2011 წლის 1 სექტემბერს, უეფას ევროპის 21-წლამდე ჩემპიონატის შესარჩევ ეტაპზე საქართველოს ახალგაზრდული ნაკრები ქუთაისში, რამაზ შენგელიას სახელობის სტადიონზე ესპანეთს დაუპირისპირდა და ანგარიშით 2:7 დამარცხდა.
შეხვედრის 52-ე წუთზე, ესპანეთის ნაკრების ცენტრალურმა მცველმა, ინიგო მარტინესმა საკუთარ კარში ქუსლით, ძალიან ეფექტური ავტოგოლი გაიტანა. მაშინ ესპანელთა კარს დავიდ დე ხეა იცავდა.
საქართველოს ეროვნული ლიგის 28-ე ტურში გორის “დილასა” და ქუთაისის “ტორპედოს” მატჩის (0:0) მიმდინარეობისას მოედანზე ძაღლი შევიდა, რის გამოც შეხვედრა რამდენიმე წუთით შეჩერდა.
ხუთშაბათს ევროპის ლიგის მესამე საკვალიფიკაციო ეტაპის განმეორებით შეხვედრაში ალბანური “კუკესი” ქუთაისის “ტორპედოს” დაუპირისპირდება.
გაირკვა იმ არბიტრების ვინაობა, რომლებიც პრინციპულ ჯახს განსჯიან. ამ თამაშს შვეიცარიელ მსაჯთა ბრიგადა მოემსახურება. მატჩის მთავარი მსაჯი ალენ ბიერი იქნება.
გეტვყით, რომ ქართულ-ალბანური დაპირისპირების პირველი მატჩი იმერელთა გამარჯვებით, ანგარიშით, 5-2 დასრულდა. პლეი-ოფისთვის ბრძოლა თბილისის დროით. 21:00 საათზე დაიწყება.
18 ივლისს, ტირასპოლში, ქუთასის “ტორპედო” ადგილობრივ “შერიფთან” ჩემპიონთა ლიგის პირველი საკვალიფიკაციო ეტაპის განმეორებით მატჩს გამართავს.
მატჩი საქართველოს დროით 21:00 საათზე დაიწყება და მის ნახვას გულშემატკივარი ინტერნეტში შეძლებს.
“შერიფისა” და “ტორპედოს” საპასუხო მატჩს დანიელ მსაჯთა ბრიგადა მოემსახურება. მატჩის მთავარი მსაჯი პიტერ კიარსგაარდი იქნება. მას ასისტენტობას კრისტიან ბრიქსენი, დენის რასმუსენი და იურგენ დაუგბიერგი გაუწევენ.
დღეს ეროვნული ლიგის მე-14 ტურში, “ევგრაფი შევარდნაძეზე” სამტრედიის “სამტრედია” ქუთაისის “ტორპედოს” დაუპირისპირდა.
21-ე წუთზე ანგარიში მერაბ გიგაურმა გახსნა და “ტორპედო” დააწინაურა. ხოლო, 34-ეზე ლევან კუტალიამ საქართველოს მოქმედი ჩემპიონები ორბურთიანი უპირატესობით გაიყვანა წინ. 42-ე წუთზე ზაურ ხაბეიშვილმა ერთამდე შეამცირა სხვაობა. თუმცა, მეორე ნახევარში, 78-ე და 90+3 წუთებზე, ვიცე-ჩემპიონებს, შესაბამისად, ევგენი ბოხაშვილმა და გრიგოლ დოლიძემ გაუტანეს. საბოლოოდ, 1-4.
“სამტრედია” ცხრა ქულით ბოლო ადგილზეა. ხოლო, “ტორპედოს” 21 ქულა აქვს და მეხუთე პოზიციას იკავებს.
თბილისის ლოკომოტივმა ეროვნული ლიგის მოქმედი ჩემპიონი, ქუთაისის ტორპედო დაამარცხა. 20 მაისს, მიხეილ მესხის სათადარიგო მოედანზე გამართული დაპირისპირება, ლაშა ჭაღიაშვილის გუნდმა მინიმალური ანგარიშით მოიგო.
მატჩის ერთადერთი გოლი, 72-ე წუთზე, ლუკა კიკაბიძემ გაიტანა.
დინამო თბილისთან, სტუმრად მოგებული მატჩის შემდეგ, ჭაღიაშვილმა ძირითად შემადგენლობაში ერთადერთი ცვლილება განახორციელა. ტრავმირებული დავით სამურკაოსვის ადგილი ლუკა კიკაბიძემ დაიკავა, რომელიც 3 ქულის მომტანი გოლის ავტორი გახდა.
ტორპედოსთან დაპირისპირება ორთაბრძოლებით დატვირთული გამოდგა. პირველ ნახევარში მხოლოდ ორი სახიფათო მომენტი შეიქმნა. პირველ შემთხვევაში გავაშელიშვილს შეეძლო გატანა.
მოედნის ცენტრიდან, ლოკოს მე-9 ნომერს ლუკა კიკაბიძემ კარგი პასი მისცა, გავაშელიშვილმა ერთი ფეხბურთელი მოატყუა და დაარტა, თუმცა ბურთი გიორგი გურულს შეეხო და კარს მცირე მანძილით აცდა.
გატანა შეეძლო თორნიკე ძებნიაურსაც, მისი დარტყმა როინ კვასხვაძემ მოიგერია.
მეორე ნახევრის დებიუტში, ლოკომ კარგი მომენტი შექმნა. თეიმურაზ შონიამ მეტოქის საჯარიმოსთან კარგად ითამაშა და საჯარიმოში მარტო მყოფი ჯიქია მოძებნა, რომელმაც კიდევ ერთი მომენტი ვერ გამოიყენა, ბურთი კვასხვაძის კარს მცირე მანძილით აცდა.
72-ე წუთზე, მარჯვენა ფლანგიდან გიორგი გაბაძის ჩაწოდების შემდეგ, ანგარიში თავური დარტყმით ლუკა კიკაბიძემ გახსნა. 23 წლის ნახევარმცველმა, მიმდინარე სეზონში პირველი გოლი გაიტანა.
ამ ეპიზოდის შემდეგ, ლოკომ და ტორპედომ მომენტები გაცვალეს. დავით ჯიქიასა და ლევან კუტალიას დარტყმები სახიფათო, თუმცა არაზუსტი აღმოჩნდა.
მატჩის მიწურულს ჭაღიაშვილმა სამივე ცვლილება გამოიყენა. გოლის ავტორის ნაცვლად, 79-ე წუთზე, თამაშში ლაშა გვალია ჩაერთო.
89-ე წუთზე, ოთარ კობახიძე თეიმურაზ ღონღაძემ შეცვალა. მსაჯის მიერ კომპენსირებულ დროში, მოედანზე ლაშა ოზბეთალაშვილი შევიდა, რომელმაც დავით ჯიქია შეცვალა. ოზბეთელაშვილისთვის, ტორპედოსთან მატჩი, ლოკომოტივის მაისური სადებიუტოა.
12 ტურის შემდეგ, ლოკოს 11 ქულა აქვს და მე-8 ადგილზეა. ხოლო, “ტორპედო” 17 ქულით მეხუთეა.
დღეს ეროვნული ლიგის მეოთხე ტურის ცენტრალურ მატჩში თბილისის “დინამომ” საკუთარ მოედანზე ქუთაისის “ტოპრედო” მიიღო.
მატჩი მასპინძელთა უპირატესობით დაიწყო და მალე ეს ანგარიშზეც აისახა. მე-12 წუთზე ოთარ კიტეიშვილი უეტვდა, მან საჯარიმოში მყოფ ბუდუ ზივზივაძეს გააყოლა ბურთი, რომელმაც როინ კვასხვაძეს გაუტანა. პირველივე ტაიმის მესამე დამატებით წუთზე ივანიშვილი ცდილობდა ახლოდან შეგდებას, თუმცა მას წინ გამოსულმა მეკარემ და მცველებმა არ აცადეს ამის გაკეთება. დედაქალაქელთა შემტევმა უკან მდგომ ზივზივაძეს გადასცა ბურთი, რომელმაც ცარიელ კარში შეაგორა ბურთი.
საბოლოოდ, დაპირსიპირება ანგარიშით, 2-0 დასრულდა. ამ გამარჯვების შემდეგ “დინამო” ცხრა ქულით მეორე ადგილზეა. ხოლო, “ტორპედოს” ექვსი ქულა აქვს და მეხუთე პოზიციას იკავებს.
დღეს ეროვნული ლიგის მესამე ტურის შეხვედრაში “რამაზ შენგელიაზე” ქუთაისის “ტორპედომ” თბილისის “ლოკომოტივი” მიიღო.
მატჩი ქუთაისელთა უპირატესობით წარიმართა. ანგარიში 37-ე წუთზე ლევან კუტლიამ გახსნა. პირველი ტაიმის მიწურულს, პირველ დამატებით წუთზე თორნიკე კაპანაძემ გრიგოლ დოლიძის პასით შეაგდო. მეორე ნახევარში კიდევ ორი გოლი გავიდა. ჯერ კუტალიამ დუბლი შეასრულა, შემდეგ კი ვატო არველაძემ საკუთარ კარში ჩაჭრა ბურთი. საბოლოოდ, “ტორპედომ” ანგარიშით, 4-0 მოიგო.
ამ გამარჯვების შემდეგ იმერლები ექვსი ქულით მესამე ადგილზე არიან. ხოლო, დედაქალაქურ გუნდს ჯერ ქულა არ აუღია და ის მეცხრეზეა.
დღეს ეროვნული ლიგის მორიგმა გათამაშებამ აიღო სტარტი. სადებიუტო შეხვედრა ქუთაისში, მოქმედ ჩემპიონ “ტორპედოსა” და გორის “დილას” შორის შედგა.
დაპირისპირება საკმაოდ დაძაბული გამოდგა. მე-14 წუთზე ანგარიშის გახსნა იმერელთა მოთამაშემ, გრიგოლ დოლიძემ მოახერხა. მას საგოლე გადაცემა ლევან კუტალიამ გაუკეთა. პირველი ნახევრის მიწურულს, პირველ დამატებით წუთზე გიორგი ფანცულაიამ დავით რაჟამაშვილის პასით გაათანაბრა.
მეორე ტაიმში, 46-ეზე ფანცულაიამ დუბლი შეასრულა და გორელები წინ გაიყვანა. თუმცა, 54-ეზე უკვე დოლიძის დუბლით ანგარიში გათანაბრდა. გადამწყვეტი გოლი მატჩის მიწურულს გავიდა. 88-ე წუთზე “დილას” ლეგიონერმა, ალვინ ფორტისმა დრიბლინგი, საჯარიმოს გარედან უძლიერესი დარტყმით დააგვირგვინა და შესანიშნავი გოლიც გაიტანა. საბოლოოდ, 3-2 სტუმართა სასარგებლოდ.
ქუთაისის “ტორპედო” გაძლიერებას განაგრძობს. ამჟამად იმერლებმა გორის “დილას’ უკვე ყოფილი ნახევარმცველი, თენგიზ წიქარიძე დაიმატეს. ამის შესახებ ინფორმაციას საქართველოს მოქმედი ჩემპიონის გვერდი ავრცელებს.
ფეხბურთელმა კლუბთან ორწლიანი კონტრაქტი გააფორმა. ხელშეკრულების სხვა დეტალები უცნობია. იმასაც გეტყვით, რომ 22 წლის ნახევრამცველი “ტორპედოს” ღირსებას 20-ნომრიანი მაისურით დაიცავს.
წიქარიძე 2012-დან 2015-ის ჩათვლით “დილაში” გამოდიოდა. შემდეგ იყო ერთი სეზონი ქობულეთის “შუქურაში” და კვლავ გორული კლუბი. ახალ სეზონში, კი ის შეეცდება, ქუთაისურ გუნდს ტიტულის დაცვასა და ევროტურნირებზე წარმატების მიღწევაში დაეხმაროს.
ქუთაისის “ტორპედომ” მორიგი ამხანაგური შეხვედრა გამართა თურქულ შეკრებაზე. ამჟამად იმერლების მეტოქე უკრაინის პრემიერ ლიგის გუნდი, “ოლექსანდრია” იყო.
დაძაბულ დაპირისპირებაში ერთადერთი გოლი გავიდა. მისი გატანა გრიგოლ დოლიძემ მოახერხა. შესაბამისად, ქართულმა გუნდმა ანგარიშით, 1:0 იმარჯვა. აქვე გეტყვით, რომ ეს “ტორპედოსთვის” ანტალიაში გამართული მეორე ამხანაგური თამაში იყო. მანამდე მათი მეტოქე ყაზახური “აქტობე” გახლდათ, სადაც კახა ჩხეტიანის შეგირდები ანგარიშით, 0:2 დამარცხდნენ.
ქუთაისის “ტორპედო” მომდევნო სეზონისთვის მზადებას განაგრძობს.
იმერული კლუბი უკვე მეხუთე დღეა ანტალიაში იმყოფება. ისინი ხვალ მეორე ამხანაგურ შეხვედრას უკრაინულ “ოლექსანდრიასთან” გამართავენ. აღნშნული მეტოქე ქვეყნის პრემიერ ლიგაში, 19 ტურის შემდეგ 19 ქულით მერვე ადგილზეა. გეტყვით, რომ მატჩი ხვალ, 18:00 საათზეა დანიშნული. მის პირდაპირ რეპორტაჟს “ტორპედო” უზრუნველყოფს.
აღსანიშნავია, რომ საქართველოს მოქმედმა ჩემპიონმა უკვე ჩაატარა პირველი ამხანაგური მატჩი ანტალიაში. მათი მეტოქე ყაზახეთის “აქტობე” იყო. საწუხაროდ, იმ დაპირისპირებაში ჩვენები ორბურთიანი სხვაობით, ანგარიშით 0:2 დამარცხდნენ.
