ამ ზაფხულზე ბევრი დაიწერა იმის შესახებ, რომ “მილანის” ფეხბურთელით, მ’ბაიე ნიანგით რამდენიმე ინგლისური გუნდი სერიოზულად ინტერესდებოდა. მათ შორის იყო “ევერტონი”, “ვესტ ჰემი” და “პრემიერ ლიგის” ჩემპიონი, “ლეტსერ სიტი”. სწორედ ეს უკანასკნელი სთავაზობდა “მილანს” 16 მილიონ ფუნტს, თუმცა…
დღეს ნიანგმა ჟურნალისტებთან ისაუბრა და განაცხადა, რომ არსად წასვლას არ აპირებს: “მე აქ ვრჩები. იტალიაში ძალიან ბედნიერი ვარ. მინდა, რომ “მილანთან” ერთად ბევრ წარმატებას მივაღწიო და ამ გუნდის შეუცვლელი ფიგურა ვიყო.”
სულ ცოტა ხნის წინ ოფიციალურად დადასტურდა, რომ ანდალუსიურმა “სევილიამ” ოფიციალურად გაიფორმა “პალერმოს” მოთამაშე, ფრანკო ვასკესი. იტალიელმა ფეხბურთელმა 5 წლიან კონტრაქტს მოაწერა ხელი. მის სანაცვლოდ ესპანელებმა 15 მილიონი ევრო გადაიხადეს.
აქვე გეტყვით, რომ ვასკესი “პალერმოში” 2012 წლიდან ირიცხება. იგი 2012-2013 წლებში “რაიო ვალეკანოში” იყო განათხოვრებული.
ამ ზაფხულზე ალვარო მორატა “რეალმა” “იუვენტუსიდან” 30 მილიონ ევროდ დაიბრუნა. ყველა ვარაუდობდა, რომ ესპანელებმა ახალგაზრდა თავდამსხმელი იმიტომ გადმოიბირეს, რომ ის სარფიანად გაეყიდათ. მისადმი ინტერესი “ჩელსიმ” და “არსენალმა” გამოთქვა, თუმცა…
გავლენიანი გამოცემა, Goal.Com-ი იტყობინება, რომ გასული კვირის ხუთშაბათ დღეს უცნობმა გუნდმა “რეალს” 60 მილიონი ევრო შესთავაზა მორატას სანაცვლოდ, მაგრამ “ბლანკოსის” მესვეურებმა უარით გაისტუმრეს ანონიმური კლუბის ხელმძღვანელები. ორი დღის წინ ანუ ორშაბათს ნახსენებმა გუნდმა შეთავაზება 80 მილიონ ევრომდე გაზარდა, მაგრამ იგივე პასუხი მიიღო.
ყველაფერი იმის მანიშნებელია, რომ ზიდანმა ესპანეთის ნაკრების თავდამსხმელი გასაყიდად კი არა საკუთარ გუნდში სათამაშოდ დაიბრუნა.
ინგლისის მოქმედმა ჩემპიონმა “ლესტერ სიტიმ” კიდევ ერთი ტრასნფერი განახორციელა. ამჯერად, “მელიებმა” მოსკოვის “ცეესკას” უკვე ყოფილი ფეხბურთელი, აჰმედ მუსა გაიფორმეს. იმ თანხის რაოდენობა, რომელიც გადაიხადეს ინგლისური კლუბის მესვეურებმა ნიგერიელ შემტევში, არ სახელდება. სამაგიეროდ, ცნობილია, რომ მუსამ “ლესტერთნ” ოთხ წლიან კონტრაქტს მოაწერა ხელი.
ნახსენები მოთამაშე უკვე მეოთხეა იმ ფეხბურთელთა შორის, რომლებიც “მელიებმა” აქამდე შეიძინეს. ივნისის დასაწყისიდან მოყოლებული, მათ მენდის, ზილერის და ერნანდესის გაფორმება მოახერხეს.
“პარი სენ-ჟერმენმა” ოფიციალურად დაადასტურა ანხელ დი მარიას ტრანსფერი.
არგენტინელმა ფეხბურთელმა პარიზულ კლუბთან კონტრაქტი 2019 წლის 30 ივნისამდე გააფორმა.
“პარი სენ-ჟერმენი” ტრანსფერის ფინანსურ დეტალებს არ ასაჯაროებს, თუმცა, პრესაში გავრცელებული ინფორმაციის თანახმად, პარიზელებმა 63 მილიონი ევრო გაიღეს.
“სიამაყით ვატარებ “პარი სენ-ჟერმენის” მაისურს. ვეცდები, ყველა ტურნირზე გავიმარჯვო – საფრანგეთის მასშტაბით იქნება ეს თუ – ევროპის. ყველაფერს გავაკეთებ იმისთვის, რომ პარიზში ჩემპიონთა ლიგის თასი ჩამოვიტანოთ”, – ციტირებს დი მარიას სიტყვებს ფრანგული კლუბის ოფიციალური ვებგვერდი.
შეგახსენებთ, რომ არგენტინელი ფეხბურთელი მანამდე “მანჩესტერ იუნაიტედის” ღირსებას იცავდა, სადაც გასული წლის ზაფხულში მადრიდის “რეალიდან” გადავიდა. ანხელ დი მარიამ ინგლისის პრემიერლიგაში ჩატარებულ 27 მატჩში 3 გოლი გაიტანა და 10 საგოლე გადაცემა გააკეთა.
Fanebi.com წარმოგიდგენთ დღის გამორჩეულ სატრანსფერო ამბებს.
სიტი სტერლინგში 40 მილიონს იხდის
“მანჩესტერ სიტიმ” “ლივერპულს” რეჰიმ სტერლინის ტრანსფერის თაობაზე კიდევ ერთი წინადადება გაუკეთა. ამჯერად მანჩესტერელებმა მერსისაიდელებს 40 მილიონი გირვანქა შესთავაზეს.
დე იონგი მილანთან გაახანგრძლივებს
ნაიჯელ დე იონგი “მანჩესტერ იუნაიტედში” არ გადავა. ჰოლანდიის ნაკრების ფეხბურთელი დიდი ალბათობით უახლოეს მომავალში “მილანთან” გაახანგრძლივებს კონტრაქტს.
ნაპოლი იგუაინის სანაცვლოდ 100 მილიონს ითხოვს
“ნაპოლის” პრეზიდენტმა აურელიო დე ლაურენტისმა განაცხადა, რომ იგუაინით დაინტერესებულ კლუბს არგენტინელის სანაცვლოდ 100 მილიონი ევროს გადახდა მოუწევს.
დროგბას ორლანდოს უარი უთხრა
“ჩელსის” ყოფილმა შემტევმა, დიდიე დროგბამ კარიერის აშშ-ში გაგრძელებაზე უარი თქვა. აფრიკელი შემტევის მიმართ ინტერესს “ორლანდო სიტი” ინტერესდებოდა.
მანჩესტერს ფაბინიო სურს
“მონაკოს” მცველი ფაბინიო, შესაძლოა, ინგლისში გადაბარგდეს. ფეხბურთელის მიმართ ინტერესს “მანჩესტერ იუნაიტედი” იჩენს, რომელსაც საფრანგეთის ჩემპიონატში მოთამაშე გუნდის ხილმძღვანელობამ 20 მილიონი მოსთხოვა.
“პენსიონერები” დაინტერესებული არიან “ლაციოს” ნახევარმცველის, ფელიპე ანდერსონის მომსახურებით.
ლონდონური გუნდი აპირებს ამ ზაფხულში რომაული გუნდის ბრაზილიელი ლიდერი დაიმატოს.
“ჩელსის” მთავარი მწვრთნელის, ჟოზე მოურინიოს თქმით, მომდევნო სატრანსფერო ფანჯარაზე ისინი 21 წლის შემტევის გაფორმებაზე სერიოზულად იმუშავებენ.
ცნობილი გახდა, რომ “არისტოკრატები” “ლაციოს” ახალგაზრდა ფეხბურთელში 40 მილიონ ევროს შეთავაზებენ.
სერია ა-ს მიმდინარე სეზოში, ფელიპე ანდერსონმა 22 მატჩი ჩაატარა, გაიტანა ცხრა გოლი და გააკეთა შვიდი საგოლე გადაცემა.
ტურინის “იუვენტუსის” გენერალურმა დირექტორმა ბეპე მაროტამ განმარტა, რომ იმ შემთხვევაში, თუ გუნდის ნახევარმცველი პოლ პოგბა სხვა კლუბში გადაბარგებას გადაწყვეტს, “ბებერი ქალბატონი” მის შენარჩუნებას ვერ შეძლებს.
“ყველამ კარგად იცის, რომ არიან კლუბები, რომლებსაც პოგბასთვის ჩვენზე გაცილებით შთამბეჭდავი ფინანსური პირობების შეთავაზება შეუძლიათ. პოგბა თავად წყვეტს საკუთარ ბედს და თუ წასვლას მოინდომებს, ჩვენ ვერ გადავეღობებით მას. თუმცა, ჯერჯერობით, ფეხბურთელს მსგავსი სურვილი არ გამოუხატავს, პრობლემები მაშინ დაიწყება, როდესაც კონკრეტულ შეთავაზებას მიიღებს, რომლის მიხედვითაც “იუვენტუსზე” 3-ჯერ მეტ ხელფასს შეთავაზებენ,”-აღნიშნა მაროტამ.
“პორტუს” ბრაზილიელი მცველი, დანილო გამოეხმაურა ჭორებს, რომლის მიხედვითაც, მისი მომსახურებით მადრიდის “რეალი” ინტერესდება.
მარტის დასაწყისში გავრცელდა ინფორმაცია იმის შესახებ, რომ “სამეფო გუნდი” დანილოში 30 მილიონს იხდის, ხოლო ფეხბურთელს ექვსწლიან კონტრაქტს გაუხანგრძლივებს.
“პორტუში ბრწყინვალედ ვარ. ჭორებმა მომხიბლა, მაგრამ ამჟამად მხოლოდ კლუბზე და ნაკრებზე ვარ კონცენტრირებული,”-განაცხადა დანილომ AS-თან ინტერვიუში.
“მოხარული ვარ, რადგან დამაკავშირეს ისეთ გუნდთან, როგორიც მადრიდის “რეალია”. მარსელო ამ კლუბზე ბევრს მესაუბრება. ყველაფერი სეზონის ბოლოს გაირკვევა”.
“წითელი ეშმაკები” აქტიურად ინტერესდებინ “ჰოფენჰაიმის” ლიდერით.
ბრიტანული მედიის მიხედვით, “მანჩესტერ იუნაიტედი” მთავარი კანდიდატია ბრაზილიელი ნახევარმცველის, რობერტო ფირმინოს გაფორმების.
“მანკუნიანელთა” სკაუტები 23 წლის შემტევს მთელი სეზონია აკვირდებიან და მის გაფორმებას ზაფხულშივე ეცდებიან.
შეგახსენებთ, რომ ლუი ვან გაალის გუნდის გარდა, ფეხბურთელით “ლივერპული” და “ჩელსი” ინტერესდება. მერსესაიდელებმა 18.6 მილიონ ფუნტიანი შეთავაზება გააგზავნეს გერმანიაში, მაგრამ უარი მიიღეს.
მიმდინარე სეზონში, ფირმინომ ბუნდესლიგის 26 მატჩში მიიღო მონაწილეობა, გაიტანა ექვსი, ხოლო შვიდჯერ თანაგუნდელს გაატანინა.
ტურინის “იუვენტუსის” ნახევარმცვემა პოლ პოგბამ აღიარა, რომ ძალიან დაღალა მის მომავალთან დაკავშირებით გაუთავებელმა მითქმა-მოთქმამ და ცდილობს, ამან ასპარეზობაზე კონცენტრირებაში ხელი არ შეუშალოს.
ტურინულ კლუბს არაერთხელ განუცხადებია, რომ პოგბასთან განშორებას არ გეგმავს. მისი შეძენით კი, “მანჩესტერი”, “ჩელსი”, “პსჟ”, “რეალი” და “ბარსელონა” ინტერესდებიან.
“ჩემთვის მთავარი ამოცანა საკუთარ თამაშზე ფოკუსირებაა და მოარული ჭორები ძალიან მიშლის ხელს. შეიძლება ჭკუიდან შევიშალო, იმდენად აუტანელია ეს ყველაფერი. არაერთხელ მითქვამს, რომ მე მაინც ნუ დამისვამთ შეკითხვებს და უმჯობესია, ჩემ აგენტს გაესაუბროთ. მე მხოლოდ თამაში მაინტერესებს და ახლა, იტალიის ჩემპიონატის მოგების გარდა არაფერი მინდა,”-განაცხადა პოგბამ.
კატალონიური კლუბი განიხილავს მცველთა დამატების სხვადასხვა ალტერნატივებს, მიუხედავად იმისა, რომ მათ აკრძალული აქვთ ტრანსფერის განხორციელება.
2016 წლის იანვრამდე კატალონიელებს ტრანსფერის განხორციელების უფლება არ აქვთ, მაგრამ ისინი მომავალი წლისთვის გეგმავენ ბრაზილიელი მცველის, დანილოს გადაბირებას, რომელიც “პორტოში” დიდი ხნით დარჩებას არ აპირებს.
Marca-ს ცნობით, კლუბები ტრანსფერს ზაფხულშივე შეათანხმებენ, მაგრამ დანილო პორტუგალიაში იჯარის წესით 2016 წლამდე ითამაშებს.
გავრცელებული ინფორმაციით, ბრაზილიელი უკანახაზელის სატრანსფერო ღირებულება 25-30 მილიონ ევროს შეადგენს.
