ტურინის “იუვენტუსის” თავდამსხმელი გონსალო იგუაინი, რომელიც დღესდღეობით იჯარის წესით “მილანში” თამაშობს, ლონდონის “ჩელსიში” არ გადავა.
ინგლისელებს ერთდროულად ორ იტალიურ გრანდთან მოუწევდათ მოლაპარაკება და აღნიშნული პროცესის სირთულის გამო “ჩელსიმ”არგენტინელი ფეხბურთელის ტრანსფერზე უარი თქვა. როგორც გამოცემა Goal-ი იტყობინება, ლონდონელები ახალი თავდამსხმელის ძებნას აგრძელებენ, რომელმაც გუნდიდან ალვარო მორატას შესაძლო წასვლის შემდეგ გამოთავისუფლებული ადგილი უნდა დაიკავოს.
ამსტერდამის “აიაქსისა” და მადრიდის “რეალის” ყოფილმა ნახევარმცველმა უესლი სნიედერმა უეფას ჩემპიონთა ლიგის მერვედფინალურ ეტაპზე აღნიშნულ კლუბებს შორის გასამართი დაპირისპირების შესახებ საიუბრა.
“რეალის” დასამარცხებლად საუკეთესო პერიოდია. აშკარაა, რომ მადრიდული კლუბი წინა წლების მსგავსად ძლიერი ვეღარ არის. “აიაქსი” ახალგაზრდული გუნდია, თუმცა მისი არდაფასება არ შეიძლება. საკმაოდ ძლიერი შემადგენლობა ჰყავთ და კარგად თამაშობენ, განსაკუთრებით ამსტერდამში. მადრიდელებს იოლი შეხვედრა არ ელით.
კი ბატონო, “რეალი” ფავოტირია, მაგრამ თუ “აიაქსი” შინ გასამართ პირველ შეხვედრას სასურველი შედეგით დაასრულებს, მადრიდელებს გაუჭირდებათ. ეს ორმატჩიანი დაპირისპირება “აიაქსის” ახალი მთავარი მწვრთნელისთვის კარგი გამოცდა იქნება”, – თქვა სნეიდერმა “მარკასთვის” მიცემულ ინტერვიუში.
შეგახსენებთ, რომ წყვილის პირველი მატჩი 13 თებერვალს ჩატარდება, საპასუხო შეხვედრა კი 5 მარტს გაიმართება.
ამსტერდამის “აიაქსის” მთავარ მწვრთნელ ფრანკ დე ბურს დიდი ალბათობით ოპერაციის გაკეთება მოუწევს. Reuters-ის ცნობით, ჰოლანდიელმა სპეციალისტმა გუნდის ვარჯიშის დროს ტრავმა მიიღო. წყაროს თანახმად, 45 წლის მწვრთნელმა აქილევსის მყესი ფეხბურთელებთან ერთად გრეხეთბოლის თამაშის დროს დაიშავა.
ჰოლანდიის ერედივიზიის სატურნირო ცხრილს 28 ტურის თავზე სწორედ “აიაქსი” ლიდერობს, რომელსაც აქტივში 68 ქულა აქვს და ორი ქულით უსწრებს უახლოეს მდევარ “პეესვე ეინდჰოვენს”.
“ფეინოორდიდან” “საუთჰემპტონში” გადაბარგებული იორდი კლასი კვლავაც აგრძელებს როტერდამული კლუბის ტრადიციის დაცვას.
ინგლისური კლუბი შეკრებაზე ჰოლანდიაში იმყოფება და ტრადიციის მიხედვით, ფეხბურთელები სავარჯიშო მოედნიდან სასტუმროში ველოსიპედებით ბრუნდებიან. განზრახ თუ შემთხვევით, კლასის ველოსიპედზე “ფეინოორდის” მთავარი მეტოქის, ამსტერდამის “აიაქსის” სიმბოლო იყო გამოსახული. მართალია, საკმაოდ პატარა ზომის სტიკერი იყო მიკრული, თუმცა იორდი კლასიმ ველოსიპედის გამოცვლა მაინც მოითხოვა.
შეგახსენებთ, რომ 24 წლის ჰოლანდიელი ნახევარმცველი “საუთჰემპტონში” 15 ივლისს, 8 მილიონი ფუნტ სტერლინგის სანაცვლოდ გადავიდა. მხარეებს შორის ხუთწლიანი კონტრაქტი გაფორმდა.
უეფას ჩემპიონთა ლიგის მეხუთე ტურში “პარი სენ-ჟერმენმა” ამსტერდამის “აიაქსი” მიიღო და მეტოქე ანგარიშით 3:1 დაამარცხა.
ამსტერდამის “აიაქსისა” და “ალკმაარის” ახალგაზრდულ გუნდებს შორის გამართული მატჩი დედაქალაქურმა გუნდმა ანგარიშით 6:3 მოიგო. დონი ვან დე ბიკის მიერ გატანილმა გოლმა კი მსოფლიოს 1986 წლის ჩემპიონატზე ლეგენდარული დიეგო მარადონას მიერ ინგლისის ნაკრების კარში გატანილი ბურთი გაგვახსენა. ამის გამო ახალგაზრდა ჰოლანდიელ ფეხბურთელს მეტსახელად “მარადონიც” კი შეარქვეს.
ამსტერდამის “აიაქსის” მთავარმა მწვრთნელმა ფრანკ დე ბურმა გუნდიდან დეილი ბლინდის შესაძლო წასვლის შესახებ ისაუბრა.
“დარწმუნებული ვარ, რომ ბლინდი სწორ გადაწყვეტილებას მიიღებს. დიდ კლუბში გადასვლა მისთვის შესაფერისი იქნებოდა, თუმცა მე მაინც ვთვლი, რომ უმჯობესია, თუ ის ჩვენთან კიდევ ერთი წლის ვადით დარჩება. გასული სეზონი მაღალ დონეზე ჩაატარა და თუ “აიაქსში” დარჩება, კიდევ უფრო განვითარდება”, – ციტირებს ფრანკ დე ბურის სიტყვებს Sportsmole-ი.
შეგახსენებთ, რომ დეილი ბლინდის მთავარ მსურველად “მანჩესტერ იუნაიტედი” სახელდება.
ხელში ჩაგვივარდა ერთ-ერთი უცხოური გაზეთიდან ამონარიდი, რომელშიც ზლატან იბრაჰიმოვიჩი ლუი ვან გალის შესახებ საუბრობს. როგორც გაზეთიდან ვგებულობთ, ქვემოთ მოყვანილი ამბავი 2004 წელს მოხდა, როდესაც იბრაჰიმოვიჩიც და ვან გალიც „აიაქსში“ მუშაობდნენ. ზლატანს ჰოლანდიელ სპეციალისტთან კარგი დამოკიდებულება რომ არ აქვს, ეს საყოველთაოდ ცნობილი ფაქტია. შვედმა თავდამსხმელმა ერთ-ერთ ინტერვიუში ვან გალი დიქტატორს შეადარა და მის შესახებ თქვა, რომ იუმორის გრძნობა არ აქვს.
მოცემული გაზეთის ამონარიდში იბრაჰიმოვიჩი ვან გაალზე საუბრობს:
„ის ტექნიკური დირექტორი იყო და ფანქრის დახმარებით მიხსნიდან, სად უნდა მერბინა.
მე მას ვუთხარი: „შენი მოსმენა არ მჭირდება, დაბრუნდი ოფისში და წერილები წერე!“
რაფაელ ვან დერ ვარტთან დავა მქონდა და ვან გალს ვუთხარი: „თუ ეს ბიჭი ითამაშებს, მე არ გავალ მოედანზე“.
მან თამაში მიბრძანა, მე კი ვუპასუხე: „დამეკარგე აქედან!“ (ნათარგმნია ცენზურის გათვალისწინებით). ერთი კვირის შემდეგ უკვე „იუვენტუსში“ ვთამაშობდი. ახლობლების მდგომარეობას უნდა განიცდიდე, ვან გალი არ განიცდის“.
ბექა დოგრაშვილი
ამსტერდამის „აიაქსთან“ უეფა-ს ჩემპიონთა ლიგის ჯგუფური ეტაპის ბოლო ტურის მატჩის 22-ე წუთზე გაგდებულმა რიკარდო მონტოლივომ განაცხადა, რომ აღნიშნულ ეპიზოდში მას თამაშის წესის დარღვევა არ სურდა და მსაჯმა მკაცრი გადაწყვეტილება მიიღო.
„რა თქმა უნდა, ლამაზად არ მოვიქეცი, თუმცა ბურთის ართმევა მინდოდა. უხეშად თამაში ნამდვილად არ მსურდა. გული დამწყდა, როდესაც გუნდი უმცირესობაში დავტოვე“, – განაცხადა „როსონერის“ კაპიტანმა.
ალექსანდრე მატევოსოვი
ჰოლანდიის ერედივიზიონის მე-12 ტურში ამსტერდამის „აიაქსსა“ და არნემის „ვიტესს“ შორის გამართული მატჩის ბედი ახალგაზრდა ქართველმა თავდამსხმელმა ვაკო ყაზაიშვილმა გადაწყვიტა. მთელი 90 წუთის განმავლობაში ანგარიში არ გახსნილა. ყაზაიშვილი მოედანზე შეხვედრის 73-ე წუთზე შევიდა და 90-ე წუთზე ერთადერთი გოლი გაიტანა. სწორედ ამ ბურთის წყალობით „ვიტესმა“ მრისხანე მეტოქე სტუმრად მინიმალური უპირატესობით დაამარცხა.
ჩვეულებისამებრ, მატჩი სრულად ჩაატარა გურამ კაშიამ. გიორგი ჭანტურია კი სათადარიგოთა შორის იყო.
გთავაზობთ ყაზაიშვილის მიერ გატანილი გოლის ამსახველ ვიდეომასალას.
მამა – იოჰან კრუიფი შვილი – ჟორდი კრუიფი
ფეხბურთის გენიოს შვილთა შორის ჟორდი ალბათ, ყველაზე ცნობილი და ყველაზე წარმატებული მოთამაშეა. სხვათა შორის, იოჰან კრუიფმა შვილს ჟორდი კატალონიის მფარველის პატივსაცემად დაარქვა.
“ბარსელონას” აღზრდილს, რომელსაც პირველ გუნდში გადანაცვლებას უწინასწარმეტყველებდნენ, მამასთან შედარება არასდროს მოსწონდა:
“მე არ ვარ მეორე იოჰანი, მე პირველი ჟორდი ვარ. იმავე დონეზე თამაში მმართებს, როგორი მაჩვენებელიც მამას ჰქონდა. მისი სახელი ჩემთვის დიდი პრობლემაა”.
თავის მხრივ, იოჰან კრუიფს, რომელიც “ბარსას” მწვრთნელად მუშაობდა, პროტექციონიზმში დასდეს ბრალი. თუ უფრო დავაკონკრეტებთ, კლუბის მაშინდელმა პრეზიდენტმა ხოსე-ლუის ნუნიესმა აღნიშნა, რომ კრუიფი-უფროსი ცდილობს, ძირითად შემადგენლობაში მოახვედროს შვილი, რომლის თამაშიც არ შეეფერება “ბარსელონას” დონეს. ლეგენდარული ჰოლანდიელი ფეხბურთელი ნუნიესის მხრიდან აღნიშნული ცილისწამებისთვის სასამართლოში ჩივილსაც აპირებდა, თუმცა შემდეგ გადაიფიქრა.
საბოლოო ჯამში, კრუიფები “ბარსელონას” თბილად დაშორდნენ: 1995/96 წლების სეზონის დასრულების შემდეგ მამა კლუბის მთავარი მწვრთნელის პოსტიდან გაათავისუფლეს, შვილმა კი, რომელმაც კატალონიური გრანდის რიგებში 4 წელიწადში 54 მატჩი ჩაატარა, ინგლისს მიაშურა. 22-წლის შემტევი ნახევარმცველი 1996 წლის ევროპის ჩემპიონატზე ჰოლანდიის ნაკრების განაცხადში შეიყვანეს. შემდეგ იყო “მანჩესტერ იუნაიტედი”, სადაც კრუიფი ჯამაგირის სახით სეზონში 1,4 მილიონ ფუნტს იღებდა. მიუხედავად მაღალი ხელფასისა, “ოლდ ტრაფორდზე” ჟორდის საქმეები კარგად არ წაუვიდა – 4 წელიწადში მხოლოდ 46 მატჩი ჩაატარა, ფეხბურთელი ტრავმებმა გააწამა.
ალბათ, კრუიფი-უმცროსმა კარიერის ყველაზე წარმატებული პერიოდი ესპანურ “ალავესში” გაატარა. გუნდთან ერთად 2001 წელს უეფას თასის ფინალამდე გააღწია, თუმცა დამატებით ტაიმში “ლივერპულთან” ანგარიშით 4:5 დამარცხდა. ამის შემდეგ იყო “ესპანიოლი”, დონეცკის “მეტალურგი” და კატალონიის ნაკრები.
36-წლის ჟორდიმ ფეხბურთელის კარიერა 2010 წელს მალტურ “ლა-ვალენტეში” დაასრულა, სადაც მოთამაშე-მწვრთნელის ფუნქციას ითავსებდა. ახლა ის თელ-ავივის “მაქაბის” სპორტული დირექტორია. გარდა ამისა, ჟორდიმ ხელი ბიზნესაც მიჰყო, უშვებს ტანსაცმლის მოდელს, რომელსაც ამშვენებს წარწერა – “კრუიფი”.
ბექა დოგრაშვილი
ამსტერდამის „აიქსში“ იჯარის წესით მოთამაშე ბოიან კრკიჩმა ერედივიზიის ბოლო ტურის შეხვედრაში, რომელშიც მისი გუნდი „გოუ ეხედ იგლზს“ დაუპირისპირდა, ტრავმა მიიღო. ექიმთა თქმით, კრკიჩი თამაშს დაახლოებით 4-6 კვირის განმალობაში ვერ მოახერხებს.
აღსანიშნავია, რომ სარეაბილიტაციო პროცესს ბოიანი ბარსელონაში გაივლის, რის შესახებაც Barcastuff-ი იტყობინება.
ამსტერდამული კლუბის მაისურით ბოიანმა რვა მატჩი ჩაატარა, თუმცა გოლის გატანა მან ვერ მოახერხა. სამაგიეროდ, ახალგაზრდა მოთამაშის ანგარიშზე სამი შედეგიანი გადაცემაა.
ალექსანდრე მატევოსოვი
