„ვილიარეალთან“ ესპანეთის პრიმერა დივიზიონის 25-ე ტურის მატჩში კრიშტიანუ რონალდუმ მორიგი გოლი გაიტანა.
ესპანეთის პირველობის მიმდინარე სეზონის გათამაშებაში პორტუგალიელისთვის ეს 30-ე გოლია. აქედან გამომდინარე, კრიშტიანუ პირველი ფეხბურთელია, რომელმაც ევროპის წამყვან საფეხბურთო ლიგებში მინიმუმ 30 გოლი ზედიზედ მეხუთე სეზონში გაიტანა.
მადრიდის „რეალის“ მთავარმა მწვრთნელმა კარლო ანჩელოტიმ ნახევარმცველ ისკოს თამაში შეაფასა. მიმდინარე სეზონში 22 წლის ფეხბურთელმა 22 მატჩი ჩაატარა (აქედან 16 ძირითად შემადგენლობაში დაიწყო), რომელშიც თავის ანგარიშზე 3 გოლი და 8 საგოლე გადაცემა მიითვალა.
„რთულია იმის თქმა, თუ რომელ პოზიციაზეა უფრო ეფექტური ისკო. მან დაამტკიცა, რომ ერთდროულად რამდენიმე ადგილას თამაში შეუძლია. ისკომ ნამდვილად გამაკვირვა. თუ იგი კარგ ფორმაშია, მაშინ აუცილებლად ითამაშებს. ეს განხილვის საგანი არც კი უნდა იყოს“, – ციტირებს „ბლანკოსის“ დამრიგებელს AS-ი.
მადრიდის “რეალის” მეკარე იკერ კასილასსა და თავკაც კარლო ანჩელოტის კლუბისგან სამახსოვრო მაისურები გადაეცათ.
შეგახსენებთ, რომ ესპანეთის პრიმერადივიზიონის 24-ე ტურში “ელჩეს” წინააღმდეგ გამართული შეხვედრა (2:0) კასილასისთვის ლა ლიგაში “სამეფო კლუბის” რიგებში ჩატარებული მე-500 მატჩი გახლდათ. იგივე შეხვედრა ანჩელოტისთვის “რეალის” მთავარი მწვრთნელის პოსტზე მე-100 მატჩი გახლდათ.
მსოფლიოსა და ევროპის ჩემპიონის ტიერი ანრის აზრით, „ბარსელონას“ ლიდერი ლიონელ მესი მადრიდის „რეალის“ ფორვარდ კრიშტიანუ რონალდუს სჯობს.
„ამ ორ მოთამაშეს შორის მესის გამოვყოფ, რომელთან ერთადაც ვთამაშობდი. რონალდუს პატივს ვცემ, იგი რამდენიმე წლის განმავლობაში უმაღლეს დონეზეა. ერთი სეზონის მაღალ დონეზე ჩატარებაც საქმეა, რამდენიმე წელი კი უკვე განუმეორებელი შედეგია. მომავალში ადამიანები ამ სტაბიულორობას ყურადღებას აუცილებლად მიაქცევენ. ასე რომ, რონალდუს დიდ პატივს ვცემ, მაგრამ ლეოსთან ჩინებული წლები გავატარე. ერთად საკმარისი რაოდენობის ტიტულები მოვიგეთ“, – განაცხადა ანრიმ.
„ელჩესთან“ გამართული მატჩი მადრიდის „რეალის“ მეკარე იკერ კასილიასისთვისა და მთავარ მწვრთნელ კარლო ანჩელოტისთვის საიუბილეო გამოდგა.
იტალიელმა სპეციალისტმა მადრიდელებს მე-100 მატჩში უთავკაცა. რაც შეეხება იკერს, მისთვის ესპანეთის პრიმერა დივიზიონში ხსენებული შეხვედრა მე-500 გამოდგა. ამ მაჩვენებლით კასილიასი ისტორიაში მეშვიდე ადგილზე აღმოჩნდა. მასზე წინ სოლერი (504 მატჩი), სანჩსი (523), ბუიო (542), ეუსებიო (543), რაული (550) და სუბისარეტა (622) არიან.
ზლატან იბრაჰიმოვიჩის აგენტმა მინო რაიოლამ გაიხსენა, რომ 2010 წელს „ბარსელონადან“ წასვლის შემდეგ მის კლიენტს მადრიდის „რეალში“ გადასვლა სურდა.
„ზლატანს „ბარსელონადან“ წასვლის შემდეგ „რეალში“ გადასვლა უნდოდა. მისი კარიერისთვის ეს იდეალური ვარიანტი იყო. თანაც, გვარდიოლას იგი ამით სათანადო პასუხსაც გასცემდა. სამწუხაროდ, „რეალს“ ამ ტრანსფერისთვის გამბედაობა არ ეყო“, – განაცხადა რაიოლამ.
“სამეფო გუნდი” დაცვის ხაზის გაახალგაზრდავებაზე მუშაობას.
ესპანური მედიის ცნობით, მადრიდის “რეალი” “ვალენსიას” მცველს, ხოსე გაიას აკვირდება.
“თეთრებმა” უკვე გამართეს წინასწარი მოლაპარაკება 19 წლის ფეხბურთელთან.
შეგახსენებთ, რომ ახალგაზრდა მცველს “ღამურებთან” კონტრაქტი 2018 წელს ეწურება, ხოლო ხელშეკრულების მიხედვით, მისი სატრანსფერო ღირებულება 18 მილიონი ევროა.
ამ სეზონში ხოსე გაიამ “ვალენსიას” მაისურით 22 მატჩი ჩაატარა და მხოლოდ ერთი გოლი გაიტანა.
მადრიდის „რეალის“ მცველმა ფაბიუ კოენტრაუმ დღეს ძირითად ჯგუფთან ერთად ივარჯიშა. ცნობისთვის, პორტუგალიელს ბოლო დღეებში კუნთების ტკივილი აწუხებდა.
ამის მიუხედავად, ესპანური მედიის ინფორმაციით, „ბლანკოსის“ მცველი ესპანეთის ჩემპიონატის 24-ე ტურის მატჩს გამოტოვებს, რომელშიც მისი გუნდის გასვლაზე „ელჩეს“ შეხვდება.
მადრიდის „რეალის“ ლეგენდამ რაულმა „ნიუ-იორკ კოსმოსში“ სადებიუტო მატჩი ჩაატარა და გოლიც გაიტანა. ნიუ-იორკელების მეტოქე სამხრეთ ჩინეთის საფეხბურთო კლუბი იყო.
ესპანელმა მეტოქის კარი დანიშნული პენალტის შემდეგ აიღო.
ცნობისთვის, მატჩი ფრედ 2:2 დასრულდა.
მადრიდის „რეალის“ მცველი პეპე არ ეთანხმება იმას, რომ თავდამსხმელი კრიშტიანუ რონალდუ ირინა შეიკთან დაშორების შემდეგ კრიზისშია.
„კრიშტიანუ ზუსტად ისე გამოიყურება, როგორც ადრე. მას სიხარული ეტყობა, რითაც იგი თანაგუნდელებს აოცებს. ეს ის არის, რისი ნახვაც გვინდა. გვიხარია, რომ მან ისევ გაიტანა. მან იცის, რომ „რეალის“ ღირსებას იცავს და მასზე აქ დიდ იმედს ამყარებენ“, – განაცხადა პეპემ.
შეგახსენებთ, რომ რონალდუმ გუშინ „შალკესთან“ უეფა-ს ჩემპიონთა ლიგის 1/8-ფინალური ეტაპის პირველ მატჩში გაიტანა და ახალი რეკორდი დაამყარა, მადრიდელებმა კი ანგარიშით 2:0 იმარჯვეს.
უეფას ჩემპიონთა ლიგის მერვედფინალურ ეტაპზე გელზენკირხენის “შალკემ” მადრიდის “რეალი” მიიღო და ანგარიშით 0:2 დამარცხდა.
მატჩი “ხუმარების” მთავარმა მწვრთნელმა რობერტო დი მატეომ შეაფასა.
“კარგად ვითამაშეთ, მაგრამ “რეალის” წინააღმდეგ თავის წარმოჩენა ყოველთვის რთულია. გოლის გატანის შანსიც გვქონდა, თუმცა განსხვავება ის არის, რომ ჩვენ მხოლოდ შანსი გვქონდა, მეტოქემ კი ორჯერ გაიტანა. ეს შედეგიც გუნდების დონეებს შორის სხვაობამ განაპირობა. ჩვენ შორის განსხვავება განსაკუთრებით შეტევით ხაზში შეინიშნებოდა.
მადრიდში გამარჯვება რთული იქნება, თუმცა რწმენა არ უნდა დავკარგოთ. თუ მომდევნო ეტაპზე თამაში გვსურს, ორი გოლი უნდა გავიტანოთ”, – დი მატეოს კომენტარი უეფას ოფიციალურ ვებგვერდზე გამოქვეყნდა.
“რეალსა” და “შალკეს” შორის განმეორებითი შეხვედრა “სანტიაგო ბერნაბეუზე”, 10 მარტს გაიმართება.
უეფას ჩემპიონთა ლიგის მერვედფინალურ ეტაპზე გელზენკირხენის “შალკესა” და მადრიდის “რეალს” შორის გამართული მატჩი ესპანელთა გამარჯვებით, ანგარიშით 2:0 დასრულდა
შეხვედრა “სამეფო კლუბის” მთავარმა მწვრთნელმა კარლო ანჩელოტიმ შეაფასა.
“მშვენიერი თამაში გამოვიდა. მატჩი კარგ რიტმში დავიწყეთ და პირველი გოლის შემდეგ თამაში უფრო გაიოლდა. მარსელომ გოლი მარჯვენა ფეხით გაიტანა, რაც მშვენიერი სიურპრიზი აღმოჩნდა.
ბეილი კარგ კონდიციებშია, მშვენივრად ითამაშა. იგივეს ვიტყოდი დანარჩენ ფეხბურთელებზეც. ჩვენ ახლაც შარშანდელი სეზონის მსგავსი წნეხის ქვეშ ვართ. შარშან “დეჩიმაზე” ვსაუბრობდით, წელს კი – ჩემპიონთა ლიგის მე-11-ედ მოგებაზე”, – ციტირებს ანჩელოტის სიტყვებს “სქაი სპორტსი”.
