მადრიდის “რეალის” მთავარმა მწვრთნელმა კარლო ანჩელოტიმ განაცხადა, რომ მის გუნდს ამ დრომდე ეტყობა ჟოზე მოურინიოს ხელი.
“კარგად ვიცნობ მოურინიოს მეთოდოლოგიას. მისი მუშაობის სტილი ჩემსას ჰგავს, ის დიდ ყურადღებას უთმობს ბურთით ვარჯიშს.
როდესაც “რეალში” მოვედი, მასზე ცუდი არაფერი გამიგია. არ ვიცი, რა მოხდა მასსა და ფეხბურთელებს შორის. როდესაც ახალი ციკლი დავიწყე, მოუსა და მოთამაშეებს შორის მომხდარი უკვე დავიწყებას იყო მიცემული”, – ციტირებს ანჩელოტის სიტყვებს tribalfootball-ი.
როგორც მოგეხსენებათ, ინგლისის ლიგის თასის ნახევარფინალურ ეტაპზე “ლივერპულსა” და ლონდონის “ჩელსის” შორის გამართული პირველი მატჩი ფრედ, ანგარიშით 1:1 დასრულდა. “პენსიონერთა” მთავარი მწვრთნელი ჟოზე მოურინიო იმედოვნებს, რომ განმეორებით შეხვედრაში მის გუნდს ქომაგები მხარს აქტიურად დაუჭერენ.
“თუ “სტემფორდ ბრიჯზე” იმ ემოციის 25 პროცენტი მაინც იქნება, რაც “ენფილდზე” იყო, შანსი გვექნება. განმეორებით მატჩს “ლივერპულის” ხუთი-ათი ათასი ქომაგი დაესწრება და არა – 40 ათასი”, – ციტირებს მოურინიოს სიტყვებს “მეტრო”.
“ჩელსისა” და “ლივერპულს” შორის განმეორებითი შეხვედრა 27 იანვარს გაიმართება.
“ჩელსის” მწვრთნლ ჟოზე მოურინიოს სტივენ ჯერარდის “ლოს-ანჯელეს გელექსიში” გადასვლა ინგლისური პრემიერ ლიგისთვის სერიოზულ დანაკლისად მიაჩნია.
“ჯერარდის წასვლამ გული დამწყვიტა. სასურველია, რომ საუკეთესო მოთამაშეები პრემიერ ლიგაში რჩებოდნენ. ვთვლი, რომ მას კვლავ შეუძია მაღალ დონეზე წარმატებით თამაში.
შესაძლებელია ჯერარდის ინგლისში დატოვება? კი, თუ მას იჯარის წესით დავიმატებთ” – განაცხადა მოურინიომ.
„ჩელსის“ მთავარმა მწვრთნელმა ჟოზე მოურინიომ წარსული გაიხსენა და განაცხადა, რომ მისი კლუბი 2005 წელს „ლივერპულის“ კაპიტნის სტივენ ჯერარდის შეძენას ცდილობდა.
„ჯერარდის დასამატებლად ყველაფერი გავაკეთეთ და მიზანს თითქმის მივაღწიეთ კიდევ. ცენტრში მაკელელეს, ჯერარდისა და ლამპარდის ტრიოზე ვოცნებობდი. მაშინ ათიანის გარეშე ვთამაშობდით. მაკელელე მცველების წინ მოქმედებდა. მე, ბატონი აბრამოვიჩი და პიტერ კენიონი ამაზე ბევრს ვფიქრობდით.
ჯერარდის წარმომადგენლები ამბობდნენ, რომ მას „ჩელსისნაირ“ გუნდში თამაში უნდოდა, თუმცა მას პირადად ამის შესახებ არ უთქვამს. საბოლოოდ, ტრანსფერი ვერ შედგა, რის გამოც გული დამწყდა. სტივენი ყოველთვის „წითელი“ იქნება. ვფიქრობ, მან სწორი გადაწყვეტილება მიიღო“, – ციტირებს პორტუგალიელს ВВС.
ლონდონის “ჩელსის” მთავარი მწვრთნელი ჟოზე მოურინიო პორტუგალიის ასწლეულის საუკეთესო მწვრთნელია, იუწყება A Bola. აღნიშნული ჯილდო პორტუგალიის ფეხბრთის ფედერაციამ დააწესა.
შეგახსენებთ, რომ პორტუგალიელმა მწვრთნელმა კარიერის განმავლობაში რამდენიმე მნიშვნელოვანი ტიტული მიპოვა. კერძოდ, მოიგო ჩემპიონთა ლიგა “პორტოსთან” და “ინტერთან” ერთად. გარდა ამისა, პორტუგალიურ კლუბთან ერთად მან უეფას თასის და ეროვნული ჩემპიონატიც მოიგო. მადრიდის “რეალის” თავკაცის პოსტზე მოურინიომ ქვეყნის ჩემპიონატტთან ერთად თასის გათამაშებაც მოიგო, ხოლო “ჩელსისთან” პორტუგალიელი ინგლისის ჩემპიონატის ტრიუმფატორი გახდა.
ინგლისის ფეხბურთის ასოციაცია ლონდონის “ჩელსის” მთავარ მწვრთნელ ჟოზე მოურინიოს გადაცდომაში სდებს ბრალს.
კერძოდ, საუბარია 28 დეკემბერს, პრემიერლიგის XIX ტურში “საუთჰემპტონსა” და “ჩელსის” შორის გამართული მატჩის (1:1) შემდეგ მოურინიოს მიერ თქმულ ფრაზაზე. აღნიშნულ შეხვედრაში “პენსიონერთა” ესპანელმა ნახევარმცველმა სესკ ფაბრეგასმა სიმულაციისთვის ყვითელი ბარათი მიიღო, პორტუგალიელმა თავკაცმა კი თქვა, რომ მისი გუნდის წინაარმდეგ კამპანიაა გაჩაღებული.
13 იანვრამდე მოურინიოს აღნიშნულ ბრალდებაზე პასუხის გაცემის უფლება აქვს, რის შემდეგაც საქმის საბოლოო ვერდიქტს გამოიტანენ.
„ჩელსის“ მთავარმა მწვრთნელმა ჟოზე მოურინიომ გამოცდილ ავსტრალიელ მეკარე მარკ შვარცერს მადლობა გადაუხადა.
ცნობისთვის, მიმდინარე სატრანსფერო ფანჯრის დროს მარკი „ლესტერში“ გადადის.
„შვარცერს საჯაროდ მადლობას ვუხდი, იგი „ჩელსის“ ტოვებს. ჩვენი გუნდისთვის იგი ფანტასტიკური ფეხბურთელი იყო. როდესაც მისი დახმარება გვჭირდებოდა, მარკი ყოველთვის გვერდით იყო. გარდა ამისა, იგი ჩინებული ადამიანი და ნამდვილი პროფესიონალია. ფეხბურთელებისა და პერსონალის სახელით, მას „ლესტერში“ ყველაფერ საუკეთესოს ვუსურვებ“, – განუცხადა მოურინიომ „ჩელსის“ ოფიციალურ საიტს.
,,ჩელსის” ვარსკვლავი, ედენ აზარი კლუბის ისტორიაში ყველაზე მაღალანაზღაურებადი ფეხბურთელი გახდა. მედიასთან მიცემულ ინტერვიუში, გუნდის მთავარი მწვრთნელი, ჟოზე მოურინიო ბელგიელ ფეხბურთელზე საუბრობს.
პრესაში გავრცელდა ინფორმაცია, რომ ედენ აზარით დაინტერესებული იყო ,,პსჟ”. ჟოზე მოურინიომ კი გავრცელებული ინფორმაცია უარყო.
,,მე ვფიქრობ, რომ აზარს უყვარს კლუბი. იმედი მაქვს, რომ ის გუნდში დარჩება,” – განაცხადა ლონდონის ,,ჩელსის” მთავარმა მწვრთნელმა.
ყურადღება! აღნიშნული სტატია გამოქვეყნებულია ჩვენი მომხმარებლის მიერ პირდაპირ, რედაქციის ჩარევისა და ჩასწორებების გარეშე.
442oons-მა მორიგი ანიმაცია წარადგინა, რომელშიც ასახულია, თუ როგორ ულოცავს ლონდონის „ჩელსის“ მთავარი მწვრთნელი თავის მეტოქეებს მოახლოებულ დღესასწაულს.
ლონდონის „ჩელსის“ მთავარი მწვრთნელი ჟოზე მოურინიო რამდენიმე ფეხბურთელის მხრიდან სათამაშო დროის ნაკლებობით უკმაყოფილობას გამოეხმაურა.
„ვთვლი, რომ ყოველმა მოთამაშემ მხოლოდ გუნდზე უნდა იფიქროს და ეგოისტი არ იყოს. მსურს, რომ ჩემი გუნდი სწორედ ასეთი იყოს.
ვფიქრობ, მართალია, რომ ბევრი ჩვენი ფეხბურთელი თავისიათამაშო დროით უკმაყოფილოა. საქმე იმაშია, რომ ისინი აუცილებლად კმაყოფილები არ უნდა იყონ, მთავარია, მათ პროფესიონალიზმი გამოავლინონ და მაღალი დონის თამაში აჩვენონ.
ფეხბურთელების გაბედნიერებასთან დაკავშირებით არანაირი საიდუმლო არ მაქვს. შესაძლოა, რამდენიმე საიდუმლო მხოლოდ იმასთან დაკავშირებით მქონდეს, თუ როგორ ვაიძულო მათ გუნდისთვის მაქსიმუმის გაკეთება.
როდესაც შემადგენლობას ვასახელებ, ვიღაც ყოველთვის უკმაყოფილოა. ზოგჯერ ჩემს გადაწყვეტილებას არავის ვუხსნი, თუმცა, ამის შესახებ რომ მთხოვონ, სხვანაირად მოვიქცევი“, – განაცხადა ფეხბურთის პორტუგალიელმა სპეციალისტმა.
ლონდონის „ჩელსის“ მთავარ მწვრთნელს ჟოზე მოურინიოს სურს, რომ მიმდინარე სეზონი მხოლოდ იმ ფეხბურთელებმა დაასრულონ, რომლებიც ამჟამად მისი გუნდის რიგებში ირიცხებიან.
„ჩვენ ყველაზე მრავალკაციანი შემადგენლობა არ გვყავს, თუმცა ამასთანავე კარგი შემსრულებლებით გამოვირჩევით. გვყავს, როგორც ახალგაზრდა, ასევე გამოცდილი ასაკოვანი ფეხბურთელები. ზამთარში არავინ დაგვტოვებს და არც არავინ შემოგვიერთდება“, – განუცხადა პორტუგალიელმა სპეცილიასტმა „Talk Sport“-ს.
ინტერნეტ-სივრცეში გავრცელდა ვიდეო, რომელშიც აღბეჭდილია, თუ როგორ ატყუებს კატალონიის “ბარსელონას” ერთ-ერთ ვარჯიშზე ბრაზილიელი რონალდო ჟოზე მოურინიოს, პეპ გვარდიოლასა და ლუის ენრიკეს.
