მადრიდის „რეალის“ ნახევარმცველი გარეთ ბეილი უელსის ნაკრების შემადგენლობაში მიღებული ტრავმის გამო, დიდი ალბათობით, „ლივერპულთან“ უეფა-ს ჩემპიონთა ლიგის ჯგუფური ეტაპის ემსამე ტურის მატჩს გამოტოვებს.
გარდა ამისა, შესაძლოა, გარეთმა ვერც კატალონიის „ბარსელონასთან“ პრინციპულ შეხვედრაში ითამაშოს, რომელიც 25 ოქტომბერს გაიმართება.
„რეალმა“ მოთამაშის ტრავმა უკვე დაადასტურა, თუმცა მისი გამოჯანმრთელების ვადის შესახებ ამჟამად ცნობილი არაფერია.
Panamá Legends Cup-ის ეგიდით, მადრიდის “რეალისა” და “ბარსელონას” ლეგენდების მატჩი გაიმართება.
შეხვედრა 11 ოქტომბერს, პანამაში შედგება.
უკვე ცნობილია, რომ აღნიშნულ მატჩში მონაწილეობას მიიღებენ რივალდო, ლუიშ ფიგუ, ფაბიო კანავარო, კრისტიან კარამბე, პატრიკ კლუივერტი, ედგარ დავიდსი და სხვა ცნობილი ფეხბურთელები.
“ბარსელონას” მთავარმა მწვრთნელმა ლუის ენრიკემ დაადასტურა ინფორმაცია, რომ ლუის სუარესს ხვალ კატალონიური გუნდის შემადგენლობაში დებიუტი ექნება. ურუგვაელი ფეხბურთელი გამპერის თასის ამხანაგურ ტურნირზე “ლეონთან” გასამართ მატჩში ითამაშებს.
“სუარესმა ბოლო ორ ვარჯიშზე საკმაოდ კარგი შთაბეჭდილება დამიტოვა, მაღალი დონის ფეხბურთელია. ხვალ ლუისი გარკვეული ხნით ითამაშებს. რაც შეეხება მის დისკვალიფიკაციას, საკმარისად ძლიერი გუნდი მყავს, რომ მის გარეშეც ვიბრძოლოთ”, – ციტირებს ლუის ენრიკეს სიტყვებს sport.es.
“ბარსელონასა” და “ლეონს” შორის გასამართი მატჩი ხვალ, თბილისის დრით 22:30 საათზე დაიწყება.
“ბარსელონას” მეკარე მარკ-ანდრე ტერ შტეგენი ხერხემლის მცირე მოტეხილობის გამო ორ-სამ კვირას გამოტოვებს.
ორშაბათის ვარჯიშზე გერმანელმა კიპერმა ზურგის არეში დარტყმა მიიღო და ბოლო რამდენიმე დღის განმავლობაში სხეულის აღნიშნულ ნაწილს იტკიებდა. ფეხბურთელმა სამედიცინო გამოკვლევა ჩაიტარა, რამაც ხერხემლის მცირე მოტეხილობა აჩვენა.
ტრავმის გამო, ტერ შტეგენი ესპანეთის ჩემპიონატის სტარტს გამოტოვებს. პრიმერადივიზიონი 23 აგვისტოს იწყება.
შეგახსენებთ, რომ 22 წლის მეკარემ გასული სეზონი მიუნხენგლადბახის “ბორუსიაში” გაატარა. ტერ შტეგენმა ბუნდესლიგის გასულ გათამაშებაში 34-ივე მატჩი ჩაატარა და 43 გოლი გაუშვა.
როგორც მოგეხსენებათ, გუშინ სპორტის საერთაშორისო საარბიტრაჟო სასამართლომ ლუის სუარესის საქმეზე გადაწყვეტილება გამოიტანა, რომლის მიხედვითაც, ფეხბურთელს დისკვალიფიკაცია შეუნარჩუნდა, თუმცა “ბარსელონასთან” ერთად ვარჯიშის უფლება მიიღო.
ურუგვაელმა ფეხბურთელმა კატალონიური გუნდის ბაზაზე დღეს პირველი ვარჯიში ჩაატარა.
გთავაზობთ ფაქტის ამსახველ ფოტომასალას.
“ბარსელონას” შემტევი ჟერარ დეულოფეუ კარიერას “სევილიაში” გააგრძელებს.
20 წლის ფეხბურთელი ანდალუსიურ კლუბში სამედიცინო შემოწმებას ორშაბათს გაივლის, რის შემდეგაც კონტრაქტს ხელს მოაწერს და ოფიციალურად გახდება გუნდის ფეხბურთელი.
დეულოფეუ “სევილიაში” იჯარის წესით თამაშებს. ანდალუსიელებს ფეხბურთელის სრულად გამოსყიდვის უფლება არ მიენიჭებათ.
დეულოფეუმ გასული სეზონი აგრეთვე იჯარის წესით ლივერპულის “ევერტონში” გაატარა. ინგლისის პრემიერლიგაში ესპანელმა ფეხბურთელმა 25 მატჩი ჩაატარა და 3 გოლი გაიტანა.
“ბარსელონამ” ახალი სეზონისთვის ახალი კაპიტანი აირჩია. გუნდის კაპიტნის სამკლავურს ჩავი ერნანდესი მოირგებს.
ვიცე-კაპიტანი ანდრეს ინიესტა იქნება, მესამე კაპიტანი – ლიონელ მესი, მეოთხე კი – სერხიო ბუსკეტსი.
შეგახსენებთ, რომ ბოლო ექვსი წლის განმავლობაში ჩავი გუნდის ვიცე-კაპიტანი იყო და საჭიროების შემთხვევაში, კარლეს პუიოლს ცვლიდა, რომელმაც გასული სეზონის ბოლოს კარიერა დაასრულდა.
მიმდინარე წლის მაისის თვეში კარლეს პუიოლმა 15-წლიანი კარიერის შემდეგ ბუცების ლურსმანზე ჩამოკიდვა გადაწყვიტა. შესაბამისად, “ბარსელონას” 5-ნომრიანი მაისური ვაკანტური გახდა.
კატალონიური გუნდის 5-ნომრიან ფორმასთან დაკავშირებით გადაწყვეტილება პირადად პუიოლმა მიიღო. ამიერიდან “ბარსელონაში” ამ ნომრით სერხიო ბუსკეტსი ითამაშებს.
“ჩემთვის დიდი პატივია მეხუთე ნომრის ტარება. ვამაყობ, რომ პუიოლმა ამ ნომრის ღირსად მე ჩამთვალა”, – ციტირებს ბუსკეტსის სიტყვებს კატალონიური გუნდის ოფიციალური ვებგვერდი.
“ეჭვიც არ მეპარება, რომ მეხუთე ნომერი საიმედო ხელში გადადის. დარწმუნებული ვარ, სერხიო იზრუნებს მასზე”, – აღნიშნულ ფაქტს სოციალური ქსელის მეშვეობით გამოეხმაურა პუიოლი.
ესპანელმა კიპერმა ვიქტორ ვალდესმა „მონაკოში“ სამედიცინო შემოწმება წარმატებით ვერ გაიარა. ფეხბურთელი “თეთრ-წითლების“ რიგებში არ ითამაშებს. ამის შესახებ „მონაკოს“ ვიცე-პრეზიდენტმა ვადიმ ვასილიევმა განაცხადა.
„ვალდესი ტრავმირებულია, ის „მონაკოში“ ვერ გადმოვა“, – აღნიშნა ვასილიევმა.
შეგახსენებთ, რომ ვიქტორ ვალდესმა მიმდინარე წლის მარტში მუხლის სერიოზული ტრავმა მიიღო, რის გამოც მსოფლიოს ჩემპიონატის გამოტოვებაც მოუხდა.
ვალდესი თავისუფალი აგნეტის სტატუსით სარგებლობს, ამიტომ მის ასაყვანად კლუბებს თანხის გადახდა არ მოუწევთ.
„ბარსელონამ“ „ლივერპულს“ ლუის სუარესის შესაძლო ტრანსფერთან დაკავშირებით მიმართა.
კატალონიური გუნდი მზად არის, ურუგვაელი თავდამსხმელის სანაცვლოდ 72 მილიონი ფუნტ სტერლინგი გაიღოს. არის მეორე ვარიანტიც: გარიგებაში ალექსის სანჩესის ჩართვა, თუმცა თავად ჩილელ ფეხბურთელს „ენფილდზე“ გადასვლა არ სურს. აქედან გამომდინარე, „ბარსას“ მიერ ტრანსფერის გაჩარხვს უფრო რეალური ვარიანტი მხოლოდ ფულადი საშუალებით გადახდაა. „ენფილდროუდელები“ სუარესის სანაცვლოდ 80 მილიონ ფუნტს ითხოვენ.
გავრცელებული ინფორმაციის თანახმად, კლუბების წარმომადგენლები ოთხშაბათს, ლონდონში შეხვდნენ. თუ ბრიტანელ ჟურნალისტებს დავუჯერებთ, შეხვედრამ ნაყოფიერად ჩაიარა.
ინტერნეტ-სივრცეში კი უკვე გამოჩნდა კომპიუტერული პროგრამით დამუშავები ფოტო, რომელზედაც სუარესი „ბარსელონას“ მაისურით არის გამოსახული.
ესპანეთის ნაკრების ნახევარმცველმა ჩავი ერნანდესმა განაცხადა, რომ მისი გუნდი შემტევი სტილის შეცვლას არ აპირებს. ჩავიმ ლონდონის „ჩელსიში“ დღეს გადასულ ფრანჩესკ ფაბრეგასთან გასაუბრებაც მოასწრო.
„ესპანეთის ნაკრები ითამაშებს ისე, როგორც აქამდე თამაშობდა. გავიმარჯვებთ ან დავიხოცებით ჩვენი სათამაშო სტილით.
რაც შეეხება ფაბრეგასს, ის კმაყოფილია. ეს „ბარსელონასთვის“, რა თქმა უნდა, დიდი დანაკლისია, თუმცა ვიცი, რომ მას ამ ნაბიჯის გადადგმა სურდა“, – ჩავის სიტყვები „დეილი მეილმა„ გამოაქვეყნა.
„ბარსელონას“ მთავარ მწვრთნელ ლუის ენრიკეს დღეს დილით მწვავე აპენდიციტის დიაგნოზი დაუსვეს და ბარსელონას ერთ-ერთ კლინიკაში მოათავსეს. აპენდიციტი ბრმა ნაწლავის დანამატის – ჭიანაწლავის ანთებაა.
ფეხბურთის ესპანელმა სპეციალისტმა გადაუდებელი ოპერაცია უკვე გაიკეთას.
ლუის ენრიკეს ჭიანაწლავი ამოკვეთეს, ქირურგიულმა ჩარევამ წარმატებით ჩაიარა. პაციენტს საავადმყოფოდან უახლოეს დღეებში გამოწერენ, თუმცა აღდგენითი პროცესი როდის დასრულდება, ეს უცნობია.
აღსანიშნავია, რომ „ბარსელონა“ ახალი სეზონისთვის მზადებას 14 ივლისს იწყებს და აღნიშნულ დღემდე ლუის ენრიკემ სრულად უნდა მოასწროს გამოჯანმრთელება.
ლუის ენრიკე კატალონიური გუნდის მთავარი მწვრთნელის პოსტზე ამა წლის 21 მაისიდან მუშაობს. მხარეებს შორის ორწლიანი კონტრაქტია გაფორმებული.
ბექა დოგრაშვილი
