აზერბაიჯანული მედიის ცნობით, “გაბალას” ხელმძღვანელობა კლუბის უკრაინელი სპეციალისტის, რომან გრიგორჩუკის, მუშაობით უკმაყოფილოა და მის შემცვლელად თემურ ქეცბაიას მოიაზრებს.
შეგახსენებთ, რომ აზერბაიჯანული კლუბისა და თემურ ქეცბაიას ერთობლივი მუშაობის შესაძლებლობა ადრეც განიხილებოდა, თუმცა იმ საქმიდან არაფერი გამოვიდა. შემდეგ კი საქართველოს ნაკრების ყოფილ დამრიგებელს ბერძნები საკუთარი ეროვნული გუნდის თავკაცად მოიაზრებდნენ, თუმცა საბოლოოდ არჩევანი სხვა სპეციალისტზე შეაჩერეს.
ბერძნული პრესის ცნობით ხუთშაბათს ქვეყნის ფეხბურთის ფედერაცია ეროვნული ნაკრების თავკაცის შესახებ საბოლოო გადაწყვეტილებას მიიღებს.
ვაკანტური თანამდებობის დაკავების მთავარი კანდიდატები ურუგვაელი სერხიო მარკარიანი და თემურ ქეცბაია არიან. ჩვენი ბერძენი კოლეგების ინოფრმაციით, მათი შანსები ამ ეტაპზე თითქმის თანაბარია.
ბერძნული gazzetta.gr-ს ცნობით თემურ ქეცბაია საბერძნეთის ნაკრების მწვრთნელობის ერთ-ერთი მთავარი კანდიდატია.
ბერძენთა ნომერ პირველი კანდიდატი ურუგვაელი სპეციალისტი სერხიო მარკარიანია, რომელიც ბერძნულ ფეხბურთს საკმაოდ კარგად იცნობს, ბოლო წლებში კი პერუს ნაკრებს წვრთნიდა.
მარკარიანის შემდეგ კი თემურ ქეცბაია, ტაკის ლემონისი და გიორგოს დონისი მოდიან. ბერძენი ჟურნალისტების ინფორმაციით, საქართველოს ნაკრების ყოფილი დამრიგებელი ამჟამად საბერძნეთშია და მოლაპარაკებებს მართავს.
როგორც მოგეხსენებათ, „ოქროს ბურთის“ გამარჯვებულის ვინაობა ეროვნული ნაკრებების მთავარი მწვრთნელების, კაპიტნებისა და სპორტული ჟურნალისტების გამოკითხვის შედეგების დაჯამებით ვლინდება. ცნობილი გახდა, თუ ვის ერგო ქართველთა ხმები.
გამოკითხვაში საკუთარი არჩევანი საქართველოს ეროვნული ნაკრების ყოფილმა მთავარმა მწვრთნელმა თემურ ქეცბაიამ პოსტის დატოვებამდე რამდენიმე კვირით ადრე გააკეთა. მისი ხმები ასე გადაანაწილა: 1. კრიშტიანუ რონალდუ („რეალი“, პორტუგალია); 2. მანუელ ნოიერი („ბაიერნი“, გერმანია); 3. არიენ რობენი („ბაიერნი“, ჰოლანდია).
საქართველოს ნაკრების კაპიტანმა ჯაბა კანკავამ ასეთი არჩევანი გააკეთა: 1. ანდრეს ინიესტა („ბარსელონა“, ესპანეთი); 2. კრიშტიანუ რონალდუ („რეალი“, პორტუგალია); 3. ლიონელ მესი („ბარსელონა“, არგენტინა).
საქართველოს მხრიდან ჟურნალისტმა ზურაბ ფოცხვერიამ ხმები შემდეგნაირად გაანაწილა: 1. კრიშტიანუ რონალდუ („რეალი“, პორტუგალია); 2. ლიონელ მესი („ბარსელონა“, არგენტინა); 3. გარეტ ბეილი („რეალი“, უელსი).
აქვე შეგიძლიათ იხილოთ გამოკითხვის შედეგების სრული სია: „ოქროს ბურთის“ შედეგები
გავრცელებული ინფორმაციით, „ნიუკასლის“ ხელმძღვანელობა მთავარი მწვრთნელის პოზიციაზე რომელიმე ფრანგი სპეციალისტის დანიშვნას აპირებს.
პრიორიტეტებად კლუბისვის „სენტ-ეტიენის“ თავკაცი კრისტოფ გალიტიე და „ლიონის“ ექს-დარიგებელი რემი გარდი ითვლებიან.
ხსენებული ორი სპეციალისტიდან თავისუფალი ამჟამად რემი გარდია, რომელიც უმუშევარია და, შესაბამისად, მასთან კონტრაქტის გაფორმება ადვილი იქნება. თანაც „სენტ-ეტიენმა“ განაცხადა, რომ გალიტიეს სეზონის ბოლომდე გაშვებას არ აპირებს.
შეგახსენებთ, რომ დღეს საქართველოს ნაკრების ყოფილმა მთავარმა მწვრთნელმა თემუერ ქეცბაიამ „ნიუკასლის“ გაწვრთნის სურვილი გამოთქვა.
საქართველოს ეროვნული ნაკრების ყოფილი თავკაცი თემურ ქეცბაია მზადაა “ნიუკასლის” მთავარი მწვრთნელის პოსტი დაიკავოს.
შეგახსენებთ, რომ რამდენიმე დღის წინ ალან პარდიუმ “ნიუკასლი” დატოვა და “კრისტალ პალასს” მიაშურა. როგორც ცნობილია, ნიუკასლელთა მწვრთნელობის ერთ-ერთი კანდიდატი ქეცბაიაცაა.
“ნიუკასლში” მიმდინარე მოვლენებს ვაკვირდები. რა თქმა უნდა, ამ გუნდის მთავარი მწვრთნელობით მეც ვარ დაინტერესებული. ბევრი არ არის ისეთი მწვრთნელი, რომელიც ამ კლუბს უარს ეტყვის. მე ყოველთვის მზად ვარ, “ნიუკასლის” ხელმძღვანებლობას ვესაუბრო.
ხშირად მითქვამს, რომ ინგლისში მუშაობა მსურს და ვფიქრობ, ეს კარგადაც გამომივა. კლუბში არაერთი წელი ვიმუშავე, სადაც ჩემპიონატის მოგება და ჩემპიონთა ლიგაზე გასვლა მოვახერხე. ასევე, ეროვნულ ნაკრებს ხუთი წლის განმავლობაში ვწვრთნიდი, ამიტომ მიმაჩნია, რომ ჩემი კვალიფიკაცია პრობლემას არ წარმოადგენს”, – უთხრა ქეცბაიამ Sunday Sun-ს.
თემურ ქეცბაიას “ნიუკასლის” შემადგენლობაში რამდენიმე სეზონი აქვს გატარებული და შეიძლება, ითქვას, მას ამ გუნდის გულშემატკივრები არაერთხელ გაუხარებია.
“ნიუკასლი” დიდი კლუბია, რომელსაც გასაოცარი გულშემატკივრები ჰყავს. ეს კლუბი ჩემს გულთან ძალიან ახლოსაა, აქ გატარებული დრო კარგად მახსენდება. “ნიუკასლის” მაისურით ოთხი წლის განმავლობაში ვთამაშობდი და უდიდესი გამოცდილება მივიღე. სურვილი მაქვს, აქ ისევ დავბრუნდე. ამ კლუბს თასების მოგება და ევროტურნირებზე კარგად თამაში შეუძლია”, – აღნიშნა ქეცბაიამ.
“ტელეგრაფის” პროექტმა Babb 2014 წლის საფეხბურთო მოვლენებზე სახალისო ვიდეოკლიპი დაამზადა, რომელშიც თემურ ქეცბაიაც არის შეყვანილი. ქართველს 90-იან წლებში, “ნიუკასლ იუნაიტედში” თამაშის პერიოდში სარეკლამო ბანერებისთვის ფეხის რტყმევას ახსენებენ.
საქართველოს ნაკრების ყოფილმა მთავარმა მწვრთნელმა თემურ ქეცბაიამ 2014 წლის სიმბოლური გუნდი შეადგინა.
მეკარე: მანუელ ნოიერი;
— მსოფლიოს ჩემპიონატის შვიდ მატჩში მხოლოდ ოთხი გაშვებული გოლი და ოქროს მედალი ნათლად მიუთითებს ნოიერის საიმედოობაზე. გარდა ამისა, ის სტაბილურია კლუბშიც. ნოიერს ბევრი ძლიერი მხარე აქვს და წელს ის უკონკურენტო იყო.
მცველები: დავიდ ალაბა, მატს ჰუმელსი, ვენსან კომპანი, ფილიპ ლამი;
— ალაბა ერთ-ერთი ყველაზე სწრაფად პროგრესირებადი ფეხბურთელია, რომელსაც “ბაიერნში” საკმაოდ კარგი წელი ჰქონდა. მიუნხენური კლუბის დაცვაში დიდი კონკურენციაა, ამიტომ ალაბას შედეგი დასაფასებელია.
მიუხედავად იმისა, რომ დორტმუნდის “ბორუსია” მიმდინარე სეზონში არასტაბილურად გამოიყურება, ჰუმელსი ცენტრალური მცველის პოზიციაზე ერთ-ერთი საუკეთესოა. მან მსოფლიოს ჩემპიონატზე პორტუგალიისა და საფრანგეთის ნაკრებების კარში გადამწყვეტი გოლები გაიტანა.
ბოლო წლებში ბელგიის ნაკრები ერთ-ერთი ყველაზე საინტერესო გუნდი გახდა, რაშიც კომპანის დამსახურება დიდია. მან “მანჩესტერ სიტისთან” ერთად ერთბაშად ორი ტიტული — ინგლისის ჩემპიონატი და თასი მოიგო.
ლამი “ბაიერნისა” და გერმანიის ნაკრების უნივერსალი ფეხბურთელია. მსოფლიოს ჩემპიონატზე ის ერთ-ერთი საუკეთესო იყო, რაც მაძლევს იმის საშუალებას, რომ წლის სიმბოლურ გუნდში შევიყვანო. მან შესანიშნავად დაასრულა საერთაშორისო კარიერა.
ნახევარმცველები: ტონი კროოსი, პოლ პოგბა, არიენ რობენი;
— მსოფლიოს ჩემპიონატზე ნაჩვენები შესანიშნავი თამაშის შემდეგ კროოსმა მადრიდის “რეალშიც” დაიმკვიდრა თავი. მიუხედავად იმისა, რომ კროოსი ტიპიური გერმანელი ცივსისხლიანია, იგი ტექნიკითაც გამოირჩევა – განსაკუთრებით საგოლე პასებითა და შორეული დარტყმებით.
პოგბა ჩემს გუნდში ყველაზე ახალგაზრდა ფეხბურთელია. მან ყურადღება ჯერ კიდევ საფრანგეთის ახალგაზრდულ ნაკრებში თამაშისას მიიქცია. მასში ვხედავ პოტენციალს, რომელიც საშუალებას მაძლევს, არამხოლოდ შევიყვანო წლის სიმბოლურ გუნდში, არამედ ინდივიდუალური ჯილდოც მივაკუთვნო.
მსოფლიოს ჩემპიონატზე ასეთ რთულ ჯგუფში ჰოლანდიის ნაკრების ბრწყინვალე თამაში ბევრ სპეციალისტს გაუკვირდა. არიენ რობენმა ამაში განსაკუთრებული წვლილი შეიტანა. ის შესანიშნავი დრიბლიორი და ლიდერის თვისებებით დაჯილდოებული მოთამაშეა.
თავდამსხმელები: ზლატან იბრაჰიმოვიჩი, ლიონელ მესი, კრიშტიანუ რონალდუ.
— დღევანდელ ფეხბურთში ბევრი ვარსკვლავია. მათ შორის ღირსეული ადგილი უკავია “პარი სენ-ჟერმენის” თავდამსხმელს. როდესაც იბრაჰიმოვიჩი მოედანზეა, გოლი შესაძლოა, ნებისმიერი წერტილიდან გავიდეს.
მესი და რონალდუ მსოფლიოში ყველაზე პოპულარული ფეხბურთელები არიან. ასეთი აღიარების მოპოვება ძალიან რთულია და ეს ყველაფერზე მეტყველებს. გოლს გოლზე იტანენ და თავიანთი გუნდების ლიდერებად გვევლინებიან. ერთმანეთთან დუელი აქვთ გაჩაღებული, რაც სპორტულ სულისკვეთებას ძალიან უხდება.
ჩემი გუნდის წევრთა უმეტესობა გერმანიის ნაკრების ფეხბურთელია და ეს იმიტომ მოხდა, რომ ბრაზილიაში გამართულ მსოფლიოს ჩემპიონატზე, სადაც ძალზედ სერიოზული კონკურენცია იყო, გერმანელებმა ძალიან კარგი თამაში აჩვენეს.
აზერბაიჯანული პრესის ცნობით, საქართველოს ეროვნული ნაკრების ყოფილმა მთავარამ მწვრთნელმა, თემურ ქეცბაიამ, მოლაპარაკებები საფეხბურთო კლუბ “გაბალასთან” წამოიწყო.
“გაბალა” აზერბაიჯანის ერთ-ერთი უმდიდრესი კლუბია, რომელიც ცოტა ხნის წინ უმწვრთნელოდ დარჩა. გუნდის თავკაცის პოსტი დორინელ მუნტიანუმ დატოვა.
აზერბაიჯანის 10-გუნდიან ჩემპიონატში “გაბალა” 13 ტურის შემდეგ მე-7 ადგილზეა.
ინტერნეტ-სივრცეში გავრცელდა ვიდეო, რომელშიც აღბეჭდილია, თუ როგორ აკეთებს საქართველოს ეროვნული ნაკრების ყოფილი მთავარი მწვრთნელის თემურ ქეცბაიას პაროდიას ერთ-ერთი ქართველი გულშემატკივარი.
ბერძნულო sentragoal-ის მიერ გავრცელებული ინფორმაციის თანახმად, საქართველოს ნაკრების ყოფილი მწვრთნელი თემურ ქეცბაია საბერძნეთის ნაკრების თავაკცობის ერთ-ერთი კანდიდატია.
შეგახსენებთ, ფარერებთან მარცხის შემდეგ ბერძნების ეროვნული გუნდის მწვრთნელის პოსტი კლაუდიო რანიერის დაატოვებინეს, რის შემდეგაც მის მიერ დაკავებული თანამდებობა ვაკანტური გახდა.
საბერძნეთის ფეხბურთის ფედერაციაში თვლიან, რომ ნაკრები ისეთმა პირმა უნდა ჩაიბაროს, ვისთვისაც ბერძნული ფეხბურთის დღევანდელობა ცნობილია. ქეცბაიას გარდა საუბარი სხვა სპეციალისტებზეცაა, თუმცა მათი დანიშნვა მოქმედი კონტრაქტების გამო რთული წარმოსადგენია.
პოლონეთის ნაკრებთან მარცხის შემდეგ საქართველოს ეროვნული ნაკრების მწვრთნელმა თემურ ქეცბაიამ მცირე კომენტარი გააკეთა.
“სალაპარაკო არაფერი აღარ არის. სამწუხაროა, რომ ჩვენი მოღვაწეობა ასე დასრულდა. მომავალში გუნდს წარამტებებს ვუსურვებ. ნაკრებს, როგორც რიგითი ქართველი ყოველთვის ვუგულშემატკივრებ. დიდი მადლობა”
