ნახევარმცველი ხამეს როდრიგესი 2018 წლის მსოფლიო ჩემპიონატის ორ შესარჩევ მატჩს გამოტოვებს, რომელშიც მისი ნაკრები პერუსა და ურუგვაის შეხვდება.
აქამდე ცნობილი იყო, რომ ფეხბურთელს კუნთების პრობლემა აქვს. თავდაპირველად ის ნაკრებში გამოიძახეს კიდეც, თუმცა შემდგომ მწვრთნელებმა გადაწყვეტილება შეცვალეს.
მადრიდის „რეალის“ მთავარმა მწვრთნელმა რაფაელ ბენიტესმა „ატლეტიკოსთან“ მოახლოებულ მატჩზე ისაუბრა.
„ბეილსა და რამოსს ვესაუბრე, მათ თამაში სურთ, თუმცა გადაწვყვეტილებას სამედიცინო შემოწმების შემდგომ მივიღებთ.
ამ თამაშის წინ მოგებაზე ვფიქრობ. „ატლეტიკო“ ჩინებული გუნდია, მას კარგად ორგანიზებული დაცვა ჰყავს.
მატჩს ის გუნდი მოიგებს, რომელიც უკეთეს ხასიათს გამოავლენს“, – განაცხადა ბენიტესმა.
კრიშტიანუ რონალდუ მადრიდის “რეალში” 2009 წლის ზაფხულში გადავიდა. ამ დროიდან მოყოლებული “სამეფო კლუბის” მიერ გატანილი გოლების 40 პროცენტი სწორედ პორტუგალიელ ფეხბურთელზე მოდის.
ოთხშაბათს, უეფას ჩემპიონთა ლიგის ჯგუფური ეტაპის მეორე ტურში “მალმიოს” წინააღმდეგ გამართულ მატჩში (2:0) რონალდუმ თავის კარიერაში მე-500 და 501-ე გოლი გაიტანა. გაზეთ “მარკას” ცნობით, პორტუგალიელმა ფეხბურთელმა გატანილი ბურთების რაოდენობით “სამეფო კლუბის” ლეგენდარულ თავდამსხმელ რაულს გაუსწრო და ახლა მას “რეალის” რიგებში 324 გოლი აქვს. დღეს “ბლანკოსის” პრეზიდენტმა ფლორენტინო პერესმა რონალდუს სარეკორდო გოლის გატანისთვის სპეციალური ჯილდო გადასცა.
„მანჩესტერ იუნაიტედის“ პრესსამსახურმა თავის ყოფილ და მადრიდის „რეალის“ ამჟამინდელ ლიდერ კრიშტიანუ რონალდუს კარიერაში მე-500 გოლის გატანა მიულოცა. ცნობისთვის, „მალმიოსთან“ მატჩში პორტუგალიელმა დუბლი შეასრულა და ახლა მისი კარიერული მაჩვენებელი უკვე 501 გოლს შეადგენს.
„რონალდუს, რომელმაც ამ საღამოს მე-500 გოლი გაიტანა, ვულოცავთ. „მანჩესტერ იუნაიტედის“ შემადგენლობაში მას 118 მატჩი აქვს ჩატარებული“, – ნათქვამია მანჩესტერელთა „ტვიტერზე“ გამოქვეყნებულ განცხადებაში.
„პორტუსთან“ ჩემპიონთა ლიგის ჯგუფური ეტაპის მეორე ტურის მატჩის წინ „ჩელსის“ მთავარი მწვრთნელი ჟოზე მოურინიო მეკარე იკერ კასილიასთან დაკავშირებულ კითხვას ელოდებოდა და ამ თემაზე ჟურნალისტს კითხვის დასმამდე ესაუბრა.
„ვიცი, რაც უნდა მკითხოთ. დიახ, კასილიასს მატჩის დაწყებამდე ან მისი დამთავრების შემდეგ აუცილებლად მივესალმები. ყოველგვარი ეჭვის გარეშე, მას ხელს ჩამოვართმევ. მოდით, ამ თემაზე მეტი არაფერი მკითხოთ“, – განაცხადა ფეხბურთის პორტუგალიელმა სპეციალისტა.
ცოტა ხნის წინათ მედიაში “ნაპოლის” თავდამსხმელ გონსალო იგუაინის ასეთი ციტატა გავრცელდა:
“კრიშტიანუ რონალდუ ეგოისტია. თუ არ იტყვი, რომ კრიშტიანუ საუკეთესოა, ის შენთან მეგობრობაზე უარს ამბობს. იგი საკუთარ თავს საუკეთესოდ თვლის, სინამდვილეში კი გადაფასებულია. მე ლეო მესისთან ერთად ვთამაშობ და ეს უკანასკნელი სრულიად განსხვავებულია”.
მოგვიანებით “ნაპოლიმ” სპეციალური განცხადება გაავრცელა და უარყო, რომ ეს განცხადება იგუაინმა გააკეთა.
“ნაპოლი” და გონსალო იგუაინი კატეგორიულად უარვყოფთ იმას, რომ ფეხბურთელს გამოცემა “დონ ბალონისთვის” ოდესმე ინტერვიუ მიუცია.
ასე რომ, სიტყვები, რომელიც იგუაინს მიაწერეს, ყალბი და საფუძველს მოკლებულია”, – ნათქვამია “ნაპოლის” მიერ გავრცელებულ განცხადებაში.
მიუნხენის „ბაიერნის“ თავდამსხმელის რობერტ ლევანდოვსკის აგენტმა, განაცხადა, რომ მადრიდი ან ბარსელონა მისი კლიენტისთვის კარიერის გასაგრძელებლად ჩინებული ადგილი იქნებოდა.
„ლევანდოვსკის მომავალზე უკვე ვფიქრობ. მანჩესტერი? იქ ხშირად წვიმს. ბარსელონა ან მადრიდი? ეს ორი ადგილი საკმაოდ საინტერესოა, თანაც ესპანეთში ფეხბურთის სათამაშოდ საუკეთესო პირობებია შექმნილი.
ასეა თუ ისე, მიუნხენი ლამაზი ქალაქია და საცხოვრებლად ჩინებული ადგილია“, – თვლის ფეხბურთელის აგენტი.
იტალიური „ნაპოლის“ ხელმძღვანელობა უახლოესი სატრანსფერო ფანჯრის დროს მადრიდის „რეალის“ ახალგაზრდა თავდამსხმელის ხესე როდრიგესის დამატებას აპირებს. საუბარი ფეხბურთელის იჯარით აყვანაზეა.
ნეაპოლიტანელები ნიჭიერი ფეხბურთელის დამატებას ზაფხულშიც ცდილობდნენ. იანვარში იტალიურ კლუბს მეტი შანსი ექნება, რადგან რაფაელ ბენტიესის მოსვლის შემდეგ ხესეს ნაკლები სათამაშო პრაქტიკა გააჩნია.
გარდა ამისა, ხესეს „ნაპოლიში“ ტრანსფერის ალბათობას ბენიტესის ფაქტორიც ზრდის, რომელიც თავის ყოფილ კლუბს სიამოვნებით დაეხმარება და მოთამაშეს გაუშვებს.
მადრიდის „რეალის“ ნახევარმცველი ლუკა მოდრიჩი თვლის, რომ მისმა გუნდმა მეტოქეთა შედეგებს ნაკლები ყურადღება უნდა მაიქციოს და მხოლოდ თავის მიღწევებზე იფიქროს.
„ბარსელონას“ მარცხეე არ ვფიქრობ. ყურადღება საკუთარ თამაშებზე უნდა გავამახვილოთ და არა სხვა გუნდებზე. რა თქმა უნდა, „ბარსას“ „სელტასთან“ წაგებამ ცოტა გაგვაკვირვა, მაგრამ ჩვენ უახლოეს შეხვედრებზე ვფიქრობთ. წინ „მალაგასთან“ და „ატლეტიკოსთან“ რთული თამაშები გველის. გარდა ამისა, ჩემპიონთა ლიგის მატჩიც ახლოვდება“, – განაცხადა ხორვატმა შუახაზელმა.
მადრიდის „რეალის“ ნახევარმცველით დენის ჩერიშევით ერთდროულად ოთხი კლუბი დაინტერესდა. როგორც ავტორიტეტული ესპანური გამოცემა AS-ი იტყობინება, რუსი ფეხბურთელით „ზენიტი“, „ვალენსია“, „სევილია“ და „ლივერპული“ ინტერესდებიან.
მიმდინარე სეზონში ჩერიშევმა მხოლოდ 14 წუთი ითამაშა – ფეხბურთელი მეოდანზე „გრანადასთან“ შეხვედრაში გამოჩნდა.
ევროპის 2016 წლის ჩემპიონატის წინ ჩერიშევს მეტი სათამაშო პრაქტიკის მიღება სურს, ასე რომ, მისი ტრანსფერი არ გამოირიცხება. არსებობს ალბათობა, რომ ჩერიშევი „ბლანკოსს“ ზამთრის სატრანსფერო ფანჯრის დროს დატოვებს.
მადრიდის „რეალმა“ 2015/16 წლების სეზონისთვის ოფიციალური კლუბური ფოტო გადაიღო. აღსანიშნავია, რომ წელს მოთამაშეებთან და სამწვრთნელო შტაბთან ერთად კლუბის პრეზიდენტი ფლორენტინო პერესიც გადაიღეს.
მადრიდის „რეალის“ ლიდერმა კრიშტიანუ რონალდუმ ინტერნეტში ვიდეო გაავრცელა, რომელშიც აჩვენა, თუ როგორ ვარჯიშობს სახლში თავის შვილთან ერთად.
