გავრცელდა სოციალურ ქსელ „ტვიტერის“ ახალი რეკლამა, რომლის თემაც მოეხლოებული მსოფლიოს ჩემპიონატია.
ჭდე: მუნდიალი 2014
იაია ტურე მუნდიალის პირველ მატჩს გამოტოვებს
კოტ-დ’ივუარის ნაკრების ერთ-ერთი ლიდერი იაია ტურე მოახლოებული მსოფლიოს ჩემპიონატის პირველ მატჩში თავის გუნდს ვერ დაეხმარება.
როგორც ცნობილია, იაია იაპონიასთან მატჩში ფეხის ტრავმის გამო ვერ ითამაშებს, რომელიც ჯერ კიდევ საკლუბო სეზონის ბოლოს მიიღო. ერთ თვეში ტურემ ბოლომდე გამოჯანმრთელება ვერ შეძლო, თუმცა პლანეტის პირველობაზე მისი თამაში რისკის ქვეშ არ არის.
შეგახსენებთ, რომ ჯგუფურ ეტაპზე კოტ-დ’ივუარელები იაპონიას, საბერძნეთსა და კოლუმბიას შეხვდებიან.
ალექსანდრე მატევოსოვი
პირლო: „იტალია შემტევ ფეხბურთს ითამაშებს“
იტალიის ნაკრების ნახევარმცველის ანდრეა პირლოს თქმით, მოახლოებულ მსოფლიოს ჩემპიონატზე მისი გუნდი დაცვით ფეხბურთის ჩვენებას არ აპირებს.
„იტალია შემტევ ფეხბურთს თამაშობს. ჩვენ ვცდილობთ მატჩის სადავეები ხელიდან არ გავუშვათ და შეხვერისგან სიამოვნება მივიღოთ.
ასე თამაშს მსოფლიოს ჩემპიონატზეც ვაპირებთ. ვფიქრობ, იტალია კარგად გამოვა. წარმატების მისაღწევად ყველაფერი გვაქვს.
მიხარია, რომ ასეთ ტურნირში მონაწილეობის მიღების შესაძლებლობა მაქვს“, – განაცხადა პირლომ.
შეგახსენებთ, რომ მუნდიალის პირველ მატჩში „სკუადრა აძრას“ მეტოქე ინგლისის ნაკრები იქნაბ.
ალექსანდრე მატევოსოვი
მუნდიალის მოგების შემთხვევაში, ესპანეთის ნაკრების თითოეული წევრი 720 ათას ევროს მიიღებს
მოახლოებული მსოფლიოს ჩემპიონატის მოგების შემთხვევაში, ესპანეთის ნაკრების თითოეული ფეხბურთელი და სამწვრთნელო შტაბის წევრი 720 ათას ევროს მიიღებს.
ამ თანხიდან 72 ათასს ესპანელები 1/4 ფინალში გასვლის შემთხვევაში მიიღებენ. 180 ათასი ევრო „ფურია როხას“ ყოველ წევრს 1/2 ფინალში გასვლის შემთხვევაში გადაეცემა, ხოლო თუ ნაკრები მხოლოდ ფინალისტი გახდება, გუნდის წევრები 360 ათას ევროს მიიღებენ.
აღსანიშნავია, რომ 2006 წლის მუნდიალზე ესპანელთათვის მსგავსი პრემია 540 ათას ევროს შეადგენდა, ხოლო 4 წლის წინ – 600 ათას ევროს.
მოახლოებული პლანეტის პირველობის ჯგუფურ ეტაპზე ვისენტე დელ ბოსკეს გუნდის მეტოქეთა შორის ჰოლანდია, ავსტრალია და ჩილე იქნებიან.
ალექსანდრე მატევოსოვი
რიბერი მუნდიალისთვის საფრანგეთის ნაკრების განაცხადში მოხვდა
საფრანგეთის ნაკრებმა მოახლოებული მსოფლიოს ჩემპიონატისთვის თავისი საბოლოო განაცხადი დაასახელა.
მეკარეები: ლიორისი („ტოტენჰემი“), რუფიე („სენტ-ეტიენი“), ლანდრო („ბასტია“)
მცველები: ვარანი (მადრიდის „რეალი“), სახო („ლივერპული“), დებუში („ნიუკასლი“), კოშელნი („არსენალი“), დინი (პსჟ), მანგალა („პორტუ“), სანია (“არსენალი“), ევრა („მანჩესტერ იუნაიტედი“)
ნახევარმცველები: კაბაიე (პსჟ), პოგბა („იუვენტუსი“), მატუიდი (პსჟ), სისოკო („ნიუკასლი“), გრენიე („ლიონი“), მავუბა („ლილი“), ვალბუენა („მარსელი“), რიბერი (მიუნხენის „ბაიერნი“)
თავდამსხმელები: ბენზემა (მადრიდის „რეალი“), გრიზმანი („რეალ სოსიედადი“), ჟირუ („არსენალი“), რემი („ნიუკასლი“)
მენეზი: „არამგონია, მუნდიალზე მოვხვდე“
„პარი სენ-ჟერმენის“ ნახევარმცველი ჟერემი მენეზი ეჭვობს, რომ საფრანგეთის ეროვნული ნაკრების მთავარი მწვრთნელი დიდიე დეშამი მას მსოფლიოს ჩემპიონატზე არ გამოიძახებს.
„ვითამაშებ თუ არა მსოფლიოს ჩემპიონატზე? არამგონია, ჩემი დონე ასეთი ტურნირისთვის შესაფერისი იყო. თანაც, კლუბში თამაში ხშირად არ მიწევ, რის გამოც შემადგენლობაში მოხვედრის პრობლემა მექნება. შესაბამისად, მუნდიალზე გამგზავრება გამიჭირდება“, – განაცხადა მენეზმა.
ალექსანდრე მატევოსოვი
მსოფლიოს ჩემპიონატის მონაწილეები დოპინგკონტროლს გაივლიან
ფიფა-ს სამედიცინო სამსახურის ხელმძღვანელის ირჟი დვორჟაკის თქმით, მოახლოებული მუნდიალის ფინალური ეტაპის 32 ნაკრების მონაწილე ტურნირის დაწყებამდე დოპინგკონტროლს გაივლის.
„მიხარია, რომ არავინ იცის, თუ როდის ჩატარდება დოპინგტესტი. გამორიცხული არ არის, მოთამაშეებს მოულოდნელად მივაკითხოთ.
პირველი მარტიდან ყველა ნაკრების მოთამაშეთა კოორდინატებს მივიღებთ, რის შემდეგად გადავწყვეტთ, თუ რით დავიწყო.
ამ ეტაპზე მხოლოდ იმას გეტყვით, რომ ყველა ფეხბურთელი ტურნირის გახსნის მატჩამდე შემოწმდება“, – განაცხადა დვორჟაკმა.
ალექსანდრე მატევოსოვი
2014 წლის მუნდიალი – ქვეჯგუფები ოფიციალურად დაკომპლექტდა
დასრულდა 2014 წლის მსოფლიოს ჩემპიონატის წილისყრა. 32 გუნდი 8 ქვეჯგუფში გადანაწილდა, თუმცა წილისყრის პროცესის დაწყებამდე ვნახეთ რამდენიმე ვიდეორგოლი, მოვუსმინეთ მუსიკალურ კომპოზიციებსაც.
თავდაპირველად სცენა ორმა პრეზიდენტმა დაიკავა – დილმა რუსეფმა – ბრაზილიის პირველმა პირმა და ზეპ ბლატერმა – ფიფას ხელმძღვანელმა. ჯერ წუთიერი დუმილით პატივი მიაგეს ნელსონ მანდელას ხსოვნას, შემდეგ კი, მეტად ემოციურ ფორმებში ისაუბრეს დამდეგი მსოფლიოს ჩემპიონატის შესახებ. „ფეხბურთი გულშემატკივართა თამაშია“, – ალბათ, ეს გახლდათ მათი გამოსვლის მთავარი სათქმელი.
შემდეგ სცენაზე ესპანეთის ნაკრების მთავარი მწვრთნელი ვისენტე დელ ბოსკე მუნდიალის ტიტულით ხელში გამოვიდა – ესეც ერთგვარი რიტუალი თასის გადაცემისა.
ტურნირის ოფიციალური ბურთი „ბრაზუკა“ რონალდომ წარადგინა, ოფიციალური თილისმა „ფულეკო“ კი – ბებეტო და მარტამ.
ლეგენდარულმა ბრაზილიელმა ფეხბურთელმა პელემ წილისყრაში მონაწილეობა არ მიიღო, თუმცა სიტყვით ისიც გამოვიდა.
წილისყრის დაწყებამდე მეოთხე კალათიდან შემთხვევითი წესით იტალიის ნაკრებმა მეორე კალათაში გადაინაცვლა. შესაბამისად, კალათებში გუნდების რაოდენობა გათანაბრდა და როგორც იქნა, წილისყრისთვის ყველაფერი გამზადდა. საბოლოო ჯამში, ნაკრებები ასე გადანაწილდნენ:
| ჯგუფი A | ||
| 1. | ბრაზილია |  |
| 2. | ხორვატია |  |
| 3. | მექსიკა |  |
| 4. | კამერუნი |  |
| ჯგუფი B | ||
| 1. | ესპანეთი |  |
| 2. | ჰოლანდია |  |
| 3. | ჩილე |  |
| 4. | ავსტრალია |  |
| ჯგუფი C | ||
| 1. | კოლუმბია |  |
| 2. | საბერძნეთი |  |
| 3. | კოტ დივუარი |  |
| 4. | იაპონია |  |
| ჯგუფი D | ||
| 1. | ურუგვაი |  |
| 2. | კოსტა რიკა |  |
| 3. | ინგლისი |  |
| 4. | იტალია |  |
| ჯგუფი E | ||
| 1. | შვეიცარია |  |
| 2. | ეკვადორი |  |
| 3. | საფრანგეთი |  |
| 4. | ჰონდურასი |  |
| ჯგუფი F | ||
| 1. | არგენტინა |  |
| 2. | ბოსნია-ჰერცეგოვინა |  |
| 3. | ირანი |  |
| 4. | ნიგერია |  |
| ჯგუფი G | ||
| 1. | გერმანია |  |
| 2. | პორტუგალია |  |
| 3. | განა |  |
| 4. | აშშ |  |
| ჯგუფი H | ||
| 1. | ბელგია |  |
| 2. | ალჟირი |  |
| 3. | რუსეთი |  |
| 4. | კორეა |  |
ბექა დოგრაშვილი
მუნდიალის მატჩების მიმდინარეობისას გუნდებს ორი წუთით დასვენების უფლება მიეცათ
გუშინ ფიფა-ს ხელმძღვანელები 2014 წლის მსოფლიოს ჩემპიონატის მონაწილე გუნდების მთავარ მწვრთნელებს შეხვდნენ და იტალიის ნაკრების თავკაცის ჩეზარე პრანდელის იდეა განიხილეს.
„სკუადრა აძურას“ დამრიგებელს სურდა, რომ ფეხბურთის საერთაშორისო მმართველ ორგანოს მუნდიალის მატჩების დროს გუნდებისათვის ორი წუთით დასვენების უფლება მიეცა, რისი მიზეზიც გაუსაძლისი კლიმატური პირობებია.
აღნიშნულ შეხვედრაზე ფიფა-მ იტალიელი სპეციალისტის ამ იდეას გადახედა და საბოლოო ჯამში, დააკმაყოფილა კიდეც.
შეგახსენებთ, რომ ბრაზილიაში ჩასატარებელი პლანეტის პირველობის ჯგუფური ეტაპის კენჭისყრა დღეს გაიმართება.
ალექსანდრე მატევოსოვი
იბრაჰიმოვიჩის დუბლს რონალდუმ ჰეთთრიკით უპასუხა
დასრულდა მსოფლიოს ჩემპიონატის საკვალიფიკაციო ეტაპის პლეი-ოფის რაუნდის ყველაზე საინტერესო მატჩი.
პორტუგალიაში მინიმალური ანაგრიშით მარცხის შემდეგ შვედეთის ნაკრებს მუნდიალზე გასვლის შანსები მაინც ჰქონდა. ამის მიუხედავად, პირველი ტაიმი უფრო აქტიურად პორტუგალიელებმა ჩაატარეს, რამდენიმე მომენტის შექმნა მასპინძლებმაც შეძლეს, თუმცა პირველ 45 წუთში გოლები არც ერთი და არც მეორე გუნდის კარში გასულა.
მეორე ნახევრის მე-5 წუთზე კრიშტიანუ რონალდუმ ანგარიშის გახსნა მოახერხა. ერთი შეხედვით, ჩანდა, რომ შვედებმა სასურველი შედეგის მიღწევის შანსები დაკარგეს, რადგან მუნდიალის საგზურის მოსაპოვებლად, მათ სამი გოლი უნდა გაეტანათ, თანაც, საკუთარ კარში ბურთი აღარ უნდა გაეშვათ. იმედები სტადიონზე შეკრებილ ადგილობრივ გულშემატკვირებს ზლატან იბრაჰიმოვიჩმა 4-წუთიან მონაკვეთში დაუბრუნა. პსჟ-ს ფორვარდმა 68-ე წუთზე წონასწორობა აღადგინა, ხოლო 72-ე წუთზე დუბლიც შეასრულა. მასპინძელთათვის სამწუხაროდ, კიდევ ორი გოლის გატანა კრიშტიანუ რონალდუს არ გასჭირვებია, რომელმაც ისაკსონის კარი 77-ე და 79-ე წუთებზე აიღო, რითაც, სხვათაშორის, ზლატანის აპლოდისმენტებიც კი დაიმსახურა.
საბოლოოდ, ორი მატჩის ჯამში გამარჯვება პაულუ ბენტუს გუნდმა იზეიმა, რომელიც ბრაზილიაში ჩასატარებელ მსოფლიოს ჩემპიონატზე გავიდა.
შვედეთი – პორტუგალია 2:3
გოლები: იბრაჰიმოვიჩი 68′, 72′ – რონალდუ 50′, 77′, 79′
შვედეთი: ისაკსონი, ლუსტიგი, ანტონსონი, ნილსონი, მარტინ ოლსონი, კაჩანიკლიჩი (დურმაზი 82′), ჩელსტრემი, ელმი (სვენსონი 46′), ლარსონი (გერნდტი 90′), ელმანდერი, იბრაჰიმოვიჩი
პორტუგალია: რუი პატრისიუ; ჟოაუ პერეირა, პეპე, ალვეშ, კოენტრაუ (ანტუნიეში 53′); მოუტინიო, ველოზუ, მეირელეში (ვილიამ კარვალიო 74′); რონალდუ, ალმეიდა (რიკარდო კოშტა 82′), ნანი
გაფრთხილებები: ოლსონი, სვენსონი, ჩელსტრემი, ანტონსონი – ნანი
ალექსანდრე მატევოსოვი
ზიდანი: ”ინგლისი მუნდიალზე უნდა გავიდეს”
ლეგენდარული ზინედინ ზიდანი დარწმუნებულია იმაში, რომ ინგლისის ეროვნული ნაკრები 2014 წლის მსოფლიო ჩემპიონატზე მოახერხებს გასვლას.
”ინგლისმა ბრაზილიის საგზული უნდა მოიპოვოს, თუმცა ამის გაკეთება ადვილი არ იქნება. დარწმუნებული ვარ, რომ ეს გუნდი მსოფლიო ჩემპიონატზე გავა, რადგან მას ძლიერი შემადგენლობა ჰყავს, რომელსაც საინტერესო თამაშის ჩვენება შეუძლია”, – თვლის ზიდანი.
”მოგების შანსი ყველა იმ გუნდს ექნება, რომელიც მუნდიალზე გავა. ინგლისი – ერთ-ერთი მათგანია”, – აღნიშნა ზიზუმ.
შეგახსენებთ, რომ საკვალიფიკაციო ეტაპზე ინგლისელებს სამი მატჩის ჩატარება დარჩათ. როი ჰოჯსონის გუნდი უკრაინას, ჩერნოგორიას და პოლონეთს შეხვდება.
ალექსანდრე მატევოსოვი