გამოვიდა Fanebi.com-ის ინტერნეტ-ჟურნალის მეოცე ნომერი, რომელიც მთლიანად ჩემპიონთა ლიგის თემას ეხება.
ნომერში წაიკითხავთ:
გვ. 2-5 — Décima
გვ. 6-7 — მატჩის შემდეგ თქმული;
გვ. 8 — ბომბარდირი რონალდუ
შეგახსენებთ, რომ ფუნქციონირებს ჟურნალ Fanebi.com-ის ფეისბუქის გვერდი: www.facebook.com/Fanebi.Journal
25 მაისის ნომრის გაცნობა აქვე შეგიძლიათ
ჟურნალის მთავარი რედაქტორი: ბექა დოგრაშვილი
საფეხბურთო კლუბმა „ბარსელონამ“ მადრიდის „რეალს“ უეფას ჩემპიონთა ლიგის თასის მოგება მიულოცა. შეგახსენებთ, რომ „სამეფო კლუბმა“ დრამატულ ბრძოლაში თანაქალაქელი „ატლეტიკო“ ანგარიშით 4:1 დაამარცხა.
„რეალს“ ჩემპიონთა ლიგის ფინალში გამარჯვებას ვულოცავთ. დიდებულად ჩატარებულ სეზონს „ატლეტიკოსაც“ ვულოცავთ“, – ნათქვამია სოციალურ ქსელში „ბარსელონას“ ოფიციალურ მიკრობლოგზე გამოქვეყნებულ განცხადებაში.
შეგახსენებთ, რომ ტურნირის მეოთხედფინალურ ეტაპზე „ბარსელონას“ სწორედ „ატლეტიკომ“ სძლია.
მადრიდის „რეალსა“ და „ატლეტიკოს“ შორის გამართული ჩემპიონთა ლიგის ფინალური მატჩის საუკეთესო მოთამაშედ „სამეფო კლუბის“ არგენტინელი ნახევარმცველი ანხელ დი მარია დასახელდა. მეორე დამატებით ტაიმში სწორედ მისი გადაცემის შემდეგ გაიტანა გარეტ ბეილმა შეხვედრის უმნიშვნელოვანესი გოლი. დი მარიამ ჯილდო სერ ალექს ფერგიუსონისგან მიიღო.
შეგახსენებთ, რომ ფინალურ მატჩში ანგარიში დიეგო გოდინმა გახსნა, მსაჯის მიერ კომპენსირებულ დროში კი სერხიო რამოსმა თავური დარტყმით გაათანაბრა და შეხვედრა დამატებით დროში გადაიყვანა. შემდეგ, როგორც მოგახსენეთ, ბეილმა გაიტანა. თავი გამოიჩინა შეცვლაზე შემოსულმა მარსელომაც, კრიშტიანუ რონალდუმ კი თერთმეტმეტრიანი დარტყმით ტურნირზე მე-17 გოლი გაიტანა და საბოლოო წერტილი დასვა – 4:1.
უეფას ჩემპიონთა ლიგის ფინალური მატჩის მიწურულს უსიამოვნო ინციდენტი მოხდა, როდესაც მადრიდის „ატლეტიკოს“ მთავარი მწვრთნელი დიეგო სიმეონე „რეალის“ ახალგაზრდა მცველ რაფაელ ვარანზე გაიწია. ინციდენტი იქიდან დაიწყო, რომ ფრანგმა ფეხბურთელმა არგენტინელი სპეციალისტის მიმართულებით ბურთი ისროლა, წაგებისთვის განწირულმა სიმეონემ კი ეს ვერ მოითმინა და ბურთი რაფაელის მიმართულებით დამიზნებით დაარტყა. ამის შემდეგ მოედანზე მხარეებს შორის სიტუაცია კიდევ უფრო დაიძაბა, სიმეონე მინდორზე შეიჭრა და ვარანთან მისვლას შეეცადა. საბოლოო ჯამში, არგენტინელი მწვრთნელი მოედნიდან გააძევეს, ვარანი კი ყვითელი ბარათით დასაჯეს.
გთავაზობთ აღნიშნული ფაქტის ამსახველ ვიდეომასალას.
დღეს უეფას ჩემპიონთა ლიგის 2013-2014 წლების გათამაშების ფინალური მატჩი შედგება, რომელშიც ერთმანეთს ორი მადრიდული კლუბი – „რეალი“ და „ატლეტიკო“ დაუპირისპირება. ეს შეხვედრა იმითაც გამორჩეულია, რომ ტურნირის არსებობის ისტორიაში პირველი შემთხვევაა, როდესაც ფინალში ერთი ქალაქის ორი გუნდი გავიდა. მატჩი დღეს, თბილისის დროით 22:45 საათზე აიღებს სტარტს და მას ბიორნ კეიპერსის ხელმძღვანელობით ჰოლანდიელ მსაჯთა ბრიგადა მოემსახურება.
გთავაზობთ ფინალის მონაწილე გუნდების შედარებით მონაცემებს.
|
უეფას ჩემპიონთა ლიგის ფინალი დღეს 22:45 სთ. |
||||
|
მადრიდის „რეალი“ — მადრიდის „ატლეტიკო“ |
||||
|
|
|
|
||
| მთავარი მსაჯი: ბიორნ კეიპერსი (41 წლის, ჰოლანდია; 2006 წლიდან ფიფას მსაჯია. ნაიმეგენის რადბუდის უნივერსიტეტში ბიზნესის ადმინისტრირებას სწავლობდა, პარალელურად ოლდენზალში სუპერმარკეტების ქსელისა და თმის სალონის თანამფლობელი იყო. | ||||
|
მთავარი მწვრთნელი: კარლო ანჩელოტი (54 წლის) |
„ეშტადიუ და ლუჟი“, ლისაბონი ეტევა 61 ათასი მაყურებელი
|
მთავარი მწვრთნელი: დიეგო სიმეონე (44 წლის) |
||
|
|
ურთიერთშეხვედრები: „ატლეტიკო“ 2:2 „რეალი“ (პრიმერადივიზიონი, 02.03.2014); „ატლეტიკო“ 0:2 „რეალი“ (თასი, 12.02.2014); „რეალი“ 3:0 „ატლეტიკო“ (თასი, 05.02.2014); „რეალი“ 0:1 „ატლეტიკო“ (პრიმერადივიზიონი, 29.09.2013); „რეალი“ 1:2 „ატლეტიკო“ (თასი, 17.05.2013) |
|
||
| ადგილი უეფას რეიტინგში: 1-ელი |
„რეალის“ ბოლო მატჩები: „რეალი“ 3:1 „ესპანიოლი“ (პრიმერადივიზიონი, 17.05.2014); „სელტა“ 2:0 „რეალი“ (პრიმერადივიზიონი, 11.05.2014); „ვალიადოლიდი“ 1:1 „რეალი“ (პრიმერადივიზიონი, 07.05.2014); „რეალი“ 2:2 „ვალენსია“ (პრიმერადივიზიონი, 04.05.2014); „ბაიერნი“ 0:4 „რეალი“ (ჩემპიონთა ლიგა, 29.04.2014) |
ადგილი უეფას რეიტინგში: მე-7 | ||
| გუნდის საერთო ღირებულება: 502,83 მლნ. ევრო |
„ატლეტიკოს“ ბოლო მატჩები: „ბარსელონა“ 1:1 „ატლეტიკო“ (პრიმერადივიზიონი, 17.05.2014); „ატლეტიკო“ 1:1 „მალაგა“ (პრიმერადივიზიონი, 11.05.2014); „ლევანტე“ 2:0 „ატლეტიკო“ (პრიმერადივიზიონი, 04.05.2014); „ჩელსი“ 1:3 „ატლეტიკო“ (ჩემპიონთა ლიგა, 30.04.2014); „ვალენსია“ 0:1 „ატლეტიკო“ (ჩემპიონთა ლიგა, 27.04.2014) |
გუნდის საერთო ღირებულება: 248,16 მლნ. ევრო | ||
| ყველაზე ძვირადღირებული ფეხბურთელი: კრიშტიანუ რონალდუ (100.000.000 ევრო) |
ამინდი: მოღრუბლული + 16 |
ყველაზე ძვირადღირებული ფეხბურთელი: დიეგო კოსტა (35.000.000 ევრო) | ||
ესპანეთის პრიმერადივიზიონის მაისის თვის საუკეთესო ფეხბურთელად მადრიდის „ატლეტიკოს“ ცენტრალური მცველი დიეგო გოდინი დასახელდა.
შეგახსენებთ, რომ პრიმერადივიზიონის 38-ე ტურში „ბარსელონას“ წინააღმდეგ გამართულ მატჩში სწორედ ურუგვაელი მოთამაშის მიერ გატანილი გოლის წყალობით მოიპოვა მადრიდულმა კლუბმა საჩემპიონო ტიტული. გოდინმა ანგარიში შეხვედრის 49-ე წუთზე თავური დარტყმით გაათანაბრა. ეს გოლი იმ მატჩში ბოლო აღმოჩნდა, საყაიმო შედეგი კი ხელს „ატლეტიკოს“ აძლევდა, რომელიც, საბოლოო ჯამში, ჩემპიონიც გახდა.
პორტუგალიის ნაკრების ყოფილ ნახევარმცველ ლუიშ ფიგუს ეჭვი ეპარება იმაში, რომ ესპანელები მსოფლიოს ჩემპიონის ტიტულს დაიცავენ. პორტუგალიელის თქმით, 2014 წლის მუნდიალის მთავარი ფავორიტი ბრაზილიის ნაკრებია.
„არა მგონია, ესპანეთის ნაკრებმა მსოფლიოს ჩემპიონატის მოგება მოახერხოს. ამ გუნდს გამარჯვებისთვის საჭირო ხარისხი არ გააჩნია. ესპანელებისთვის მუნდიალის მოგება რთული იქნება, თუმც არა შეუძლებელი.
ვფიქრობ, რომ ტურნირის მასპინძელ ბრაზილიას ჩემპიონობის ყველაზე დიდი შანსი აქვს. ლუიშ ფელიპე სკოლარის კარგად ვიცნობ. ის ამ ტიტულის მოსაპოვებლად ზედგამოჭრილი მწვრთნელია. ბრაზილიელ ფეხბურთელებს გულშემატკივართა მხრიდან გამხნევება გარანტირებული აქვთ. ბრაზილიის ნაკრების წინააღმდეგ თამაში ყველას გაუჭირდება.
რთული გზა აქვს პორტუგალიის ნაკრებსაც. ჩემს ქვეყანაში 11 მილიონი ადამიანი ცხოვრობს და ადვილია არ არის, იპოვო 18-20 პორტუგალიელი, რომელსაც მსოფლიოს ჩემპიონატის მოგება შეეძლება. ამასთან ერთად, გუნდი მნიშვნელოვნად არის დამოკიდებული კრიშტიანუ რონალდუზე“, – ფიგუს სიტყვებს goal.com-ი ციტირებს.
პორტუგალიელმა ჩემპიონთა ლიგის ფინალის შესახებაც ისაუბრა და აღნიშნა, რომ ფავორიტად მადრიდის „რეალს“ თვლის.
„ჩემი აზრით, ჩემპიონთა ლიგას „რეალი“ მოიგებს, რადგან კლუბმა ეს ტიტული უკანასკნელად 2002 წელს დაისაკუთრა, როცა ამ გუნდის ნაწილი მეც გახლდით. ასე რომ, ეს მატჩი მეტად მნიშვნელოვანია. იმედი მაქვს, „რეალი“ გაიმარჯვებს, თუმცა კარგად მოგეხსენებათ, რომ ფინალში ყველაფერი შესაძლებელია“, – განაცხადა ლუიშ ფიგუმ.
აქვე შეგახსენებთ, რომ „რეალსა“ და მადრიდის „ატლეტიკოს“ შორის ჩემპიონთა ლიგის ფინალური მატჩი 24 მაისს, თბილისის დროით 22:45 საათზე დაიწყება.
ბექა დოგრაშვილი
ესპანეთის პროფესიული ფეხბურთის ლიგამ პრიმერადივიზიონის 2013-14 წლების სეზონის სიმბოლური გუნდი შეადგინა, რომელშიც მადრიდის „ატლეტიკოს“ ფეხბურთელები ჭარბობენ.
სეზონის სიმბოლური გუნდის ასე გამოიყურება:
მეკარე: ტიბო კურტუა („ატლეტიკო“);
მცველები: ხუანფრანი („ატლეტიკო“), ემერიკ ლაპორტი („ბილბაო“), დიეგო გოდინი („ატლეტიკო“); ფილიპე ლუისი („ატლეტიკო“);
ნახევარმცველები: ანდერ იტურასპე („ბილბაო“), კოკე („ატლეტიკო“), ივან რაკიტიჩი („სევილია“), გაბი („ატლეტიკო“);
თავდამსხმელები: დიეგო კოსტა („ატლეტიკო“), კრიშტიანუ რონალდუ („რეალი“).
ესპანეთის პრიმერადივიზიონის 2013-14 წლების სეზონის ჩემპიონის ვინაობა ბოლო ტურში გადაწყდა. „ბარსელონამ“ მადრიდის „ატლეტიკო“ მიიღო. მადრიდელები მეტოქეს 3 ქულით უსწრებდნენ და სანუკვარი მიზნის მისაღწევად მინიმუმ არ უნდა წაეგოთ. დიეგო სიმეონეს გუნდმა ეს მოახერხა და ჩემპიონის ტიტულიც დაიბევა. მატჩი ფრედ, ანაგრიშით 1:1 დასრულდა.
ანგარიში 34-ე წუთზე ალექსის სანჩესმა ეფექტური დარტყმით გახსნა. აღსანიშნავია, რომ პირველი ტაიმის მიმდინარეობისას დიეგო კოსტა და არდა თურანი დაშავდნენ. სიმეონეს იძულებითი ცვლილებების გაკეთება მოუწია.
შეხვედრის მეორე ნახევარში „ატლეტიკო“ გააქტიურდა, რამაც შედეგი გამოიღო. გაბის მიერ მოწოებული კუთხურის შემდეგ ყველაზე მაღლა დიეგო გოდინი ახტა და თავური დარტყმით ანგარიში გაათანაბრა. დარჩენილ დროში კატალონიელები კვლავ ეცადნენ დაწინაურებას, მაგრამ სტუმრებმა კარი საიმედოდ დაიცვეს და ესპანეთის ჩემპიონის ტიტული რიგით მეათედ მოიგეს. მანამდე გუნდს პრიმერადივიზიონი 1995-96 წლების სეზონში ჰქონდა მოგებული. მესამე ადგილს მადრიდის „რეალი“ დასჯერდა.
ესპანეთის პრიმერადივიზიონი
38-ე ტური
„ბარსელონა“ – „ატლეტიკო“ 1:1 (1:0)
გოლები: ალექსის სანჩესი 34′ – გოდინი 49′.
გაფრთხილებები: პიკე 5′, ბუსკეტსი 45+3′, მესი 45+3′, სონგი 73′, მასკერანო 90′ – გოდინი 36′, ტიაგო 37′, ფილიპე ლუისი 70′, რაულ გარსია 90+2′.
„სქაი სპორტსი“ იუწყება, რომ ლონდონის „ჩელსის“ ხელმძღვანელობა მადრიდის „ატლეტიკოს“ თავდამსხმელ დიეგო კოსტას სატრანსფერო ღირებულებას დათანხმდა.
წყაროს ცნობით, დასავლეთლონდონური კლუბი გაესპანელებული თავდამსხმელის სანაცვლოდ 32 მილიონ ფუნტს სტერლინგს გადაიხდის. კონტრაქტის მიხედვით, სწორედ ეს არის დიეგო კოსტას გამოსასყიდი თანხა.
გავრცელებული ინფორმაციის თანახმად, ტრანსფერი ოფიციალურად მსოფლიოს ჩემპიონატის დაწყებამდე უნდა დადასტურდეს.
თითქოს ესპანეთის პრიმერადივიზიონში ვიღაც შეთქმულებას აწყობს, რომ ჩემპიონატმა მაქსიმალური ინტრიგა ბოლომდე შეინარჩუნოს. თითქოს გათამაშების ლიდერები წინასწარ ვიღაცას დაეწყევლოს, რომ 36-ე ტურში ვერცერთი მათგანი გამარჯვებას ვერ მოიპოვებდა. ჯერ იყო და „ბარსელონა“ „ნოუ კამპზე“ დაუზავდა გავარდნის ზღვარზე მყოფ „ხეტაფეს“ — 2:2, შემდეგ „ატლეტიკომ“ დათმო შეხვედრა „ლევანტესთან“ — 0:2. მადრიდის „რეალი“ კი ძლივს გადაურჩა საშინაო მარცხს „ვალენსიასთან“. „სანტიაგო ბერნაბეუზე“ გამართულ შეხვედრაში „ღამურები“ ორჯერ იგებდნენ, თუმცა „სამეფო კლუბმა“ ორივეჯერ მოახერხა ანგარიშის გათანაბრება.
44-ე წუთზე ანგარიში სტუმართა ფრანგმა მცველმა ჟერემი მატიემ გახსნა. 59-ე წუთზე მას სერხიო რამოსმა უპასუხა, რომელმაც კრიშტიანუ რონალდუს პასი შეირგო, თუმცა ექვს წუთში დანი პარეხომ „ღამურები“ კვლავ დააწინაურა. მსაჯის მიერ კომპენსირებულ დროში კრიშტიანუ რონალდუმ ქუსლით ანგარიში კვლავ გაათანაბრა და საბოლოო შედეგი დააფიქსირა — 2:2. სხვათა შორის, ეს „რეალისთვის“ მიმდინარე ჩემპიონატში მე-100 გოლი გახლდათ. აღსანიშნავია, რომ ბოლო ხუთი სეზონია, „სამეფო კლუბი“ ჩემპიონატში არანაკლებ 100 გოლს იტანს.
ამ მოულოდნელი შედეგების შემდეგ სატურნირო ცხრილი ასე გამოიყურება: „ატლეტიკოს“ აქტივში 88 ქულა აქვს და ერთპიროვნულ ლიდერობას ინარჩუნებს, მადევარ „ბარსელონას“ 3 ქულით ნაკლები აქვს. 83 ქულით მესამე ადგილზე „რეალია“, რომელსაც მის წინ მყოფ გუნდებზე ერთი მატჩით ნაკლები აქვს ჩატარებული. ასე რომ, ჩემპიონობისთვის ბრძოლა გრძელდება.
ესპანეთის პრიმერადივიზიონი
36-ე ტური
„რეალი“ — „ვალენსია“ 2:2 (1:0)
გოლები: სერხიო რამოსი 59′, რონალდუ 90+2′ — მატიე 44′, პარეხო 65′.
გაფრთხილებები: დი მარია 51′ — კეიტა 70′, დიეგო ალვესი 80′, ფეგული 90+4′.
ბექა დოგრაშვილი
უეფას ოფიციალურმა ვებ-გვერდმა ჩემპიონთა ლიგის მიმდინარე კვირის სიმბოლური ნაკრები გამოაქვეყნა. კვირის გუნდი მხოლოდ მადრიდის „რეალისა“ და „ატლეტიკოს“ ფეხბურთელებით არის დაკომპლექტებული.
მეკარე: ტიბო კურტუა („ატლეტიკო“);
მცველები: ხუანფრანი („ატლეტიკო“), სერხიო რამოსი („რეალი“), პეპე („რეალი“), ფილიპე ლუისი („ატლეტიკო“);
ნახევარმცველები: ლუკა მოდრიჩი („რეალი“), არდა თურანი („ატლეტიკო“), ანხელ დი მარია („რეალი“);
თავდამხმელები: კრიშტიანუ რონალდუ („რეალი“), დიეგო კოსტა („ატლეტიკო“), გარეტ ბეილი („რეალი“).
