Gerard Pique – გვერდი 4 – Fanebi.Com – ფეხბურთი, კალათბურთი, რაგბი, სხვა

პიკე პოლიციელებს ეჩხუბა

Posted on ოქტომბერი 16, 2014ოქტომბერი 16, 2014 by ბექა დოგრაშვილი

ესპანეთის ეროვნული გუნდისა და “ბარსელონას” მცველ ჟერარ პიკეს კვირას ღამით, ლუქსემბურგის ნაკრების წინააღმდეგ გამართული მატჩის შემდეგ მომხდარი შემთხვევის გამო პასუხისგება მოუწევს.

Vanguardia-ს ცნობით, ესპანელმა ფეხბურთელმა პოლიციელებთან იჩხუბა. წყაროს თანახმად, “ბარსელონას” მცველის ძმამ მარკ პიკემ პარკირების წესი დაარღვია, რის გამოც პოლიციამ იგი დააჯარმა. მას ფეხბურთელიც თან ახლდა, რომელიც ავტომობილიდან გადმოვიდა და პოლიციელებს უპატივცემულოდ მოექცა. წყაროს თანახმად, პიკე იმაზე ამახვილებდა ყურადღებას, რომ ცნობილი პიროვნებაა და ჯარიმის გადახდას ვერავინ აიძულებდა, პოლიციის თანამშრომლებს გათავისუფლებით დაემუქრა და მათ სიტყვიერი შეურაცხყოფაც მიაყენა. პიკეს ძმა ჯარიმის გადახდა აპირებდა, თუმცა ფეხბურთელმა მას ფული ხელიდან გამოგლიჯა, კუპიურები გადახია და პოლიცელებს ფეხებთან დაუყარა.

მოგვიანებით ჟერარ პიკემ მომხდართან დაკავშირებით კომენტარი გააკეთა:

“ამ საქმეში ბევრი რამ გაზვიადებულია, თუმცა ნებისმიერ შემთხვევაში, არასწორად მოვიქეცი. მაპატიეთ. ასეთი რამ აღარ განმეორდება”.

პიკე: “საუკეთესო მცველთა სამეულში არ შევდივარ”

Posted on აგვისტო 1, 2014 by ბექა დოგრაშვილი

“ბარსელონას” მცველი ჟერარ პიკე გამოტყდა, რომ დღესდღეობით თავს ისე დამაჯერებლად ვეღარ გრძნობს, როგორც ადრე.

“დღესდღეობით საუკეთესო მცველების სამეულშიც ვერ შევდივარ. გასული სეზონისა და ბრაზილიაში გამართული მსოფლიოს ჩემპიონატის გათვალისწინებით, თავს წამყვან მოთამაშეთა შორის ვერ ჩავთვლი, თუმცა დარწმუნებული ვარ, რომ ფორმას დავიბრუნებ. მესმის, რომ “ბარსაში” თამაშისთვის აუცილებელია, საუკეთესო სამეულში შევდიოდე. ვიცი, ლუის ენრიკე ძველ დონეზე დამაბრუნებს”, – პიკეს სიტყვებს Goal.com-ი აქვეყნებს.

პიკე: „საუკეთესო მესია, მას რონალდუ მოსდევს“

Posted on ივნისი 10, 2014ივნისი 10, 2014 by ბექა დოგრაშვილი

ესპანეთის ნაკრების მცველმა ხერარ პიკემ იმის შესახებ ისაუბრა, თუ ვის თვლის მსოფლიოს მასშტაბით საუკეთესო ფეხბურთელად.

„მსოფლიოს საუკეთესო მოთამაშე ლეო მესია, რომელსაც კრიშტიანუ რონალდუ მოსდევს. არცერთი მათგანი ჩვენს ნაკრებში არ თამაშობს, თუმცა ჩვენ საუკეთესო ფეხბურთელთა სიის მესამე, მეოთხე და მეხუთე ფეხბურთელი გვყავს… ჩავი, ინიესტა და ასე შემდეგ.

რაც შეეხება ვისენტე დელ ბოსკეს, ის ისტორიაში საუკეთესო მწვრთნელია. მან „რეალთან“ ერთად ორჯერ მოიგო ჩემპიონთა ლიგა, გაიმარჯვა მსოფლიოსა და ევროპის ჩემპიონატებზე. ის კლუბთან და ნაკრებთან ერთად ყველა შესაძლო ტიტულს დაეუფლა. ამასთანავე, დელ ბოსკე ისეთივე მოკრძალებულ პიროვნებად დარჩა“, – პიკეს სიტყვებს პორტუგალიური ინტერნეტ-გამოცემა A Bola ციტირებს.

ბექა დოგრაშვილი

კომერციულად ყველაზე მიმზიდველი ფეხბურთელები

Posted on მაისი 28, 2014 by ბექა დოგრაშვილი

მადრიდის „რეალისა“ და პორტუგალიის ნაკრების ლიდერი კრიშტიანუ რონალდუ ფეხბურთის სამყაროში კომერციულად ყველაზე მიმზიდველ მოთამაშედ დასახელდა.

აღნიშნულ რეიტინგში შარშან პირველი ადგილი „ბარსელონას“ თავდამსხმელ ლიონელ მესის ეკავა.

რეიტინგის პირველი ათეული შემდეგნაირად გამოიყურება:

1. კრიშტიანუ რონალდუ – 79,49 ქულა/ 83,87%* / 82 მლნ** / 26 მლნ***
2. ლიონელ მესი – 75,87 / 76,07% / 57 მლნ/ 2 მლნ
3. ხერარ პიკე – 62,90 / 58,08% / 12 მლნ/ 8 მლნ
4. ფერნანდო ტორესი – 62,69 / 59,64% / 3 მლნ/ 2 მლნ
5. უეინ რუნი – 59,47 / 55,82% / 20 მლნ/ 9 მლნ
6. ანდრეს ინიესტა – 59,47 / 52,82% / 20 მლნ/ 9 მლნ
7. ნეიმარი – 59,36 / 53,33% / 22 მლნ/ 11 მლნ
8. იკერ კასილასი – 59,09 / 49,43% / 18 მლნ/ 1 მლნ
9. ზლატან იბრაჰიმოვიჩი – 59,07 / 55,81% / 15 მლნ/ 1 მლნ
10. ტიერი ანრი – 57,56 / 51,62% / 16 მლნ/ 300 ათასი.

* – ცნობადობა მსოფლიოს მასშტაბით
** – Facebook-ის გვერდზე მოწონებების რაოდენობა
*** – Twitter-ის მიკრობლოგზე მიმდევრების რაოდენობა

ბექა დოგრაშვილი

„რეალთან“ პიკეს თამაში გამოირიცხა

Posted on აპრილი 15, 2014 by ბექა დოგრაშვილი

„ბარსელონას“ მცველი ჟერარ პიკე მადრიდის „რეალის“ წინააღმდეგ გასამართ ესპანეთის თასის ფინალურ მატჩს გამოტოვებს.

შეგახსენებთ, რომ კატალონიელი ფეხბურთელი მიმდინარე თვის დასაწყისიდან ლაზარეთშია. პიკემ ტრავმა მადრიდის „ატლეტიკოს“ წინააღმდეგ გამართულ მატჩში მიიღო, როდესაც დიეგო კოსტასთან საჰაერო ორთაბრძოლის შემდეგ მოედანზე ცუდად დაეცა. „ბარსელონას“ მცველმა გუშინ სამედიცინო შემოწმება ჩაიტარა, რომელმაც ოთხშაბათს მისი თამაში გამორიცხა.

„ბარსელონასა“ და „რეალს“ შორის თასის ფინალური მატჩი 16 აპრილს, თბილისის დროით 23:30 საათზე დაიწყება.

ბექა დოგრაშვილი

პიკეს „ბარსელონას“ პრეზიდენტობა უნდა

Posted on თებერვალი 4, 2014 by ბექა დოგრაშვილი

ესპანეთის ნაკრების მცველი ჟერარ პიკე გამოტყდა, რომ „ბარსელონას“ პრეზიდენტობაზე ოცნებობს. ფეხბურთელი ამბობს, რომ ბიზნესით დიდი ხნის წინათ დაინტერესდა და საკუთარ თავს ფუნქციონერის როლშიც ხედავს.

„ბარსელონას“ პრეზიდენტობა მინდა, თუმცა ეს მალე არ მოხდება. 10 წლის ასაკში ფეხბურთელობა მსურდა. როგორც ხედავთ, ეს ოცნება ამიხდა. პრეზიდენტობა მინდა იმიტომ, რომ ეს ჩემი კლუბია და ვიცი, რა ხდება შიდა სამზარეულოში, თანაც თავის დროზე ჩემი ბაბუა „ბარსელონას“ ვიცე-პრეზიდენტი იყო. ამ კლუბის სულისკვეთებით ბავშვობიდან ვარ გამსჭვალული.

ფეხბურთი მიყვარს. ის ჩემთვის ცხოვრებაში პირველ ადგილზეა, თუმც ჩემი ინტერესები ბიზნესზეც ვრცელდება. ამ კუთხით „ბარსელონაში“ მუშაობა საინტერესო იქნებოდა“, – პიკეს სიტყვები JotDown-მა გამოაქვეყნა.

ბექა დოგრაშვილი

ინიესტა: „საინტერესო ჯგუფში მოვხვდით“

Posted on დეკემბერი 7, 2013 by Alix

სოციალურ ქსელ ტვიტერში ესპანეთის ნაკრების მოთამაშეებმა მსოფლიოს 2014 წლის ჩემპიონატის ჯგუფური ეტაპის კენჭისყრის შედეგები შეაფასეს.

შეგახსენებთ, რომ ესპანელების ჯგუფში ჰოლანდიის, ჩილესა და ავსტრალიის ნაკრებები მოხვდნენ

„ძალიან საინტერესო ჯგუფში მოვხვდით. პლეი-ოფში აუცილებლად უნდა გავიდეთ“, – დაწერა ანდრეს ინიესტამ.

„არავინ ამბობს, რომ იოლი გასეირნება გველის. ჰოლანდია, ჩილე და ავსტრალია – სერიოზული მეტოქეები არიან“, – თვლის ხერარდ პიკე.

ალექსანდრე მატევოსოვი

პიკე მოპოვებული ქულით კმაყოფილია

Posted on ოქტომბერი 23, 2013 by Alix

კატალონიის „ბარსელონას“ მცველი ხერარდ პიკე „მილანთან“ უეფას ჩემპიონთა ლიგის ჯგუფური ეტაპის მესამე ტურში ფრედ დასრულებული მატჩით კმაყოფილი დარჩა.

„მილანს კარგი ხასიათით ვტოვებთ. ვფიქრობ, ბევრი მართალი არ იყო, როდესაც ამბობდა, რომ სან-სიროზე დიდი ანგარიშით მოვიგებთ. შესაძლოა, ზოგს აღნიშნული შედეგი უიბლო მიაჩნია. ჩვენ ასე არ ვფიქრობთ. ყველაფერთან ერთად, ჯგუფში პირველი ადგილის შენარჩუნებაც მოვახერხეთ“, – განუცხადა პიკემ „ბლაუგრანასის“ ოფიციალურ საიტს.

ალექსანდრე მატევოსოვი

ვალდესმა პიკეს უხამსი ჟესტი უჩვენა

Posted on სექტემბერი 28, 2013 by ბექა დოგრაშვილი

ესპანეთის პრიმერადივიზიონის მე-6 ტურში, “ბარსელონასა” და “რეალ სოსიედადს” შორის გამართული მატჩის (4:1) მიმდინარეობისას, კატალონიელთა კიპერმა ვიქტორ ვალდესმა გუნდის მცველ ხერარ პიკეს უხამსი ჟესტი უჩვენა. ესპანელი მცველი მეკარეს ბურთს სთხოვდა, თუმცა ვალდესმა თანაგუნდელს გადაცემა არ გაუკეთა, რასაც პიკეს გაღიზიანება და გუნდის გოლკიპერის ჟესტი მოჰყვა. შეხვედრა სამშაბათს შედგა, თუმცა აღნიშნული ფაქტის ამსახველი ვიდეომასალა ინტერნეტ-სივრცეში ახლახანს გავრცელდა.