“მანჩესტერ სიტის” მთავარმა მწვრთნელმა მანუელ პელეგრნიმ განაცხადა, რომ დასავლეთ აფრიკაში გავრცელებული ებოლას ვირუსიის არ ეშინია. “ქალაქელთა” ჩილელმა თავკაცმა განაცხადა, რომ კოტ დივუარიდან ახლახანს დაბრუნებული იაია ტურე სრულიად ჯანმრთელია, ასე რომ კლუბში ამ მხრივ სიმშვიდე სუფევს.
“არ ვთვლი, ამის გამო განგაშის ატეხვა აუცილებელი იყოს. იაია ჯანმრთელადაა და არა მგონია, რაიმე პრობლემა წარმოგვექმნას”, – ციტირებს პელეგრინის სიტყვებს tuttomercatoweb-ი.
იტალიური “ფიორენტინას” ახალწვეულმა მიკა რიჩარდსმა განაცხადა, რომ “მანჩესტერ სიტი” დიდწილად გუნდის მთავარი მწვრთნელის, მანუელ პელეგრინის გამო დატოვა. 26 წლის ინგლისელი მცველი ამბობს, რომ ჩილელი სპეციალისტის თავკაცობის პერიოდში მას საკუთარი თავის წარმოჩენის შესაძლებლობა არ მისცემია.
“გადამწყვეტი მომენტი “უოტფორდის” წინააღმდეგ გამართული მატჩი იყო. ანგარიშით 0:2 ვაგებდით. არ მინდა, ეს წარუმატებლობა ვინმეს დავაბრალო, თუმცა ყველა ხედავდა, რომ იმ მატჩში ნორმალურად ვთამაშობდი. ამის მიუხედავად, პელეგრინიმ ჩემი და ჯეკ როდუელის შეცვლა გადაწყვიტა. მაშინ მივხვდი, რომ განტევების ვაცი ვხდებოდი.
კი ბატონო, “სიტის” რიგებში ყოველთვის კარგად არ ვთამაშობდი, თუმცა ასეთი შემთხვევა მანამდე არასდროს მომხდარა. ეს უცნაური და არაბუნებრივი სიტუაცია იყო. მივხვდი, რაც არ უნდა გამეკეთებინა, მწვრთნელი ჩემით კმაყოფილი მაინც არ დარჩებოდა. ის მიხსნიდა, რომ ტრავმის მოშუშების არ სურდა, დაეჩქარებინა მოედანზე ჩემი დაბრუნება. თუმცა, მე არც პრემიერლიგის და არც ჩემპიონთა ლიგის არცერთ მატჩში მონაწილეობა არ მიმიღია. ინგლისის თასზე “უოტფორდის” წინააღმდეგ გამართულ შეხვედრაში მაინც არ გავეყვანე მოედნიდან. აი, ამ შემთხვევის შემდეგ მისდამი ნდობა დავკარგე”, – რიჩარდსის სიტყვებს Goal.com-ი ციტირებს.
შეგახსენებთ, რომ მიკა რიჩარდსი “ფიორენტინაში” იჯარის წესით თამაშობს.
ინგლისის პრემიერლიგის 36-ე ტურში „კრისტალ პალასის“ დამარცხების (2:0) შემდეგ, „მანჩესტერ სიტის“ მთავარმა მწვრთნელმა მანუელ პელეგრინიმ განაცხადა, რომ ჩემპიონატში რომელიმე გუნდის ფავორიტობაზე საუბარი გადაჭარბებულია.
„პრემიერლიგის მიმდინარე სეზონი შარშანდელისგან განსხვავდება. წინა სეზონში „მანჩესტერ იუნაიტედი“ ჩემპიონატის დასრულებამდე დიდი ხნით ადრე გახდა ჩემპიონი. ეს სეზონი განსაკუთრებულია, უშეღავათო ბრძოლაა. „არსენალის“ ჩათვლით, ჩემპიონობისთვის ოთხი-ხუთი კლუბი იბრძვის.
მნიშვნელოვანია, რომ ხარისხიანი თამაშის ჩვენება სეზონის ბოლომდე გავაგრძელოთ, შემდეგ კი ვნახავთ, რომელი გუნდია საუკეთესო. ვიმეორებ, ფავორიტი არცერთი გუნდი არ არის. „ლივერპულს“ სამქულიანი უპირატესობა აქვს, თუმცა ჩვენ რეზერვში მატჩი გვაქვს. ასე რომ, ფავორიტი არ გვყავს, თუმც საჩემპიონო ბედი ჩვენს ხელში დაბრუნდა“, – პელეგრინის სიტყვები „სქაი სპორტმა“ გამოაქვეყნა.
ბექა დოგრაშვილი
Fanebi.com-ის მკითხველს მოეხსენება, რომ „მანჩესტერ სიტის“ მთავარი მწვრთნელი მანუელ პელეგრინი ჩემპიონთა ლიგის მერვედფინალურ ეტაპზე, „ბარსელონას“ წინააღმდეგ გამართული შეხვედრის (0:2) შემდეგ გაკეთებული განცხადების გამო უეფამ ორმატჩიანი დისკვალიფიკაციით დასაჯა. „ქალაქელთა“ თავკაცმა მთავარი არბიტრი იონას ერიქსონი მკაცრად გააკრიტიკა. „სიტის“ დამრიგებლის თქმით, შვედი მსაჯი არაობიექტური იყო, მთელი შეხვედრის განმავლობაში კატალონიური გუნდის მხარეს იჭერდა და საერთოდაც, მან გადაწყვიტა მატჩის ბედი. პელეგრინის განცხადებით, ერიქსონმა მასპინძელთა კარის მიმართულებით შეცდომით დანიშნა პენალტი, არც მცველი მარტინ დემიკელისი უნდა გაეძევებინა მოედნიდან. „ქალაქელთა“ დამრიგებელი თვლის, რომ დისკვალიფიკაციას არ იმსახურებს.
„არა მგონია, ორმატჩიან ან სამმატჩიან დისკვალიფიკაციას ვიმსახურებდე. აღნიშნული მატჩიდან ორი დღის შემდეგ გამართულ პრესკონფერენციაზე ვთქვი, რომ არასწორად მოვიქეცი. ამის მიუხედავად, მე კვლავ ვთვლი, რომ იმ ეპიზოდში პენალტი არ ყოფილა. დანიშნულმა თერთმეტმეტრიანმა დარტყმამ თამაშის მიმდინარეობაზე იმოქმედა.
აღარ ვაპირებ ამ თემის განხილვას. ამის შემდეგ მოვიფიქრებ, როგორ ვიმოქმედო მომავალში“, – ციტირებს პელეგრინის სიტყვებს itv.
ინგლისის ლიგის თასის ფინალური მატჩის შემდეგ, გამარჯვებული „მანჩესტერ სიტის“ მთავარი მწვრთნელი მანუელ პელეგრინი სატელევიზიო ინტერვიუში საკუთარი ემოციების შესახებ საუბრობდა, თუმცა შეცდომით თავი „მანჩესტერ იუნაიტედის“ თავკაცად მოიხსენია.
„მიყვარს ის ზეწოლა, რასაც განვიცდი ისეთი დიდი გუნდის ხელმძღვანელობისას, როგორიც „მანჩესტერ იუნაიტედია“. ძალიან კარგია, რომ ყველა ტურნირზე ვინარჩუნებთ შანსს“, – განაცხადა პელეგრინიმ.
გთავაზობთ ფაქტის ამსახველ ვიდეომასალას.
როგორც გუშინ გაუწყეთ, უეფას ჩემპიონთა ლიგის მერვედფინალურ ეტაპზე „მანჩესტერ სიტისა“ და „ბარსელონას“ შორის გამართული მატჩის (0:2) შემდეგ, „ქალაქელთა“ მთავარმა მწვრთნელმა მანუელ პელეგრინიმ მთავარი არბიტრი იონას ერიქსონი მკაცრად გააკრიტიკა. „სიტის“ თავკაცის თქმით, შვედი მსაჯი არაობიექტური იყო, მთელი შეხვედრის განმავლობაში კატალონიური გუნდის მხარეს იჭერდა და საერთოდაც, მან გადაწყვიტა მატჩის ბედი. პელეგრინის განცხადებით, ერიქსონმა მასპინძელთა კარის მიმართულებით შეცდომით დანიშნა პენალტი, არც მცველი მარტინ დემიკელისი უნდა გაეძევებინა მოედნიდან.
აღნიშნული საკითხის განხილვა უეფაში უკვე დაიწყეს.
მანუელ პელგრინიმ კი ბოდიში მოიხადა.
„ბარსელონასთან“ მარცხით გაღიზიანებული ვიყავი. შეიძლება ისეთი რამ ვთქვი, რასაც სინამდვილეში არ ვფიქრობდი. ბოდიშს ვიხდი“, – ციტირებს პელეგრინის სიტყვებს „მარკა“.
ბექა დოგრაშვილი
უეფას ჩემპიონთა ლიგის მერვედფინალურ ეტაპზე „მანჩესტერ სიტისა“ და „ბარსელონას“ შორის გამართული მატჩის (0:2) შემდეგ, „ქალაქელთა“ მთავარმა მწვრთნელმა მანუელ პელეგრინიმ მთავარი არბიტრი იონას ერიქსონი მკაცრად გააკრიტიკა. „სიტის“ თავკაცის თქმით, შვედი მსაჯი არაობიექტური იყო, მთელი შეხვედრის განმავლობაში კატალონიური გუნდის მხარეს იჭერდა და საერთოდაც, მან გადაწყვიტა მატჩის ბედი. პელეგრინის განცხადებით, ერიქსონმა მასპინძელთა კარის მიმართულებით შეცდომით დანიშნა პენალტი, არც მცველი მარტინ დემიკელისი უნდა გაეძევებინა მოედნიდან.
როგორც მოგეხსენებათ, უეფა ასეთ სიტყვებს არავის არ პატიობს. ევროპული ფეხბურთის მმართველ ორგანოში აღნიშნული საკითხის განხილვა უკვე დაიწყეს.
ბექა დოგრაშვილი
როგორც მოგეხსენებათ, დღეს უეფას ჩემპიონთა ლიგის მერვედფინალური ეტაპი გაიხსნება. „ეტიჰადზე“ „მანჩესტერ სიტი“ „ბარსელონას“ უმასპინძლებს. მატჩისწინა პრესკონფერენციაზე „ქალაქელთა“ მთავარმა მწვრთნელმა მანუელ პელეგრინიმ აღნიშნა, რომ კატალონიური გუნდი საკმაოდ ძლიერი მეტოქეა და ეს არამხოლოდ ლიონელ მესის დამსახურებაა.
„მთავარია, დავრჩეთ იმ გუნდად, რომელიც პრემიერლიგაში თამაშობს, შევინარჩუნოთ ჩვენი სტილი და ინდივიდუალიზმი. შეიძლება სხვა ფეხბურთელებიც იხილოთ, მაგრამ ისევ ის გუნდი ვიქნებით, ისევ იმავე სტილით მოთამაშე. „ბარსელონა“ მხოლოდ მესი არ არის, თუმც არგენტინელი მსოფლიოს მასშტაბით საუკეთესო ფეხბურთელია“, – განაცხადა პელეგრინიმ.
მატჩი „მანჩესტერ სიტისა“ და „ბარსელონას“ შორის დღეს, თბილისის დროით 23:45 საათზე დაიწყება და მას შვედი არბიტრი იონას ერიქსონი განსჯის. უკვე ცნობილია ისიც, რომ ინგლისელებს ტრავმის გამო გუნდის ლიდერი სერხიო აგუერო დააკლდებათ.
ბექა დოგრაშვილი
„მანჩესტერ სიტის“ მთავარი მწვრთნელი მანუელ პელეგრინი აცხადებს, რომ კლუბის თავდამსხმელმა სერხიო აგუერომ კარიერა სწორედ „ქალაქელთა“ რიგებში უნდა გააგრძელოს.
„არა მგონია, რომ აგუერო ესპანეთში დაბრუნდეს. „მანჩესტერ სიტი“ შესანიშნავი კლუბია საუკეთესო ფეხბურთელებისთვის, ისეთებისთვის, როგორებიც აგუერო და იაია ტურე არიან.
თუ აგუერო მადრიდის „რეალში“ გადავა, „სამეფო კლუბი“ მაინც არ იქცევა მის გუნდად, „რეალი“ ისევ კრიშტიანუ რონალდუს გუნდი იქნება. იგივეს თქმა შემიძლია „ბარსელონაზე“, რომლის ღირსებასაც ლეო მესი იცავს.
აი, „სიტი“ კი მისი გუნდი გახდება. ორ წელიწადში აგუერო „ოქროს ბურთისთვის“ იბრძოლებს“, – პელეგრინის სიტყვები ესპანურმა „მარკამ“ გამოაქვეყნა.
ბექა დოგრაშვილი
„მანჩესტერ სიტის“ არგენტინელი თავდამსხმელი სერხიო აგუერო შემდეგ კვირას „კარდიფთან“ მატჩში, სავარაუდოდ, მოედანზე გასვლას მოახერხებს. ამის შესახებ „ქალაქელთა“ მთავარმა მწვრთნელმა მანუელ პელეგრინიმ განაცხადა.
„აგუერო მუშაობას აგრძელებს და, შესაძლოა, შემდეგ კვირას სერხიო მოედანზეც კი დაბრუნდეს“, – განაცხადა ფეხბურთის ჩილელმა სპეციალისტმა.
ცნობისთვის, „კარდიფთან“ მატჩს „სიტი“ თვრამეტ იანვარს, საკუთარ მოედანზე გამართავს.
ალექსანდრე მატევოსოვი
ინგლისის პრემიერლიგის XVIII ტურის ცენტრალური მატჩი „ეტიჰადზე“ შედგა, სადაც „მანჩესტერ სიტიმ“ „ლივერპული“ მიიღო და მეტოქე ანგარიშით 2:1 დაამარცხა. ამ დროისთვის „ქალაქელები“ გათამაშების სატურნირო ცხრილში მეორე ადგილს იკავებენ და მხოლოდ ერთი ქულით ჩამორჩებიან ლიდერ „არსენალს“. მერსისაიდული გუნდის დამარცხების შემდეგ „სიტის“ მთავარმა მწვრთნელმა მანუელ პელეგრინიმ თავისი ფეხბურთელების მიმართ საქებარი სიტყვები არ დაიშურა.
„მთავარია, რომ ჩვენი ხასიათი გამოვავლინეთ და გამარჯვებით დავასრულეთ მატჩი, რომელსაც ანგარიშით 0:1 ვაგებდით. სანამ „ლივერპული“ ანგარიშს გახსნიდა, ჩვენ გოლის გატანის სამი შანსი გვქონდა, თუმცა პირველებმა მეტოქე გუნდის ფეხბურთელებმა გაიტანეს. ამის შემდეგ რთული იყო შეტევების გაგრძელება, რადგან „ლივერპულის“ კონტრშეტევები ჩვენთვის დიდ ხიფათს წარმოადგენდა, თანაც მერსისაიდელებს ეს კარგად გამოსდით. ვფიქრობ, ჩვენთვის მნიშვნელოვანი იქნება მიმდინარე წლის სატურნირო ცხრილის სათავეში დასრულება“, – პელეგრინის სიტყვები BT Sport-მა გამოაქვეყნა.
ბექა დოგრაშვილი
ჩემპიონთა ლიგის ჯგუფური ეტაპის VI ტურში „მანჩესტერ სიტი“ მიუნხენის „ბაიერნს“ ესტუმრება. „ქალაქელთა“ მთავარი მწვრთნელი მანუელ პელეგრინი ამბობს, რომ მისმა გუნდმა ახლა მთელი კონცენტრაცია ინგლისის პრემიერლიგის მატჩებზე უნდა გადმოიტანოს. შეგახსენებთ, რომ „სიტიმ“ ჩემპიონთა ლიგის პლეი-ოფში თამაშის უფლება უკვე მოიპოვა.
„ბაიერნთან“ ჯო ჰარტი ითამაშებს. თქმა არ უნდა იმას, რომ ლონდონის „არსენალთან“ მნიშვნელოვანი მატჩი გველის. ჩემპიონთა ლიგის პლეი-ოფში თამაშის უფლება უკვე მოვიპოვეთ, ახლა მთელი კონცენტრაცია ინგლისის პრემიერლიგაზე უნდა გავაკეთოთ“, – ციტირებს პელეგრინის სიტყვებს Goal.com-ი.
ცნობისთვის, მატჩი „ბაიერნსა“ და „მანჩესტერ სიტის“ შორის 10 დეკემბერს გაიმართება, „სიტი“-„არსენალის“ შეხვედრა კი – 14 დეკემბერს.
ბექა დოგრაშვილი
