ჭდე: everton

დღეს ინგლისის პრემიერლიგის 27-ე ტურის გადადებული მატჩები გაიმართა: “ლივერპულმა” “ენფილდზე” თანაქალაქელი “ევერტონი” მიიღო. პირველი ტაიმის ბოლოს “წითლებმა” ერთბაშად ორი გოლი გაიტანეს: თავი დივოკ ორიგიმ და მამადუ სახომ გამოიჩინეს. მატჩის მეორე ნახევარში იურგენ კლოპის გუნდმა კიდევ ორი ბურთი გაიტანა: “წითლების” უპირატესობა დანიელ სტარიჯმა და ფილიპე კოუტინიომ გაზარდეს. აღსანიშნავია, რომ შეხვედრის 50-ე წუთიდან “კანფეტები” მოედანზე რიცხობრივ უმცირესობაში იყვნენ, ვინაიდან უხეში თამასისთვის მოედნიდან რამირო მორი გააძევეს. ამ ეპიზოდში ორიგი მინდვრიდან საკაცით გაიყვანეს. ბელგიელმა თამასის გაგრძელება ვეღარ შეძლო.

საბოლოო ჯამში, “ლივერპულმა” მეტოქე ანგარიშით 4:0 დაამარცხა.

ინგლისის პრემიერლიგა
27-ე ტური
“ლივერპული” — “ევერტონი” 4:0 (2:0)

გოლები: ორიგი 43′, სახო 45+2′, სტარიჯი 61′, კოუტინიო 76′.
გაფრთხილებები: მილნერი 8′ — ლენონი 42′.
გაძევება: მორი 50′.

ინგლისის პრემიერლიგის მე-8 ტურში “ევერტონმა” “გუდისონ პარკზე” თანაქალაქელი “ლივერპული” მიიღო.

შეხვედრა თანაბარ ბრძოლაში წარიმართა, რაც ტაბლოზე დაფიქსირებულ საბოლოო ანგარიშზეც აისახა. 41-ე წუთზე შეტევის მარცხენა ფლანგიდან შესრულებული კუთხურის შემდეგ საჯარიმო მოედანზე უყურადღებოდ მყოფმა დანი ინგსმა ახლო მანძილიდან თავური დარტყმით ანგარიში გახსნა. მასპინძლებმა მალევე აღადგინეს წონასწორობა. პირველი ტაიმის კომპენსირებულ დროში რომელუ ლუკაკუმ გაიტანა. მიუხედავად იმისა, რომ მატჩის მეორე ნახევარში ორივე გუნდს ჰქონდა დაწინაურების შანსი, ანგარიში არ შეცვლილა — 1:1.

ინგლისის პრემიერლიგა (VIII ტური)
“ევერტონი” — “ლივერპული” 1:1 (1:1)

გოლები: ლუკაკუ 45+1′ — ინგსი 41′.
გაფრთხილებები: ბარკლი 35′, მაკკარტი 65′, ლუკაკუ 90+1′ — ჯანი 35′, ლეივა 69′, სახო 90+1′.