ეროვნული ლიგის 31-ე ტურის მატჩი “კოლხეთი”-“შუქურა” გადაიდო. მატჩის დელეგატისა და მსაჯების ცნობით, მასპინძელმა კლუბმა ვერ შეძლო “პარკი არენას” მატჩისთვის მომზადება.
საქართველოს ფეხბურთის ფედერაციის საშეჯიბრო განყოფილების გადაწყვეტილებით, საკითხი განსახილველად გადაეცემა სფფ-ის სადისციპლინო კომიტეტს, რომელიც დღეს საგანგებო სხდომას გამართავს.
საქართველოს ფეხბურთის ფედერაციის პრესსამსახური.
დღეს ეროვნული ლიგის 27-ე ტურის შეხვედრები იმართება.
სამტრედიაში, “ეროსი მანჯგალაძეზე” ფოთის “კოლხეთმა” ბათუმის “დინამო” მიიღო. ანგარიში 28-ე წუთზე ოთარ მარცვალაძემ გახსნა. ზუსტად ოთხ წუთში კვასოვმა ორამდე გაზარდა აჭარელთა უპირატესობა.
მეორე ნახევარში “კოლხეთი” ბევრს ეცადა, გოლი მაინც გაექვითა, თუმცა – უშედეგოდ.
საბოლოოდ, “დინამომ” ანგარიშით, 2:0 იმარჯვა. მას ახლა 29 ქულა აქვს და მეშვიდე ადგილზეა. “კოლხეთი” 19-ით მეცხრეზეა.
დღეს ეროვნული ლიგის 25-ე ტურის სადებიუტო შეხვედრაში “რაგბი არენაზე” ფოთის “კოლხეთი” სამტრედიის “სამტრედიას” დაუპირისპირდა.
სტუმართა უპირატესობით მიმდინარე შეხვედრაში ანგარიში იმერლბემა გახსნეს: მე-12 წუთზე გურამ სამუშიამ გამოიჩინა თავი.
მეორე ნახევარში, 54-ე წუთზე უკვე გიორგი მჭედლიშვილმა ორამდე გაზარდა სხვაობა. “სამტრედიელებმა” მესამე გოლი 67-ე წუთზე გაიტანეს. ამის გაკეთება ლეგიონერმა, ანტე გიიმ მოახერხა. სამ წუთში “კოლხეთიდან” სხვაობის შემცირება გიორგი ბუხაიძემ მოახერხა.
საბოლოოდ, შეხვედრა ანგარიშით, 1-3 დასრულდა.
ამ მარცხის შემდეგ ფოთურ კლუბს 19 ქულა აქვს და ბოლოს წინა ადგილზეა. ხოლო, გია ცეცაძის შეგირდებს 48 ქულა დაუგროვდათ და მესამე ადგილზე არიან.
დღეს ეროვნული ლიგის მეთხუთმეტე ტურის სადებიუტო შეხვედრა სამტრედიაში, “ეროსი მანჯგალაძეზე” გაიმართა. ერთმანეთს ჩემპიონატის მეცხრე- და მეშვიდეადგილოსნები, შესაბამისად, ფოთის “კოლხეთი” და გორის “დილა” დაუპირისპირდნენ.
მატჩი დაძაბული გამოდგა. უპირატესობა “დილას” ჰქონდა, თუმცა “კოლხეთმაც” შექმნა რამდენიმე მომენტი. საბოლოოდ, დაპირისპირება უგოლოდ დასრულდა.
ამ ფრის შემდეგ მეგრელებს 15 ქულა აქვთ და მეცხრე ადგილზე არიან. “დილა” 19 ქულით მეშვიდე პოზიციაზეა.
დღეს უმაღლესი ლიგის წითელი ჯგუფის მე-12 ტურის შეხვედრები გაიმართა.
ერთ-ერთ მატჩში ჯგუფის პირველ- და მეორეადგილოსანი “სამტრედია” და “კოლხეთი” ერთმანეთს დაუპირისპირდნენ. მატჩი “ჩელე არენაზე” ჩატარდა.
პირველივე წუთიდან “სამტრედია” დომინირებდა, თუმცა ფოთელებმაც შექმნეს რამდენიმე მომენტი. ანგარიშის გახსნა 25-ე წუთზე იმერელთა თავდამსხმელმა, ბუდუ ზივზივაძემ მოახერხა. ზუსტად16 წუთში იმავე ფეხბურთელმა დუბლი შეასრულა და “სამტრედიას” უპირატესობა ორამდე გაზარდა. “კოლხეთს” მეორე ჭრილობა ვერ მოეშუშებინა, როცა ზივზივაძის გოლიდან 2 წუთში რაჟამაშვილმა თებიძის კარის ბადე შეარხია და იმერულ კლუბს ძალიან დიდი უპირატესობა მოუპოვა.
მეორე ნახევარში “კოლხეთმა” ერთი გოლის გაქვითვა შეძლო – 53-ე წუთზე ლუკავამ თერთმეტმეტრიანი გამოიყენა.
მეტი საინტერესო აღარაფერი მომხდარა და მატჩიც, ანაგრიშით, 1-3 დასრულდა.
საგულისხმოა, რომ ამ გამარჯვებით “სამტრედიამ” ფოთურ გუნდს 6 ქულით გაუსწრო და საჩემპიონო პლეი-ოფში თამაში გაინაღდა.
შესაბამისად, საქართველოს ჩემპიონობისთვის ერთმანეთს “ჩიხურა” და “სამტრედია” დაუპირისპირდებიან.
დღეს უმაღლესი ლიგის შეხვედრები გაიმართა.
წითელი ჯგუფის მატჩში სამტრედიის “სამტრედია” საკუთარ მოედანზე ფოთის “კოლხეთს” დაუპირისპირდა. ანგარიშის გახსნა მასპინძელთა მოთამაშემ, ბუდუ ზივზივაძემ 24-ე წუთზე შეძლო. პირველ ტაიმში აღარაფერი შეცვლილა.
მეორე ნახევარშიც ერთი გოლი გავიდა; “სამტრედიას” კაპიტანმა, გიორგი დათუნაიშვილმა ორამდე გაზარდა ანგარიში. საბოლოოდ, მასპინძლებმა მეგრულ გუნდზე 2:0 იმარჯვეს.
ამ მოგებით იმერულმა კლუბმა 8 ქულა მოაგროვა და მეოთხე ადგილზე იმყოფება. რაც შეეხება “კოლხეთს”, ფოთელები 9 ქულით მესამე ადგილზე არიან.
დღეს საფეხბურთო კლუბი „კოლხეთი“ ფოთში შეიკრიბა და ახალი სეზონისთვის მზადება დაიწყო.
როგორც კლუბის „ფეისბუქის“ გვერდი იტყობინება, ივლისში ფოთელები რამდენიმე ამხანაგურ მატჩს გეგმავენ – 12 ივლისს ურეკში „კოლხეთი“ ოზურგეთს „მერცხალს შეხვდება, 16 ივლისს ქობულეთში აზდგილობრივ „შუქურას“ დაუპირისპირდება, 22 ივლისს კი „საპოვნელას“ უმაპინძლებენ“.
23 ივლისიდან ფოთელები თურქეთში გაემგზავრებიუან, სადაც ასევე რამდენიმე ამხანაგურ მატჩს გამართავენ.
როგორც გაირკვა, უეფა-ს ჩემპიონთა ლიგის, ევროპის ლიგისა და უეფა-ს სუპერთასს სამ ივლისს ქალაქ ფოთში ჩაიტანენ.
აღსანიშნავია, რომ ქალაქის თეატრის მიმდებარე ტერიტორიაზე ევროპის პრესტიჟული საკლუბო ტურნირების თასების ნახვა ნებისმიერი მსურველისთვის იქნება შესაძლებელი.
აქამდე არსებული ინფორმაციით, თასები სამეგრელოში 17:00 საათზე უნდა ჩაეტანათ, თუმცა ცოტა ხნის წინ მხარეებმა გეგმები შეცვალეს და დათქმული დროის ნაცვლად, თასებს 13:00 საათზე ჩაიტანენ.
