La Sexta-ს ცნობით, მადრიდის “რეალის” მთავარმა მწვრთნელმა კარლო ანჩელოტიმ გადაწყვიტა, რომ დამდეგ სეზონში გუნდის ძირითად მეკარედ იკერ კასილასი ათამაშოს.
წყაროს ინფორმაციით, “სამეფო კლუბი” უახლოეს პერიოდში კოსტა რიკისა და “ლევანტეს” კიპერ კეილორ ნავასს დაიმატებს, რომელიც სარეზერვო მეკარე იქნება.
რაც შეეხება დიეგო ლოპესს, გუნდში მისი ადგილი აღარ დარჩება. შესაბამისად, მას სატრანსფერო ფანჯრის დახურვამდე ახალი ნავსაყუდელის მოძიება მოუწევს.
როგორც მოგეხსენებათ, მადრიდის „რეალი“ „მონაკოსთან“ კოლუმბიელ ნახევარმცველ ხამეს როდრიგესის შესაძლო ტრანსფერთან დაკავშირებით მოლაპარაკებებს აწარმოებს. ვრცელდება ინფორმაცია, რომ მოლაპარაკების პროცესში „თეთრ-წითლებმა“ იკერ კასილასზე ჩამოაგდეს სიტყვა და მისი დამატების სურვილიც გამოთქვეს.
შეგახსენებთ, რომ „მონაკოს“ ვიქტორ ვალდესის დამატება სურდა, თუმცა ესპანელმა მეკარემ სამედიცინო შემოწმება ჩააგდო და კონტრაქტის გაფორმებაზე უარი ეთქვა.
იკერ კასილასთან დაკავშირებით ურთიერთგამომრიცხავი ცნობებია: ერთნი ამბობენ, რომ ესპანელი კიპერი ამ სეზონსაც „რეალში“ გაატარებს, მეორენი კი ამტკიცებენ, რომ „სამეფო კლუბი“ მზად არის, გამოცდილ მეკარეს ამ ზაფხულსვე შეელიოს.
სელტასთან მატჩის დროს,როდესაც ალვარო არბელოამ მოედანი დატოვა სათადარიგოზე მყოფ ყველა ფეხბურთელს მიესალმა გარდა იკერ კასილასისა,გთავაზობთ ვიდეოს.
21-ე საუკუნეში არაერთ გენიალურ ფეხბურთელს უთამაშია. ეს საუკუნე იმითაცაა გამორჩეული, რომ გულშემატკივრებმა ბევრი ბრწყინვალე მეკარე იხილეს.
სპორტულმა პორტალმა GiveMeSport-მა 21-ე საუკუნის 10 საუკეთესო მეკარე დაასახელა.
10. ტიმ ჰოვარდი
9. ვიქტორ ვალდესი
8. პეპე რეინა
7. ჟულიო სეზარი
6. ნელსონ დიდა
5. ოლივერ კანი
4. ვან დერ სარი
3. პეტრ ჩეხი
2. იკერ კასილასი
1. ჯანლუიჯი ბუფონი
ინტერნეტ-სივრცეში გავრცელდა ვიდეო, რომელშიც მადრიდის “რეალის” მეკარეების, იკერ კასილასისა და დიეგო ლოპესის სეივებია შედარებული.
მადრიდის “რეალის” კარის დარაჯი, იკერ კასილასი აცხადებს, რომ მას “სამეფო კლუბთან” ერთად ჩემპიონთა ლიგის მოგება სურს.
შეგახსენებთ, რომ 32 წლის მეკარეს მადრიდულ გუნდის ძირითად შემადგენლობაში ადგილი დიეგო ლოპესმა წაართვა. კასილასს თამაში მხოლოდ ესპანეთის თასსა და ჩემპიონთა ლიგაზე უწევს.
“გადაწყვეტილება მიღებული მაქვს – “რეალში” ვრჩები. ძალიან მინდა, უფრო მეტი ტიტული მოვიპოვო. იმედი მაქვს, მიმდინარე სეზონში ჩემპიონთა ლიგის მოგებას მოვახერხებთ”, – ამბობს კასილასი.
მადრიდის „რეალის“ კიპერმა იკერ კასილასმა კლუბში დარჩენა გადაწყვიტა. ბოლო პერიოდში გუნდის ძირითად მეკარედ დიეგო ლოპესი გვევლინება, კასილასმა კი სათადარიგოთა სკამზე გადაინაცვლა, რის გამოც ესპანურმა და მთლიანად ევროპულმა პრესამ „რეალის“ კაპიტნის შესაძლო ტრანსფერზე სპეკულირება დაიწყო. რა აღარ დაიწერა, რომელ გუნდში აღარ წაიყვანეს კასილასი, თუმცა ამ ყველაფერს თავად იკერმა წერტილი დაუსვა.
„რეალში“ დარჩენა გადავწყვიტე. მინდა, რომ მადრიდულ კლუბთან ერთად ჩემპიონთა ლიგის მეათე თასი მოვიგო, დავეუფლო სხვადასხვა ტიტულბს და კიდევ გავხდე ჩემპიონი. ჩემს გარშემო ბევრი სპეკულაციაა, ყოველდღიურად ვრცელდება ჭორები და ეს ნორმალურია. მე „რეალის“ მოთამაშე ვარ, ყოველთვის მისი ვიყავი და მინდა, რომ აქ დავრჩე.
ისეთ გუნდში თამაში, როგორიც „რეალია“, შესაძლებლობას გაძლევს, ტიტულები მოიგო, თუმცა ამ ხნის განმავლობაში გუნდში ყოფნა ადვილი საქმე არ გახლავთ. მოთხოვნები იზრდება და წლიდან წლამდე უნდა გაიუმჯობესო მდგომარეობა. ბედნიერი ვარ, რომ კლუბში ვრჩები. ხუთ-ექვს წელიწადში ვნახოთ, რა იქნება“, – კასილასის სიტყვებს სპორტული პორტალი Goal.com-ი ციტირებს.
32 წლის კასილასს „რეალთან“ კონტრაქტი 2017 წლის ზაფხულში ეწურება.
ბექა დოგრაშვილი
ესპანური მედიის ცნობით, მადრიდის „რეალის“ მეკარე იკერ კასილასი შესაძლოა ლონდონის „არსენალში“ აღმოჩნდეს.
შეგახსენებთ, რომ კასილასი ამ დრომდე ვერ ახერხებს გუნდის ძირითადი შემადგენლობიდან დიეგო ლოპესის ამოგდებას. გავრცელებული ინფორმაციის თანახმად, ესპანელი მეკარის მიმართ ინტერესს „მეთოფეთა“ მთავარი მწვრთნელი არსენ ვენგერი იჩენს.
გარდა ამისა, ვოიცეხ შჩესნიმ ამ დრომდე ვერ დაარწმუნა ფეხბურთის ფრანგი სპეციალისტი, რომ მასზე სრულად დაყრდნობა შეიძლება. ესპანური El Confidencial-ის ცნობით, შექმნილი მდგომარეობით იკერიც უკმაყოფილოა და ის არც მადრიდის დატოვების წინააღმდეგია. აქედან გამომდინარე, აღნიშნული ტრანსფერის განხორციელებას დამდეგ ზაფხულს ელიან.
შეგახსენებთ, რომ 32 წლის კასილასი „რეალის“ ღირსებას 1998 წლიდან იცავს. „სამეფო კლუბის“ შემადგენლობაში მან ორჯერ მოიგო ჩემპიონთა ლიგის თასი და ხუთჯერ გახდა ესპანეთის ჩემპიონატის გამარჯვებული.
ბექა დოგრაშვილი
ესპანეთის ნაკრების კაპიტანმა იკერ კასილასმა 2014 წლის მსოფლიოს ჩემპიონატის წილისყრის შედეგები შეაჯამა და თქვა, რომ „ფურია როხა“ საკმაოდ რთულ ჯგუფში მოხვდა. შეგახსენებთ, რომ ესპანელები B ჯგუფში ჰოლანდიის, ჩილეს და ავსტრალიის ნაკრებებთან ერთად ითამაშებენ. კასილასმა არც თავად წილისყრის პროცედურა მოიწონა.
„ხანდახან რთულია იმის გაგება, თუ როგორ ტარდება წილისყრა. ეს განსაკუთრებით კოეფიციენტებს ეხება. მეტოქეებს ჩვენ არ ვირჩევთ. ერთადერთი რამ, რისი გაკეთებაც ჩვენ შეგვიძლია, ეს თამაში და მოგების იმედია.
არ ვეთანხმები წილისყრის ამგვარ პროცედურას. საკმაოდ რთულ ჯგუფში მოვხვდით: ჰოლანდიის ნაკრები, რომელმაც შესანიშნავად განვლო შესარჩევი ეტაპი, ჩილეს ნაკრები, რომელთანაც ბოლო სამი წელიწადია, ცუდად ვთამაშობთ.
ოთხი წლის წინათ, სამხრეთ აფრიკის მსოფლიოს ჩემპიონატზე, შვეიცარიის ნაკრების წინააღმდეგ გამართულ პირველ მატჩში დავმარცხდით, თუმცა შემდეგ ისეთ გუნდებს მოვუგეთ, როგორებიც გერმანია და იტალია გახლავთ.
ასე რომ, ტურნირი რაც შეიძლება კარგად უნდა დავიწყოთ, რათა სამი ქულა ავიღოთ. ვიცი, რომ ხალხი ესპანეთის ნაკრებს ფავორიტად თვლის, რადგან ბოლო რამდენიმე წლის განმავლობაში ყველაფერი მოვიგეთ.
თუმცა, ისიც მესმის, რომ ჩვენი მეტოქეები ჩვენს წინააღმდეგ 100 პროცენტით თამაშობენ. ყველას სურს ჩემპიონობა.
ბრაზილიაში იმისთვის მივდივართ, რომ სამხრეთ აფრიკაში მოგებული ტიტული დავიცვათ. ვეცდებით, ხალხმა ჩვენით ისევ იამაყოს. გპირდებით, რომ ამისთვის დიდ ძალისხმევას გავიღებთ და სასურველი შედეგის მიღწევის იმედიც გვაქვს“, – კასილასის სიტყვები Football Espana-მ გამოაქვეყნა.
ბექა დოგრაშვილი
ესპანეთის ეროვნული ნაკრების კაპიტანმა იკერ კასილასმა განაცხადა, რომ „ოქროს ბურთის“ გამოკითხვაში ხმა თავის თანაკლუბელ კრიშტიანო რონალდუს მისცა.
„ხმა მანამდე მივეცი, სანამ გამოკითხვის პერიოდს გაახანგრძლივებდნენ. პირველი პოზიცია რონალდუს მივაკუთვნე. მან შესანიშნავი წელიწადი ჩაატარა და ჯილდო დაიმსახურა. გამიკვირდება, თუ მას „ოქროს ბურთს“ არ მისცემენ“, – განაცხადა კასილასმა.
ჯილდოს მოპოვების მთავარ კონკურენტებად რონალდუს გარდა ლიონელ მესი და ფრანკ რიბერი ითვლებიან. 9 დეკემბერს გახდება ცნობილი, თუ რომელი სამი ფეხბურთელი იბრძოლებს „ოქროს ბურთისთვის“. დაჯილდოების საზეიმო ცერემონიალი 2014 წლის 13 იანვარს, ციურიხში შედგება.
ბექა დოგრაშვილი
მადრიდის „რეალის“ მთავარი მწვრთვნელი კარლო ანჩელოტი დარწმუნებულია, რომ „ბლანკოსის“ გოლკიპერი იკერ კასილასი სხვა კლუბში არ გადავა.
„ვფიქრობ, „იუვენტუსთან“ მატჩის შემდეგ იკერმა საბოლოო გადაწყვეტილება მიიღო. მას აქ ყოფნა მოსწონს, ამიტომაც არანაირი პრობლემა არ არის. მისი დარჩენის სურვილი ჩვენც გვაქვს. ლოპესის დაყენება იმის გამო მიწევდა, რომ იგი კასილასზე უკეთეს ფორმაში იყო“, – განაცხადა ფეხბურთის იტალიელმა სპეციალისტმა.
ცნობისთვის, მიმდინარე სეზონში კასილასს ესპანეთის ჩემპიონატის შეხვედრაში მონაწილეობა ჯერჯერობით არ მიუღია.
მადრიდის „რეალის“ მეკარე იკერ კასილასი მისი „სამეფო კლუბიდან“ შესაძლო წასვლაზე გავრცელებულ ჭორებს გამოეხმაურა.
„რეალის“ დატოვებას არც იანვარში, არც ივნისში და არც სხვა დროს ვაპირებ. სანამ ამ კლუბთან კონტრაქტი მაკავშირებს, მანამდე აქ დავრჩები“, – განაცხადა ესპანეთს ნაკრების კარის დარაჯმა.
„არ ვიცი, რა იქნება ერთ ან ორ წელიწადში, თუმცა ჩემი ამჟამინდელი პოზიცია ასეთია“, – აღნიშნა იკერმა.
შეგახსენებთ, რომ „ბლანკოსთან“ კონტრაქტი კასილასს 2017 წლის ივნისის თვემდე აკავშირებს.
ალექსანდრე მატევოსოვი
