არგენტინის პრიმერა დივიზიონში, “არსენალსა” და “გიმნაზია ლა პლატას” შორის გამართული შეხვედრა გუნდური ჩხუბით დასრულდა.
მატჩში პირველი გოლი, “არსენალმა” მე-18 წუთზე გაიტანა, ხოლო მეტოქემ ანგარიში 63-ე წუთზე გაათანაბრა. თამაშის ბოლოს, “გიმნაზია ლა პლატას” ფეხბურთელები დროის გაყვანას ცდილობდნენ, რამაც “არსენალის” მოთამაშეები გააღიზიანა და მოედანზე სიტუაცია დაიძაბა.
ლონდონის “არსენალის” თავდამსხმელი, ოლივიე ჟირუ აცხადებს, რომ “მეთოფეები” “კრისტალ პალასთან” გასამართ შეხვედრას დიდ ყურადღებას უთმობენ.
შეგახსენებთ, რომ “კრისტალ პალასსა” და “არსენალს” შორის მატჩი 26 ოქტომბერს, თბილისის დროით 15:45 საათზე დაიწყება.
“კრისტალ პალასს” ბევრი პრობლემა ჰქონდა, ამიტომ ეს გუნდი შეეცდება, რომ საკუთარ მოედანზე ბოლომდე დაიხარჯოს და სასურველ შედეგს მიაღწიოს. მიუხედავად იმისა, რომ ჩვენი მეტოქე მე-19 ადგილზე იმყოფება, მატჩს დიდ ყურადღებას ვუთმობთ. რა თქმა უნდა, ჩვენი მიზანი სამი ქულის მოპოვებაა. “ბორუსიასთან” განცდილი მარცხი მომავალ შეხვედრაში გამარჯვებით უნდა დავივიწყოთ”, – ამბობს ჟირუ.
დიტო ჭიჭინაძე
22 ოქტომბერს, ჩემპიონთა ლიგის გათამაშებაში მომდევნო ტურის მატჩები გაიმართა. F ჯგუფში, ლონდონის “არსენალმა” საკუთარ მოედანზე დორტმუნდის “ბორუსია” მიიღო.
ანგარიში მე-16 წუთზე გაიხსნა, დორტმუნდელთა სომეხმა ლეგიონერმა, ჰენრიხ მხითარიანმა “არსენალის” კარი ზუსტი დარტყმით აიღო.
“არსენალმა” ანგარიშის გათანაბრება პირველი ტაიმის დასრულებამდე, ოთხი წუთით ადრე მოახერხა – “ბორუსიას” კარში გოლი ოლივიე ჟირუმ გაიტანა.
შეხვედრის საბოლოო შედეგი 82-ე წუთზე დაფიქსირდა, როდესაც გროსკოიცის ჩაწოდების შემდეგ, დორტმუნდელთა პოლონელმა თავდამსხმელმა, რობერტ ლევანდოვსკიმ მეტოქის კარი დალაშქრა.
“არსენალი” – “ბორუსია” 1:2
“ემირეითს სტედიუმი”, 60011 მაყურებელი
“არსენალი”: შჩესნი, მერტესაკერი, სანია, გიბსი, კოშელნი, როსიცკი (გრანბრი 89′), იოზილი, არტეტა, უილშირი (კასორლა 58′), რემსი (ბენდტნერი 86′), ჟირუ.
მთავარი მწვრთნელი: არსენ ვენგერი.
“ბორუსია”: ვაიდენფელერი, ჰუმელსი, სუბოტიჩი, შმელცერი, შაჰინი, ბლაშიკოვსკი (აუბამეიანგი 66′), ბენდერი, მხითარიანი (ჰოფმანი 66′), როისი (პაპასტატოპულოსი 87′), გროსკოიცი, ლევანდოვსკი.
მთავარი მწვრთნელი: იურგენ კლოპი.
გოლები: ჟირუ 41′ – მხითარიანი 16′, ლევანდოვსკი 82′.
გაფრთხილებები: როსიცკი 51′, იოზილი 85′ – ჰუმელსი 22′, ლევანდოვსკი 64′, ბენდერი 70′.
მთავარი მსაჯი: იონას ერიქსონი.
დიტო ჭიჭინაძე
როგორც ყველასათვისაა ცნობილი, ლონდონის “არსენალის” გერმანელ ნახევარმცველს, მესუთ იოზილს საღეჭი ღეზინის “აკენწვლა” მოსწონს. ამჯერად, მადრიდის “რეალის” ყოფილმა ფეხბურთელმა გულშემატკივრები “ნორვიჩთან” მატჩის დაწყების წინ გაახალისა.
19 ოქტომბერს, ინგლისის პრემიერ ლიგის მერვე ტურში, ლონდონის “არსენალმა” საკუთარ მოედანზე “ნორვიჩი” მიიღო. შეხვედრაში ანგარიში “მეთოფეთა” ნახევარმცველმა, ჯეკ უილშირმა გახსნა, გოლი კი მართლაც ლამაზი კომბინაციის შემდეგ გავიდა.
ლონდონის „არსენალის“ ახალწვეული მესუთ იოზილი ნელ-ნელა ახალ გარემოს ეჩვევა.
ახალ კლუბში მას საქმეები საკმაოდ კარგად მისდის. ყველაფერთან ერთად, პრობლემები მესუთს არც მოედნის გარეთ აქვს. როგორც ცნობილი გახდა, გერმანიის ნაკრების წევრმა წითელი „ფერარი 458“-ის სანაცვლოდ 400 ათასი ფუნტი გადაიხადა, რის შესახებაც ცნობას Sulia ავრცელებს.
აქვე გთავაზობთ იოზილის ახალი ავტომანქანის სურათს.
ალექსანდრე მატევოსოვი
ლონდონის „არსენალის“ ნახევარმცველმა ჯეკ უილშირმა, რომელიც ფოტოზე იმ ეპიზოდში აღბეჭდეს, როცა ის სიგარეტს ეწეოდა, აღიარა, რომ შეცდომა დაუშვა. ინგლისელმა ფეხბურთელმა პირობა დადო, რომ სიგარეტს აღარ გაეკარება. აღნიშნული ფაქტი ჩემპიონთა ლიგის ჯგუფურ ეტაპზე, „ნაპოლის“ წინააღმდეგ გამართული მატჩის (2:0) შემდეგ მოხდა, როდესაც პაპარაცებმა უილშირი დილის ოთხ საათზე, ღამის კლუბთან დააფიქსირეს. ფაქტს „მეთოფეთა“ მთავარი მწვრთნელი არსენ ვენგერიც გამოეხმაურა, რომელმაც მკაცრად დაგმო ინგლისელი ფეხბურთელის საქციელი.
„შეცდომა დავუშვი. ასეთი რამ ხანდახან ხდება ხოლმე. მეტს აღარ მოვწევ. მწვრთნელს ვესაუბრე, მან მთხოვა, რომ ყველაფერი ამეხსნა. ყველაფერი გავარკვიეთ და მომდევნო მატჩში მან ძირითად შემადგენლობაში გამამწესა. იმედი მაქვს, ის ამ ინციდენტს დაივიწყებს. იმ დღეს უკანასკნელად მოვწიე“, – უილშირის სიტყვები „გარდიანმა“ გამოაქვეყნა.
ბექა დოგრაშვილი
მადრიდის “რეალის” ნახევარმცველი, სამი ხედირა აცხადებს, რომ მისი თანამემამულე მესუთ იოზილი ლონდონის “არსენალს” ინგლისში საუკეთეოს გუნდად აქცევს.
“რა თქმა უნდა, “არსენალი” ისედაც კარგი გუნდია, მაგრამ მესუთი “მეთოფეებს” ინგლისში საუკეთესოდ აქცევს. დარწმუნებული ვარ, რომ იოზილი არის ის ფეხბურთელი, რომელსაც შეუძლია გუნდს ნებისმიერი მატჩი ან ჩემპიონატი მოაგებინოს. ის გენიოსია, მეტს ვერაფერს ვიტყვი”, – ამბობს ხედირა.
მომდევნო სამი კვირის განმავლობაში, ბაკარი სანია თავისი გუნდის დახმარებას ვერ მოახერხებს, რადგან მას ბარძაყის კუნთის დაჭიმულობა აღენიშნება.
მიუხედავად იმისა, რომ “მეთოფეთა” ფრანგმა მცველმა უეფას ჩემპიონთა ლიგის ჯგუფური ეტაპის მეორე ტურში, “ნაპოლის” წინააღმდეგ მატჩის სრულად ჩატარება შეძლო, მაგრამ ის გარკვეული სახის დაზიანებას მაინც ვერ გადაურჩა.
ამრიგად, სანია ინგლისის პრემიერ ლიგის მატჩებს “ვესტ ბრომვიჩის”, “ნორვიჩისა” და “კრისტალ პალასის” წინააღმდეგ გამოტოვებს. ასევე, ის “არსენალს” ჩემპიონთა ლიგაზე, დორტმუნდის “ბორუსიასთანაც” დააკლდება.
სანდრო საპანაძე
ლონდონური კლუბის ხელმძღვანელობას ფრანგ სპეციალისტთან თანამშრომლობის გაგრძელება სურს.
მოგეხსენებათ, ინგლისის პრემიერ ლიგაში გავლილი ექვსი ტურის შემდეგ, არსენ ვენგერის შეგირდები ცხრილის სათავეში იმყოფებიან. უეფას ჩემპიონთა ლიგის F ჯგუფში, კი მათ პირველი ადგილი უკავიათ.
როგორც Daily Mirror და Daily Mail იტყობინებიან, “მეთოფეთა” ხელმძღვანელობა კლუბის ამჟამინდელ მთავარ მწვრთნელს სამწლიან კონტრაქტს შესთავაზებს, რომელიც წელიწადში რვა მილიონ ფუნტ სტერლინგიან ანაზღაურებას ითვალისწინებს.
აღსანიშნავია, რომ ბრიტანელები ვენგერს ახლანდელ ხელფასთან შედარებით, ნახევარი მილიონით გაზრდილ თანხას სთავაზობენ. ამრიგად, 2016 წელს ფრანგი “არსენალის” 20 წლიან თავკაცობას აღნიშნავს.
სანდრო საპანაძე
გთავაზობთ “არსენალისა” და “ნაპოლის” სასტარტო შემადგენლობებს.
“არსენალი”: შცესნი, მერტეზაკერი, სანია, გიბსი, კოშელნი, როსიცკი, იოზილი, არტეტა, ფლამინი, რემზი, ჟირუ.
“ნაპოლი”: პეპე რეინა, ალბიოლი, ბრიტოსი, ბეჰრამი, მესტო, სუნიგა, ინლერი, ჰამშიკი, პანდევი, კალეხონი, ინსინიე.
ინტერნეტ-სივრცეში ვიდეო გავრცელდა, რომელშიც აღბეჭდილია, თუ როგორ ათავსებს ზუსტად ზედიზედ სამ ბურთს ჯეკ უილშირი ნაგვის ურნებში.
