ჭდე: თურქეთი

ანკარაში მომხდარ აფეთქებებს “გალათასარაის” ფეხბურთელის მამის სიცოცხლე ემსხვერპლა

Posted on by იაკობ კაპანაძე

“გალათასარაის” ოფიციალურმა გვერდმა დაადასტურა ინფორმაცია, რომლის თანახმადაც კლუბის თურქი ფეხბურთელის, უმუტ ბულუტის მამა ანკარაში მომხდარ ტერაქტს ემსხვერპლა.

თვითმკვლელი ტერორისტების ქმედებებს თურქეთის დედაქალაქში 37 ადამიანის სიცოცხლე ემსხვერპლა, რომელთა შორისაც ქემალ ბულუტიც აღმოჩნდა.

განცხადებაში ვკითხულობთ:”ჩვენი ქალაქი ფატალურმა შეტევებმა შოკურ მდგომარეობაში ჩააყენა. შეტევებმა უდანაშაულო ხალხის სიცოცხლე შეიწირა.

დღეს დილით მოპოვებული ინფორმაციდან ვგებულობთ, რომ უმუტ ბულუტის მამა, კემალ ბულუტი ერთ-ერთი იყო უდანაშაულო მსხვერპლთაგან. კლუბი და კლუბის თითოეული ფეხბურთელი უსამძიმრებს უმუტ ბულუტსა და მის ოჯახს.”

“ფენერბახჩეს” ფეხბურთელმა თურქეთის თასზე საოცარი გოლი გაიტანა (ვიდეო)

Posted on by -

23 დეკემბერს, თურქეთის თასზე, “ფენერბახჩემ” საკუთარ მოედანზე “ანთალიასპორი” მიიღო და მეტოქე ანგარიშით 4:2 დაამარცხა.

შეხვედრის 30-ე წუთზე, მასპინძელთა ფეხბურელმა სენერ იობაირაკლიმ სტუმართა კარში ულამაზესი გოლი გაიტანა.

სამუელ ეტოოს საგოლე გადაცემა თურქეთის ჩემპიონატში (ვიდეო)

Posted on by -

21 ნოემბერს, თურქეთის ჩემპიონატში “გალათასარაიმ” საკუთარ მოედანზე “ანთალიასპორი” მიიღო და ფრედ 3:3 ითამაშა.

მატჩის 93-ე წუთზე, “ანთალიასპორის” ვეტერანმა ფეხბურთელმა სამუელ ეტოომ საოცარი საგოლე გადაცემა გააკეთა.

თურანი: „კარიერაში წინასწარ მოგებული მატჩები არ მქონია“

Posted on by Alix

თურქეთის ნაკრების კაპიტანი არდა თურანი ისლანდიასთან დღევანდელ მატჩს მოუთმენლად ელის.

„ნაკრებში წინასწარ არცერთი მატჩი მომიგია. ამ შეხვედრას მოუთმენლად ველით. ვფიქრობ, ნაკრები თავის ნამდვილ დონეს აჩვენებს, გულშემატკივრები კი მხარს დაგვიჭერენ. იმედია, მათ ჩვენი მხარდაჭერის შანსი ევრო-216-ზეც ექნებათ“, – განაცხადა თრანმა.

შეგახსენებთ, რომ ისლანდიასთან მატჩში ჯგუფში მესამე ადგილის დასაკავებლად თურქებს ერთ ქულაც ეყოფათ.

თურქეთმა ჰოლანდია გაანადგურა (ვიდეო)

Posted on by -

6 სექტემბერს, ევროპის 2016 წლის ჩემპიონატის შესარჩევ ეტაპზე, თურქეთის ეროვნულმა ნაკრებმა საკუთარ მოედანზე ჰოლანდია მიიღო და მეტოქე მოულოდნელად, ანგარიშით 3:0 დაამარცხა.

შეხვედრაში ანგარიში მე-8 წუთზე იოზიაკუპმა გაიტანა, 26 წუთზე კი სხვაობა ორამდე არდა თურანმა გაზარდა. საბოლოო შედეგი 85-ე წუთზე დაფიქსირდა, თავი კი ბურაქ ილმაზმა გამოიჩინა.

უეფამ შოთა არველაძე თურქეთის საუკეთესო ლეგიონერთა ათეულში შეიყვანა

Posted on by ბექა დოგრაშვილი

თურქეთის სუპერლიგაში რობინ ვან პერსის, ლუკას პოდოლსკისა და სამუელ ეტოოს გადასვლის შემდეგ უეფას ოფიციალური ვებგვერდის კორესპონდენტებმა გადაწყვიტეს, ადგილობრივი ჩემპიონატის ყველა დროის საუკეთესო ლეგიონერების ათეული შეედგინათ. ამ სიაში “ტრაბზონსფორის” ყოფილი თავდამსხმელი და ამჟამად გუნდის მთავარი მწვრთნელი შოთა არველაძეც მოხვდა, რომლის შესახებაც წერია:

“შავიზღვისპირულ კლუბში გადმოსვლამდე მასზე ცოტა რამ თუ იყო ცნობილი, თუმცა მალევე გამოავლინა ნიჭი და გოლების გატანაც დაიწყო. 1995 წელს მოიგო თურქეთის თასი, 1995/96 წლების სეზონში კი 25 გატანილი გოლით ჩემპიონატის ისტორიაში მეორე უცხოელი ბომბარდირი გახდა”.

შოთა არველაძის გარდა თურქეთის ჩემპიონატის ყველა დროის საუკეთესო ლეგიონერთა სიაში მოხვდნენ: გეორგე ჰაჯი (“გალათასარაი”/რუმინეთი, 1996–2001); ალექსი (“ფენერბაჰჩე”/ბრაზილია, 2004–12); გეორგე პოპესკუ (“გალათასარაი”/რუმინეთი, 1997–2001); დიეგო ლუგანო (“ფენერბაჰჩე”/ურუგვაი, 2006–11); დიდიე დროგბა (“გალათასარაი”/კოტ დივუარი, 2012–14); ტომაშ სივოკი (“ბეშიქთაში”/ჩეხეთი, 2008–15); პიერ ვან ჰოიდონკი (“ფენერბაჰჩე”/ჰოლანდია, 2003–05); მარიო ჟარდელი (“გალათასარაი”/ბრაზილია, 2000-01); კლაუდიო ტაფარელი (“გალათასარაი”/ბრაზილია, 1998–2001).

 

როგორ ავარჯიშებენ “ფენერბახჩეს” მეკარეს (ვიდეო)

Posted on by -

ინტერნეტ-სივრცეში გავრცელდა ვიდეო, რომელშიც აღბეჭდილია, თუ როგო ავარჯიშებენ მეკარეს “ფენერბახჩეში”.

არველაძემ მოგებით დაიწყო (ვიდეო)

Posted on by ბექა დოგრაშვილი

“ტრაბზონსფორის” მთავარი მწვრთნელის პოსტზე შოთა არველაძის დებიუტი წარმატებული გამოდგა. ევროპის ლიგის მეორე საკვალიფიკაციო ეტაპზე თურქულმა გუნდმა ლუქსემბურგის “დიფერდანჟი” მიიღო და ანგარიშით 1:0 დაამარცხა.

შოთას გუნდმა მატჩი თავიდანვე აქტიურად დაიწყო, თუმცა დაგეგმილი სწრაფი გოლის გატანა ვერ შეძლო. სტუმრები დიდი ძალებით იცავდნენ თავს. მიუხედავად ამისა, “ტრაბზონსფორმა” ანგარიშის გახსნა შეხვედრის პირველივე ნახევარში შეძლო. 44-ე წუთზე საჯარიმო დარტყმა უნაკლოდ შეასრულა მეჰმეთ ექიჯიმ.

მატჩის მეორე ტაიმიც მასპინძელთა უპირატესობით წარიმართა, თუმცა გოლი აღარ გასულა.

წყვილის საპასუხო შეხვედრა ლუქსემბურგში 23 ივლისს გაიმართება.

შეგახსენებთ, რომ შოთა არველაძე “ტრაბზონსფორის” მთავარი მწვრთნელის პოსტზე 2 ივლისიდან მუშაობს. მისი თანაშემწე გიორგი დევდარიანი გახლავთ.

 

ევროპის ლიგა
მეორე საკვალიფიკაციო ეტაპი
პირველი მატჩი:
“ტრაბზონსფორი” — “დიფერდანჟი” 1:0 (1:0)

გოლი: ექიჯი 44′.
გაფრთხილებები: მუსა ნიზამი 28′, სეფა ილმაზი 65′ — ბუკვიჩი 35′.

პოდოლსკი “გალათასარაიში” გადავიდა

Posted on by ბექა დოგრაშვილი

ლონდონის “არსენალის” თავდამსხმელი ლუკას პოდოლსკი “გალათასარაიში” გადავიდა. 30 წლის გერმანელმა ფეხბურთელმა თურქულ კლუბთან სამწლიანი კონტრაქტი გააფორმა, შემდგომში ერთი წლით გახანგრძლივების პირობით.

პრესაში გავრცელებული ინფორმაციის თანახმად, ტრანსფერის საერთო ღირებულებამ 3,9 მილიონი ფუნტ სტერლინგი შეადგინა. “გალათასარაი” ჯერ კიდევ 2012 წელს ცდილობდა პოდოლსკის შეძენას, თუმცა მაშინ ფეხბურთელმა “არსენალში” გადასვლა არჩია.

“პირველ რიგში, ყველას მადლობას ვუხდი. მშობლები მხარს მიჭერდნენ, რომ “გალათასარაიში” გადავსულიყავი. ამ ტრანსფერით ძალზედ ბედნიერი ვარ. მოვედი გამარჯვებული სულის მქონე გუნდში, რომელიც ჩემპიონთა ლიგაზეც იბრძოლებს. დღეს “გალათასარაის” ფანებისგან დიდი სითბო ვიგრძენი”, – ციტირებს პოდოლსკის სიტყვებს “სქაი სპორტსი”.

შეგახსენებთ, რომ გასული სეზონის მეორე ნახევარი ლუკას პოდოლსკიმ იჯარის წესით მილანის “ინტერში” გაატარა.

 

გორის „დილა“ თურქეთში მზადებას შეუდგა

Posted on by Levan

გორის „დილა“ დანიშნულების ადგილას შუადღეს, 13:00 საათისთვის იყვნენ. სადილის შემდეგ გუნდმა დაისვენა და საღამოს 19:00 საათზე პირველი მსუბუქი წვრთნა გამართა.

გუნდთან ერთად ივარჯიშა 22 წლის ცენტრალურმა მცველმა ალბერტ ცხოვრებოვმა. იგი წელიწადნახევრის განმავლოვბაში რუსეთის პირველი დივიზიონის „ტოსნოში“ გამოდიოდა. მისი სიმაღლე 1.95 სანტიმეტრია.

 

გუნდი საკმაოდ კარგ პირობებში დაბინავდა. მასპინძელთა მხრიდან სასიამოვნო მოულოდნელობა გახლდათ, როდესაც გუნდს სასტუმროს ცენტრალურ შესასვლელთან გამოკრული გორის „დილას“ პლაკატი დახვდა, ხოლო შიგნით სასტუმროს ტერიტორიაზე გორის „დილას“ ჰიმნი არაერთხელ გაისმა.

27 ივლისიდან გორელები ორჯერად ვარჯიშებს ჩაატარებენ. როგორც მოგეხსენებათ, დაგეგმილია ამხანაგური შეხვედრები, რომელთა ზუსტ თარიღსა და მოწინააღმდეგე გუნდების ვინაობას მალე მოგაწვდით.

თურქეთში შემდეგი ფეხბურთელები გაემგზავრნენ: მარიამიძე, მუჯრიშვილი, ქარქუზაშვილი, კვირკველია, ბაგაევი, კვახაძე, ღონღაძე, ხურცილავა, დუდუჩავა, ლომიძე, სამხარაძე, ფალავანდიშვილი, რაზმაძე, წიქარიძე, გვალია, ახალკაცი, ძარია, კვირკვია, გორელიშვილი, ერისთავი, ილურიძე, მარცვალაძე, მოდებაძე, მაშუკოვი.

„დილას“ პრესსამსახური

გიორგი დევდარიანი: “თურქეთთან ანტიფეხბურთით მოვიგეთ”

Posted on by Levan

თურქეთის ნაკრებთან გამარჯვების შემდეგ საქართველოს 19-წლამდელთა ნაკრების მთავარმა მწვრთნელმა, გიორგი დევდარიანმა თბილისური ელიტრაუნდი შეაჯამა.

გიორგი დევდარიანი: “შეჯამება სრულყოფილი და კომპეტენტური რომ გამოვიდეს ცოტა დრო მჭირდება. თუმცა, ამ ეტაპზე შემიძლია ვთქვა, რომ ყველაზე ცუდად ჩატარებული მატჩი მოვიგეთ, ხოლო კარგად ჩატარებული შეხედრები დავთმეთ. პირადად მე, როგორც მწვრთნელს, ის წაგებული თამაშები მირჩევნია. ჩემი მიზანი არის, რომ ბიჭებს გრნადებთან პირველ ნომრად თამაში ვასწავლო, რაც საბოლოოდ შედეგამდე მიგვიყვანს. ვთვლი, რომ წინა შეხვედრებში აგრესიული და შემტევი თამაში ვაჩვენეთ, დღეს კი ანტიფეხბურტი ვითამაშეთ და მოვიგეთ.

საქართველოში 12 000 რეგისტრირებულია, როცა მაგალითად გერმანიაში 120 000 მხოლოდ მსაჯია. ჩვენზე ბევრად მეტი ფეხბურთელი ჰყავს ჩვენს სამივე მეტოქეს. ერთ ასაკვი არ გვაქვს იმის ფუფუნება, რომ 18 სრულფასოვანი ფეხბურთელი გვყავდეს. თუმცა, ამ მოთამააშებშიც გვყავს ნიჭიერი ბიჭები.

დღეს, ისინი ძალიან დაღლილები იყვნენ. მთელი სეზონის განამვლობაში ბიჭები ერთ რითმს არიან მიჩვეულები, რასაც ერთ კვირაში ვერ შევცვლით. ხშირად გვაკრიტიკებენ იმის გამო, რომ მოთამაშეები ფიზიკურად სუსტები არიან, თუმცა ერთ კვირაში ჩვენ მათ ვერ მოვამზადებთ. გუნდისთვის ძალიან საჭირო 4 ფეხბურთელი თამაშამდე 2 დღით ადრე შემოგვიერთდა. ესპანეთთან მოსაგებად ერთი ვარჯიში კი საკმარისი არ არის.”

თბილისური ელიტრაუნდი: პორტუგალიამ თურქეთი გაანადგურა

Posted on by Levan

19 წლამდელთა ევროპის ჩემპიონატის თბილისური ელიტრაუნდის პირველ შეხვედრაში მიხეილ მესხის სახელობის სტადიონის სათადარიგო მოედანზე პორტუგალიელმ ახალგაზრდებმა თუქრი თანატოლები გაანადგურეს.

შეხვედრა, რომელიც ედგარ ბორხესის გუნდის სრული დომინირებით წარიმართა საბოლოოდ 6:1 დასრულდა.

ანგარიში ნომინალურმა მასპინძლებმა მე-11 წუთზე, პედრო როდრიგესის მიერ ზუსტად შესრულებული 11 მეტრიანით გახსნეს. 23-ე წუთზე პაულო ენრიკემ ლამაზი ჯარიმით საკუთარი გუნდის უპირატესობა ორამდე გაზარდა. ზუსტად 10 წუთში კი ალექსანდრე სილვამ სხვაობა სამბურთიანი გახადა. 36-ე წუთზე თურქებმა ინტრიგა ჩაღლაიანის ეფექტური გოლით გააცოცხლეს და ტაიმიც 3:1 დასრულდა.

შესვენების შემდეგ პორტუგალიელთა დომინირება კვლავ თვალში საცემი იყო. 55-ე წუთზე მათ კიდევ ერთხელ მოიპოვეს პენალტის შესრულების უფლება, რომელიც გოლად კვლავ პედრო როდრიგესმა აქცია. 61-ე წუთზე თურქების კარში მეხუთე გოლი დიეგო ჟოტამ გაიტანა, ხოლო საბოლოო 6:1 82-ე წუთზე ფლავიო სილვამ დააფიქსირა.

პორტუგალია 6:1 თურქეთი

გოლები: პედრო როდრიგესი 11′ (1:0); პაულუ ენრიკე 23′ (2:0); ალექსანდრე სილვა 33′ (3:0); ჩაღლაიანი 36′ (3:1);

პორტუგალია: ჟოელი, სილვა, დაისი, ვერდასკა, კოსტა, როდრიგესი, სილვა, დალჩიო, ენრიკე, ჟილ დიასი, ჟოტა. 

თურქეთი: უგურჩანი, ნიგატი, მეტე, ჩაგლარი, ერდოღანი, ოკუტანი, ალტუგ ტასი, ჩაღლაიან, ჩამოღლუ, კოსე, აიტემური.