უეფას ჩემპიონთა ლიგის მერვედფინალურ ეტაპზე გელზენკირხენის “შალკესა” და მადრიდის “რეალს” შორის გამართული მატჩი ესპანელთა გამარჯვებით, ანგარიშით 2:0 დასრულდა.
ამრიგად, “სამეფო კლუბმა” ევროპის ყველაზე პრესტიჟულ საკლუბო ტურნირზე მიჯრით მეათე შეხვედრა მოიგო და 2013 წელს მიუნხენის “ბაიერნის” მიერ დამყარებული რეკორდი გაიმეორა.
“რეალი” გახდა მეორე გუნდი, რომელმაც აღნიშნული რეკორდი დაამყარა.
დღეს უეფას ჩემპიონთა ლიგის 2014/15 წლების გათამაშების მერვედფინალური ეტაპის მორიგი სათამაშო დღეა. Fanebi.com-ის მომხმარებლებმა თავიანთი ვარაუდი გამოთქვეს, თუ რა შედეგით დასრულდება დღევანდელი დღის ორი მატჩი. პროცენტულად გთავაზობთ, თუ როგორ გადანაწილდა ხმები.
| “შალკე” (1 %) | ფრე (7 %) | “რეალი” (92 %) |
| “ბაზელი” (28 %) | ფრე (30 %) | “პორტუ” (42 %) |
დღეს უეფას ჩემპიონთა ლიგის მერვედფინალურ ეტაპზე გელზენკირხენის “შალკესა” და მადრიდის “რეალს” შორის პირველი მატჩი გაიმართება.
სამშაბათის ვარჯიში “სამეფო კლუბის” თავდამსხმელმა კარიმ ბენზემამ სრულად ვერ ჩაამთავრა. ფრანგ ფეხბურთელს გრიპის სიმპტომები აღენიშნა.
მატჩი დღეს, თბილისის დროით 23:45 საათზე დაიწყება. შეხვედრას მარტინ ატკინსონის ხელმძღვანელობით ინგლისელ მსაჯთა ბრიგადა მოემსახურება.
ესპანეთის პროფესიული ფეხბურთის ლიგამ შესაძლოა “ბარსელონა” კლუბის ქომაგების არასათანადო ქცევის გამო დააჯარიმოს.
ესპანეთის პრიმერადივიზიონის 23-ე ტურში “ლევანტეს” წინააღმდეგ გამართული მატჩის (5:0) 65-ე წუთზე სტადიონზე მყოფმა 200-მდე ადამიანმა სკანდირება დაიწყო: “რონალდუ მთვრალია”.
ლიგა ვიდეოჩანაწერს შეისწავლის, რის შემდეგაც განაჩენს გამოიტანს. “ბარსელონა” შესაძლოა, სოლიდური ფულადი ჯარიმით დაისაჯოს.
შეგახსენებთ, რომ მადრიდის “ატლეტიკოსთან” განადგურების (0:4) შემდეგ კრიშტიანუ რონალდუმ 30-ე იუბილე პომპეზურად აღნიშნა, რის გამოც პორტუგალიელი ფეხბურთელი საყოველთაო კრიტიკის ქარცეცხლში მოექცა. ინტერნეტსივრცეში ზეიმის ამსახველი ვიდეომასალაც გავრცელდა.
მადრიდის “რეალისა” და გელზენკირხენის “შალკეს” ყოფილმა თავდამსხმელმა რაულმა ამ კლუბთა შორის უეფას ჩემპიონთა ლიგის მერვედფინალურ ეტაპზე გასამართი დაპირისპირების შესახებ ისაუბრა.
“ქაღალდზე “რეალი” აშკარა ფავორიტია და თითქოს, ეს ეტაპი იოლად უნდა გაიაროს, თუმცა “შალკე” ასე ადვილად არ დანებდება. ამჯერად გერმანელები იმ ანგარიშით აღარ დამარცხდებიან, როგორც შარშან წააგეს (ორი მატჩის ჯამში 2:9). “შალკე” ყველაფერს გააკეთებს იმისთვის, რომ “რეალს” ცხოვრება გაურთულოს”, – რაულის სიტყვები გერმანულმა გამოცემა “კიკერმა” გამოაქვეყნა.
შეგახსენებთ, რომ ჩემპიონთა ლიგის მერვედფინალურ ეტაპზე გელზენკირხენის “შალკესა” და მადრიდის “რეალს” შორის გასამართი პირველი მატჩი გერმანიაში, 18 თებერვალს ჩატარდება, განმეორებითი კი – 10 მარტს, ესპანეთში.
გერმანიის ნაკრების მთავარმა მწვრთნელმა იოახიმ ლიოვმა, შესაძლოა, მადრიდის „რეალი“ ჩაიბაროს. „სამეფო კლუბის“ ამჟამინდელი თავკაცის კარლო ანჩელოტის კონტრაქტი 2016 წლამდე მოქმედებს. როგორც „Tuttomercato“ ვარაუდობს, მადრიდელები გერმანელ სპეციალისტს სწორედ ამ პერიოდში მიიწვევენ.
აღსანიშნავია, რომ აქამდე ლიოვის 2016 წლის ევროპის ჩემპიონატის შემდეგ გერმანიის ნაკრებიდან წასვლაზე საუბარი აქამდეც ყოფილა.
ანჩელოტიმ „რეალი“ 2013 წელს ჩაიბარა. იტალიელი სპეციალისტის პერიოდში „ბლანკოსმა“ ესპანეთის თასი, ჩემპიონთა ლიგა, უეფა-ს სუპერთასი და მსოფლიოს საკლუბო ჩემპიონატი მოიგო.
მადრიდის „რეალის“ ნახევარმცველმა გარეთ ბეილმა „დეპორტივოსთან“ მატჩი შეაჯამა და უეფა-ს ჩემპიონთა ლიგის მოახლოებული 1/8 ფინალის შესახებაც ისაუბრა.
„გუნდმა წინა მატჩს შემდეგ რეაბილიტირება შეძლო. პრიმერას პირველა დგილზე ვრჩებით. მატჩის შედეგით ძალიან კმაყოფილი ვარ. გატანა ვერ მოვახერხე, თუმცა ამან ჩემს ხასიათზე გავლენა ვერ იქონია.
რაც შეეხება შემდეგ მატჩს, „შალკე“ ძალიან ძლიერი მეტოქეა, მაგრამ ჩვენ მოგებაზე ვფიქრობთ. ჩემპიონთა ლიგის განახლებას მოუთმენლად ველი“, – განაცხადა უელსელმა.
ხვალ ესპანეთის პრიმერა დივიზიონის 23-ე ტურის ფარგლებში მადრიდის „რეალი“ „დეპორტივოს“ უმასპინძლებს. წარმოვიდგენთ ვიდეოს, რომელშიც „სამეფო კლუბის“ „დეპორტივოსთან“ აქამდე გამართული მატჩების საუკეთესო გოლები შევიდა.
მადრიდის “რეალის” თავდამსხმელმა კარიმ ბენზემამ განაცხადა, რომ მატჩის მიმდინარეობის დროს არ ღელავს იმაზე, თუ როგორ გამოიყურება კადრში. გარდა ამისა, ფრანგმა ფორვარდმა ისიც აღნიშნა, რომ კრიტიკას მხოლოდ პროფესიონალებისგან იღებს.
“მსახიობი არ ვარ. მატჩის მიმდინარეობის დროს არ მაინტერესებს, როგორ გამოვიყურები კადრში. ზოგიერთს უყვარს კამერის წინ პოზიორობა.
ქუჩაში ხალხი ჩემ მიმართ სიყვარულს გამოხატავს. ასე იქცევიან მოხუცებიც და ახალგაზრდებიც, ქალებიც და ბავშვებიც.
კრიტიკას სერიოზულად მხოლოდ მათგან ვიღებ, ვისაც უმაღლეს დონეზე აქვს ნათამაშები. არ მაინტერესებს იმათი აზრი, ვისაც ფეხბურთი არასდროს უთამაშია. ჩემი საქმე გოლების გატანაა”, – ბენზემას სიტყვები Surface Magazine-მა გამოაქვეყნა.
მადრიდის „რეალის“ მცველმა პეპემ ტრავმის შემდეგ ვარჯიში დაიწყო. დღეს პორტუგალიის ნაკრების მოთამაშემ ძირითად ჯგუფთან ერთად ივარჯიშა.
აღსანიშნავია, რომ დღევანდელ ვარჯიშზე სავარჯიშო დარბაზში ცალკე სერხიო რამოსმა, სამი ხედირამ, ხამეს როდრიგესმა, ფაბიო კოენტრაუმ, ლუკა პოდრიჩმა და პაჩეკომ იმუშავეს.
შეგახსენებთ, რომ პეპე ჯერ კიდევ იანვრის შუა რიცხვებში დაშავდა.
ესპანური მედიის ცნობით, მადრიდის “რეალი” ალვარო მორატას დაბრუნებას აპირებს, რომელმაც ტურინის “იუვენტუსში” თავი კარგად წარმოაჩინა.
შეგახსენებთ, რომ “სამეფო კლუბმა” ახალგაზრდა ესპანელი თავდამსხმელი “ბებერ სინიორას” 20 მილიონ ევროდ მიჰყიდა, თუმცა მიმდინარე სეზონის ბოლოს 30 მილიონ ევროდ, 2015/16 წლების სეზონის შემდეგ კი 35 მილიონ ევროდ ფეხბურთელის დაბრუნების უფლება ეძლევა.
იტალიის ჩემპიონატის მიმდინარე გათამაშებაში ალვარომ მორატამ 17 მატჩი ჩაატარა და ხუთი გოლი გაიტანა.
“ბარსელონას” ნახევარმცველი ხავიერ მასკერანო მადრიდის “რეალის” ლიდერ კრიშტიანუ რონალდუს გამოექომაგა, რომელმაც “ატლეტიკოსთან” განადგურების (0:4) შემდეგ იუბილე პომპეზურად აღნიშნა. ამის გამო პორტუგალიელი ფეხბურთელი საყოველთაო კრიტიკის ქარცეცხლში მოექცა.
“ყველა ისე ცხოვრობს, როგორც სურს. არ მომეწონებოდა, ვინმეს ჩემთვის რომ მიეთითებინა, თუ როგორ გამომეყენებინა თავისუფალი დრო. ჩვენ ყველანი ადამიანები ვართ. მოედანზე და კამერის წინ კი პროფესიონალები გახლავართ. ამასთან, ჩვენ პირადი ცხოვრებაც გვაქვს. ჩვენ ამის უფლება გაგვაჩნია და ეს არავის არ უნდა დაავიწყდეს”, – მასკერანოს სიტყვები Goal.com-მა გამოაქვეყნა.
