ლონდონის “არსენალის” ფეხბურთელი, მატიე დებუში განაწყენებულია კლუბის გადაწყვეტილებით, რომლის თანახმადაც მას “მანჩესტერ იუნაიტედში” გადასვლა აეკრძალა.
ფრანგულ “ბორდოში” მოასპარეზე ფრანგმა განაცხადა: “დიახ, სატრანსფერო ფანჯრის დახურვამდე “მანჩესტერიდან” დამიკავშირდნენ.
მე მწვრთნელსაც გავესაუბრე, რომელმაც კატეგორიულად მითხრა, რომ მეტოქე გუნდს ვერ გააძლიერებდა.
ძალიან იმედგაცრუებული ვიყავი. “მანჩესტერ იუნაიტედში” გადასვლა მართლაც რომ საოცარი რამ იქნებოდა.” – განაცხადა დებუშიმ.
იურგენ კლოპი დარწმუნებულია იმაში, რომ ევროპაში “ლივერპულს” დიდი რეპუტაცია აქვს, თუმცა თვლის, რომ ეს ფეხბურთელების გადასაბირებლად საკმარისი არ არის.
“ლივერპულს” ევროპულ ფეხბურთში დიდი ავტორიტეტი აქვს. ცოტა თუ იქნება ისეთი ფეხბურთელი ვინც იტყვის : “არა, მათ რიგებში თამაში არ მინდა”.
ჰო, ასეა მანამ, სანამ ისინი მიიღებენ სხვა შეთავაზებას მსგავსი ისტორიისა, მაგრამ მეტი ფულის მქონე კლუბისაგან.
“მანჩესტერი” ხომ სულ რაღაც 40 მილითაა დაშორებული ლივერპულისაგან, ასე რომ შემიძლია ლივერპულში ცხოვრებას მანჩესტერული კარიერა ვამჯობინო.
არ მიყვარს, როდესაც ფეხბურთელები მხოლოდ ჩემპიონთა ლიგაზე სათამაშოდ მოდიან. მათ უფრო დიდი მიზნები უნდა ჰქონდეთ. ფეხბურთელი რომელიც მხოლოდ იმიტომ ამბობს ჩვენზე უარს, რომ ლიგაზე არ ვთამაშობთ, ან პირიქით, ჩვენთვის გამოსადეგარი არაა.”
ინგლისურ, გავლენიან გამოცემა Daily Mirror-ს თუ დავუჯერებთ, მომავალ სატრანსფერო ფანჯარაზე ლონდონელლთა მთავარი სამიზნე გონსალო იგუაინი იქნება.
წყაროს ცნობით, “ჩელსის” არგენტინელი ფეხბურთელის შეძენა იანვარშიც სურდა, თუმცა ფეხბურთელმა უარი განაცხადა, რამეთუ მას “არისტოკრატთა” ძირითადში მოხვედრის გარანტია არ ჰქონდა.
იმ შემთხვევაში, თუ მადრიდის “ატლეტიკო”, რომელიც სერიოზულად ინტერესდება დიეგო კოშტას დაბრუნებით, თავის საწადელს აიხდენს, მაშინ ამ ტრანსფერის განხორციელებას ხელს არაფერი შეუშლის.
აქვე გეტყვით იმასაც, რომ “ჩელსის” კიდევ ერთი თავდამსხმელი, ლოიკ რემია ახლოს კლუბის დატოვებასთან.
მადრიდის “ატლეტიკოს” ხელმძღვანელობამ დაადასტურა ინფორმაცია, რომლის თანახმადაც იან ობლაკმა მადრიდულ კლუბთან კონტრაქტი 2021 წლამდე გაახანგრძლივა.
სლოვენიელი მეკარე “ვისენტე კალდერონზე” 2014 წელს გამოჩნდა “ბენფიკადან”, რაც ტიბო კურტუას მშობლიურ კლუბში და სიმეონე მასში მიგელ მოიას შემცვლელს ხედავდა.
თუმცა, წლევანდელ სეზონში ობლაკმა “როხიბლანკოს” ძირითადი მეკარის სტატუსი მოიპოვა, მან კლუბის მაისურით 23 მატჩი ჩაატარა და არცერთი წუთი არ მჯდარა სათადარიგოთა სკამზე. შედეგად კი მივიღეთ ყველაზე ცოტა გაშვებული გოლი (ესპანეთში) – 11.
ინგლისური გავლენიანი გამოცემის ცნობით, “მანჩესტერ იუნაიტედის” მწვრთნელობისთვის მაურისიო პოჩეტინო და ჟოზე მოურინიო იბრძვიან.
გავრცელებული ინფორმაციის თანახმად, მანჩესტერული კლუბის წარმომადგენლები უკვე შეხვდნენ “ტოტენჰემის” მთავარ მწვრთნელს და სჯერათ, რომ არგენტინელს “წითელი ეშმაკებისთვის” ტიტულების მოგება შეუძლია.
ხოლო იმ შემთხვევაში, თუკი პოჩეტინოს ტრანსფერი არ გამოვა, “იუნაიტედი” ჟოზე მოურინიოზე გადაერთვება, რომელიც ამჟამად თავისუფალია. ასე რომ, არჩევანი ამ ორ სპეცალისტს შორის უნდა გაკეთდეს.
Mundo Deportivo-ს მიერ გავრცელებული ინფორმაციის თანახმად, ფრანგული “პარის სენ-ჟერმენი” ზაფხულში კვლავ ეცდება სერხიო ბუსკეტსის გადაბირებას, რომელიც ამჟამად “ბარსელონას” ღირსებას იცავს.
აქამდე ვრცელდებოდა ინფორმაცია, რომლის თანახმადაც ფრანგებმა უკვე გაუგზავნეს კლუბს ოფიციალური შეთავაზება ესპანელი ნახევარმცველის ტრანსფერთან დაკავშირებით, თუმცა კლუბისგან უარი მიიღეს.
წყაროს ცნობით, პარიზელთა თავკაცს, ლორან ბლანს პოლ პოგბაზე მეტად ბუსკეტსის გადაბირება სურს.
ბლანს მხარს კლუბის ხელმძღვანელობაც უჭერს, გამომდინარე იქიდან, რომ ტიაგო მოტა სულ მალე გახდება 34 წლის, მარკო ვერატის გადაბირებასთან კი ტურინის “იუვენტუსია” ახლოს.
უცხოურ პრესაში გავრცელებული ინფორმაციის თანახმად, მიუნხენის “ბაიერნი” მომავალ ზაფხულს ხავიერ ერნანდესის გადაბირებას ეცდება, რომელიც ამჟამად “ლევერკუზენის” ღირსებას იცავს, თანაც საკმაოდ კარგად.
მას შემდეგ, რაც ლუი ვან გაალმა მექსიკელი ფორვარდი დაიწუნა და გერმანიაში გაუშვა, ჩიჩარიტომ 21-ჯერ მოახერხა მეტოქის კარის დალაშქვრა.
Goal-ის ცნობით, მექსიკელი ფორვარდის გადაბირებით პირადად კარლო ანჩელოტია დაინტერესებული, რომელიც ბავარიულ გრანდს სეზონის ბოლოს ჩაიბარებს.
შეგახსენებთ, რომ სწორედ იტალიელმა სპეციალისტმა მისცა “რეალის” მაისურით თამაშის შანსი ჩიჩარიტოს, მაშინ, როცა 27 წლის შემტევი “მანჩესტერის” ძირითადში მოხვედრას ვერ ახერხებდა.
The Hinckley Times-ის მიერ გავრცელებული ინფორმაციის თნახმად, “ლესტერ სიტი” “ფეინოორდის” ნახევარმცველის, ტონი ვილენას გადაბირებით არის დაინტერესებული.
ჰოლანდიელ ნახევარმცველს კონტრაქტი სეზონის ბოლოს ეწურება, რაც იმას ნიშნავს, რომ მისი გადაბირება ზაფხულში მსურველებს უფასოდ შეეძლებათ.
წყაროს ცნობით, “ლესტერის” გარდა 21 წლის ჰოლანდიელის გადაბირებით “სუონსი”, “ვესტ ბრომი” და “სანდერლენდია” დაინტერესებული.
ახალგაზრდა ნახევარმცველი “ფეინოორდის” აკადემიაშია აღზრდილი, მან კლუბის მაისურით ჰოლანდიის ჩემპიონატის 80 მატჩში მიიღო მონაწილეობა, თავი კი 13 გოლით დაგვამახსოვრა.
The Telegraph-ის ინფორმაციით, “სტოკ სიტის” თავდამსხმელმა მარკო არნაუტოვიჩმა შესაძლოა ინგლისური კლუბი ზაფხულში დატოვოს.
არნაუტოვიჩის ამჟამინდელი კონტრაქტი 2017 წლის ზაფხულში იწურება, მის ამოწურვამდე ერთი წლით ადრე კი ამოქმედდება პუნქტი, რომლის თანახმადაც მისი ყიდვა 12.5 მილიონ ფუნტად იქნება შესაძლებელი.
ამჟამად “ბრიტანიაზე” მოთამაშე კლუბის ხელმძღვანელობა მისთვის კონტრაქტის გახანგრძლივებას ცდილობს, თუმცა ორი მხარე ფინანსურ საკითხთან დაკავშირებით ვერ უთანხმდება ერთმანეთს – არნაუტოვიჩი კვირაში 70 ათას ფუნტს ითხოვს, რაც მას გუნდის ყველაზე მაღალანაზღაურებად ფეხბურთელად აქცევს.
26 წლის თავდამსხმელის მიმართ ინტერესს “პსჟ” და “ფენერბახჩე” იჩენს.
მიუნხენის “ბაიერნის” ამჟამინდელ თავკაცს, პეპ გვარდიოლას “მანჩესტერ სიტიში” ლუის სუარესის მიყვანა სურს.
Sunday Mirror-ის ცნობით, “ლივერპულის” ექს-შემტევი, რომელიც გასაოცარ სეზონს ატარებს, გვარდიოლასთვის მთავარი სამიზნე იქნება ზაფხულის სატრანსფერო ფანჯარაზე.
გვარდიოლამ უკვე დაიწყო ფიქრი თავის ინგლისურ კარიერაზე და მზადაა, მისი ყოფილი გუნდის შემტევისათვის 40 მილიონ ფუნტზე მეტი გადაიხადოს.
შეგახსენებთ, რომ სუარესის წარმომადგენელი პეპ გვარდიოლას ძმა პერე გვარდიოლაა, ასე რომ მსგავსი ტრანსფერის განხორციელება არც ისე რთული იქნება.
ლონდონური კლუბის ხელმძღვანელობამ, იტალიის ეროვნული ნაკრების მთავარ მწვრთნელთან, ანტონიო კონტესთან წამოიწყო მოლაპარაკებები.
Daily Express-ის ინფორმაციის თანახმად, გუს ჰიდინკის ჩანაცვლების მთავარ კანდიდატებად დიეგო სიმეონე, მასიმილიანო ალეგრი და კონტე მოისაზრებიან.
თუმცა ნაკლებად მოსალოდნელია, რომ სიმეონემ და ალეგრიმ კლუბი დატოვონ. “იუვეს” ექს-თავკაცის მომავალი კი ევრო 2016-ის შემდგომ გაირკვევა.
46 წლის სპეციალისტი უკვე სწავლობს ინგლისურ ენას და უახლოეს მომავალში კიდევ აპირებს “ჩელსის” წარმომადგენლებთან შეხვედრას.
ლეგედნეარულ ბრაზილიელ ფეხბურთელს, რონალდინიო გაუჩოს სჯერა, რომ “მანჩესტერ სიტის” ნეიმარის გადაბირებისთვის საკმარისი ძალა გააჩნია.
“ნეიმარმა უკვე აღნიშნა, რომ პეპის ხელმძღვანელობით სურდა თამაში. ეს საკმაოდ ხმაურიანი განცხადება იყო, რადგანაც ყველამ იცოდა, რომ პეპი “სიტიში” მიდიოდა.
ყველამ იცის, რომ მათ შეუძლიათ იმდენი გადახდდა, რამდენსაც ვერცერთი სხვა ევროპული კლუბი ვერ გადაიხდის.
ნეიმარის მომავალთან დაკავშირებით ბევრი ჭორი ვრცელდებოდა, თუმცა მჯერა, რომ ჭორი მისი “რეალში” გადასვლის შესახებ მცდარია.” – განაცხადა მსოფლიო ჩემპიონმა Daily Mirror – თან ინტერვიუში.
