ლონდონის “ჩელსი” ოფიციალურად ადასტურებს, რომ ფერნანდო ტორესზე სრული უფლებები “მილანს” გადაეცა.
შეგახსენებთ, რომ ესპანელი თავდამსხმელი “როსონერიში” იჯარის წესით თამაშობდა, ახლა კი ის იტალიური კლუბის სრულუფლებიანი წევრი გახდა.
ტრანსფერი 5 იანვარს გაფორმდება.
მიუხედავად ამ გარიგებისა, ტორესი, სავარაუდოდ, კარიერას “ატლეტიკოში” გააგრძელებს. მადრიდული კლუბიდან კი “მილანში” ალესიო ჩერჩი გადავა.
“მილანი” და მადრიდის “ატლეტიკო” ზამთრის სატრანსფერო პერიოდში ფეხბურთელებს გაცვლიან.
კერძოდ, საუბარია ალესიო ჩერჩის “როსონერიში” განათხოვრებასა და ფერნანდო ტორესის “ატლეტიკოში” დაბრუნებაზე.
“მილანის” ოფიციალური ტელეარხის ცნობით, კლუბებს შორის მოლაპარაკება თითქმის დასრულებულია და ახლა კონტრაქტზე ხელის მოწერაღა დარჩა.
ტორესი, რომელიც ლონდონის “ჩელსის” ეკუთვნის, “ატლეტიკოში” იჯარით 18 თვეს გაატარებს. რაც შეეხება ჩერჩის, ის “მილანში” განათხოვრების წესით მხოლოდ ნახევარი სეზონი ითამაშებს.
ესპანური პრესის ცნობით, “ატლეტიკოს” მთავარი მწვრთნელი დიეგო სიმეონე თავადვე იყო ტორესის დაბრუნების ერთ-ერთი მთავარი ინიციატორი და კმაყოფილია, რომ გარიგება შედგა.
Football Italia-ს თანახმად, მადრიდის “ატლეტიკოს” თავდამსხმელი ალესიო ჩერჩი “მილანის” ინტერესთა სფეროში მოექცა.
მანამდე გავრცელებული ინფორმაციით, მადრიდელები მზად არიან, 27 წლის იტალიელი ფეხბურთელი ზამთრის სატრანსფერო პერიოდში იჯარის წესით გაანათხოვრონ.
წყაროს ცნობით, არ არის გამორიცხული, “მილანმა” ატლეტიკოს” იჯარით ფერნანდო ტორესის ალესიო ჩერჩიში გაცვლა შესთავაზოს.
“მილანის” თავდამსხმელმა ფერნანდო ტორესმა ლონდონის “ჩელსის” დატოვებისა და იტალიაში გადაბარგების მიზეზებზე ისაუბრა.
“ჟოზე მოურინიოსთან არავითარი პრობლემა არ მქონია. ეს ჩემი პირადი გადაწყვეტილება იყო. მინდოდა, რომ გუნდისთვის მნიშვნელოვან ფეხბურთელად მეგრძნო თავი.
მოურინიოსთან კარგი ურთიერთობა მაქვს. ერთმანეთთან კომუნიკაციას დღემდე ვაგრძელებთ”, – აღნიშნა ესპანელმა თავდამსხმელმა.
ფერნანდო ტორესმა იტალიის სერია А-ს მიმდინარე გათამაშებაში შვიდი მატჩი ჩაატარა და ერთი გოლი გაიტანა.
“მილანის” ახალწვეულმა ფერნანდო ტორესმა შაბათს ახალი კლუბის რიგებში პირველი გოლი გაიტანა. ესპანელმა ფეხბურთელმა “როსონერის” ახალგაზრდული გუნდის წინააღმდეგ გამართულ საკონტროლო მატჩში გამოიჩინა თავი.
მატჩი ანგარიშით 5:0 დასრულდა და ტორესის გარდა გოლები გაიტანეს საპონარამ (დუბლი), ნიანგმა და “მილანის” კიდევ ერთმა ახალწვეულმა ბოავენტურამ.
“მილანში” განათხოვრებულმა თავდამსხმელმა ფერნანდო ტორესმა განაცხადა, რომ ლონდონის “ჩელსის” თავკაც ჟოზე მოურინიოსთან კვლავ კარგი ურთიერთობა ექნება.
“მოურინიოსთან პროფესიული ურთიერთობა მქონდა, მისგან ბევრი რამ ვისწავლე. როდესაც ვთქვი, რომ “მილანში” მივდიოდი, მან წარმატებები მისურვა და მითხრა, თუ როგორ უყვართ აქ ფეხბურთი. მას ჩემთან კარგი ურთიერთობა ჰქონდა, ამიტომ ყოველივე საუკეთესოს ვუსურვებ”, – ციტირებს ტორესის სიტყვებს Football Italia.
შეგახსენებთ, რომ ესპანელი თავდამსხმელი “მილანში” იჯარის წესით უახლოეს ორ სეზონს გაატარებს.
მადრიდის „რეალისა“ და პორტუგალიის ნაკრების ლიდერი კრიშტიანუ რონალდუ ფეხბურთის სამყაროში კომერციულად ყველაზე მიმზიდველ მოთამაშედ დასახელდა.
აღნიშნულ რეიტინგში შარშან პირველი ადგილი „ბარსელონას“ თავდამსხმელ ლიონელ მესის ეკავა.
რეიტინგის პირველი ათეული შემდეგნაირად გამოიყურება:
1. კრიშტიანუ რონალდუ – 79,49 ქულა/ 83,87%* / 82 მლნ** / 26 მლნ***
2. ლიონელ მესი – 75,87 / 76,07% / 57 მლნ/ 2 მლნ
3. ხერარ პიკე – 62,90 / 58,08% / 12 მლნ/ 8 მლნ
4. ფერნანდო ტორესი – 62,69 / 59,64% / 3 მლნ/ 2 მლნ
5. უეინ რუნი – 59,47 / 55,82% / 20 მლნ/ 9 მლნ
6. ანდრეს ინიესტა – 59,47 / 52,82% / 20 მლნ/ 9 მლნ
7. ნეიმარი – 59,36 / 53,33% / 22 მლნ/ 11 მლნ
8. იკერ კასილასი – 59,09 / 49,43% / 18 მლნ/ 1 მლნ
9. ზლატან იბრაჰიმოვიჩი – 59,07 / 55,81% / 15 მლნ/ 1 მლნ
10. ტიერი ანრი – 57,56 / 51,62% / 16 მლნ/ 300 ათასი.
* – ცნობადობა მსოფლიოს მასშტაბით
** – Facebook-ის გვერდზე მოწონებების რაოდენობა
*** – Twitter-ის მიკრობლოგზე მიმდევრების რაოდენობა
ბექა დოგრაშვილი
მილანის „ინტერის“ გენერალურმა დირექტორმა მარკო ფასონემ დაადასტურა ინფორმაცია იმის შესახებ, რომ „ნერაძურის“ ზაფხულში ლონდონის „ჩელსის“ ფორვარდ ფერნანდო ტორესის დამატება სურს.
„ის ჩვენი ყურადღების არეალში მყოფი ერთ-ერთი ფეხბურთელია. ამის შესახებ ჩვენმა პრეზიდენტმა ერიკ თოჰირმა რამდენიმე დღის წინათ განაცხადა. მოგვიანებით ზუსტად გაგაცნობთ, თუ რომელი მოთამაშეებით არის ჩვენი კლუბი დაინტერესებული“, – ფასონეს სიტყვებს football espana ციტირებს.
შეგახსენებთ, რომ „ჩელსიმ“ ფერნანდო ტორესი 2011 წელს „ლივერპულიდან“ დაიმატა. მაშინ ლონდონელებმა 50 მილიონი ფუნტ სტერლინგი გაიღეს, თუმცა ესპანელმა ფეხბურთელმა მასზე გაცემული ავანსების გამართლება ვერ შეძლო.
ბექა დოგრაშვილი
ლონდონის „ჩელსის“ თავდამსხმელი ფერნანდო ტორესი სამართლიანად აღნიშნავს, რომ საკამრისზე ნაკლებ გოლს იტანს, ამის მიზეზად კი ხანმოკლე სათამაშო დროს ასახელებს.
„თუ გოლს ყოველ მატჩში იტან, მაშინ ძირითადი შემადგენლობის წევრი ხარ. მესი და რონალდუ რეგულარულად იტანენ და ამიტომ, ისინი სასტარტო განაცხადში მუდმივად არიან. ახლა რომ ვარ, ასეთ სიტუაციაში არც „ატლეტიკოში“ და არც „ლივერპულში“ არ ვყოფილვარ. მესმის, რომ არასაკმარისი რაოდენობის გოლს ვიტან, თუმცა ეს იმიტომ ხდება, რომ ძირითად შემადგენლობაში ჩემს ნაცვლად სხვა მოთამაშეები ხვდებიან. რას ვიზამთ, ეს ფეხბურთის ნაწილია“, – ციტირებს ტორესის სიტყვებს „სქაი სპორტსი“.
შეგახსენებთ, რომ ტორესმა ინგლისის პრემიერლიგის მიმდინარე გათამაშებაში 12 მატჩი ჩაატარა და მხოლოდ 2 გოლი გაიტანა.
ბექა დოგრაშვილი
ლონდონის „ჩელსის“ მთავარი მწვრთნელი ჟოზე მოურინიო რომ არაორდინალური კაცია, ეს არახალი ამბავია. ფეხბურთის პორტუგალიელი სპეციალისტი საკუთარ თავს „განსაკუთრებულს“ ტყუილად როდი უწოდებს.
პრესკონფერენციებზე უცნაურ კითხვებს ყველგან სვამენ. ამ მხრივ გამონაკლისი არც შვეიცარიაა. „ჩელსი“ ჩემპიონთა ლიგის ჯგუფური ეტაპის Vტურში „ბაზელს“ სტუმრობს. მატჩისწინა პრესკონფერენციაზე კი, მოურინიოს ერთ-ერთმა ჟურნალისტმა ჰკითხა, თუ რატომ შეიჭრა თმა.
შეიძლება მიაქციეთ ყურადღება, რომ სანაკრებო პაუზამდე მოურინიოს უფრო დიდი თმა ჰქონდა, შემდეგ კი შეთხელებული ვარცხნილობით დაბრუნდა, რამაც ჟურნალისტის დაინტერესება გამოიწვია.
მოურინიომ აღნიშნა, რომ თმის შესაჭრელი მოწყობილობა ფერნანდო ტორესისგან ითხოვა და ახალი ვარცხნილობა თავადვე დაიყენა.
„ზოგიერთს არ შეუძლია ის, რაც მე შემიძლია. ორიოდ თვეში ძველებურად მექნება თმა. ზოგიერთს ეს არ ძალუძს.
თმის შეთხელება გადავწყვიტე. ფერნანდოსგან თმის შესაჭრელი მანქანა ვითხოვე, დავჯექი სარკის წინ და თვითონვე შევიჭერი. ასე უფრო იაფია.
სანამ სახლში დავრუნდებოდი, ჩემს მეუღლეს ფოტო გავუგზავნე, რომ გამეგო, შემეძლო თუ არა შინ დაბრუნება. ქალბატონ მოურინიოს არავითარი პრობლემა არ ჰქონია“, – აღნიშნა ჟოზე მოურინიომ.
საინტერესოა, ვინ იგულისხმა მოურინიომ, როცა თქვა, რომ ზოგიერთს თმის გაზრდა არ შეუძლია. გამოითქვა მოსაზრება, რომ პორტუგალიელმა სპეციალისტმა ამ ფრაზით ოსტატურად დასცინა ტორესის ყოფილ თავკაც და „ნაპოლის“ ამჟამინდელ მთავარ მწვრთნელ რაფაელ ბენიტესს.
ბექა დოგრაშვილი
ლონდონის „ჩელსის“ თავდამსხმელმა ფერნანდო ტორესმა თავი ვერ შეიკავა და გელზენკირხენის „შალკეს“ ქომაგებს უცენზურო ჟესტი უჩვენა. მატჩის დაწყებამდე, გერმანული კლუბის გულშემატკივრებმა ტორესი ავტობუსში შენიშნეს და ის დამაცირებელი ლექსიკით მოიხსენიეს. ესპანელმა ფეხბურთელმა ვეღარ მოითმინდა და „შალკეს“ ქომაგებს საფეხბურთო სამყაროში ცნობილი „ეფენბერგის ჟესტი“ უჩვენა.
შეგახსენებთ, რომ მატჩი „ჩელსის“ დამაჯერებელი გამარჯვებით, ანგარიშით 3:0 დასრულდა. ტორესმა დუბლი შეასრულა, ერთი გოლი კი ედენ აზარის ანგარიშზეა.
ლონდონის „ჩელსის“ თავდამსხმელმა ფერნანდო ტორესმა განაცხადა, რომ კონკურენციის მიუხედავად, კლუბის დანარჩენ ფორვარდებთან კარგი ურთიერთობა აქვს. ესპანელმა ფეხბურთელმა „ჩელსის“ ახალწვეული სამუელ ეტოო შეაქო.
„ჩელსის“ შეტევით ხაზში კონკურენცია მნიშვნელოვნად გაიზარდა, თუმცა დემბა ბა და სამუელ ეტოო ჩემი მეგობრები არიან და არა – მტრები. ჩვენ თანაგუნდელები ვართ და ერთი მიზნისკენ მივიწევთ. ვფიქრობ, ეს კლუბისთვის კარგია. ეტოო ერთ-ერთი საუკეთესო თავდამსხმელია მათ შორის, ვინც კი ოდესმე მინახავს. მის წინააღმდეგ ესპანეთში ბევრჯერ ვითამაშე, როდესაც ის „მალიორკასა“ და „ბარსელონას“ ღირსებას იცავდა. დარწმუნებული ვარ, რომ ის „ჩელსიში“ თამაშით დატკბება. ეტოო ყოველდღე მუყაითად ვარჯიშობს. მას ყოველივე საუკეთესოს ვუსურვებ. ეტოოს ყველანაირად დავეხმარები, რისი საშუალებაც მექნება“, – ტორესის სიტყვები „ტელეგრაფმა“ გამოქვეყნა.
ბექა დოგრაშვილი
