ჭდე: Bayern München

ლევანდოვსკის ავტომობილს ბორბლები დააძრეს და მოიპარეს

Posted on by ბექა დოგრაშვილი

„ბორუსიას“ თავდამსხმელი რობერტ ლევანდოვსკი დორტმუნდში პოპულარობით ძველებურად რომ ვეღარ სარგებლობს, ეს არახალი ამბავია. პოლონელ ფეხბურთელს გუშინ კიდევ ერთი ინციდენტი შეემთხვა. სახლის წინ მდგარ მის ავტომობილს (Porsche Cayenne)  ყველა ბორბალი დააძრეს და მოიპარეს.

მოგეხსენებათ, პოლონელი ფეხბურთელი სეზონის ბოლოს მიუნხენის „ბაიერნში“ გადაბარგდება, რაც „ბორუსიას“ გულშემატკივართა პროტესტს იწვევს. არ არის გამორიცხული, ეს შემთხვევაც კლუბის ქომაგთა შურისძიებას ემსახურებოდეს.

რამდენიმე დღის წინათ, Fanebi.com-მა ლევანდოვსკისთან დაკავშირებით მსგავსი ინციდენტის შესახებ უკვე გიამბოთ. მაშინ 17 წლის მოწაფე ჰყვებოდა, რომ გზად მიმავალმა პოლონელი თავდამსხმელი დაინახა და შუა თითი უჩვენა, რაც ლევანდოვსკიმ ვერ მოითმინა და ახალგაზრდა გულშემატკივარს ფიზიკური შეურაცხყოფა მიაყენა. მოგვიანებით „დაზარალებულმა“ სამართალდამცავ ორგანოში საჩივარი აფრინა, რომელიც რამდენიმე დღის შემდეგ უკან გამოითხოვა და ფეხბურთელს ბოდიშიც მოუხადა.

ასე გამოიყურება ლევანდოვსკის ავტომობილი.

ბექა დოგრაშვილი

რიბერი „არსენალთან“ გასამართ მატჩს გამოტოვებს

Posted on by ბექა დოგრაშვილი

მიუნხენის „ბაიერნის“ ნახევარმცველი ფრანკ რიბერი უეფას ჩემპიონთა ლიგის მერვედფინალურ ეტაპზე, ლონდონის „არსენალთან“ გასამართ პირველ მატჩს გამოტოვებს.

ფრანგმა ფეხბურთელმა მაგნიტო–რეზონანსული ტომოგრაფია ჩაიტარა, რომელმაც აჩვენა, რომ ჰემატომა, რომელიც ნერვს აწვებოდა, მთლიანად ამოკვეთილია. რიბერი სარეაბილიტაციო კურსს გადის, ერთი კვირის თავზე კი უკვე სირბილის ნებასაც დართავენ.

„ბაიერნსა“ და „არსენალს“ შორის პირველი მატჩი 19 თებერვალს, ლონდონში გაიმართება და ამ დროისთვის რიბერი გამოჯანმრთელებას ვერ მოასწრებს, თუმცა, არ არის გამორცხული, ფრანგმა ნახევარმცველმა საპასუხო შეხვედრაში მონაწილეობის მიღება შეძლო.

ბექა დოგრაშვილი

მიულერი: „ბაიერნი“ და „არსენალი“ ერთ დონეზე არიან“

Posted on by ბექა დოგრაშვილი

როგორც მოგეხსენებათ, უეფას ჩემპიონთა ლიგის მერვედფინალურ ეტაპზე მიუნხენის „ბაიერნი“ ლონდონის „არსენალს“ დაუპირისპირდება. ბავარიელთა ფეხბურთელი ტომას მიულერი თვლის, რომ ჩრდილოლონდონური გუნდი ღირსეულ წინააღმდეგობას გაწევს.

„მეთოფეები“ ლამაზ ფეხბურთს თამაშობენ. ეს ყველაზე რთული მეტოქეა, რომელიც შეიძლება შეგვხვედროდა. ახლა „ბაიერნი“ და „არსენალი“ ერთ დონეზე არიან. ეროვნულ და საერთაშორისო არენაზე ბოლო წლებში ჩვენ ლონდონელებზე უკეთ გამოვიყურებით, ამიტომ ფავორიტად „ბაიერნი“ მიიჩნევა“, –  მიულერის სიტყვები Goal.com-მა გამოაქვეყნა.

წყვილის პირველი მატჩი ლონდოში, 19 თებერვალს გაიმართება.

ბექა დოგრაშვილი

ლევანდოვსკიმ „ბორუსიას“ ქომაგებს მიმართა

Posted on by ბექა დოგრაშვილი

დორტმუნდის „ბორუსიას“ თავდამსხმელმა რობერტ ლევანდოვსკიმ, რომემაც 4 იანვარს მიუნხენის „ბაიერნთან“ კონტრაქტი გააფორმა, სოციალური ქსელის მეშვეობით თავის გულშემატკივრებს მიმართა. პოლონელი ფეხბურთელი წერს, რომ დარჩენილი პერიოდის განმავლობაში „ბორუსიას“ საკეთილდღეოდ ძალისხმევას არ დაიშურებს.

„ერთად კიდევ ნახევარ წელიწადს გავატარებთ. ერთი მიზანი გვაქვს, რომელსაც გვინდა, რომ ერთად მივაღწიოთ. ყველას გპირდებით, რომ ძალისხმევას არ დავიშურებ. თქვენი თანადგომის იმედი მაქვს!

ქალბატონებო და ბატონებო, მედიის წარმომადგენლებო, თქვენი მადლიერი ვარ. უახლოესი თვეების განმავლობაში მხოლოდ „ბორუსიაზე“ გავაკეთებ ფოკუსირებას. ამიტომ, მომავალზე საუბარი არ მსურს. იმედია, სწორად გამიგებთ“, – აღნიშნა პოლონელმა თავდამსხმელმა.

შეგახსენებთ, რომ ლევანდოვკსი მიმდინარე წლის პირველი ივლისიდან ოფიციალურად გახდება „ბაიერნის“ ფეხბურთელი.

ბექა დოგრაშვილი

„ბაიერნმა“ ლევანდოვსკის ტრანსფერი ოფიციალურად დაადასტურა

Posted on by ბექა დოგრაშვილი

როგორც უკვე გაცნობეთ, დორტმუნდის „ბორუსიას“ თავდამსხმელი რობერტ ლევანდოვსკი კარიერას მიუნხენის „ბაიერნში“ გააგრძელებს. ეს ინფორმაცია ბავრიულმა მხარემ უკვე ოფიციალურად დაადასტურა. პოლონელ ფეხბურთელს „ბორუსიასთან“ კონტრაქტი მიმდინარე სეზონის ბოლოს უმთავრდება. მხარეებს შორის ხელშეკრულება 2019 წლამდე გაფორმდა.

ლევანდოვსკი „ბორუსიას“ ღირსებას 2010 წლის 30 ივნისიდან იცავს. ფეხბურთელი სიმაღლეში 184 სანტმეტრია, წონაში კი – 78 კგ.

სპეციალიზებული ინტერნეტ-პორტალი Transfermarkt -ი 25 წლის ფეხბურთელის სატრანსფერო ღირებულებას 39 მილიონ ევროდ აფასებს.

ლევანდოვსკიმ გერმანიის ჩემპიონატის მიმდინარე სეზონში 17 მატჩი ჩაატარა, 11 გოლი გაიტანა და 6 საგოლე გადაცემა გააკეთა.

ბექა დოგრაშვილი

ლევანდოვსკი „ბაიერნში“ ითამაშებს

Posted on by ბექა დოგრაშვილი

გერმანული გამოცემა „ბილდი“ იუწყება, რომ დორტმუნდის „ბორუსიას“ თავდამსხმელი რობერტ ლევანდოვსკი დღეს მიუნხენის „ბაიერნთან“ კონტრაქტს გააფორმებს, რომელიც ძალაში პირველი ივლისიდან შევა. ცნობილი ხდება ისიც, რომ მხარეებს შორის კონტრაქტი 2019 წლამდე გაფორმდება.

დღეს პოლონელი ფეხბურთელი მიუნხენში სამედიცინო შემოწმებას გაივლის, რის შემდეგაც ხელშეკრულებას მოეწერება ხელი.

შეგახსენებთ, რომ ლევანდოვსკის „ბორუსიასთან“ მოქმედი კონტრაქტი მიმდინარე წლის ივნისში ეწურება. აქედან გამომდინარე, „ბაიერნი“ პოლონელ თავდამსხმელს ზაფხულში უსასყიდლოდ მიიღებს.

ბექა დოგრაშვილი

რიბერი: „ოქროს ბურთის“ გარეშეც ბედნიერი ვიქნები“

Posted on by ბექა დოგრაშვილი

საფრანგეთის ნაკრებისა და მიუნხენის „ბაიერნის“ ნახევარმცველმა ფრანკ რიბერიმ განაცხადა, რომ თუ „ოქროს ბურთს“ მას არ გადასცემენ, ამ ფაქტს დიდ ყურადღებას არ მიაქცევს. მანვე აღნიშნა, რომ კმაყოფილია ამჟამინდელი ყოფით.

„იმ შემთხვევაშიც ბედნიერი ადამიანი ვიქნები, თუ „ოქროს ბურთს“ ვერ მოვიგებ. ჩემთვის უკვე დიდი პატივია ისეთ ადამიანებთან ერთად წარდგენა, როგორებიც არიან ლიონელ მესი და კრიშტიანუ რონალდუ.

„ბაიერნი“ მსოფლიოს მასშტაბით ყველაზე ძლიერი გუნდია. ჩვენი საიდუმლო იმაში მდგომარეობს, რომ ფეხბურთისგან სიამოვნებას ვიღებთ. ჩვენ დიდი ოჯახივით ვართ“, – ციტირებს რიბერის სიტყვებს გერმანული პრესა.

შეგახსენებთ, რომ „ოქროს ბურთის“ დაჯილდოების ცერემონიალი 2014 წლის 13 იანვარს გაიმართება.

ბექა დოგრაშვილი

რიბერი: „ოქროს ბურთს“ მეუღლეს, შვილებსა და მამას მივუძღვნი“

Posted on by ბექა დოგრაშვილი

მიუნხენის „ბაიერნის“ ნახევარმცველი ფრანკ რობერი თვლის, რომ „ოქროს ბურთს“ იმსახურებს. შეგახსენებთ, რომ აღნიშნული ჯილდოს მოპოვების პრეტენდენტები არიან: ლეო მესი, კრიშტიანო რონალდუ და თავად რიბერი.

„კლუბისთვის და ჩემთვის შესანიშნავი წელიწადი იყო. ყველა შესაძლო რეკორდი დავამხეთ და გავუმკლავდით სერიოზულ ზეწოლას მოედანსა და მოედანს მიღმა. ევროპის საუკეთესო ფეხბურთელის ჯილდო დამსახურებულად მოვიპოვე. მშვენიერი იქნება, თუ „ოქროს ბურთსაც“ გადმომცემენ. ამ ჯილდოს მეუღლეს, შვილებსა და მამას მივუძღვნი.

მესისთან და რონალდუსთან ერთად ნომინანტთა შორის მოხვედრა თავისთავად აღსანიშნავია. მოგების მშვენიერი შანსი მაქვს. 2013 წელი ჩემს კარიერაში საუკეთესო იყო“, – ციტირებს რიბერის სიტყვებს Goal.com-ი.

შეგახსენებთ იმასაც, რომ წუხელ ფრანგი ფეხბურთელი გასული საკლუბო მსოფლიოს ჩემპიონატის საუკეთესო მოთამაშედაც დაასახელეს.

„ოქროს ბურთის“ დაჯილდოების ცერემონიალი 2014 წლის 13 იანვარს შედგება.

ბექა დოგრაშვილი

მკაცრი მაროკოელები და „ბაიერნის“ სერიოზული მზადება ჩინელებთან სათამაშოდ

Posted on by ბექა დოგრაშვილი

მაშინ, როცა ევროპაში დიდთოვლობას ებრძვიან (თოვლი თვით სტამბულშიც მოვიდა), მიუნხენის „ბაიერნი“ საკლუბო მსოფლიოს ჩემპიონატში ჩასართველად ემზადება. ტურნირი თბილ მაროკოში მიმდინარეობს. გერმანელები ნახევარფინალური ეტაპიდან ერთვებიან და დღეს ჩინურ „გუანჩჟოუ ევერგრანდს“ დაუპირისპირდებიან.

„ბაიერნი“ საკმაოდ სერიოზულად ემზადება და არა იმიტომ, რომ გერმანელები ჩინურ კლუბს ასე აფასებენ, არამედ იმიტომ, რომ სავარჯიშო მოედნის ღობის გადაღმა მკაცრად მომზირალნი მაროკოელი ყმაწვილების თვალწინ ლაზღანდარობის უფლებას მხოლოდ გიჟი თუ მისცემდა საკუთარ თავს (ეს ხუმრობით, რა თქმა უნდა).

მატჩი „გუანჩჟოუ ევერგრანდსა“ და „ბაიერნს“ შორის დღეს, თბილისის დროით 23:30 საათზე აიღებს სტარტს.

ცნობისთვის, მეორე ნახევარფინალური მატჩი 18 დეკემბერს შედგება და ერთმანეთს მაროკოული „კასაბლანკა“ და ბრაზილიური „ატლეტიკო მინეირო“ დაუპირისპირდებიან.

ბექა დოგრაშვილი

„ბაიერნის“ წინააღმდეგ გასამართ მატჩში „სიტის“ კარს ჰარტი დაიცავს

Posted on by ბექა დოგრაშვილი

ჩემპიონთა ლიგის ჯგუფური ეტაპის VI ტურში „მანჩესტერ სიტი“ მიუნხენის „ბაიერნს“ ესტუმრება. „ქალაქელთა“ მთავარი მწვრთნელი მანუელ პელეგრინი ამბობს, რომ მისმა გუნდმა ახლა მთელი კონცენტრაცია ინგლისის პრემიერლიგის მატჩებზე უნდა გადმოიტანოს. შეგახსენებთ, რომ „სიტიმ“ ჩემპიონთა ლიგის პლეი-ოფში თამაშის უფლება უკვე მოიპოვა.

„ბაიერნთან“ ჯო ჰარტი ითამაშებს. თქმა არ უნდა იმას, რომ ლონდონის „არსენალთან“ მნიშვნელოვანი მატჩი გველის. ჩემპიონთა ლიგის პლეი-ოფში თამაშის უფლება უკვე მოვიპოვეთ, ახლა მთელი კონცენტრაცია ინგლისის პრემიერლიგაზე უნდა გავაკეთოთ“, – ციტირებს პელეგრინის სიტყვებს Goal.com-ი.

ცნობისთვის, მატჩი „ბაიერნსა“ და „მანჩესტერ სიტის“ შორის 10 დეკემბერს გაიმართება, „სიტი“-„არსენალის“ შეხვედრა კი – 14 დეკემბერს.

ბექა დოგრაშვილი

ლევანდოვსკი „ბაიერნის“ კრიზისს წინასწარმეტყველებს

Posted on by ბექა დოგრაშვილი

დორტმუნდის „ბორუსიას“ თავდამსხმელი რობერტ ლევანდოვსკი აცხადებს, რომ მიუნხენის „ბაიერნი“ წინასწარ არ უნდა გამოაცხადონ გერმანიის ჩემპიონად.

შეგახსენებთ, რომ ბავარიული კლუბი ბუნდესლიგის სატურნირო ცხრილს ერთპიროვნულად ლიდერობს, აქტივში კი შესაძლო 42-დან 38 ქულა აქვს. „ბორუსია“ მესამე ადგილზეა და „ბაიერნს“ 7 ქულით ჩამორჩება.

„ბაიერნისთვის“ ტიტულის მინიჭება ჯერ ადრეა. შესაძლოა, მიუნხენელებს ისევ დაუდგეთ სათამაშო კრიზისი, როგორც ხდება ხოლმე ტოპ-კლუბებში. ნებისმიერ შემთხვევაში, იმედს არ დავკარგავ, თუმცა მატჩები ჩვენითვე უნდა მოვიგოთ. რა თქმა უნდა, მინდა, რომ ჩემპიონატის საუკეთესო ბომბარდირი გავხდე, თუმცა მთავარი გუნდის წარმატებაა“, – ლევანდოვსკის სიტყვები გერმანულმა გამოცემა „ბილდმა“ გამოაქვეყნა.

ბექა დოგრაშვილი

„ბაიერნმა“ „დორტმუნდი“ გაანადგურა, გიოტცემ გოლი არ აღნიშნა

Posted on by ბექა დოგრაშვილი

გერმანიის ბუნდესლიგის XIII ტურის ცენტრალური მატჩი დორტმუნდში შედგა, სადაც ერთმანეთს ჩემპიონთა ლიგის გასული სეზონის ფინალისტები დაუპირისპირდნენ – „ბორუსიამ“ მიუნხენის „ბაიერნი“ მიიღო. ბავარიელთა ნახევარმცველმა მარიო გიოტცემ თავისი ყოფილი გუნდის წინააღმდეგ პირველი შეხვედრა ჩაატარა. მისი ტრანსფერი ჯერ კიდევ გასული სეზონის დასრულებამდე გამოცხადდა – 2013 წლის აპრილში. გიოტცემ „ბორუსიას“ მოედანზე გამოსვლიდან 10 წუთში გაუტანა, თუმცა ახალგაზრდა გერმანელმა ფეხბურთელმა გოლი არ აღნიშნა. საბოლოო ჯამში, „ბაიერნმა“ მეტოქე ანგარიშით 3:0 გაანადგურა. დანარჩენი გოლები კი არიენ რობენისა და ტომას მიულერის ანგარიშზეა.

„ბაიერნი“ კვლავ წაუგებლად აგრძელებს გათამაშებას, მიუნხენელთა აქტივში 35 ქულაა, უახლოესი მადევარი ლევერკუზენის „ბაიერნი“ ლიდერს 4 ქულით ჩამორჩება. რაც შეეხება „ბორუსიას“, იურგენ კლოპის გუნდს 28 ქულით მესამე პოზიცია აქვს დაკავებული.

გერმანიის ბუნდესლიგა
XIII ტური
„ბორუსია“ დ.-„ბაიერნი“ 0:3 (0:0)

გოლები: გიოტცე 66′, რობენი 85′, მიულერი 87′.
გაფრთხილებები: გროსკროიცი 45′, მხითარიანი 56′ – ბოატენგი 36′, რაფინია 45′, მანჯუკიჩი 45′.