იტალიური “ტორინოს” თავდამსხმელი ჩირო იმობილე აცხადებს, რომ ის მომავალი სეზონიდან დორტმუნდის “ბორუსიას” ღირსებას დაიცავს.
შეგახსენებთ, რომ 24 წლის ფეხბურთელმა იტალიის სერია A-ს გასულ სეზონში 22 გოლის გატანა მოახერხა, რის გამოც გერმანული კლუბის ყურადღება მიიქცია.
“ადრეც ვთქვი და ახლაც გეტყვით, რომ ყველაფერი გარკვეულია. დარჩენილი მხოლოდ კონტრაქტზე ხელის მოწერაა, ამიტომ შემიძლია გითხრათ, მომდევნო სეზონიდან “ბორუსიას” ღირსებას დავიცავ”, – ამბობს იმობილე.
„მილანის“ ექს-ფეხბურთელი და ამჟამად ახალგაზრდული გუნდის თავკაციფილიპო ინძაგი, რომელიც დიდი ალბათობით „როსონერის“ მთავარი გუნდის ხელმძღვანელის პოსტს დაიკავებს, კლუბის ვიცე-პრეზიდენტს ადრიანო გალიანის „ტორინოს“ თავდამსხმელის ალესიო ჩერჩის დამატება სთხოვა.
ცნობილი იტალიური გამოცემის „Corriere dello Sport“-ის ვარაუდით, ჩერჩის ალტერნატივა, შესაძლოა, „ვერონას“ ფორვარდი ხუან იტურბე გახდეს.
ჩერჩის ტრანსფერი 18 მილიონ ევროდ ფასდება, მაშინ, როდესაც იტურბეს სანაცვლოდ ვერონელები 25 მილიონ ევროს ითხოვენ.
ალექსანდრე მატევოსოვი
18 მაისს, იტალიის სერია A-ში, “ფიორენტინამ” საკუთარ მოედანზე “ტორინო” მიიღო და ფრედ 2:2 ითამაშა.
აღსანიშნავია, რომ სამი ქულის მოპოვების შემთხვევაში, “ტორინო” ევროპის ლიგაზე თამაშის უფლებას მოიპოვებდა, მაგრამ 93-ე წუთზე ალესიო ჩერჩიმ პენალტი ვერ გამოიყენა, რის გამოც მან იტირა.
25 მარტს, იტალიის სერია A-ში, “რომასა” და “ტორინოს” შორის გამართულ მატჩში (2:1), ჩირო იმობილემ რომაელთა კარში ულამაზესი გოლი გაიტანა.
Fanebi.com-ის მკითხველს ორიოდე დღის წინათ ვაუწყებდით, რომ იტალიის სერია A-ს 25-ე ტურში ტურინის „იუვენტუსსა“ და „ტორინოს“ შორის გამართული მატჩის (1:0) მიმდინარეობისას, მასპინძელთა გუნდის ქომაგებმა მეტოქის მიმართ შეურაცხმყოფელი ბანერი გამოფინეს.
ბანერზე ასეთი რამ ეწერა: Quando volo penso al Toro („როდესაც თვითმფრინავით მივფრინავ, „ტორინოზე“ ვფიქრობ“). ეს წარწერა 1949 წლის ავიაკატასტროფაზე მიანიშნებს, რასაც „ტორინოს“ მთელი შემადგენლობა ემსხვერპლა.
იტალიის ფეხბურთის ფედერაციამ „იუვენტუსი“ 25 ათასი ევროთი დააჯარიმა. იყო იმის ალბათობაც, რომ „ბებერი ქალბატონი“ ცარიელი ტრიბუნების წინაშე თამაშით დაესაჯათ.
ბექა დოგრაშვილი
იტალიის სერია A-ს 25-ე ტურში ტურინის „იუვენტუსსა“ და „ტორინოს“ შორის გამართული მატჩის (1:0) მიმდინარეობისას მასპინძელთა გუნდის ქომაგებმა მეტოქის მიმართ შეურაცხმყოფელი ბანერი გამოფინეს.
ბანერზე ასეთი რამ ეწერა: Quando volo penso al Toro („როდესაც თვითმფრინავით მივფრინავ, „ტორინოზე“ ვფიქრობ“). ეს წარწერა 1949 წლის ავიაკატასტროფაზე მიანიშნებს, რასაც „ტორინოს“ მთელი შემადგენლობა ემსხვერპლა.
გასულ წელს გამართულ ტურინულ დერბიში „იუვენტუსის“ ქომაგებმა ანალოგიური შინაარსის ბანერი გამოფინეს, რისთვისაც 10 ათასი ევროთი დაჯარიმდნენ.
ეს ინციდენტი განმეორედა, რის გამოც, შესაძლოა, „ბებერ ქალბატონი“ ცარიელი ტრიბუნების წინაშე თამაშით დასაჯონ.
ბექა დოგრაშვილი
ირლანიის პარლამენტის ქვედა პალატის წევრი მიკ უოლესი იტალიური „ტორინოს“ გულმხურვალე ქომაგია და ხუთშაბათს, პარლამეტში ქვეყნის კომუნიკაციების მინისტრის წინაშე მისი საყვარელი კლუბის ფორმით წარსდგა. როცა დანარჩენი პარლამენტარები კოსტიუმებში იყვნენ გამოწკეპილი, უოლესი დაბაზში „ტორინოს“ ფორმით იჯდა.
ირლანდიელმა პარლამენტარმა თავისი გადაწყვეტილების მიზეზები თავისივე ოფიციალურ ვებ-გვერდზე განმარტა:
„ტოროს“ ქომაგი ვარ. „კურვა ნორდის“ სექტორის მეორე იარუსზე სეზონური აბონემენტი მაქვს. „ტოროს“ ბარში ვიკვებები ხოლმე. იტალიური ფეხბურთის დიდი გულშემატკივარი ვარ და 1982 წლიდან მსოფლიოსა და ევროპის ყველა ჩემპიონატს ვესწრები. ყოველთვის იტალიის ნაკრების მატჩებზე მივდივარ. ბოლო 25 წელიწადია, ტურინს რეგულარულად ვსტუმრობ. ჩემი და მერი სან მაუროში ცხოვრობს. „ტორინო“ ამ კლუბის ფანებმა შემაყვარეს. მე მათში ღრმა სოციალური აზროვნება აღმოვაჩინე. „ტოროს“ ფანები ტურინის სული და გულია, ამიტომ ეს ქალაქი ძალიან მიყვარს“.
სხვადასხვა წყაროების ცნობით, მიკ უოლესი პარლამეტში ალესიო ჩერჩის 11-ნომრიანი მაისურით იყო მიბრძანებული.
ბექა დოგრაშვილი
იტალიური “მილანის” ცენტრალური მცველი, ადილ რამი აცხადებს, რომ ის “როსონერის” მაისურით გატანილი პირველი გოლით ძალიან გახარებულია.
შეგახსენებთ, 1 თებერვალს, იტალიის სერია A-ში, “მილანმა” საკუთარ მოედანზე “ტორინო” მიიღო და მატჩი ფრედ, 1:1 დასრულდა.
“ძალიან მიხარია, რომ “მილანის” მაისურით პირველი გოლი გავიტანე. გულწრფელად გეტყვით, უზომოდ ბედნიერი ვარ. თუმცა, სამწუხაროა ის, რომ მატჩი ვერ მოვიგეთ”, – ამბობს რამი.
იტალიის სერია A-ს XXII ტურის ეგიდით „მილანმა“ „ჯუზეპე მეაცაზე“ „ტორინო“ მიიღო და წაგებას გადაურჩა.
შეხვედრის მე-18 წუთზე ანგარიში ტურინელთა თავდამსხმელმა ჩირო იმობილემ გახსნა. „როსონერიმ“ გათანაბრება მეორე ტაიმის დასაწყისში მოახერხა, ლამაზი დარტყმით თავი მილანურ კლუბში ახლახანს იჯარის წესით გადმოსულმა ადილ რამიმ გამოიჩინა — 1:1.
ამრიგად, „მილანმა“, მთავარი მწვრთნელის პოსტზე კლარენს ზეედორფის დანიშვნის შემდეგ, პირველი ქულები დაკარგა.
„როსონერის“ აქტივში 29 ქულა აქვს და სატურნირო ცხრილის მე-9 ადგილი უკავია, თუმცა დღეს მისი უშუალო კონკურენტები თამაშობენ და შესაძლოა, დაქვეითდეს. „ტორინომ“ 33 ქულა დააგროვა და მე-6 პოზიციაზე გადაინაცვლა.
იტალიის სერია A
XXII ტური
„მილანი“–„ტორინო“ 1:1
გოლები: რამი 49′ – იმობილე 18′.
გაფრთხილებები: პაცინი 78′, ბონერა 81′ – ვივესი 74′, მაქსიმოვიჩი 76′.
ბექა დოგრაშვილი
იტალიის სერია А-ს მერვე ტური „ტორინოსა“ და მილანის „ინტერს“ შორის გამართული მატჩით დაიხურა. შეხვედრა საკმაოდ საინტერესოდ წარიმართა და ანგარიშით 3:3 დასრულდა. სტუმართაგან გოლები ფრედი გუარინმა და ორჯერ როდრიგო პალასიომ გაიტანეს. „ტორინოს“ მხრიდან გატანილი გოლებით თავი ალექსანდრ ფერნერუდმა, ჩირო იმობილემ და ნიკოლა ბელომომ გამოიჩინეს.
აღსანიშანვია, რომ მატჩის მე-5 წუთზე „ინტერი“ მოედანზე ათი კაცით დარჩა, რადგან მთავარმა მსაჯმა მილანელთა მეკარე სამირ ჰანდანოვიჩი გააძევა. მე-7 წუთზე მასპინძელთა თავდამსხმელმა ალესიო ჩერჩიმ თერთმეტმეტრიანი დარტყმა ვერ გამოიყენა.
სერია А
მერვე ტური
„ტორინო“-„ინტერი“ 3:3 (1:1)
გოლები: ფერნერუდი 21′, იმობილე 53′, ბელომო 90′ – გუარინი 45+1′, პალასიო 55′, 71′.
გამოუყენებელი პენალტი: ჩერჩი 7′.
გაფრთხილებები: გაცი 32′, ფერნერუდი 37′, იმობილე 80′ – ტაიდერი 26′, კამბიასო 78′.
გაძევება: ჰანდანოვიჩი 5′.
“ბებერმა ქალბატონებმა” დაგეგმილი სამი ქულა აიღეს.
ტორინო” – “იუვენტუსი” 0:1
გოლი: პოგბა, 53
“ტორინო”: პადელი, გლიკი, როდრიგესი (მაზიელო, 46), მორეტი, დარმიანი, ბრიგი, ვივესი (ფარნერუდი, 86), ელ კადური (მეჯორინი, 66), დ’ამბროზიო, ჩერჩი, იმობილე
“იუვენტუსი”: ბუფონი, ბარცალი, ბონუჩი, კიელინი, ლიხტშტაინერი, ვიდალი, პოგბა, მარკიზიო, ასამოა (პადოინი, 73), ჯოვინკო (ვუჩინიჩი, 76), ტევესი (კვალიარელა, 90+1)
გაფრთხილებები: იმობილე, ვივესი, მორეტი – მარკიზიო, პოგბა, ასამოა
საბა საპანაძე
„მილანის“ მთავარი მწვრთნელი მასიმილიანო ალეგრი იტალიის სერია A-ს მესამე ტურში, „ტორინოს“ წინააღმდეგ გამართული მატჩის შემდეგ, საკუთარი გუნდის გაკრიტიკებას არ მოერიდა. შეგახსენებთ, რომ შეხვედრა ფრედ, ანგარიშით 2:2 დასრულდა. „როსონერიმ“ ქულის გადარჩენა მსაჯის მიერ კომპენსირებული დროის უკანასკნელ წუთზე მოახერხა.
„მილანი“ ვერ ვიცანი. „ტორინომ“ სრულად გვაჯობა, მეტოქე გაცილებით უკეთ გამოიყურებოდა. ტურინელებმა ბევრი პრობლემა შეგვიქმნეს, ძალიან გავიხსენით და მათაც კონტრშეტევების წამოწყების საშუალება მიეცათ. კარგად ითამაშეს მათმა თავდამსხმელებმა – ჩერჩიმ და იმობილემ, რომელთაც თავიანთი ტექნიკა და სისწრაფე გამოავლინეს. მადლობა ღმერთს, მატჩის ფრედ დასრულება მოვახერხეთ.
რობინიო ბალოტელისთან შეთამაშებული არ არის. კაკა თავისი იდეალური ფორმისგან შორს არის. გუნდის სათამაშო სისტემაში რაღაც უნდა შევცვალო. დრო მჭირდება, რათა ჩვენს თამაშში ბალანსი დავაბრუნო. ვერც დაცვაში ვთამაშობთ საიმედოდ. ეს მთელ გუნდს ეხება, რომელიც დაცვით ფუნქციებს ეფექტურად ვერ ასრულებს. რაც შეიძლება მალე უნდა ვიპოვოთ ბალანსი, რადგან ოთხშაბათს ჩემპიონთა ლიგაზე გლაზგოს „სელტიკს“ ვეთამაშებით“, – ციტირებს ალეგრის სიტყვებს იტალიური პრესა.
ბექა დოგრაშვილი
