კონტეს “იუვენტუსიდან” წასვლის შემდგე მისი სამსახურიტ ფრანგული “პსჟ” დაინტერესდა. აღნიშნულ ინფორმაციას იტალიური Corriere dello Sport ავრცელებს.
წყარო იმასახ იუწყება, რომ ფრანგულმა კლუბმა კონტეს ოფიციალური წინადადებით მიმართა და მწვრთნელს უახლოეს მომავალში წარადგენს.
“პსჟ”-ს მწვრთნელის პოსტზე იტალიელმა ლორან ბლანი უნდა შეცვალოს, რომელმაც გასულ სეზონში პარიზული კლუბი საფრანგეთის ჩემპიონობამდე მიიყვანა.
ტურინის „იუვენტუსის“ ქართულ ფანკლუბს ოფიციალური სტატუსი მიენიჭა.
ერთწლიანი არაოფიციალური საქმიანობის შემდეგ, ტურინიდან შესაბამისი დოკუმენტი მოვიდა, რომლის თანახმადაც, „ბიანკონერის“ ქართული ფანკლუბი DOC-ის (კლუბის მთავარი ოფიციალური ფანკლუბი, რომელიც კოორდინირებას უწევს კლუბის სხვა ოფიციალურ ფანკლუბებს) წევრი გახდა.
ამიერიდან თითოეული აქტივობა, რომელსაც „იუვენტუსის“ ქართული ფანკლუბი გაწევს, ასოცირებული იქნება მთავარ ფანკლუბთან, რომელმაც რამდენიმეთვიანი დაკვირვების შემდეგ გადაწყვიტა, საკუთარ ოჯახში ქართველი ქომაგების დაშვება აღარ გადაედო და ახალი სეზონისთვის უკვე ოფიციალური სახე ჰქონოდათ.
ამჟამად ტურინის „იუვენტუსის“ ოფიციალურ ქართულ ფანკლუბში 93 წევრი ირიცხება, თუმც პერიოდულად ახალი წევრების მიღებაც მოხდება. კერძოდ, ქართულ ფანკლუბს თვეში ერთხელ შეეძლება მთავარ ფანკლუბში ახალი წევრების სიის გაგზავნა.
ტურინის „იუვენტუსის“ ახალწვეული ალვარო მორატა ორშაბათის ვარჯიშზე დაშავდა.
გავრცელებული ინფორმაციის თანახმად, 21 წლის ესპანელმა თავდამსხმელმა მარცხენა მუხლი დაიზიანა და 40 დღე იუქმებს. სამშაბათს მორატა სიღრმისეულ სამედიცინო გამოკვლევას ჩაიტარებს, რის შემდეგაც მედიკოსები ზუსტს დიაგნოზს დასვამენ და ფეხბურთელის გამოჯანმრთელების ვადაც გვეცდოინება.
შეგახსენებთ, რომ ალვარო მორატა „იუვენტუსში“ „რეალიდან“ რამდენიმე დღის წინათ გადავიდა. ფეხბურთელმა „ბებერ ქალბატონთან“ ხუთწლიანი კონტრაქტი გააფორმა. ტრანსფერის ღირებულებამ 20 მილიონი ევრო შეადგინა.
ფრანგი მცველი პატრის ევრა „მანჩესტერ იუნაიტედიდან“ ტურინის „იუვენტუსში“ გადაბარგდა.
ფეხბურთელმა „ბებერ ქალბატონთან“ ორწლიანი კონტრაქტი გააფორმა.
„ბევრი ვიფიქრე და „მანჩესტერ იუნაიტედის“ დატოვება გადავწყვიტე. ეს ჩემი კარიერის ყველაზე რთული გადაწყვეტილება იყო. „მანჩესტერ იუნაიტედი“ სამუდამოდ დარჩება ჩემს გულში. ინგლისში თამაში ჩემთვის დიდი პატივი გახლდათ“, – განაცხადა ევრამ.
ტრანსფერის ღირებულებამ 1,2 მილიონი ფუნტი (1,5 მილიონი ევრო) შეადგინა. „წითელი ეშმაკები“ დამატებით 0,3 მილიონ ფუნტს იმ შემთხვევაში მიიღებენ, თუ „ბიანკონერი“ ჩემპიონთა ლიგის 2015-16 წლების სეზონის საგზურსაც მოიპოვებს.
იტალიური “ნაპოლის” ნახევარმცველი მარეკ ჰამშიკი აცხადებს, რომ “ნაპოლი” სიძლიერით ტურინის “იუვენტუსსა” და “რომას” არ ჩამოუვარდება.
შეგახსენებთ, რომ იტალიის სერია A-ს გასულ სეზონში ჩემპიონი “იუვენტუსი” გახდა, რომელსაც “ნაპოლი” 24 ქულით ჩამორჩა.
“ჩემი აზრით, “ნაპოლი” სიძლიერით “იუვენტუსსა” და “რომას” არ ჩამოუვარდება. ჩვენ ყოველთვის მაღალი მიზნებისათვის ვიბრძვით და ცხადია, გვინდა, სკუდეტო მომდევნო სეზონში მოვიპოვოთ”, – ამბობს ჰამშიკი.
ტურინის „იუვენტუსის“ დირექტორმა პაველ ნედვედმა „ბარსელონას“ თავდამსხმელ ლუის სუარესის შესახებ ისაუბრა.
„სუარესი შესანიშნავი ფეხბურთელია. მე მას ბევრი ფიქრის გარეშე დავიმატებდი „იუვენტუსში“.
საერთოდაც, ორი წლის წინათ ძალიან ახლოს ვიყავით სუარესის შეძენასთან. ის ჩემპიონია და ამით ყველაფერი ნათქვამია“, – ნედვედის სიტყვებს Football Italia ციტირებს.
ჩეხმა სუარესსა და ჯორჯო კიელინის შორის მომხდარი ინციდენტის შესახებაც ისაუბრა და იტალიელ მცველს საქციელი დაუწუნა.
„სუარესის რეაქციას არ ვამართლებ, თუმცა ჯორჯოს საქციელმა აღმაშფოთა. კიელინი ბავშვივით მოიქცა. მსაჯს ნაკბენ ადგილს უჩვენებდა. საბედნიეროდ, როდესაც სუარესმა ბოდიში მოიხადა, კიელინიმ გონივრულად უპასუხა და ფიფას დისკვალიფიკაციის შემცირებაც სთხოვა“, – აღნიშნა ნედვედმა.
ტურინის „იუვენტუსისა“ და ჩეხეთის ნაკრების ყოფილმა ნახევარმცველმა პაველ ნედვედმა განაცხადა, რომ ანტონიო კონტეს „ბიანკონერის“ მთავარი მწვრთნელის პოსტის დატოვება ჯერ კიდევ მაისში სურდა.
„ანტონიოს თანამდებობა კლუბის ხელმძღვანელობასთან რაიმე უთანხმოების გამო არ დაუტოვებია. მას უბრალოდ მუშაობის გაგრძელების ძალა აღარ ჰქონდა.
კონტეს პოსტის დატოვება ჯერ კიდევ მაისში სურდა, თუმცა ამ საკითხზე ვიმსჯელეთ და პირობა მოგვცა, რომ გადაწყვეტილებას შვებულების დროს მიიღებდა. დაბრუნების შემდეგ გვითხრა, რომ მუშაობის გაგრძელებას აღარ აპირებდა.
რასაც პრესაში წერენ, არ შეესააბამება სინამდვილეს. კონტე უბრალოდ დაიღალა“, – ნედვედის სიტყვები „ლა გაძეტა დელო სპორტში“ გამოქვეყნდა.
შეგახსენებთ, რომ „იუვენტუსის“ მთავარი მწვრთნელის პოსტზე მასიმილიანო ალეგრი დაინიშნა.
ახალგაზრდა ესპანელი თავდამსხმელი ალვარო მორატა კარიერას ტურინის „იუვენტუსში“ გააგრძელებს. მადრიდის „რეალის“ აწ უკვე ყოფილმა ფეხბურთელმა „ბებერ ქალბატონთან“ ხუთწლიანი კონტრაქტი გააფორმა. ტრანსფერის ღირებულებამ 20 მილიონი ევრო შეადგინა, რასაც ტურინელები დამდეგი სამი წლის განამვლობაში დაფარავენ.
ამასთან, „რეალი“ უფლებას იტოვებს 2015-16 ან 2016-17 წლების სეზონის ბოლოს მორატა მაქსიმუმ 30 მილიონი ევროს სანაცვლოდ უკან დაიბრუნოს. ეს იმაზე იქნება დამოკიდებული, თუ რამდენ მატჩს ჩაატარებს ესპანელი ფორვარდი კონკრეტულ სეზონში.
ალვარო მორატამ გასულ სეზონში „რეალის“ ფორმით ყველა ტურნირზე ერთად 34 მატჩი ჩაატარა, 9 გოლი გაიტანა და ერთი საგოლე გადაცემა გააკეთა.
იტალიური “ნაპოლის” მთავარი მწვრთნელი რაფაელ ბენიტესი აცხადებს, რომ მიუხედავად კონტეს წასვლისა, ტურინის “იუვენტუსი” კვლავაც სერია A-ს ფავორიტად რჩება.
შეგახსენებთ, რომ ანტონიო კონტემ “ბიანკონერი” რამდენიმე დღის წინ დატოვა, ხოლო მის შემცვლელად კლუბის ხელმძღვანებლობამ მასიმილიანო ალეგრი მიიყვანა.
“იუვენტუსი” ყოველთვის უძლიერესთა შორის იყო და ვფიქრობ, მომავალშიც ასე იქნება. ჩემი აზრით, ალეგრი ისეთივე კარგი მწვრთნელია, როგორც კონტე. “იუვენტუსი” კვლავაც სერია A-ს ფავორიტად რჩება”, – ამბობს ბენიტესი.
„ტორინომ“ დორტმუნდის „ბორუსიაში“ გადასული ჩირო იმობილეს შემცვლელი იპოვა.
ტურინელთა ოფიციალური საიტი იტყობინება, რომ კლუბმა ფაბიო კვალიარელა გადმოიბირა, მის სანაცვლოდ კი, სამი მილიონი ევრო გადაიხადა. იტალიის ნაკრების ექს-თავდამხმელმა „ხარებან“ 3-წლიანი კონტრაქტი გააფორმა.
აღსანიშნავია, რომ „ტორინოში“ ფაბიოს დებიუტი ჯერ კიდევ 15 წლის წინ შედგა. ჯამში „ტორინოს“ მაისურით მან სხვადასხვა სეზონში 43 მატჩი ჩაატარა, რომელშიც ცხრა გოლი გაიტანა.
ტურინის “იუვენტუსის” ახალი მთავარი მწვრთნელი მასიმილიანო ალეგრი აცხადებს, რომ მას ანდრეა პირლოსთან პრობლემები არ აქვს.
შეგახსნებთ, რომ “მილანში” ყოფნის პერიოდში, ალეგრისა და პირლოს შორის გაუგებრობა მოხდა, რის გამოც ნახევარმცველმა “იუვენტუსს” მიაშურა.
“ანდრეასთან ყოველთვის კარი ურთიერთობა მქონდა, მასთან არანაირი პრობლემა არ მაქვს. მიხარია, რომ “იუვენტუსის” მწვრთნელი გავხდი. ამ კლუბს დიდი ისტორიაა გააჩნია”, – ამბობს ალეგრი.
იტალიურ პრესაში გავრცელებული ინფორმაციის თანახმად, არ არის გამორიცხული, იგნასიო აბატე და დავიდე ასტორი ტურინის “იუვენტუსში” ვიხილოთ.
შეგახსენებთ, რომ “ბიანკონერის” მთავარი მწვრთნელის პოსტი ანტონიო კონტემ დატოვა, მის შემცვლელად კი კლუბის ხელმძღვანებლობამ მასიმილიანო ალეგრი არჩია.
Sportmediaset-ის ცნობით, აბატე და ასტორი ალეგრის ფავორიტი ფეხბურთელები არიან და 46 წლის სპეციალისტი შეეცდება, გუნდი ამ ორი მოთამაშით გააძლიეროს.
