შვედური გაზეთი Aftonbladet-ი იუწყება, რომ “პარი სენ-ჟერმენის” თავდამსხმელი ზლატან იბრაჰიმოვიჩი უახლოეს პერიოდში კარიერას ამერიკის შეერთებულ შტატებში გააგრძელებს.
წყაროს ცნობით, მარტის ბოლოს შვედმა ფეხბურთელმა აშშ-ის გრძელვადიანი ვიზის მისაღებად საჭირო პროცედურები უკვე გაიარა. იბრაჰიმოვიჩს ნათქვამიც ჰქონდა, რომ უახლოეს ორ-სამ წელიწადში შესაძლოა, MLS-ის ერთ-ერთ კლუბს მიაშუროს.
შეგახსენებთ, რომ ზლატან იბრაჰიმოვიჩს “პარი სენ-ჟერმენთან” მოქმედი შრომითი ხელშეკრულება 2016 წლის 30 ივნისს ეწურება. მიმდინარე სეზონში 33 წლის თავდამსხმელმა საფრანგეთის ჩემპიონატში ჩატარებულ 26 მატჩში 19 გოლი გაიტანა.
რობი როჯერსი ამერიკის სპორტული ლიგების ისტორიაში ჯერჯერობით ერთადერთია, რომელმაც საჯაროდ განაცხადა, რომ ის გეია.
2013 წლის აპრილში „კოლამბუს კრიუს“ შემადგენლობაში MLS-ის ჩემპიონი და აშშ ნაკრების ყოფილი მოთამაშე პორტლენდის LGBT ფორუმის მონაწილე იყო. აღნიშნული ღონისძიება „ნაიკის“ სპონსორობით ტარდებოდა: ზუსტად ამ პერიოდში კომპანიამ ტანსაცმლის ახალი მოდელი, სახელად „Be True“ გამოუშვა, რომელიც უმცირესობებს მიუძღვნა. აღნიშნული მოდელი სპეციალურად იმ ახალგაზრდებისთვის შეიქმნა, რომლებიც საჯაროდ თავისი სექსუალური ორიენტაციის შესახებ ვერ საუბრობენ.
ერთ თვეში კი მან ფეხბურთში დაბრუნება დაადასტურა – „გალაქსიმ“, „ჩიკაგომ“ და „სიეტლმა“ მას კონტრაქტიც შესთავაზეს. საბოლოოდ, რობინ ლოს-ანჯელესი აირჩია, სადაც თავს კარგად იგრძნობდა. ის ამ ქალაქისგან სულ რაღაც 50 კილომეტრში დაიბადა. „კრიუში“ თამაშის პერიოდში მის სახლს კალიფორნიელი მხატვრების ნამუშევრები ამშვენებდნენ. კალიფორნიიდან ის ფლორიდაში გაემგზავრა, სადაც ნიჭიერი იუნიორების პროგრამით მუშაობდა. 17 წლის რობიმ ქვეყნის „სოკერის“ სტუდენტური ჩემპიონატიც მოიგო. აღსანიშნავია, რომ აქამდე მისი უნივერსიტეტი აღნიშნული ტურნირის გამარჯვებული მხოლოდ 1968 წელს იყო, შესაბამისად, ამ ვუნდერკინდმა მის ისტორიაში ახალი წვლილი შეიტანა.
„ჰერენვენის“ სკაუტები თინეიჯერს სწავლისთვის თავის დანებებასა და ევროპაში გადასვლას სთავაზობდნენ. როჯერსი ერთი წლის განმავლობაში ახალგაზრდულ გუნდში შრომობდა, მაგრამ ძირითადი გუნდის მწვრთნელების ყურადღება მაინც ვერ დაიმსახურა. შემდეგ ის „კრიუში“ გადავიდა. ხუთი წლის განმავლობაში როჯერსი ამ გუნდის მარცხენა ფლანგზე თამაშობდა, რეგულარული ჩემპიონატი ორჯერ მოიგო და ერთხელ MLS-ის გამარჯვებულიც გახდა. აშშ-ში ბოლო სეზონის მიხედვით (2011 წელს), რობიმ გუნდის ყველაზე მშრომელი ფეხბურთელის ტიტული მოიპოვა. მაშინდელ ინტერვიუებში ის მეტად მორიდებული იყო.
მწვრთნელმა საიმონ გრეისონმა ამერიკელი ფეხბურთელი „ლიდსში“ მიიწვია, თუმცა ჩემპიონშოპში მის პირველ მატჩამდე ის კლუბში აღარ იყო. ინგლისში რობის ვერაფერი გამოუვიდა: სადებიუტო მატჩის ათი წუთის შემდეგ მან ტრავმა მიიღო, შემდგომ კი გაირკვა, რომ საქმე ტვინის შერყევასთან იყო. ორ თვეში რობიმ ფეხიც მოიტეხა – საბოლოოდ, მხარეებმა კონტრაქტი გაწყვიტეს.
როდესაც ის თავის ორიენტაციას მალავდა, გულის სირღმეში თანაგუნდელთა მხრიდან მეტოქეების ჰომოსექსუალებად მოხსენიება მისთვის, რასაკვირველია, უსიამოვნო იყო.
2012 წელს რობიმ მეგობრებს, დასა და დედას უთხრა, რომ ის გეია. იმავე წლის თებერვალში ამის შესახებ ფეხბურთელმა თავის საიტზე დაწერა: „ყველა ამბობს, რომ გულახდილობა ადვილია. მაშინ 25 წლის ასაკში აუხსენით ახლობლებს, რომ ჰომოსექსუალი ხართ. მეგონა, ამ საიდუმლოს სამუდამოდ შევინახავდი. დროა, ახალი ცხოვრება დავიწყო. გულახდილობა კარგია და ის ცხოვრებას უკეთესად ხდის. დასამალი არაფერი აღარ მაქვს – მე თავისუფალი ვარ“. თავიდან სპორტსმენმა ფეხბურთზე უარი თქვა.
როჯერსმა მაშინვე თქვა, რომ LGBT აქტივისტი არ გახდებოდა, მაგრამ მედია ამ თემას არ ივიწყებდა: ინტერვიუები, სემინარებზე დაპატიჟება, ავტობიოგრაფია და სერიალი ტელეარხ ABC-ს ეთერში… მასთან ჯეისონ კოლინსიც კი მივიდა, ამერიკელი კალათბურთელი, რომელმაც საუკეთესო წლები „ნიუ-ჯერსი ნეტსს“ შესწირა, 2013 წლის აპრილში კი „Sports Illustrated“-ისთვის მცირე ესე დაწერა, რომელშიც თავისი ორიენტაციის შესახებ საჯაროდ პირველად დაწერა. მაშინ ის თავისუფალი აგენტი იყო, ცოტა ხანში კი „ბრუკლინ ნეთსად“ ქცეულმა კლუბმა მას ერთწლიანი კონტრაქტი შესთავაზა.
როჯერსი კონსერვატიულ ოჯახში გაიზარდა: მამამისს გეიების ეშინოდა და პატარა ბიჭს დის სათამაშოებს ართმევდა.
აღიარებისა და ფეხბურთში დაბრუნების შემდეგ სპორტსმენმა კარიერაში საუკეთესო სეზონი ჩაატარა. „ლოს-ანჯელეს გალაქსის“ თავკაცმა ბრიუს არენამ ის მარცხენა ფლანგის ძირითად მცველად ათამაშა. მისი თამაში იმდენად კარგი აღმოჩნდა, რომ „Whoscored“-ის ვერსიით, როჯერსი მეშვიდე მცველად დასახელდა. 2008 წელს რობიმ „კრიუსთან“ თასი მოიგო და იმის ნაცვლად, რომ თანაგუნდელებთან გამარჯვება აღენიშნა, სახლში წავიდა… 2014 წელს ყვველაფერი პირიქით იყო, უკვე თავისუფალი ადამიანი სხვებთან ერთად თავს ღიად გრძნობდა!
„დიდი მადლობა რობი როჯერსს ყველაფერისთვის, რაც მან სხვებისთვის გააკეთა“, – ბარაკ ობამა.
29 იანვარს, ჩილეს ნაკრებმა საკუთარ მოედანზე ამერიკის შეერთებული შტატების ნაკრებს უმასპინძლა და მეტოქე ანგარიშით 3:2 დაამარცხა.
აღნიშნულ შეხვედრაში კამერებმა საინტერესო კადრი დააფიქსირეს. საქმე იმაში გახლავთ, რომ ამერიკელთა მთავარმა მწვრთნელმა იურგენ კლინსმანმა ქუსლით მოედანზე ორი ბურთის გადაგდება მოახერხა.
“ნიუ იორკ კოსმოსის” რიგებში რაულის დებიუტი 2015 წლის 4 აპრილს შედგება, როდესაც ჩრდილოეთ ამერიკის საფეხბურთო ლიგის ახალი სეზონის პირველი ტური გაიმართება. 37 წლის ესპანელი თავდამსხმელი პირველ შეხვედრას “ფორტ ლოდერდეილის” წინააღმდეგ ჩაატარებს.
უკვე 18 აპრილს რაული “ნიუ იორკ კოსმოსის” საშინაო არენაზე ითამაშებს პირველად. იმ შეხვედრაში მისი გუნდი “ტამპა ბეი რაუდისს” უმასპინძლებს.
შეგახსენებთ, რომ რაულმა ამერიკულ კლუბთან ოქტომბრის ბოლოს ორწლიანი კონტრაქტი გააფორმა. ესპანელი ფეხბურთელი “ნიუ იორკ კოსმოსში” 7-ნომრიანი მაისურით ითამაშებს. მომავალი წლიდან რაული კლუბის აკადემიაშიც დასაქმდება.
მექსიკური საიტის „Codice Informativo“-ს ცნობით, ბრაზილიელი ვარსკვლავი რონალდინიო, რომელიც სექტემბერში მექსიკურ „კუერეტაროს“ შეუერთდა, ამერიკული MLS-ის კლუბ „ლოს-ანჯელეს გალაქსიში“ გადასვლასთან ახლოსაა. კალიფორნიული კლუბი ლენდონ დონოვანის შემცვლელს ეძებს, რომელიც კარიერას სულ მალე დაასრულებს.
თავის მხრივ, მექსიკური კლუბის ხელმძღვანელობამ იმის იმედი გამოთქვა, რომ ბრაზილიელი კონტრაქტის ბოლომდე დარჩება. შეგახსენებთ, რომ მოქმედი ხელშეკრულება მხარეებს ორი წლით აკავშირებთ.
რონალდინიოს აშშ-ში შესაძლო ტრანსფერი, პირველ რიგში, ფინანსებთანაა დაკავშირებული.
„ორლანდოს“ ბრაზილიელი ნახევარმველი კაკა აშშ-ს MLS-ის ყველაზე მაღალანაზღაურებადი ფეხბურთელია. კონტრაქტის მიხედვით, სამხრეთ ამერიკელი მიმდინარე სეზონში 7,167 მილიონ დოლარს მიიღებს.
ლიგის მაღალანაზღეურებად ფეხბურთელებს შორის ასევე კლინტ დემპსი (6,695 მილიონი დოლარი), მაიკლ ბრედლი (6,5 მილიონი), ჯერმეინ დეფო (6,18), ლენდონ დონოვანი (4,58 მილიონი), ტიერი ანრი (4, 35 მილიონი) და რობინი კინი (4,5 მილიონი) არიან.
ამერიკის შეერთებული შტატების ჩემპიონატში, “ლოს ანჯელეს გალაქსისა” და “ნიუ იორკ რედ ბულზს” შორის გამართულ მატჩში რობი კინმა მეტოქეს ულამაზესი გოლი გაუტანა.
ამერიკელი ფეხბურთელი კლინტ დემპსი მრავალმხრივი ნიჭით რომ არის დაჯილდოებული, ეს მან კიდევ ერთხელ დაამტკიცა. ამჯერად დემპსიმ FIFA 15-ის გამოშვებისადმი მიძღვნილ ღონისძიებაზე თანამემამულე XO-სთან ერთად გარეპა. მათ 2014 წელს ალბომი “The Redux”-იც ჩაწერეს.
გერმანული და სერბული წყაროების თანახმად, გერმანიის საფეხბურთო ნაკრების ნახევარმცველი ბასტიან შვაინშტაიგერი ცნობილ სერბ ჩოგბურთელ ანა ივანოვიჩთან ერთად შენიშნეს.
წყვილი ნიუ-იორკში დააფიქსირეს. გავრცელებული ცნობით, ანა ივანოვიჩი გერმანელი ფეხბურთელის ახალი გატაცებაა. როგორც ჩანს, შვაინშტაიგერმა გერმანელ მოდელ სარა ბრანდნერთან ურთიერთობა გაწყვიტა.
სერბული გამოცემა Blick-ი წერს, რომ ბასტიან შვაინშტაიგერმა და ანა ივანოვიჩმა ერთმანეთი საერთო მეგობრის, ჩოგბურთელ ანდრეა პეტკოვიჩის დახმარებით გაიცნეს.
საგულისხმოა ის ფაქტიც, რომ ივანოვიჩმა Ice Bucket Challenge-ის კამპანიაში სწორედ გერმანელი ნახევარმცველი გამოიწვია.
შვაინშტაიგერი US Open-ზე ივანოვიჩის თამაშებსაც დაესწრო. სერბი ჩოგბურთელი ნიუ-იორკში მოდის კვირეულზე დასასწრებად დარჩა, გერმანელ ფეხბურთელს კი სამშობლოში დაბრუნება მოუწია.
