გერმანიის ნაკრების ყოფილმა თავდამსხმელმა დიტმარ ჰამანმა მიუნხენის „ბაიერნის“ თავდამსხმელი რობერტ ლევანვოდსკი შეაფასა.
„ლევანდოვსკის მსოფლიოს საუკეთესო „ცხრიანად“ ვთვლი. „ბორუსიასთვის“ იგი მნიშვნელოვანი მოთამაშე იყო. იგი ამ გუნდისთვის როისსა და მარიო გიოტცეზე უფრო მეტს აკეთებდა. იმის აღწერაც კი არ შემიძლია, თუ რამდენად საჭირო იყო რობერტი დორტმუნდელთათვის“, – ციტირებს ჰამანს „Sky“.
პოლონეთის წლის საუკეთესო ფეხბურთელად მიუნხენის “ბაიერნის” თავდამსხმელი რობერტ ლევანდოვსკი დასახელდა. მან ეს ჯილდო ზედიზედ მეოთხედ მიიღო.
“ეს ჩემთვის დიდი პატივია, ამით ვამაყობ! მადლობა ყველას”, – განუცხადა ლევანდოვსკიმ “ბაიერნის” ოფიციალური ვებგვერდის კორესპონდენტს.
რობერტ ლევანდოვსკიმ გერმანიის ბუნდესლიგის მიმდინარე გათამაშებაში 18 მატჩი ჩაატარა და შვიდი გოლი გაიტანა.
მიუნხენის „ბაიერნის“ თავდამსხმელმა რობერტ ლევანდოვსკიმ გავრცელებული ჭორები უარყო, რომელთა მიხედვითაც, მას თანამემამულე იაკუმ ბლაშიკოვსკისთან კონფლიქტი ჰქონდა.
პრესა ვარაუდობდა, რომ კონფლიქტის მიზეზი პოლონეთის ნაკრების კაპიტნის სამკლაური იყო, რომელიც ლევანდოვსკის გადაეცა.
„დიახ, ცოტა ხნის წინ კუბას ვესაუბრე. პრესა კონფლიქტის შესახებ წერს, თუმცა იგი არ არსებობს. ერთმანეთისთვის ერთი ცუდი სიტყვაც არ გვიქვამს.
ყოველთვის საერთო მიზნები გვქონდა, თუმცა, როდესაც კაპიტნის სამკლაურის მიღება მსურდა, რაღაც შეიცვალა. ყველანაირი გზით ამის გაკეთებას არ ვცდილობდი.
მთავარია, ყველაფერი ნაკრების სასარგებლოდ შეიცვალოს. თუ ჩემი კაპიტნობის პერიოდში ნაკრებიო წარმატებას მიაღწევს, სჯობს, არაფერი შეიცვალოს. ორივე ვთვლით, რომ გუნდი პირად ინტერესებზე მაღლა დგას“, – განაცხადა ლევანდოვსკიმ.
ბუნდესლიგა, დორტმუნდის ”ბორუსიამ” არც თუ ისე კარგად დაიწყო. პირველ რიგში, გუნდს, შესამჩნევად დაეტყო რობერტ ლევანდოვსკის წასვლა და მეორე, კლუბის ლაზარეთში, კვლავ ხალხმრავლობაა. ამ ყველაფერთან დაკავშირებით, ”ბორუსიას” მთავარმა მწვრთნელმა კომენტარი გააკეთა:
”დამარცხების უფლება აღარ გვაქვს, პირიქით, გუნდს ყველა მატჩში გამარჯვება ესაჭიროება. მჯერა, რომ ერთიანობით, გუნდი ყველა სირთულეს დაძლევს. დროა გუნდმა თავისი ჩვეული სათამაშო ხასიათი აჩვენოს. – განაცხადა იურგენ კლოპმა.
შეგახსენებთ, რომ დორტმუნდის ”ბორუსია”, ბუნდესლიგის ბოლო შეხვედრაში სტუმრად ”შალკესთან”, ანგარიშით 1-2 დამარცხდა.
მიუნხენის „ბაიერნის“ თავდამსხმელმა რობერტ ლევანდოვსკიმ თავის ყოფილ კლუბთან გერმანიის სუპერთასის ანგარიშით 2:0 წაგებულ შეხვედრაზე ისაუბრა.
„რთლი წინასასეზონო მომზადების შემდეგ ეს მძიმე მატჩი იყო. ჩვენ მოგება გვსურდა, თუმცა დღეს „ბორუსია“ უფრო ძლიერი იყო. ახლა შემდეგ მატჩზე უნდა ვიფიქროთ, რომელიც გერმანიის თასზე გველის. ვფიქრობ, მას გაცილებით კარგად ჩავატარებთ. იმედია, ხავი მარტინესის ტრავმა სერიოზული არ არის“, – განაცხადა პოლონელმა ფორვარდმა.
დღეს გერმანიის სუპერთასის მატჩი გაიმართება. “სიგნალ-იდუნა-პარკზე” დორტმუნდის “ბორუსია” მიუნხენის “ბაიერნს” დაუპირისპირდება. საყოველთაო ყურადღების ცენტრშია ბუნდესლიგის გასული სეზონის საუკეთესო ბომბარდირი რობერტ ლევანდოვსკი, რომელმაც მიმდინარე სატრანსფერო პერიოდში “ბორუსიადან” “ბაიერნში” გადაინაცვლა.
პოლონელი თავდამსხმელის შესახენ კომენტარი გააკეთა “ბაიერნის” თავდამსხმელმა კლაუდიო პიზარომ.
“ლევანდოვსკი კარგი ფეხბურთელია, ბევრ გოლს იტანს. ის მანჯუკიჩისგან განსხვავებული მოთამაშეა. ვიმედოვნებ, მას საქმეები პირველივე სეზონში კარგად წაუვა”, – განაცხადა პიზარომ “ევროსპორტის” ეთერში.
თავად ლევანდოვსკი ამბობს, რომ “ბორუსიას” წინააღმდეგ გასამართი შეხვედრა მისთვის განსაკუთრებული იქნება.
“დორტმუნდში ვითამაშებთ, “ბორუსიას” მოედანზე. ამ კლუბში ოთხი შესანიშნავი წელიწადი გავატარე და დამდეგი მატჩი ჩემთვის განსაკუთრებულია. ახლა უკვე “ბაიერნის” ფორმით გავალ მინდორზე. რა თქმა უნდა, მინდა, რომ თასი მოვიგო. “ბორუსიას” სტადიონზე სტუმარი გუნდის რიგებში ვითამაშებ და გრძნობაც სხვანაირი მექნება.
ვიცი, რომ “ბორუსია” კვალვ სახიფათო მეტოქე იქნება. იურგენ კლოპი ყოველთვის ახერხებს მებრძოლ ფეხბურთელთა ერთ გუნდად შეკვრას. გერმანიის ჩემპიონატის მოგებისთვის “ბორუსიასთან” ერთად “შალკე” და ლევერკუზენის “ბაიერიც” შეგვეცილება”, – აღნიშნა ლევანდოვსკიმ.
მატჩი “ბორუსიასა” და “ბაიერნს” შორის დღეს, თბილისის დროით 20:00 საათზე დაიწყება.
მიუნხენის „ბაიერნმა“ გერმანიის რანგით მესამე დივიზიონის კლუბ „დუისბურგთან“ ამხანაგური მატჩი გამართა. შეხვედრა ფრედ, ანგარიშით 1:1 დასრულდა. მატჩს 24 ათასზე მეტი მაყურებელი დაესწრო.
ანგარიში ბავარიელთა ახალწვეულმა რობერტ ლევანდოვსკიმ 62-ე წუთზე გახსნა, თუმცა 8-წუთიანი ინტერვალის შემდეგ „დუისბურგმა“ გაათაბრა. აღსანიშნავია, რომ ეს პოლონელი ფეხბურთელისთვის „ბაიერნის“ რიგებში ჩატარებული პირველი მატჩი იყო.
„ბაიერნმა“ ამ შემადგენლობით ითამაშა: შტარკე, კონტენტო (შტეინჰარტი 55′), ბადშტუბერი (უოლტერი 86′), რაფინია (ბასტა 79′), ალაბა, ჰიობიერგი, გაუდინო, შოლი (ებერლეინი 46′), ბერნატი, სიგჰარტი (შვარცი 46′), ლევანდოვსკი (ტობიას შვაინშტაიგერი 86′).
დღეს მიუნხენის „ბაიერნმა“ კლუბის ახალწვეული რობერტ ლევანდოვსკი წარადგინა.
როგორც მოგეხსენებათ, დორტმუნდის „ბორუსიას“ ყოფილმა თავდამსხმელმა ბავარიულ კლუბთან წინასწარ შეთანხმებას იანვარში მიაღწია. კონტრაქტი ძალაში უკვე შევიდა, პოლონელი ფეხბურთელი „ბაიერნის“ სრულფასოვანი წევრია.
„თავს მშვენივრად ვგრძნობ. კარგად დავისვენე, ძალები აღვიდგინე. ამ მასშტაბის მქონე კლუბში უკეთ თამაში შემიძლია“, – ლევანდოვსკის სიტყვებს „ბაიერნის“ ოფიციალური ვებგვერდი აქვეყნებს.
რობერტ ლევანდოვსკი „ბაიერნში“ 9-ნომრიანი მაისურით ითამაშებს.
თავდამსხმელმა რობერტ ლევანდოვსკიმ, რომელიც „დორტმუნდის ბორუსიადან“ მიუნხენის „ბაიერნში“ გადავიდა, განაცხადა, რომ მოვლენების ასეთი განვითარება მისთვის ოპტიმალური იყო.
„როდესაც „რეალის“ დონის კლუბი შენით ინტერესდება, რა თქმა უნდა, გიხარია. თუმცა „ბაიერნი“ ჩემთვის პირველ ადგილზე იყო.
კარიერაში კიდევ ერთი ნაბიჯის გადასალახად ეს კლუბი იდეალურია. ადაპტაციისთვის დრო არც დამჭირდება, რადგან გერმანული ენა ვიცი და ბუნდესლიგაში თამაშის გამოცდილება მაქვს, რაც, იმედია, გამომადგება.
დარწმუნებული ვარ, რომ მოვახერხებ და „ბაიერნს“ გაცილებით მეტ ტიტულს მოვაგებინებ“, – განაცხადა პოლონელმა ფორვარდმა.
ალექსანდრე მატევოსოვი
დორტმუნდის „ბორუსიას“ თავდამსხმელი რობერტ ლევანდოვსკი, რომელიც მიმდინარე სეზონის შემდეგ კლუბს დატოვებს, აცხადებს, რომ მას გერმანიის თასის მოახლოებულ ფინალში თავისი მომავალი კლუბის მიუნხენის „ბაიერნის“ დამარცხება სურს.
„დორტმუნდში ბევრი ვისწავლე და ვიცი, რომ ახლა გაცილებით უკეთესი ფეხბურთელი ვარ, ვიდრე ოთხი წლის წინ ვიყავი. თუმცა მიმდინარე სეზონში სათამაშო კიდევ დაგვრჩა. დორტმუნდში, „ბორუსიას“ ფეხბურთელის სტატუსით, ჩემი ბოლო შეხვედრა უკვე ჩავატარე, თუმცა ბერლინში თამაში ორჯერ მომიწევს. ამ კლუბში გატარებული ოთხი წელიწადი ჩემთვის ფანტასტიკური იყო. აქ ბევრი გოლი გავიტანე და დადებითი ემოციებიც მივიღე. ბუდესლიგა ორჯერ მოვიგეთ და, იმედია, გერმანიის თსსაც მეორედ მოვიპოვებთ. „ბორუსიაში“ ჩემი ისტორია ჯერ არ დასრულებულა“, – განაცხადა ლევანდოვსკიმ.
ალექსანდრე მატევოსოვი
“ბორუსიას” მთავარი მწვრთნელი იურგენ კლოპი კვლავაც თვლის, რომ მსოფლიოს საუკეთესო გუნდად მიუნხენის “ბაიერნი” რჩება.
“რეალთან წაგებულ მატჩში ბაიერნმა სტანდარტული სიტუაციების დროს დაუშვა შეცდომები. თუმცა, მიუხედავად ამისა, პირადა ჩემთვის “ბაიერნი” კვლავაც რჩება მსოფლიოს საუკეთესო კლუბად” – განაცხადა კლოპმა.
შეგახსენებთ, რომ სეზონის დასრულების შემდეგ “ბორუსიას” საუკეთესო მეგოლე რობერტ ლევანდოვსკი მიუნხენის “ბაიერნში” გააგრძელებს კარიერას.
“ლევანდვოსკი ჩვენთვის დიდი ძალა იყო. მასთან ერთად ბევრი კარგი მატჩი ჩავატარეთ. იმედი მაქვს, დარჩენილ სამ შეხვედრას ის უმაღლეს დონეზე ჩაატარებს”.
დორტუმნდის “ბორუსიას” ფოვარდი რობერტ ლევანდოვსკი “ჰანოვერთან” სტუმრად მოგებული მატჩის შემდეგ (0:2) ჟურნალისტებს გაესაუბრა.
“ძალიან რთული თამაში გამოვიდა. შესვენების წინ გატანილმა გოლმა კარგი სამსახური გაგვიწია. ვიცოით, რომ მეორე ნახევარშიც უნდა გაგვეტანა. დერბის წინ “ჰანოვერთან” გამარჯვება ფსიქოლოგიური თვალსაზრიზით ძალიან მნიშვნელოვანი იყო” – განაცხადა პოლონელმა ფოვარდმა.
შეგახსენებთ, რომ 25 მარტს 27-ე ტურის მატჩში დორტმუნდი რურის დერბის უმასპნიძლებს “ბორუსიასა” და “შალკეს” მონაწილეობით.
