„ლივერპულისა“ და მადრიდის „რეალის“ ყოფილმა მეკარემ ეჟი დუდეკმა „სამეფო კლუბის“ კარის დარაჯი იკერ კასილიასი შეაქო.
„იკერი სათადარიგო ფეხბურთელი არ არის. ის ლეგენდაა, რომელმაც კარიერაში ყველაფერი მოიგო. არამგონია, „რეალში“ ის იმისთვის იყოს, რომ სათადარიგო სკამზე იჯდეს. მას „რეალისთვის“ ბევრის მიცემა შეუძლია და მოტივაციის არსებობის შემთხვევაში, კონტრაქტის ბოლომდე იმუშავებს. ამავდროულად, თუ მას ასპროცენტიანი მოტივაცია არ ექნება, სჯობს, ახალი კლუბის პოვნაზე იფიქროს“, – განაცხადა დუდეკმა.
მადრიდის „რეალის“ მთავარი მწვრთნელი კარლო ანჩელოტი კლუბიდან შესაძლო გათავისუფლებასთან დაკავშირებულ ინფორმაციას გამოეხმაურა.
„ამის შესსახებ ჩემთან არავის უსაუბრია, ამიტომაც „რეალის“ მწვრთნელად ვრჩები. ტურის ბოლო მატჩის შემდეგ ვისაუბრებთ.
კლუბის პრეზიდენტ ფლორენტინო პერესთან კარგი ურთიერთობა მაკავშირს და ბოლო თვეებში არაფერი შეცვლილა. ურთიერთობა არც ჩემი გათავისუფლების შემთხვევაში გაგვიფუჭდება. „რეალში“ გატარებული ორი სეზონი ყოველთვის მემახსოვრება“, – ციტირებს ანცელოთის AS-ი.
„ნაპოლის“ მთავარი მწვრთნელის რაფაელ ბენიტესის აგენტმა გარსია კილონმა განაცხადა, რომ მისი კლიენტი მადრიდის „რეალში“ მუშაობას სიამოვნებით დათანხმდებოდა.
„რაფა „რეალის“ მოთამაშე იყო (1974-1981 წლებში ის „კასტილიაში“ თამაშობდა, ავტ.), ის მადრიდიდანაა და მეორე გუნდს ავარჯიშებდა (1993-1995 წლებში, ავტ.). ამიტომაც, ეჭვი მეპარება, მისი ბიოგრაფიით ვინმე უკმაყოფილო იყოს. მისი აზრების კითხვა არ შემიძლია, თუმცა მგონია, რომ ბენიტესი „რეალში“ მუშაობას სიმოავნებით დათანხმებოდა. თუმცა, ახლა კონკრეტულად ცნობილი არაფერია“, – განაცხადა აგენტმა.
ავტორიტეტული იტალიური გამოცემა “ლა გაძეტა დელო სპორტი” იუწყება, რომ მადრიდის “რეალის” მთავარი მწვრთნელი კარლო ანჩელოტი დღეს საღამოს “მილანის” წარმომადგენლებს შეხვდება.
პრესაში გავრცელებული ინფორმაციის თანახმად, იტალიელი სპეციალისტი მიმდინარე სეზონის ბოლოს “სამეფო კლუბს” დატოვებს. დღევანდელ შეხვედრას “მილანის” მრჩეველი ერნესტო ბრონცეტიც უნდა დაესწროს, რომელიც “რეალთან” ანჩელოტის კონტრაქტის გაწყვეტაზე მოლაპარაკებას აწარმოებს. თუ შრომითი ხელშეკრულება ვადაზე ადრე გაწყდება, მადრიდულ კლუბს იტალიელი სპეციალისტის სასარგებლოდ 3,5 მილიონი ევროს გადახდა დაეკისრება. შეგახსენებთ, რომ ანჩელოტის “რეალთან” მოქმედი კონტრაქტი 2016 წლის 30 ივნისს ეწურება.
“მილანი” კარლო ანჩელოტის ოთხწლიან შრომით ხელშეკრულებას სთავაზობს.
შეგახსენებთ, რომ ფეხბურთის იტალიელი სპეციალისტი “როსონერის” 2001-დან 2009 წლამდე თავკაცობდა. ამ დროის განმავლობაში მან ორჯერ მოიგო ჩემპიონთა ლიგის თასი.
მადრიდის „რეალის“ მთავარი მწვრთნელის კარლო ანჩელოტის ასისტენტმა პოლ კლემენტმა, შესაძლოა, „დერბი ქაუნთის“ წინადადება მიიღოს.
კლუბი, რომელიც მიმდინარე სეზონის შედეგების მიხედვით პრემიერლიგაში გადასასვლელ პლეიოფშიც ვერ მოხვდა, გუნდის დამრიგებლის სტივ მაკლარენის გაშვებას აპირებს, რაც კლემენტის დანიშნის ალბათობას ზრდის.
აქამდე ანჩელოტის ასისტენტის სახელს ასევე „სანდერლენდს“ უკავშირებდნენ.
კიევის „დინამოს“, „მილანის“, „ჩელსისა“ და უკრაინის ნაკრების ექს-თავდამსხმელმა ანდრეი შევჩენკომ მადრიდის „რეალის“ ნახევარმცველის გარეთ ბეილის შესახებ ისაუბრა.
„ვფიქრობ, გარეთმა სიმშვიდა უნდა შეინარჩნოს და თავისი საუკეთესო ფორმა იპოვოს. ის ჩინებული მოთამაშეა. თუ მას „რეალში“ დარჩენა სურს, მაშინ მისთვის მხოლოდ თამაშსა და ვარჯიშზე ფიქრი სჯობს“, – ციტირებს უკრაინელს BBC.
მიმდინარე სეზონში ბეილმა 46 მატჩი ჩაატარა და 15 გოლი გაიტანა.
“მარსელის” მთავარ მწვრთნელ მარსელო ბიელსას 2004 წელს მადრიდის “რეალის” ჩაბარება შეეძლო, თუმცა არგენტინელმა სპეციალისტმა წინადადებაზე უარი თქვა. ამის შესახებ ლუის მარია ბონინიმ განაცხადა, რომელიც არგენტინის ეროვნულ ნაკრებში ბიელსას თანაშემწედ მუშაობდა.
“არგენტინის ნაკრებიდან რამდენიმე დღის წამოსულები ვიყავით, როცა მარსელოს მადრიდიდან მნიშვნელოვანმა პიროვნებამ დაურეკა. ბიელსამ მას უპასუხა: “სულ ახლახან დავტოვე არგენტინის ნაკრები და თქვენ ფიქრობთ, რომ “რეალს” ჩავიბარებ?”
რთულია “სამეფო კლუბს” უარი უთხრა. ეს მხოლოდ ბიელსას შეუძლია”, – ბონინის კომენტარი “მარკამ” გამოაქვეყნა.
შეგახსენებთ, რომ მარსელო ბიელსამ არგენტინის ეროვნული გუნდის შემდეგ ჩილეს ნაკრები ჩაიბარა, ეს კი სამწლიანი პაუზის შემდეგ, 2007 წელს მოხდა.
ჩვენი საიტი წარმოგიდგენთ ათ საფეხბურთო გიგანტს, რომელიც მოთამაშეების ხელფასებსა და ტრანსფერებში ფულს არ იშურებს.
ავტორიტეტულმა გამოცემა ESPN გამოაქვეყნა იმ ხარჯთა შედეგები, რასაც ევროპული გუნდები ხარჯავენ. გამოკითხვის შედეგად გაირკვა, რომ ყველაზე გულუხვი გუნდი ამ მხრივ ფრანგული “პსჟ”-ა.
კლუბების წლიური ხარჯები მოცემულია აშშ დოლარის ექვივალენტში.
აღსანიშნავია, რომ ამ გამოკითხვაში უკრაინის ლიგის გუნდების ხარჯები არ შედის. გამოკითხვა ჩატარდა 17 წამყვან ჩემპიონატში.
კომპანია „მაიკროსოფტთან“ საპარტნიორო ხელშეკრულების გაფორმების შემდეგ მადრიდის „რეალის“ ფეხბურთელები კლუბის პრეზიდენტ ფლორენტინო პერესს გაესაუბრნენ და მთავარი მწვრთნელის პოსტზე კარლო ანჩელოტის დატოვება სთხოვეს.
„მომწონს, როდესაც მწვრთნელს ადამიანური თვისებების გარდა, კიდევ ბევრი სხვა კარგი თვისება გააჩნია, რაც ანჩელოტის ნადმვილად არ აკლია“, – განაცხადა სერხიო რამოსმა.
„მიხარია, რომ მასთან ვმუშაობ“, – აღნიშნა რონალდუმ.
„ანჩელოტის რბილი ხელი აქვს. მისი ხელმძღვანელობის უფრო მეტს ვმუშაობთ, ვიდრე მოურინიოს თავკაცობით გვიწევდა“, – თქვა პეპემ.
„ფეხბურთელებთან ახლო ურთიერთობა ანჩელოტის განსაკუთრებულს ხდის“, – აცხადებს ბეილი.
„თუ არჩევანის სააშუალება მექნებოდა, მას აუცილებლად დავტოვებდი“, – განაცხადა ბეილმა.
„ანჩელოტი – ჩემპიონია“, – აღნიშნა კროოსმა.
იკერ კასილიასს მიმდინარე ზაფხულში გუნდის გულშემატკივრებთან დამშვიდობება არ მოუწევს.
იმის გათვალისწინებით, რომ “რეალს” დე ხეას ყიდვა სურს, პრესა იკერს “სამეფო გუნდის” დატოვებას ან მეორე მეკარეობას უწინასწარმეტყველებს.
თუმცა, “გალაქტიკოსის” პრეზიდენტმა, ფლორენტინო პერესმა განაცხადა, რომ 33 წლის მეკარე მას სჭირდება, მინიმუმ წლით. იკერს მადრიდელებთან ხელშეკრულების ვადა ორ წელში ეწურება.
ამავე დროს, კასილიასის მომავალზე დე ხეას ტრანსფერი არანაირ ზეგავლენას არ ახდენს.
მადრიდის “რეალი” იმედოვნებს, რომ დავიდ დე ხეას იაფად, ფაბიო კოენტრაუს ხარჯზე შეიძენს.
Marca-ს ინფორმაციით, “წითელი ეშმაკები” ესპანელ მეკარეში 40 მილიონ ევროს ითხოვენ, ხოლო “სამეფო გუნდი” მზადაა, 15 მილიონი კოენტრაუს ხარჯზე გაქვითოს.
შეგახსენებთ, რომ 2013 წელს “მანჩესტერმა” პორტუგალიელი მცველის ყიდვა სცადა, თუმცა უშედეგოდ.
მიმდინარე სეზონში, 27 წლის მარცხენა უკანახაზელმა “თეთრების” მაისურით 16-ჯერ ითამაშა.
ლონდონის „ჩელსის“ მთავარმა მწვრთნელმა ჟოზე მოურინიომ გუშინ გავრცელებული ჭორი უარყო, რომლის მიხედვითაც, მადრიდის „რეალის“ ხელმძღვანელობა მას დაბრუნებას სთავაზობდა.
„მე პერესს მხოლოდ იმიტომ დავურეკე, რომ მისთვის „რეალის“ საკალათბურთო გუნდის წარმატება მომელოცა. მადრიდელებს ჩემთვის კონტრაქტი არ შეუთავაზებიათ“, – განაცხადა ფეხბურთის პორტუგალიელმა სპეციალისტმა.
