Ireland – Fanebi.Com – ფეხბურთი, კალათბურთი, რაგბი, სხვა

რობი კინი: “ჯერ კიდევ ბევრი რამის გაკეთება შემიძლია ნაკრებისთვის”

Posted on ნოემბერი 12, 2015ნოემბერი 12, 2015 by ბექა დოგრაშვილი

ირლანდიის ნაკრების თავდამსხმელმა რობი კინმა იმედი გამოთქვა, რომ 2016 წლის ევროპის ჩემპიონატის საკვალიფიკაციო ეტაპის პლეი-ოფში ბოსნია/ჰერცეგოვინის ნაკრების წინააღმდეგ გასამართ მატჩებში თამაშის შესაძლებლობა მიეცემა.

“ჯერ კიდევ ბევრი რამის გაკეთება შემიძლია ნაკრებისთვის. ჩემს კლუბში ჩატარებულ 24 მატჩში 20 გოლი გავიტანე. სწორ გზას ვადგავარ და მზად ვარ, კიდევ ბევრი ბურთი გავიტანო. არა მგონია, რამის გაკეთება მჭირდებოდეს იმისთვის, რომ მწვრთნელს ჩემი პოტენციალი დავუმტკიცო. ნაკრების რიგებში გატანილი 67 გოლი ყველაფერზე მეტყველებს, თუმცა გადაწყვეტილებას გუნდის თავკაცი იღებს. გუნდი უფრო მნიშვნელოვანია, ვიდრე ერთი ფეხბურთელი”, – რობი კინის კომენტარი “სქაი სპორტსმა” გამოაქვეყნა.

ირლანდიელები ბოსნია/ჰერცეგოვინის ნაკრებს 13 და 16 ნოემბერს დაუპირისპირდებიან.

“ევროსპორტმა” მატჩის საუკეთესო ფეხბურთელად ხიზანიშვილი დაასახელა

Posted on სექტემბერი 8, 2015სექტემბერი 8, 2015 by ბექა დოგრაშვილი

2016 წლის ევროპის ჩემპიონატის შესარჩევი ეტაპზე საქართველოს ეროვნული გუნდი დუბლინში ირლანდიის ნაკრებს ესტუმრა და შეხვედრის 69-ე წუთზე ჯონათან უოლტერსის მიერ გატანილი ერთადერთი გოლის წყალობით 0:1 დამარცხდა.

“ევროსპორტმა” მატჩის საუკეთესო მოთამაშედ საქართველოს ნაკრების ფეხბურთელი ზურაბ ხიზანიშვილი დაასახელა. 10-ბალიან შეფასებაში ვეტერან ქართველ მოთამაშეს 8 ქულა დაუწერეს, რაც ორივე გუნდის შემადგენლობაში საუკეთესო მაჩვენებელია.

“33 წლის ფეხბურთელი, რომელიც საქართველოს ნაკრების ახალმა მთავარმა მწვრთნელმა კახაბერ ცხადაძემ ორწლიანი პაუზის შემდეგ გუნდში კვლავ გამოიძახა, სტუმართა შორის დაცვაში გამორჩეული იყო. მეორე სართულზე ორთაბრძოლები მოიგო, გამოცდილების ხარჯზე წინასწარ ჭვრეტდა ირლანდიელთა საკმაოდ ზანტ შეტევებს. “რეინჯერსის” ყოფილი მცველის სამწუხაროდ, მისი გუნდი დუბლინში დამარცხდა”, – წერს “ევროსპორტი”.

საქართველოს ნაკრების დანარჩენ ფეხბურთელებს “ევროსპორტისგან” შემდეგი ქულები ერგოთ:

რევიშვილი 7, ლობჟანიძე 7, კვერკველია 6, კაშია 6, ამისულაშვილი 7, ნავალოვსკი 6, კანკავა 6, ყაზაიშვილი 7, ოქრიაშვილი 7, მჭედლიძე 7, ცინცაძე 6, ყენია 6, პაპუნაშვილი 7.

ონილი: ძალზედ დაძაბული მატჩი გამოვიდა”

Posted on სექტემბერი 8, 2015 by ბექა დოგრაშვილი

მატჩის შემდეგ ირლანდიის ნაკრების მთავარმა მწვრთნელმა მარტინ ონილმა განაცხადა, რომ პირველ ტაიმში მისი გუნდის თამაში არ მოეწონა, თუმცა შეხვედრის მეორე ნახევარში ყველაფერი შეიცვალა.

“ძალზედ დაძაბული მატჩი გამოვიდა. პირველ ტაიმში კარგად ვერ ვითამაშეთ. შეიძლება ითქვას, რომ ვნერვიულობდით. მეორე ნახევარში სიტუაცია შემოვატრიალეთ, დიდი ძალისხმევა ჩავდეთ და გავიმარჯვეთ კიდეც. გოლის მომენტში ჯეფ ჰენდრიკმა შესანიშნავად ითამაშა. იგი უფრო მეტად უნდა წავახალისოთ.
შესანიშნავი იყო ჯონ უოლტერსიც, რომელმაც გოლი გაიტანა”, – ონილის სიტყვები BBC-მ გამოაქვეყნა.

უოლტერსი: “ვიცოდით, რომ საქართველოს ნაკრებთან რთული მატჩი გამოვიდოდა”

Posted on სექტემბერი 8, 2015 by ბექა დოგრაშვილი

2016 წლის ევროპის ჩემპიონატის შესარჩევი ეტაპზე საქართველოს ეროვნული გუნდი დუბლინში ირლანდიის ნაკრებს ესტუმრა და მატჩის 69-ე წუთზე ჯონათან უოლტერსის მიერ გატანილი ერთადერთი გოლის წყალობით 0:1 დამარცხდა. უოლტერსმა შეხვედრის შემდეგ აღნიშნა, რომ საქართველოს ნაკრებთან რთულ შეხვედრას მოელოდა და მისი მოლოდინი გამართლდა.

“ვიცოდით, რომ მძიმე მატჩი გამოვიდოდა. მეტოქემ შოტლანდიის ნაკრები დაამარცხა. პირველი მატჩიდან ისიც ვიცოდით, რომ საქართველოს ნაკრები ორგანიზებული გუნდია, ჰყავს ტექნიკური ფეხბურთელები, რომლებსაც ხიფათის შექმნა შეუძლიათ.

მომდევნო თვეში ორი დიდი მატჩი გვაქვს სათამაშო: პოლონეთის ნაკრებთან, რომელიც გვისწრებს და გერმანიასთან.

ჯერ არაფერი გაგვიკეთებია. ჩვენი მიზანი ფინალურ ტურნირზე მოხვედრაა და ჯერჯერობით არაფერი გვაქვს გარანტირებული”, – განაცხადა უოლტერსმა “სქაი სპორტსისთვის” მიცემულ ინტერვიუში.

საქართველოს ნაკრებმა დუბლინში პირველი ვარჯიში ჩაატარა (ვიდეო)

Posted on სექტემბერი 6, 2015 by ბექა დოგრაშვილი

2016 წლის ევროპის ჩემპიონატის საკვალიფიკაციო ეტაპზე საქართველოს ეროვნული გუნდი მორიგ შეხვედრას დუბლინში, ირლანდიის ნაკრების წინააღმდეგ ჩაატარებს. კახა ცხადაძის გუნდმა ირლანდიის დედაქალაქში პირველი ვარჯიში ჩაატარა. “ჯვაროსანთა” წევრმა გიორგი მერებაშვილმა ხვალინდელი მატჩის შესახებ მცირე კომენტარიც გააკეთა.

შეგახსენებთ, რომ შეხვედრა ჩვენი დროით 22:45 საათზე დაიწყება და მის პირდაპირ რეპორტაჟს საზოგადოებრივი მაუწყებლის პირველი არხი შემოგთავაზებთ.

ჩვენს ჯგუფს ახალი ლიდერი ჰყავს (ვიდეო)

Posted on სექტემბერი 5, 2015სექტემბერი 5, 2015 by ბექა დოგრაშვილი

2016 წლის ევროპის ჩემპიონატის საკვალიფიკაციო ეტაპის D ჯგუფს ახალი ლიდერი ჰყავს. ფრანკფურტში გერმანიისა და პოლონეთის ნაკრებებს შორის გამართული მატჩი მასპინძლების გამარჯვებით, ანგარიშით 3:1 დასრულდა.

გერმანელთა მხრიდან დუბლი შეასრულა მარიო გიოტცემ, ერთი გოლი კი ტომას მიულერმა გაიტანა. საპასუხო ბურთი რობერტ ლევანდოვსკის ანგარიშზეა. ამრიგად, გერმანიის ნაკრებმა 16 ქულა მოაგროვა და ჯგუფს სათავეში ჩაუდგა, პოლონეთმა კი, რომელსაც აქტივში 14 ქულა აქვს, მეორე პოზიციაზე გადაინაცვლა.

გერმანია — პოლონეთი 3:1

გოლები: მიულერი 12′ (1:0); გიოტცე 19′ (2:0); ლევანდოვსკი 36′ (2:1); გიოტცე 82′ (3:1).
გაფრთხილებები: კროოსი 61′; შვაინშტაიგერი 79′ – რიბუსი 8′; გროსიცკი 66′.

ჯგუფის კიდევ ერთი შეხვედრა პორტუგალიის ქალაქ ფარუში გაიმართა, სადაც გიბრალტარის ნაკრები ირლანდიასთან ანგარიშით 0:4 დამარცხდა. დუბლი გაიფორმა რობი კინმა, თითო-თითო გოლი კი საირუს კრისტიმ და შეინ ლონგმა გაიტანეს. ირლანდიელები 12 ქულით ჯგუფში მესამე პოზიციაზე გადავიდნენ. უქულო გიბრალტარს ბოლო ადგილი უკავია.

გიბრალტარი — ირლანდია 0:4

გოლები: კრისტი 27′ (0:1); კინი 50′ (0:2), 52′ (0:3, პენ.); ლონგი 79′ (0:4).
გაფრთხილებები: კაშარო 9′; ბარნეტი 48′ – უოლტერსი 42′.

საქართველოსა და შოტლანდიის ნაკრებებს შორის თბილისში გამართულ შეხვედრაში 38-ე წუთზე ვაკო ყაზაიშვილის მიერ გატანილი გოლის წყალობით მასპინძლებმა 1:0 იმარჯვეს. ირლანდია 11 ქულით მეოთხე პოზიციაზე ჩამოქვეითდა, საქართველოს 6 ქულით მეხუთე ადგილი უკავია.

საქართველო — შოტლანდია 1:0

გოლი: ყაზაიშვილი 38′ (1:0).
გაფრთხილებები: კაშია 10′, ანანიძე 44′, ნავალოვსკი 78′.

გუნდი	თ	მ	ფ	წ	გატ	მიღ	+/-	ქ
გერმანია	7	5	1	1	19	5	14	16
პოლონეთი	7	4	2	1	21	6	15	14
ირლანდია	7	3	3	1	16	5	11	12
შოტლანდია	7	3	2	2	12	7	5	11
საქართველო	7	2	0	5	5	13	-8	6
გიბრალტარი	7	0	0	7	1	38	-37	0

ინგლისელებმა ზეპ ბლატერი და ირლანდიელები “დატროლეს” (ვიდეო)

Posted on ივნისი 7, 2015ივნისი 7, 2015 by ბექა დოგრაშვილი

დღეს ირლანდიისა და ინგლისის ეროვნულ ნაკრებთა შორის გამართული შეხვედრა უგოლოდ დასრულდა.

მატჩის მიმდინარეობისას ინგლისელმა ფანებმა ფიფას პრეზიდენტი იოზეფ ბლატერი და ირლანდიელები “დატროლეს”:

“ზეპ ბლატერმა თქვენი სტადიონისთვის ფული გადაიხადა”, – წაიმღერეს “ავივაზე” შეკრებილმა ინგლისელებმა.

შეგახსენებთ, ფიფამ აღიარა, რომ 2010 წლის მსოფლიოს ჩემპიონატის საკვალიფიკაციო ეტაპის პლეიოფში საფრანგეთისა და ირლანდიის ნაკრებებს შორის გამართული მატჩის შემდეგ მსოფლიო ფეხბურთის მმართველმა ორგანომ ირლანდიის ფეხბურთის ასოციაციას კრედიტის სახით 5 მილიონი დოლარი მისცა. აღნიშნულ შეხვედრაში ფრანგთა თავდამსხმელმა ტიერი ანრიმ ბურთი ხელით გაიტანა, თუმცა მსაჯმა ეს ვერ შენიშნა და გოლი ჩათვალა.

ფიფამ აღიარა, რომ საფრანგეთთან სკანდალური მარცხის შემდეგ ირლანდიელებს ფული გადაუხადეს

Posted on ივნისი 5, 2015 by ბექა დოგრაშვილი

ფიფამ აღიარა, რომ 2010 წლის მსოფლიოს ჩემპიონატის საკვალიფიკაციო ეტაპის პლეიოფში საფრანგეთისა და ირლანდიის ნაკრებებს შორის გამართული მატჩის შემდეგ მსოფლიო ფეხბურთის მმართველმა ორგანომ ირლანდიის ფეხბურთის ასოციაციას კრედიტის სახით 5 მილიონი დოლარი მისცა. შეგახსენებთ, რომ აღნიშნულ შეხვედრაში ფრანგთა თავდამსხმელმა ტიერი ანრიმ ბურთი ხელით გაიტანა, თუმცა მსაჯმა ეს ვერ შენიშნა და გოლი ჩათვალა.

2009/10 წლებში განვითარებული მოვლენების შესახებ ფიფას პრესსამსახურმა განცხადება გამოაქვეყნა:

“არბიტრის გადაწყვეტილება გადახედვას არ ექვემდებარება, ამიტომ ფიფა და ირლანდიის ფეხბურთის ასოციაცია 2010 წელს შეთანხმდნენ, რომ გაუგებრობების თავიდან არიდების მიზნით ჩვენ მათ სტადიონის ასაშენებლად 5 მილიონი დოლარის კრედიტს მივცემდით. აღსანიშნავია, რომ ასეთივე კრედიტი უეფამაც გამოყო. შეთანხმებაში იყო პირობა, რომლის მიხედვითაც, თუ ირლანდიის ნაკრები 2014 წლის მსოფლიოს ჩემპიონატის ფინალურ ეტაპზე ითამაშებდა, სესხს სრულად დაფარავდა, თუმცა გუნდი ტურნირზე ვერ გავიდა. ირლანდიის ფეხბურთის ასოციაციის რთული ფინანსური მდგომარეობის გათვალისწინებით გადაწყდა, რომ სესხის დაბრუნებას არ მოვითხოვდით”.

უეფამ კვირის საუკეთესო გოლი დაასახელა — ოქრიაშვილი თუ მაკგიდი

Posted on სექტემბერი 11, 2014 by ბექა დოგრაშვილი

უეფამ ევროპის 2016 წლის ჩემპიონატის საკვალიფიკაციო ეტაპის პირველი კვირის საუკეთესო გოლად ეიდენ მაკგიდის მიერ საქართველოს ნაკრებში გატანილი ბურთი დაასახელა.

ლივერპულის “ევერტონის” ნახევარმცველმა ბურთი ტექნიკურად მიიღო, დაამუშავა და ძლიერი დარტყმით გაგზავნა როინ კვასხვაძის კარში. ამ გოლის წყალობით ირლანდიის ნაკრებმა თბილისიდან 3 ქულა წაიღო.

“კარგად ვითამაშე, მაგრამ ეს ჩემი შესაძლებლობების მაქსიმუმი არ არის”, – გამოტყდა მატჩის შემდეგ მაკგიდი.

აღსანიშნავია, რომ ამავე შეხვედრაში თორნიკე ოქრიაშვილმაც გაიტანა არანაკლები სილამაზის გოლი, თუმცა უეფამ საუკეთესოდ ირლანდიელის მიერ გატანილი ბურთი დაასახელა.

ოქრიაშვილის ლამაზი გოლი

Posted on სექტემბერი 7, 2014სექტემბერი 7, 2014 by ბექა დოგრაშვილი

ევროპის 2016 წლის ჩემპიონატის საკვალიფიკაციო ეტაპზე საქართველოს ნაკრებმა ირლანდიის ეროვნული გუნდი მიიღო და ანგარიშით 1:2 დამარცხდა. ქართველთაგან გოლი თორნიკე ოქრიაშვილმა გაიტანა. ახალგაზრდა ფეხბურთელს საკმაოდ ლამაზი გოლი გამოუვიდა, რის ამსახველ ვიდეომასალასაც აქვე გთავაზობთ.

საქართველო 1:2 ირლანდია

Posted on სექტემბერი 7, 2014სექტემბერი 7, 2014 by ბექა დოგრაშვილი

ევროპის 2016 წლის ჩემპიონატის საკვალიფიკაციო ეტაპი საქართველოს ნაკრებმა წარუმატებლად დაიწყო. თემურ ქეცბაიას გუნდმა “დინამო არენაზე” ირლანდიის ნაკრები მიიღო და ანაგრიშით 1:2 დამარცხდა.

მატჩში ანგარიში ეიდენ მაკგიდიმ 24-ე წუთზე გახსნა. თორნიკე ოქრიაშვილმა 38-ე წუთზე ლამაზი დარტყმით გაათანაბრა, თუმცა იმავე მაკგიდიმ 90-ე წუთზე დუბლი შეასრულა და ირლანდიელებმა თბილისიდან 3 ქულა წაიღეს.

საქართველოს ნაკრები მორიგ შეხვედრას 11 ოქტომბერს შოტლანდიაში გამართავს.

ევრო-2016 (საკვალიფიკაციო ეტაპი)
საქართველო — ირლანდია 1:2 (1:1)

საქართველო: ლორია (კვასხვაძე 46′), ლობჟანიძე, კვერკველია, კაშია, ხუბუტია, კვირკველია, კანკავა, დაუშვილი, ანანიძე (თარგამაძე 63′), ოქრიაშვილი (მჭედლიძე 88′), გელაშვილი.
მთავარი მწვრთნელი: თემურ ქეცბაია.

ირლანდია: ფორდი, კოულმენი, ოში, უილსონი, უორდი, მაკკარტი (მეილერი 90+1′), კუინი (ბრედი 76′), უოლტერსი, უილანი, მაკგიდი, კინი (ლონგი 76′).
მთავარი მწვრთნელი: მარტინ ონილი.

გოლები: ოქრიაშვილი 38′ — მაკგიდი 24′ 90.
გაფრთხილებები: კვირკველია 36′, ხუბუტია 48′, დაუშვილი 83′ — უოლტერსი 36′.

მთავარი მსაჯი: კევინ ბლომი (ჰოლანდია).

მატჩის შესახებ დაწვრილებით წაიკითხეთ მოგვიანებით.

ნოემბერში დუბლინში, „ავივაზე“

Posted on მარტი 19, 2014 by ბექა დოგრაშვილი

დღეს, 19 მარტს ირლანდიის რაგბის კავშირმა გამოაქვეყნა 2014 წლის ნოემბრის ტესტ სერიის (2014 GUINNESS SERIES) ირლანდიის ნაკრების განრიგი.

2014 წლის ევროპის ერთა თასის გათამაშებაში გამარჯვებით, საქართველოს ეროვნულმა ნაკრებმა ნოემბრის ტესტებზე, 6 ერის წლევანდელ ჩემპიონ ირლანდიის ნაკრებთან, თამაშის უფლება მოიპოვა.

2007 წლის მსოფლიო თასის შემდეგ, გუნდებს ურთიერთ შეხვედრა არ გაუმართავთ. ამრიგად, შვიდი წლის შემდეგ გუნდები ერთმანეთს 16 ნომებერს „ავივა სთედიუმზე“ ეთამაშებიან. მატჩი თბილისის დროით18:30 საათზე გაიმართება. საქართველოში მატჩის პირდაპირი ტრანსლირების შესახებ ინფორმაციას დადგენისთანავე გაცნობებთ.

2014 GUINNESS SERIES განრიგი

8 ნოემბერი, შაბათი – ირლანდია v ავსტრალია, „ავივა სთედიუმი“

16 ნოემბერი, კვირა – ირლანდია v საქართველო, „ავივა სთედიუმი“

22 ნოემბერი, შაბათი – ირლანდია v სამხრეთ აფრიკა, „ავივა სთედიუმი“

2014 წლის ნოემბრის ტესტები

შარშანდელი ნოემბრის ტესტ-მატჩების სერიის მსგავსად, 2014 წელს ბოლჯღალოსნები სამ ტესტ-მატჩს ითამაშებენ – 8 და 22 ნომებრს ტესტ-მატჩები საქართველოში ჩატარდება, ხოლო 16 ნომბერს, როგორც ზემოთ აღვნიშნეთ, ბორჯღალოსნები გასვლაზე ირლანდიას შეხვდებიან.

ამ დროისათვის, რაგბის საერთაშორისო საბჭოში დგინდება 2014 ნოემბრის ტესტ-სერიის კალენდრის საბოლოო დეტალები – აქედან გამომდინარე, 8 და 22 ნოემბერს საქართველოს ეროვნული ნაკრების მოწინაღმდეგე გუნდების ვინაობას უახლოეს მომავალში გაცნობებთ.

საქართველოს რაგბის კავშირის ოფიციალური ვებ-გვერდი