The Sun-ის მიერ გავრცელებული ინფორმაციის თანახმად, ჟოზე მოურინიო “მანჩესტერ იუნაიტედში” მოსვლისთანავე შეეცდება რაფაელ ვარანის შეძენას.
როგორც იცით, ლუი ვან გაალის შესაძლო ჩამნაცვლებელთა სიაში “ჩელსის” ექს-თავკაცი პირველ პოზიციაზე იმყოფება.
შეგახსენებთ, რომ მოურინიომ ვარანი ჯერ კიდევ მადრიდში ყოფნისას შეამჩნია და ფრანგი მცველი მაშინვე გადაიბირა “ლენსიდან”.
2014 წელს, პორტუგალიელმა განაცხადა: “ვფიქრობ, რომ ის ახალგაზრდებს შორის საუკეთესოა თავის პოზიციაზე, ამაში დარწმუნებული ვარ.”
მადრიდის „რეალის“ მცველმა რაფაელ ვარანმა ჟურნალისტებს ჟოზე მოურინიოსთან მუშაობის გამოცდილების შესახებ უამბო. ფეხბურთელის თქმით, ვარჯიშზე მან პორტუგალიელისგან ბოლომდე დახარჯვა ისწავლა.
„რეალში“ ჩემს მეორე წელს მოურინიომ წიხლი ჩამარტყა, რადგან იმას ვერ ვაკეთებდი, რასაც ის ჩემგან ითხოვდა. მან მითხრა, რომ ვარჯიშებზე ბევრს არ დავრბივარ. ვიცოდი, ის მართალი იყო. ბოლომდე ნამდვილად არ ვიხარჯებოდი. მოურინიოს ბევრი ლაპარაკი არ სჭირდება. ის ყოველთვის პირდაპირია“, – განაცხადა ფრანგმა.
მადრიდის „რეალის“ მცველმა რაფაელ ვარანმა „იუვენტუსის“ ნახევარმცველ პოლ პოგბაზე ისაუბრა და ტურინულ კლუბთან ჩემპიონთა ლიგის 1/2 ფინალში მოახლოებულ დუელსაც შეეხო.
„პოგბა ჩინებული მოთამაშეა, „იუვენტუსს“ ის დააკლდება. თუმცა, პირადად მე, მასთან თამაშს ვისურვებდი.
ჩემპიონთა ლიგის ნახევარფინალი მაღალი დონის დაპირისპირებაა, აქ იოლი გასეირნება არავის ელის. ამის მიუხედავად, ფინალში გასასვლელად ბევრს ვიშრომებთ.
არამგონია, „იუვენტუსს“ „ბარსელონაასთან“ ან „ბაიერნთან“ თამაში უფრო გაუადვილდეს. ტურინირის ამ სტადიაზე მცირე დეტალებიც კი დიდ როლს ასრულებენ“, – განაცხადავარანმა.
მადრიდის “რეალის” ფრანგ მცველს, რაფაელ ვარანს სურს, მეტი სათამაშო დრო მიიღოს.
მიმდინარე სეზონში, 22 წლის უკანახაზელმა “რეალის” მაისურით 24 მატჩი ჩაატარა.
“ჩემი მიზანია მივიღო მეტი სათამაშო დრო. მინდა, ვიყო “სამეფო გუნდისთვის” ისეთივე საჭირო და მნიშვნელოვანი ფეხბურთელი, როგორებიც სხვები არიან,”-განაცხადა ვარანმა.
“ყველამ იცის, რომ მადრიდში საუკეთესო ცენტრალური მცველები თამაშობენ. მიღებულ შანსს აუცილებლად გამოვიყენებ”.
ბრიტანული გამოცემა “ტელეგრაფი” იტყობინება, რომ მადრიდის “რეალისა” და საფრანგეთის ეროვნული ნაკრების მცველი რაფაელ ვარანი ზაფხულის სატრანსფერო პერიოდში შესაძლოა, ლონდონის “ჩელსიში” გადაბარგდეს.
წყაროს თანახმად, “პენსიონერები” ახალგაზრდა ფრანგი ფეხბურთელის სანაცვლოდ 30 მილიონ ფუნტ სტერლინგს ამზადებენ. გავრცელებული ინფორმაციით, მის მიმართ ინტერესს თავად ჟოზე მოურინიო იჩენს, რომელიც აპირებს, რომ დაცვის ცენტრში ფრანგული დუეტი — ზუმა-ვარანი ათამაშოს.
აღსანიშნავია, რომ უეფას ჩემპიონთა ლიგის მერვედფინალურ ეტაპზე “პარი სენ-ჟერმენის” წინააღმდეგ გამართული მატჩის (2:2) შემდეგ “ჩელსის” პორტუგალიელმა თავკაცმა ღიად გამოხატა გუნდის ცენტრალური მცველების მიმართ უკმაყოფილება.
როგორც ბრიტანული გამოცემა „დეილი ექსპრესი“ იუწყება, მადრიდის „რეალის“ მცველი რაფაელ ვარანი, შესაძლოა, „მანჩესტერ იუნაიტედში“ ვიხილოთ. ფრანგის სანაცვლოდ „წითელი ეშმაკები“ 41 მილიონი ევროს გადახდას აპირებემ.
ვარანი დღეს მსოფლიოს ერთ-ერთი იმედისმომცემი მცველია, თუმცა კონკურენციის გამო იგი მადრიდული კლუბის ძირითად შემადგენლობაში ხშირად ვერ ხვდება.
მანჩესტერელთა გარდა, რაფაელის შეძენა ლონდონის „ჩელსისაც“ შეუძლია, რომელსაც ამჟამად მისი ყოფილი მწვრთნელი ჯოზე მოურინიო თავკაცობს. წყაროს ცნობით, თავად ფეხბურთელს მანჩესტერულ კლუბში თამაში ურჩევნია.
ლონდონის “ჩელსის” მთავარი მწვრთნელი ჟოზე მოურინიო თვლის, რომ საფრანგეთის ფეხბურთის ფედერაციის წარმომადგენლებმა მას რაფაელ ვარანისა და კურტ ზუმას განვითარებისთვის სამადლობელი წერილი უნდა გაუგზავნონ. შეგახსენებთ, რომ ფეხბურთის პორტუგალიელი სპეციალისტი ვარანს მადრიდის “რეალში” მუშაობის პერიოდში თავკაცობდა, ზუმას კი ამჟამად “ჩელსიში” ხელმძღვანელობს.
“საფრანგეთის ფეხბურთის ფედერაციამ მსოფლიოს მასშტაბით ორი საუკეთესო ახალგაზრდა ცენტრალური მცველის გამო მადლობის წერილი უნდა გამომიგზავნოს. წარმოგიდგენიათ, კიდევ რამდენი წლის განმავლობაში ითამაშებენ ვარანი და ზუმა უმაღლეს დონეზე? ფრანგთა თავკაცი დიდიე დეშამი ამით ბედნიერი უნდა იყოს”, – ციტირებს მოურინიოს სიტყვებს BBC.
მადრიდის “რეალის” მცველმა რაფაელ ვარანმა ესპანეთის პრიმერადივიზიონის XIX ტურში “ხეტაფესთან” გამართული მატჩის (3:0) შემდეგ განაცხადა, რომ კლუბის დატოვებას არ აპირებს. მანამდე გავრცელებული ინფორმაციის თანახმად, ახალგაზრდა ფრანგი მცველით “მანჩესტერ იუნაიტედია” დაინტერესებული.
“კონტრაქტი 2020 წლამდე მაქვს გაფორმებული. აქ ყველაფერი მაკმაყოფილებს და ბედნიერი ვარ. მინდა, რომ კლუბს მაქსიმალურად დიდი სარგებელი მოვუტანო”, – ვარანის სიტუყვები “ასმა” გამოაქვეყნა.
ავტორიტეტული ესპანური გამოცემა „მარკა“ მადრიდის „რეალის“ მცველის რაფაელ ვარანის მიუნხენის „ბაიერნში“ შესაძლო ტრანსფერის შესახებ წერს.
შეგახსენებთ, რომ ვარანმა თავი ჯერ კიდევ რამდენიმე სეზონის წინ გამოიჩნა, როდესაც იგი 19 წლის იყო. მაშინ ფრანგი მსოფლიოს ერთ-ერთ საუკეთესო ახალგაზრდა ფეხბურთელებს შორის იყო, თუმცა ტრავმებმა მისი პროგრესი შეაჩერეს. ამჟამად ფრანს მადრიდელთა ძირითად შემადგენლობაში რეგულარული ადგილი არ აქვს.
აღნიშნული სიტუაციის გამოყენებას ხოსეპ გვარდიოლა შეეცდება. მიუნხენელთა მთავარ მწვრთნელს ვარანის დამატება იმდენად სურს, რომ დეკემბერში იგი მის აგენტ ჟორჟე მენდეშსაც კი შეხვდა.
გუშინ „ბაიერნის“ სპორტულმა დირექტორმა როტენ მატიას ზამეამ განაცხადა, რომ დეკემბერში იგი ახალი ფეხბურთელების დამატებას არ აპირებს, ამიტომაც ვარანის გერმანიაში გადასვლას ზაფხულში უნდა ველოდოთ.
“ჩელსი” და “მანჩესტერ იუნაიტედი” გაძლიერებას პრიმერაში ეძებენ. ინგლისური გრანდების ინტერესთა სფეროში მადრიდის “რეალის” მცველი, რაფაელ ვარანი მოხვდა.
Daily Telegraph-ის ცნობით, ლოდნონელები და მანჩესტერელები მზად არიან 21 წლის ფრანგში 19 მილიონი გირვანქა გადაიხადონ.
ვარანი ფრანგული “ლანსის” აღზრდილია და “რეალის” ღირსებას 2011 წლიდან იცავს. მიმდინარე სეზონში რაფაელმა პრიმერაში 8 შეხვედრა ჩაატარა.
საფრანგეთის ნაკრებში ვარანის ანგარიშზე 17 მატჩში გატანილი 1 გოლია.
“ბარსელონას” ყოფილი თავდამსხმელის, ბოიან კრკიჩის მამამ, რომელიც 2011 წლამდე კატალონიური გუნდის სკაუტად მუშაობდა, განაცხადა, რომ “ბლაუგრანას” თავის დროზე ტიბო კურტუასა და რაფაელ ვარანის დამატება შეეძლო. იმ პერიოდში ბელგიელი მეკარე “გენკში” თამაშობდა, ფრანგი მცველი კი “ლანსის” ღირსებას იცავდა. საბოლოო ჯამში, ისე მოხდა, რომ კურტუა “ჩელსიში” გადავიდა, ვარანმა კი მადრიდის “რეალს” მიაშურა.
“როდესაც კურტუა ბელგიაში თამაშობდა, ჩვენ მისი დამატების შანსი გვქონდა. ეს “ბარსაში” ჩემი მუშაობის უკანასკნელი წელი იყო. 19 წლის ტიბო “გენკის” ძირითადი მეკარე გახდა. ჩვენი ერთ-ერთი აგენტი მასთან მოლაპარაკებას აწარმოებდა. მისი თამაშის ამსახველი ბევრი ვიდეო ვნახეთ და საკმაოდ კარგი შთაბეჭდილებაც შეგვექმნა, თუმცა “ბარსელონამ” აღნიშნულ ტრანსფერში 3 მილიონი ევრო არ გაიღო. ერთი თვის შემდეგ კურტუა “ჩელსიმ” გაიფორმა.
ვარანმა ჩვენი ინტერესი მაშინ მიიქცია, როდესაც ის საყრდენი ნახევარმცველის პოზიციაზე თამაშობდა. მაშინ ვთქვი, რომ ამ ფეხბურთელისთვის ყურადღება უნდა მიგვექცია. ერთ-ერთი აგენტი “ლანსსა” და “მონაკოს” შორის გამართულ მატჩს დაესწრო, თუმცა იქიდან დაბრუნებულმა განაცხადა, რომ ვარანმა მასზე შთაბეჭდილება ვერ მოახდინა. ასე დასრულდა ეს ისტორია”, – ციტირებს კრკიჩის მამის სიტყვებს Cadena SER-ი.
საფეხბურთო კლუბმა „ბარსელონამ“ მადრიდის „რეალს“ უეფას ჩემპიონთა ლიგის თასის მოგება მიულოცა. შეგახსენებთ, რომ „სამეფო კლუბმა“ დრამატულ ბრძოლაში თანაქალაქელი „ატლეტიკო“ ანგარიშით 4:1 დაამარცხა.
„რეალს“ ჩემპიონთა ლიგის ფინალში გამარჯვებას ვულოცავთ. დიდებულად ჩატარებულ სეზონს „ატლეტიკოსაც“ ვულოცავთ“, – ნათქვამია სოციალურ ქსელში „ბარსელონას“ ოფიციალურ მიკრობლოგზე გამოქვეყნებულ განცხადებაში.
შეგახსენებთ, რომ ტურნირის მეოთხედფინალურ ეტაპზე „ბარსელონას“ სწორედ „ატლეტიკომ“ სძლია.
