინაშე. ატსაიდერთან ქულების დაკარგვას კონტეს აღარ აპატიებენ. „იუვეს“ შანსებს ისიც ზრდის, რომ „სასულო“ ლიდერის გარეშე ცადის ტურინში. ტრავმის გამო სტუმრებს ბერარდი დააკლდებათ, რომლის ანგარიშზე უკვე 7 გოლია მიმდინარე სეზონში.

„ნაპოლი“ – „ინტერი“

ვალტერ მაცარის სახელობის მატჩი. „ინტერის“ ამჟამინდელი მწვრთნელი გასულ სეზონში „ნაპოლის“ ეხმარებოდა ჩემპიონთა ლიგაში მოსახვედრად, ახლა კი იგივე მილანური კლუბისთვის აკეთებს. თუმცა, ეს ჯერ-ჯერობით კარგად არ გამოსდის. დამაჯერებელ სტარს ფრეების სინდრომი მოჰყვა.  „რომას“ სტილში.  „ინტერზე“ მეტი ფრე წლევანდელ სერია ა-ში არცერთ გუნდს არ აქვს.

იდეალურად საქმე არც ნეაპოლშია. გუნდი სტარზე კი დამაჯერებელი იყო, მაგრამ თანდათან მოუკლო. უკანასკნელ ოთხ შეხვედრაში მხოლოდ ერთი გამარჯვება და საჩემპიონო ამბიციებზე უარის თქმა. ბოლო პერიოდში ეს არის „ნაპოლის“ მონაგარი.  მიუხედავად იმისა, რომ რაფაელ ბენიტესის გუნდმა ჩემპიონთა ლიგის ჯგუფში 12 ქულის მოგროვება შესძლო, ეს მაინც არ აღმოჩნდა საკმარისი შემდეგ ეტაპზე გასასვლელად.
სტატისტიკა მასპინძელთა სასარგებლოდ მეტყველებს – ზედიზედ შვიდი საშინაო შეხვედრაა „ნაპოლი“ „ინტერთან“ არ აგებს.

„მილანი“ –  „რომა“

ტურის უკანასკნელი და ცენტრალური შეხვედრა ორშაბათს „სან-სიროზე“ გაიმართება . „მილანი“ „რომას“ უმასპიძლებს. „მგლებმა“ ფრეების სერიის შეწყვეტა გასულ ტურში, „ფიორენტინასთან“ მოახერხეს. „მილანი“ ოთხმატჩიანი წაუგებელი სერია აქვს, თუმცა აქედან სამი შეხვედრა ფრედ დასრულდა. მილანელებმა ფრე ჩემპიონთა ლიგაზეც ითამაშეს, ამსტერდამის „აიაქსთან“ გამართულ შეხვედრაში. თუმცა ეს ფრე გამარჯვების ტოლფასი იყო. „მილანი“ შემდეგ ეტაპზე გავიდა.

უკანასკნელ შვიდ შეხვედრაში, რომლებიც ამ გუნდებს შორის „სან-სიროზე“ გაიმართა  „რომამ“ ოთხჯერ იზეიმა გამარჯვება. თუმცა, არ უნდა დაგვავიწყდეს, რომ სტუმრებს კვლავ არ ეყოლებათ ფრანჩესკო ტოტი. საკადრო პრობლემები ალეგრის გუნდსაც აწუხებს.

14/12/13

კატანია – ვერონა

გამოიცანი შედეგი: http://fanebi.com/premium/?match_id=835

15/12/13

კიევო – სამპდორია

გამოიცანი შედეგი: http://fanebi.com/premium/?match_id=837

ფიორენტინა – ბოლონია

გამოიცანი შედეგი: http://fanebi.com/premium/?match_id=838

ჯენოა – ატალანტა

გამოიცანი შედეგი: http://fanebi.com/premium/?match_id=839

ლაციო – ლივორნო

გამოიცანი შედეგი: http://fanebi.com/premium/?match_id=840

პარმა – კალიარი

გამოიცანი შედეგი: http://fanebi.com/premium/?match_id=841

უდინეზე – ტორინო

გამოიცანი შედეგი: http://fanebi.com/premium/?match_id=842

იუვენტუსი – სასულო

გამოიცანი შედეგი: http://fanebi.com/premium/?match_id=836

ნაპოლი – ინტერი

გამოიცანი შედეგი: http://fanebi.com/premium/?match_id=844

16/12/13

მილანი – რომა

გამოიცანი შედეგი:  http://fanebi.com/premium/?match_id=843