“მილანის” ხელმძღვანელობამ გუნდის მთავარ მწვრთნელ ჯენარო გატუზოს ულტიმატუმი წაუყენა. “კორიერე დელო სპორტის” თანახმად, იტალიელი სპეციალისტის ბედი “როსონერის” უახლოეს ორ მატჩზე იქნება დამოკიდებული. ცნობისთვის, “მილანი” დამდეგ შეხვედრებს “ფროზინონესა” და სპალ-ის წინააღმდეგ გამართავს.
იტალიურ პრესაში ჯენარო გატუზოს შესაძლო შემცვლელების ვინაობასაც ასახელებენ: ფრანჩესკო გვიდოლინი და არსენ ვენგერი.
“მილანს” იტალიის სერია А-ს მე-17 ტურის შემდეგ სატურნირო ცხრილში მეხუთე ადგილი უკავია.
ცნობილი ესპანელი სპეციალისტი კიკე სანჩეს ფლორესი ჩინური “შახაი შენჰუას” მთავარი მწვრთნელის პოსტზე დაინიშნა. მხარეებს შორის გაფორმებული კონტრაქტის დეტალებზე ინფორმაცია უახლოეს პერიოდში გასაჯაროვდება. ჩინეთში 53 წლის ესპანელმა მწვრთნელმა ხუთი თანაშემწე გაიყოლა.
კიკე სანჩეს ფლორესი მეტწილად “ვალენსიაში”, “ბენფიკაში”, მადრიდის “ატლეტიკოსა” და “უოტფორდში” მუშაობით არის ცნობილი. ბოლოს ის “ესპანიოლს” თავკაცობდა, საიდანაც აპრილის თვეში გაათავისუფლეს.
“შანხაი შენჰუამ” ჩინეთის სუპერლიგის ბოლო გათამაშება მეშვიდე პოზიციაზე დაასრულა. გუნდში ყველაზე ცნობილ ფეხბურთელებად ფრედი გუარინი და დემბა ბა ითვლებიან.
“ლივერპულისა” და მადრიდის “რეალის” ყოფილი ფეხბურთელები მომავალი წლის გაზაფხულზე საქველმოქმედო მატჩს ჩაატარებენ.
მერსისაიდული გუნდის მხრიდან შეხვედრაში მონაწილე ყველა მოთამაშის ვინაობა ცნობილია: იან რაში, ჯონ არნე რიისე, გარი მაკალისტერი, მაიკლ ოეუნი, იერჟი დუდეკი, ჯეიმი კარაგერი, ლუის გარსია, პატრიკ ბერგერი, სალიფ დიაო, ჯეისონ მაკეტირი, ვლადიმირ შმიცერი, დევიდ ტომპსონი, სანდერ ვესტერველდი, დიტმარ ჰამანი, ჯონ ოლდრიჯი, ფილ ბები, სტეფან ანშო, დანიელ აგერი, რობი ფაულერი.
“რეალის” მხრიდან მატჩში მონაწილე ფეხბურთელთა მხოლოდ მცირე ნაწილის ვინაობაა ცნობილი: რობერტო კარლოსი, ლუიშ ფიგუ, ემილიო ბუტრაგენიო და სტივენ მაკმანამანი.
შეხვედრა 2017 წლის 25 მარტს, “ენფილდზე” ჩატარდება.
მადრიდის “რეალის” ლიდერ კრიშტიანუ რონალდუს დედამ – დოლორეს ავეირომ სოციალურ ქსელში შვილიშვილთან ერთად გადაღებული ფოტოსურათი გამოაქვეყნა.
ფოტოზე პატარა კრიშტიანუ საფრანგეთის ნაკრების 7-ნომრიანი მაისურით არის აღბეჭდილი. როგორც ცნობილია, “მამალთა” რიგებში მე-7 ნომრით მადრიდის “ატლეტიკოს” თავდამსხმელი ანტუან გრიზმანი თამაშობს, რომელიც ფიფას წლის საუკეთესო ფეხბურთელის ჯილდოზე რონალდუს კონკურენტია.
კამერუნელმა თავდამსხმელმა სამუელ ეტოომ “მანჩესტერ იუნაიტედის” მთავარი მწვრთნელის, ჟოზე მოურინიოს შესახებ ისაუბრა. შეგახსენებთ, რომ ფეხბურთის პორტუგალიელი სპეციალისტი ეტოოს მილანის “ინტერსა” და ლონდონის “ჩელსიში” მუშაობის პერიოდში თავკაცობდა.
“როდესაც “ინტერში” მივედი, მოურინიოს სახით გამორჩეული მწვრთნელი აღმოვაჩინე, მაგრამ “ჩელსიში” მასზე ცოტა განსხვავებული შთაბეჭდილება შემექმნა. მან კლუბის ასაღორძინებლად სამი წელი ითხოვა, მაგრამ იგი თავკაცობდა გუნდს, რომელსაც ფეხბურთის თამაში უნდა დაეწყო და არა გამუდმებით დაცვაში მდგარიყო. ეს არ არის ფეხბურთი.
მოურინიოს საწინააღმდეგო არაფერი მაქვს. მას საკუთარი ფეხცბურთელების მოტივირება კარგად შეუძლია, მაგრამ ფეხბურთი განვითარდა”, – ციტირებს ეტოოს სიტყვებს A bola.
რამდენიმე დღის წინ კამერუნელმა ფეხბურთელმა მსოფლიოს საუკეთესო სპეციალისტად ხოსეპ გვარდიოლა დაასახელა, რომელთან ერთადაც “ბარსელონაში” მუშაობდა.
მიუნხენის “ბაიერნის” აღმასრულებელმა დირექტორმა კარლ-ჰაინც რუმენიგემ გუნდის მთავარი მწვრთნელის პოსტზე ხოსეპ გვარდიოლას მუშაობა შეაფასა. შეგახსენებთ, რომ ფეხბურთის ესპანელმა სპეციალისტმა ბავარიული გუნდი ზაფხულში დატოვა და “მანჩესტერ სიტის” მიაშურა.
“ბაიერნს” არასდროს უთამაშია იმაზე უკეთ, ვიდრე გვარდიოლას თავკაცობის პერიოდში თამაშობდა. ჩვენი გუნდი ყოველთვის იყო წარმატებული, მაგრამ ასე ლამაზად იშვიათად თუ მოქმედებდა. პეპის ხელმძღვანელობისას გუნდი უეცრად დაიმუხტა, თითქოს ტრანსში შევედით. მან კარგი მემკვიდრეობა დატოვა”, – ციტირებს რუმენიგეს სიტყვებს გამოცემა Die Welt am Sonntag.
ესპანეთის პრიმერადივიზიონის მე-14 ტურში “ბარსელონასა” და მადრიდის “რეალს” შორის გამართული მატჩის (1:1) მიმდინარეობისას კრიშტიანუ რონალდუმ და ლიონელ მესიმ ერთმანეთთან ორიოდ სიტყვა გაცვალეს.
Canal Futbolista-ს ცნობით, ერთ-ერთ ეპიზოდში პორტუგალიელმა ფეხბურთელმა სკაუთარ საჯარიმოში მესი პერსონალურად აიყვანა და მათ შორის მეგობრული დიალოგიც შედგა.
რონალდუ: “რა ხდება?”
მესი: “მშვიდობაა”.
ინგლისის პრემიერლიგის მე-14 ტურში “ვესტ ჰემ იუნაიტედსა” და ლონდონის “არსენალს” შორის გამართული მატჩის (1:5) შემდეგ საინტერესო რამ მოხდა.
ჩემპიონშიფის ოფიციალურ გვერდზე შემდეგი შეტყობინება გამოქვეყნდა:
“ჩვენც მოგვენატრეთ, “ვესტ ჰემის” ფანებო”.
აღსანიშნავია, რომ “ვესტ ჰემს” პრემიერლიგის სატურნირო ცხრილში მე-17 ადგილი უკავია და გასავარდ ზონას მხოლოდ ერთი ქულა აშორებს.
We’ve missed you too, @WestHamUtd fans.
????
— Sky Bet Championship (@SkyBetChamp) 3 December 2016
