ჭდე: Francesco Totti

“რომას” კაპიტანმა ფრანჩესკო ტოტიმ ჯაჩინტო ფაკეტის სახელობის საერთაშორისო ჯილდო მიიღო, რომელსაც გაზეთი “ლა გაძეტა დელო სპორტი” ყოველწლიურად რომელიმე ფეხბურთელს დადებითი და ჯენტლმენური ქცევის გამოვლინებისთვის გადასცემს.

2013 წელს ეს ჯილდო “ბარსელონას” ყოფილმა მცველმა ერიკ აბიდალმა მიიღო, მანამდე კი ეს პატივი იტალიის ნაკრების ყოფილ თავკაც ჩეზარე პრანდელის, “მილანის” ყოფილ კაპიტან პაოლო მალდინის, უეფას პრეზიდენტ მიშელ პლატინისა და ერაყის კაპიტან იუნის ჰალაფს ხვდათ წილად.

“რომას” რიგებში 20 წელზე მეტია, ვთამაშობ. ამ კლუბისთვის ყველაფერი გავეცი და სანაცვლოდაც ბევრი რამ მივიღე. “რომა” ჩემი ერთადერთი კლუბია, ჩემი ერთადერთი სიყვარულია. ეს კლუბი უმაღლეს დონეზე თამაშს იმსახურებს”, – აღნიშნა ტოტიმ.

როგორც მოგახსენეთ ჯილდო ჯაჩინტო ფაკეტის სახელს ატარებს. ფაკეტი მილანის “ინტერის” ღირსებას 18 წლის განმავლობაში იცავდა. ის 2006 წელს 64 წლის ასაკში გარდაიცვალა.

იტალიური გამოცემა “კორიერე დელა სერა” წერს, რომ “რომას” კაპიტანი ფრანჩესკო ტოტი კარიერას მანამ არ დაასრულებს, სანამ კლუბის ახალ სტადიონზე არ ითამაშებს.

ეს იმას ნიშნავს, რომ იტალიელ ფეხბურთელს მინიმუმ 2017 წლამდე მოუწევს თამაში, ვინაიდან სწორედ ამ დროს არის არენის გახსნა დაგეგმილი.

მიუხედავად იმისა, რომ ფრანჩესკო ტოტი 2017 წელს 41 წლის იქნება, “რომას” ხელმძღვანელობა გაგებით ეკიდება გუნდის კაპიტნის მისწრაფებას და ფეხბურთელს კარიერის მანამდე დასრულებისკენ არ მოუწოდებს.

წყაროს თანახმად, ტოტის ორი ოცნებაც აქვს: ამერიკული კლუბის მფლობელობა და იტალიის ქალაქ მარინოს მერობა.

„რომას“ კაპიტან ფრანჩესკო ტოტის ჯერ არ აქვს გადაწყვეტილი, კონკრეტულად როდის დაასრულებს კარიერას.

„მე ფეხბურთის თამაშში გავიზარდე და ამავე საქმით მოვკვდები. დარწმუნებული ვარ, რომ კარიერის დასრულების შემდეგ რომელიმე სტატუსით ფეხბურთში დავრჩები. როდის დავასრულებ კარიერას? მანამ ვითამაშებ, სანამ თავად არ მივხვდები, რომ მოედანზე სულელივით გამოვიყურები“, – ტოტის სიტყვები GQ-მ გამოაქვეყნა.

შეგახსენებთ, რომ ფრანჩესკო ტოტი „რომას“ პირველი გუნდის ღირსებას 1993 წლიდან იცავს. იტალიელმა ფეხბურთელმა გუნდთან ერთად ერთხელ მოიგო სერია A და ორჯერ – კოპა იტალია. ტოტის სექტემბრის თვეში 38 წელი შეუსრულდება.

ბექა დოგრაშვილი

„რომას“ კაპიტანმა ფრანჩესკო ტოტიმ განაცხადა, რომ მისი ოცნება ჩემპიონთა ლიგის მოგებაა. გარდა ამისა, იტალიელმა ფეხბურთელმა იმ მოთამაშეთა სიმბოლური გუნდი შეადგინა, ვისთან ერთადაც და ვის წინააღმდეგაც უთამაშია.

„ვიცი, რომ დრო ცოტა მაქვს, მაგრამ მინდა, რომ ოცნება ავიხდინო. ჩემპიონთა ლიგის მოგება მსურს.

ჩემი სიმბოლური გუნდი ასე გამოიყურება: ბუფონი, მაიკონი, სამუელი, კანდელა, დე როსი, ჩავი, ინიესტა, მე, კრიშტიანუ რონალდუ, მესი და იბრაჰიმოვიჩი.

მე ვიტყოდი, მშვენიერი გუნდია და თან ძალიან ძვირი“, – განაცხადა ტოტიმ „რაი უნოს“ ეთერში.

ბექა დოგრაშვილი

„რომას“ კაპიტანმა ფრანჩესკო ტოტიმ განაცხადა, რომ მთელი კარიერის ერთ კლუბში გატარებას არ ნანობს.

„კარიერის ყველაზე სასიხარულო მომენტები მაშინ მქონდა, როდესაც მსოფლიოს ჩემპიონი და სერია А-ს გამარჯვებული გავხდი. ვამაყობ იმით, რასაც მივაღწიე, ვამაყობ, რომ მთელი კარიერა ერთ კლუბში გავატარე. აქვე უნდა ვაღიარო, რომ „რომასთან“ ერთად გამარჯვება უფრო რთულია, ვიდრე სხვა კლუბთან ერთად“, – ციტირებს ტოტის სიტყვებს Football-italia.

შეგახსენებთ, რომ ფრანჩესკო ტოტი „რომას“ ღირსებას 1992 წლიდან იცავს.

ბექა დოგრაშვილი

„რომას“ კაპიტანმა ფრანჩესკო ტოტიმ კლუბის ქომაგებს შობა მიულოცა და მიმდინარე წელს ნაჩვენები შედეგები შეაფასა.

„რაც მინდა, ის რომ ვთქვა, ბანალურად გამომივა. არაფერს დავიშურებ იმისთვის, რომ ლამაზი საჩუქარი გავიკეთო, თუმცა ვისურვებდი, რომ ქომაგებს ის დიდი საჩუქარი მივუძღვნა, რასაც ისინი ისე იმსახურებენ, როგორც არავინ სხვა.

2013 წელი ჩვენთვის შერეული წელიწადი გამოდგა. პირველი ექვსი თვე გაურკვევლობა სუფევდა. შემიძლია ისიც კი ვთქვა, რომ ახალი სეზონის დაწყებამდე საშინლად გამოვიყურებოდით. ახალი სეზონი დაიწყო ისე, როგორც ყველა ჩვენთაგანს სურდა. იმედი გვაქვს, რომ 2014 წელსაც ასე გავაგრძელებთ, ეს არის ყველაზე მნიშვნელოვანი“, – ტოტის სიტყვები სპორტულ პორტალზე Football-italia გამოქვეყნდა.

ბექა დოგრაშვილი