სასტუმრო “ჰოლიდეი ინში” დასრულდა საქართველოს ფეხბურთის ფედერაციის საპრეზიდენტო არჩევნები. ქვეყნის ფეხბურთის მმართველ ორგანოს უახლოესი ოთხი წლის განმავლობაში ლევან კობიაშვილი უხელმძღვანელებს.
როგორც მოგეხსენებათ, სფფ-ის პრეზიდენტის პოსტისთვის რევაზ არველაძე, მამუკა კვარაცხელია და ლევან კობიაშვილი იბრძოდნენ.
ხმის უფლების მქონე 33 დელეგატის არჩევანი ასეთია:
რევაზ არველაძე — 15 ხმა;
მამუკა კვარაცხელია — 0 ხმა;
ლევან კობიაშვილი — 18 ხმა.
სასტუმრო „ჰოლიდეი ინში“ საქართველოს ფეხბურთის ფედერაციის არჩევნების დაწყებას ელიან. ამ ეტაპზე, როგორც მოგახსენეთ, რეგისტრაცია თვრამეტმა დელეგატმა გაიარა.
ჟურნალისტებთან საუბრისას ერთ-ერთმა კანდიდატმა ლევან კობიაშვილმა აღნიშნა, რომ მის კონკურენტ რევაზ არველაძეს ერთ ოთახში დელეგატების ნაწილი ჰყავს ჩაკეტილი, რომელთაც გასვლის საშუალება არ აქვთ.
შეგახსენებთ, რომ ერთ-ერთი დელეგატის გეგა გობეჯიშვილის დაკავების შემდეგ არველაძემ არჩევნების გადატანა მოითხოვა.
მოგეხსენებათ, გუშინ საქართველოს ფეხბურთის ფედერაციის ერთ-ერთი დელეგატი გეგა გობეჯიშვილი პოლიციამ ნარკოტიკების მოხმარების ბრალდებით დააკავა.
გობეჯიშვილი სფფ-ს საპრეზიდენტო არჩევნებზე რევაზ არველაძის მხარდამჭერია. ღამით არველაძის „ფეისბუქის“ გვერდზე სპეციალური განცხადება გამოქვეყნდა, რომელშიც აღნიშნული იყო, რომ კანდიდატი დღეს დაგეგმილ არჩევნებში მონაწილეობას იქამდე არ მიიღებდა, სანამ გობეჯიშვილს არ გაათავისუფლებდნენ. ცოტახნის წინ თავად არველაძემ თავისი პოზიცია უკვე ჟურნალისტებს გაუზიარა.
„არჩევნებში მონაწილეობას იქამდე არ მივიღებ, სანამ გობეჯიშვილს არ გაათავისუფლებენ“, – ციტირებს არველაძეს ადგილზე მყოფი ჩვენი კორესპონდენტი.
ამჟამად ამბის სხვა დეტალები უცნობია. რაიმე სახის სიახლის გაგებისთანავე Fanebi.com ინფორმაციას ოპერატიულად მოგაწვვდით.
როგორც მოგახსენეთ, რამდენიმე საათის წინ პოლიციამ ნარკოტიკების მოხმარების ბრალდებით საქართველოს ფეხბურთის ფედერაციის ერთ-ერთი დელეგატი გეგა გობეჯიშვილი დააკავა, რომელიც საპრეზიდენტო არჩევნებზე რევაზ არველოაძის მხარდამჭერია. არველაძის „ფეისბუქის“ გვერდზე ამასთან დაკავშირებული პოსტი გამოქვეყნდა, რომელშიც კანდიდატი სხვა დელეგატებს ვაკის პოლიციასთან მოსვლასა და კოლეგის მხარდაჭერისკენ მოუწოდებს. განცხადებაში ასევე ნათქვამია, რომ არჩევნები იქამდე არ უნდა ჩატარდეს, სანამ გობეჯიშვილს არ გაათავიოსუფლებენ.
„გეგა გობეჯიშვილი დააკავეს, ტყუილად, ნარკოტიკის ქონას ედავებიან. ჩემთან შეხვედრაზე მოდიოდა!!! ხმის უფლების მქონეა და ჩემი მხარდამჭერია. ვაკის პოლიციასთან ვართ შეკრებილი (მზიურში) და არ დავიშლებით სანამ არ გამოუშვებენ. რა არჩევნებზე და რა ფეხბურთზეა საუბარი. ყველაფერს და ყველას გადააბიჯეს, ყველა დაწერილი და დაუწერელი წესი და კანონი დაარღვიეს!! სფფ-ს არჩევნების დელეგატებს მოვუწოდებ მოვიდენ, შემოგვიერთდნენ და მანამდე არ ჩავატაროთ არჩევნები, სანამ გეგა გობეჯიშვილი, ასევე დელეგატი არ გამოვა და არ შემოგვიერთდება. დიდი მადლობა გვერდში დგომისთვის და აუცილებლად, სამართლიანად გავიმარჯვებთ!!“, – წერია განცხადებაში.
ცოტახანში არველაძის გვერდზე კიდევ ერთი პოსტი გამოქვეყნდა.:
„გეგა გადაიყვანეს წინასწარი დაკავების იზოლატორში, დიღომში, ქალაქის სამმართველოში (ესე გვეუბნებიან). ველოდებით გონივრულ გადაწყვეტილებას – მის გამოშვებას. თუ ეს არ მოხდა და მალე არ მოხდა, ჩემს მეგობრებთან ერთად ვიდგები ბოლომდე. არ მივიღებ არჩევნებში მონაწილეობას მის გამოშვებამდე და მხოლოდ მისი გამოშვების შემდეგ მივიღებ გადაწყვეტილებას შემდგომი ნაბიჯების შესახებ. ისევ და ისევ, მოვუწოდებ ყველა დელეგატს გამოხტონ პოზიცია და დაგვიდგნენ გვერდით!!“.
თბილისის „დინამოს“ ახალგაზრდა შემტევის გიორგი პაპუნაშვილი ბრემენის „ვერდერში“ ტრანსფერი თითქმის გადაწყვეტილია. პარასკევს პაპუნაშვილი გერმანიაში გაფრინდა, სადაც ახალ კლუბში სამედიცინო შემოწმებას გაივლის, იქამდე კი Fanebi.com-ი იმ ათ ქართველ ფეხბურთელს იხსენებს, რომელსაც პირველ ან მეორე ბუნდესლიგაში უთამაშია.
1. საქართველოს ნაკრების ამჟამინდელი მთავარი მწვრთნელი კახა ცხადაძე 1993 წლიდან 1996 წლამდე ფრანკფურტის „აინტრახტის“ ფერებს იცავდა
დღეს “მიხეილ მესხის” სტადიონის სათადარიგო მოედანზე საზეიმო ვითარებაში გაიხსნა საქართველოს ფეხბურთის ფედერაციისა და კომპანია “კოკა-კოლას” მიერ ორგანიზებული ბავშვთა ყველაზე მასობრივი საფეხბურთო ტურნირი — “კოკა-კოლას თასი”.
წლევანდელი გათამაშება იმითაა გამორჩეული, რომ მონაწილეთა რაოდენობა საგრძნობლად გაიზარდა და რაც ყველაზე მნიშვნელოვანია, ტურნირში გოგონების გუნდებიც ჩაერთვნენ.
ამ ტურნირის ისტორია 2006 წლიდან იწყება და მას „სკოლბურთის“ სახელით იცნობდნენ. 2007 წლიდან, ტურნირი უკვე მთელი საქართველოს მასშტაბით ტარდება და მასში 10-დან 14 წლამდე ასაკის მოზარდები მონაწილეობენ.
გახსნისას მონაწილეებს საქართველოს ფეხბურთის ფედერაციის გენერალურმა მდივანმა რევაზ არველაძემ და კომპანია “კოკა-კოლა ბოთლერს ჯორჯიას” დამფუძნებელმა თემურ ჭყონიამ მიმართეს.
რევაზ არველაძე: “ისეთი შესაფერისი ბმა, როგორიც არის ფეხბურთი და “კოკა-კოლა”, ბუნებაში არ არსებობს იმიტომ, რომ “კოკა-კოლა”, განსაკუთრებით კი ქართული, არის ყველაზე გემრიელი და ძალიან უხდება ფეხბურთს. ჩვენ, საქართველოს ფეხბურთის ფედერაცია წლების განმავლობაში ვატარებთ ამ არაჩვეულებრივ ტურნირს. წელს 13 ათასი მონაწილე გვყავს, აქედან 10 ათასი არის ახალგაზრდა ბიჭი და 3 ათასი – გოგონა. დიდი იმედი გვაქვს, რომ რაოდენობრივად იმ ჩამორჩენას, რომელიც გვაქვს ქალთა ფეხბურთში, მაქსიმალურად შეამცირებს წლევანდელი სკოლბურთის გათამაშება. დიდი ბედნიერებაა, რომ ამდენი ახალგაზრდა დღეს ჩვენთან ერთად არის და თამაშობს მსოფლიოში ყველაზე პოპულარულ თამაშს, რომელსაც ფეხბურთი ჰქვია. მე არ დამეზარება და კიდევ ერთხელ მადლობას ვეტყვი საქართველოს განათლების სამინისტროს და კომპანია “კოკა-კოლას” ჩვენთან ერთად ამ არაჩვეულებრივი ტურნირის ორგანიზებისთვის”.
თემურ ჭყონია: “ჩვენ უნდა ვიპოვოთ ყველაზე მაგარი ფეხბურთელი. ამ ტურნირს ესწრება უამრავი სელექციონერი, რომლებიც დაინტერესებულნი არიან, იპოვონ ყველაზე ჭკვიანი და ყველაზე მაგარი ფეხბურთელი, ამიტომ დიდი მადლობა, რომ მონაწილეობთ. დიდი მადლობა ფეხბურთის ფედერაციას და განათლების სამინისტროს. გოგოებს ვუსურვებ, რომ მაგრად იყვნენ და არ შეეშინდეთ. “კოკა-კოლას” თასს” გახსნილად ვაცხადებ, მოგილოცავთ და წინ გამარჯვებისკენ!”
ორად გაყოფილი მოედანი პატარა გოგოებმა და ბიჭებმა დაიკავეს, მინდორზე გუნდი გუნდს ენაცვლებოდა, პატარა ფეხბურთელებს კი ტრიბუნიდან მშობლები და ნაცნობ-მეგობრები ამხნევებდნენ.
წლევანდელ გათამაშებაში მონაწილეობას იღებს 1155 გუნდი, აქედან ბიჭების გუნდები – 935 სკოლა, 9350 მოზარდი და გოგონების გუნდები – 220 სკოლა, 2200 გოგონა, ანუ სულ 11550 ბავშვი მონაწილეობს.
მარიამ ნიშნიანიძის ფოტოები
გუშინ გავრცელებულ ინფორმაციას, რომლის მიხედვითაც, 2015 წლის უეფას სუპერთასის მატჩის თბილისში ჩატარებას გარკვეული საფრთხე შეექმნა, საქართველოს ფეხბურთის ფედერაციის გენერალური მდივანი რევაზ არველაძე გამოეხმაურა. მისი თქმით, აღნიშნულ თემასთან დაკავშირებით არავითარი პრობლემა არ არსებობს.
“თბილისში გასამართ უეფას სუპერთასთან დაკავშირებით არავითარი შეფერხება არ არის. იყო რამდენიმე საკითხი, რამაც დრო მოითხოვა. ეს სიტყვიერად დათქმული დედლაინი იყო. მადლობას ვუხდი თბილისის მერ ბატონ დავით ნარმანიას და მის მოადგლეებს, რადგან ძალიან ოპერატიულად ვთანამშრომლობთ, ერთმანეთისთვის კონკრეტული დავალებები გვაქვს მიცემული. ჩემი აზრთ, ორ-სამ დღეში ეს თემა საბოლოოდ დაიხურება, ხელშეკრულება გაფორმდება. არანაირი პრობლემა არ არსებობს”, – აღნიშნა რევაზ არველაძემ.
უეფას სუპერთასი “დინამო არენაზე” 2015 წლის 11 აგვისტოს შედგება.
საქართველოს ფეხბურთის ფედერაციის გენერალური მდივანი, რევაზ არველაძე საქართველოს ეროვნულ ნაკრებში არსებულ დაპირისპირებას გამოეხმაურა და თქვა, რომ ის ყველა მხარეს ურთიერთპატივისცემისკენ მოუწოდებს.
შეგახსენებთ, რომ ცოტა ხნის წინ, ეროვნული ნაკრები ალექსანდრე ამისულაშვილმა დატოვა, რასაც დიდი გამოხმაურება მოყვა.
“ფეხბურთში ხშირად ხდება ისე, რომ გუნდში რაღაც გაუგებრობა იქმნება. აქამდე, ჩვენთან ხერხდებოდა ის, რომ მათ ამხელა გამოხმაურებები არ მოჰყოლოდა.
კონფლიქტი ყველა მხარეს აზარალებს. ამრიგად, მინდა, მათ ვურჩიო, რომ ერთმანეთის და საზოგადოების მიმართ უფრო მეტი პატივისცემა გამოიჩინონ”, – ამბობს არველაძე.
ფედერაციის გენერალური მდივანის თქმით, საქართველოს ნაკრების თამაშის ხარისხი და მსოფლიოს 2014 წლის ჩემპიონატის შესარჩევ ეტაპზე, ჯგუფში დაკავებული პოზიცია არადამაკმაყოფილებელია.
“სიმართლე გითხრათ, მეოთხე ადგილი და თამაშის ხარისხი დამაკმაყოფილებელი სულაც არ არის. თუმცა, ჩვენ მხოლოდ პირველი ნაკრები არ გვყავს. იმ ახალგაზრდებს, რომლებმაც ცოტა ხნის წინ წარმატებას მიაღწიეს, შრომა უნდა დაუფასდეთ.”
გასულ კვირაში, საქართველოს ფეხბურთის ფედერაციას მნიშვნელოვანი ვიზიტით ეწვია უეფას წარმომადგენლობითი სამუშაო ჯგუფი, რომლის მთავარი მიზანი 2015 წელს, თბილისში გასამართი უეფას სუპერთასისთვის მოსამსადებელი სამუშაოების დათვალიერება და ქართული მხარისთვის რეკომენდაციების გაწევა იყო.
რამდენიმედღიანი ნაყოფიერი და ინტენსიური მუშაობის შემდეგ, უეფას დელეგაცია თბილისიდან კმაყოფილი და იმედიანი წავიდა. ვიზიტის შესახებ კი, სფფ-ის ოფიციალურ ვებ-გვერდთან შემაჯამებელი კომენტარი გააკეთა სფფ-ის გენერალურმა მდივანმა – რევაზ არველაძემ.
რევაზ არველაძე: „უეფადან საკმაოდ მაღალი რანგის სტუმრები გვყავდა. ვიზიტის ძირითადი თემა იყო უეფას 2015 წლის სუპერთასის საორგანიზაციო საკითხები; ისეთები, როგორიცაა თამაშისთვის მომზადება, აეროპორტისა და ქალაქში ტრანსპორტირების თემები, ორივე მონაწილე გუნდის გულშემატკივრებისთვის ფან-ზონების გაკეთება, სტადიონების დათვალიერება – რომელი იქნება უფრო კარგი ამ ღონისძიებისთვის და ა.შ.
უეფას დელეგაციაში იყო საკლუბო გათამაშების დეპარტამენტის ხელმძღვანელი, ფინალური მატჩების დირექტორი, რომელიც უკვე წლებია ხელმძღვანელობს უეფას ჩემპიონთა ლიგისა და სხვა ფინალების ჩატარების ორგანიზებას; აქ იყვნენ ამ დეპარტამენტების თანამშრომლები და რასაკვირველია, უეფას იურიდიული დეპარტამენტის წარმომადგენელი, რომელმაც უკვე დაგვიტოვა იმ დიდი ხელშეკრულების ე.წ. „დრაფტი“, რომელზეც უეფამ და ქართულმა მხარემ უნდა მოაწერონ ხელი. მხარეში, საქართველოს ფეხბურთის ფედერაციის გარდა, ასევე იგულისხმება რამდენიმე ინსტანცია – აეროპორტი, სტადიონი, ქალაქის მერია და სხვა საჭირო ორგანიზაციები.
ჩვენ კიდევ გვაქვს რამდენიმე თვე, რომ სტადიონთან დაკავშირებით საბოლოო გადაწყვეტილება მივიღოთ. მარტისთვის უკვე დავგეგმეთ უეფას მომდევნო ვიზიტი თბილისში, რომელიც კიდევ უფრო მეტ სიცხადეს მოგვიტანს ბევრ საკითხთან დაკავშირებით.
გარდა იმისა, რომ ყოველდღიური, ინტენსიური მუშაობა მიმდინარეობდა ჩვენს ფედერაციაში, სტუმრებს ჰქონდათ შეხვედრა ქალაქის მერთან, ორივე სტადიონის („დინამო არენა“ და „მიხეილ მესხი“) ხელმძღვანელობასთან და უშუალოდ, თამაშების პროცესში ნახეს ეს სტადიონები; ასევე, დაათვალიერეს ის ადგილები, სადაც შეიძლება განთავსდეს ფან-ზონები. ნახეს რამდენიმე ვარიანტი, სადაც უნდა გაიმართოს სუპერთასის ოფიციალური გალა-ვახშამი, რომელიც ამ დიდი ღონისძიების ტრადიციული ნაწილია და სადაც წარმოდგენილია თასი, ესწრებიან უეფას და კლუბების ხელმძღვანელები… ვიმუშავეთ იმ თემაზეც, თუ როგორ უნდა მოხდეს ქალაქის ბრენდინგი – ანუ როგორ უნდა შეიფუთოს ქალაქი ამ ღონისძიებისთვის.
როგორც უკვე გითხარით, უეფას მომავალი ვიზიტი, სავარაუდოდ, 2014 წლის მარტში შედგება. ჩვენი ძირითადი ამოცანა კი, მათ ჩამოსვლამდე სტადიონების თემაზე უფრო კარგად ჩამოყალიბება იქნება. რა რეკომენდაციებიც ჩვენ მივიღეთ, არაფერი განსაკუთრებული და რთული ამაში არ არის. ყველაფერს აქვს თავისი დრო და ეტაპი. ამ ეტაპზე, ჩვენ ჯერ გადაწყვეტილებები გვაქვს მისაღები; მერე, ბევრი რამაა გასაკეთებელი და ბოლო ეტაპია ყველაზე დატვირთული და მნიშვნელოვანი.
ჩვენთვის განსაკუთრებული მნიშვნელობა აქვს ბილეთის ფასს, სტადიონს, რადგან ძალიან გვინდა, რომ სუპერთასს „მიხეილ მესხმა“ უმასპინძლოს, მაგრამ ეს საკითხი ცოტა მოგვიანებით გადაწყდება. ახლავე შემიძლია გითხრათ და ეს უკვე არაერთხელ გავაჟღერეთ, რომ ბილეთების საკითხი კვოტირებული იქნება: მონაწილე კლუბები მიიღებენ გარკვეულ რაოდენობას, ნაციონალური ფედერაციები თავის კვოტას, უეფა, მისი სტუმრები, სპონსორები და ადგილობრივი საორგანიზაციო კომიტეტი გარკვეულ რაოდენობას. დანარჩენი ბილეთები კი, როგორც ყოველთვის uefa.com – ზე გაიყიდება.
მარტში კი, მთავარი რაც მოხდება – გაფორმდება ხელშეკრულება უეფასა და ქართულ მხარეს შორის, სადაც მხარეების ყველა ვალდებულება დეტალურად იქნება გაწერილი.
დიდი სიამოვნებით მინდა აღვნიშნო, რომ ჩვენი სტუმრები თბილისიდან უზომოდ კმაყოფილები წავიდნენ. კმაყოფილები ჩვენი მზაობით, ადგილობრივი საორგანიზაციო კომიტეტის ინტელექტუალური რესურსითა და კომუნიკაბელურობით, რაც ძალიან მიხარია და მეამაყება“.
სფფ-ის პრესსამსახური
