“მანჩესტერ სიტის” მთავარმა მწვრთნელმა ხოსეპ გვარდიოლამ უპასუხა შეკითხვას, თუ რამდენად არის შესაძლებელი, რომ მან “ქალაქელებს” 10-15 წლის განმავლობაში უთავკაცოს.
“სერ ალექს ფერგიუსონობას არ ვაპირებ, არ ინერვიულოთ. წელიწადნახევარი დიდი დროა. ჩვენ გარშემო არსებული ჰარმონია გვეხმარება: უკანასკნელი ოცი მატჩიდან 18 შეხვედრაში გავიმარჯვეთ და მხოლოდ “ლაიფციგთან” დავმარცხდით, როდესაც არაფერი გვჭირდებოდა. ჩემს ბიჭებს კარგად ვიცნობ. ზოგჯერ ისინი იმედგაცრუებულნი არიან, ვინაიდან სათამაშო დრო არ ეძლევათ, თუმცა დანარჩენით უკმაყოფილონი ვერ იქნებიან. მათ ყველაფერი აქვთ და მათ დასახმარებლად ყველანი მზად არიან.
გამარჯვებებსა და მარცხში არის შემთხვევითობის ელემენტი. ერთად ვიმარჯვებთ და ფართოდ ვიღიმით. სევდიანი სახეებით უკეთესნი ვერ გავხდებით. დანარჩენი არც ისე მნიშვნელოვანია”, – ციტირებს გვარდიოლას სიტყვებს “მანჩესტერ ივნინგ ნიუსი”.
