საქართველოს უმაღლესი ლიგის V ტურში “ზესტაფონისა” “სამტრედიას” შორის გამართული მატჩის მიმდინარეობისას უჩვეულო რამ მოხდა. სტუმართა გუნდის კაპიტან გიორგი მელქაძეს მაისურზე სათამაშო ნომერი აღარ ეტყობოდა, რის გამოც მას მთავარმა არბიტრმა ფორმის გამოცვლა მოსთხოვა. მელქაძეს 19-ის ნაცვლად 20-ნომრიანი მაისური ჩააცვეს, შორტზე 19 ნომერი ეწერა, მაისურზე კი – 20.
მატჩი “სამტრედიას” გამარჯვებით, ანგარიშით 1:0 დასრულდა.
გთავაზობთ ამ უჩვეულო ფაქტის ამსახველ ვიდეოს.
დანიის I დივიზიონის მე-8 ტურში ჩემპიონატის ერთპიროვნულ ლიდერ “ვენდსისელსა” და მადევარ “ორჰუსს” შორის გამართულ მატჩში სტუმართა გუნდის ქართველმა ლეგიონერმა მათე ვაწაძემ მორიგი გოლი გაიტანა. ჩვენებურმა შეხვედრის 21-ე წუთზე გახსნა ანგარიში. 72-ე წუთზე კიმ აბეჩმა “ორჰუსის” უპირატესობა ორ ბურთამდე გაზარდა. მატჩის კომპენსირებულ დროში კი, მედს გრევიმ საკუთარ კარში ჩაჭრა ბურთი — 0:3.
აღნიშნულ შეხვედრაში ქართველთაგან მხოლოდ ვაწაძემ ითამაშა, რომელმაც მატჩი სრულად ჩაამთავრა.
მათე ვაწაძისთვის ეს ჩემპიონატში გატანილი მეშვიდე გოლი გახლავთ. ქართველი თავდამსხმელი ბომბარდირთა სიას დამაჯერებლად ლიდერობს.
რაც შეეხება სატურნირო ცხრილს, “ვენდსისელი” 16 ქულით პირველ ადგილზე დარჩა, მადევარ “ორჰუსს” კი 14 ქულა და ერთი მატჩით ნაკლები აქვს ჩატარებული. მესამე ადგილზე “ვიბორგი” გახლავთ, რომელიც ჩემპიონატის მერვე შეხვედრას დღეს, “აკადემისკის” წინააღმდეგ გამართავს.
მექსიკურმა “პუებლამ” უჩვეულო ვარჯიში ჩაატრა. გუნდის ფეხბურთელებს საწვრთნელი პროცესის დროს სახეზე ძაღლის ნიღბები ჰქონდათ მორგებული.
“პუებლას” მთავარი მწვრთნელი ხოსე სოლა ამბობს, რომ ამ მეთოდით გუნდს მატჩის მიმდინარეობისას უფრო აქტიური მუშაობისკენ მოუწოდებს.
“როდესაც ბურთის ართმევაზე თამაშობთ, საკუთარი თავი ძაღლებად უნდა წარმოიდგინოთ: ბურთისთვის უნდა იბრძოლო, მოიპოვო და გაუფრთხილდე მას”, – ციტირებს სოლას სიტყვებს Metro.
“პუებლა” დამდეგ შეხვედრას “კერეტაროს” წინააღმდეგ ჩაატარებს, რომელსაც რამდენიმე დღის წინათ სახელგანთქმული ბრაზილიელი ფეხბურთელი რონალდინიო შეუერთდა. მატჩი 13 სექტემბერს გაიმართება.
“ლივერპულის” თავდამსხმელი მარიო ბალოტელი მორიგ სკანდალში გაეხვა.
“ვულვერჰემპტონის” წინააღმდეგ დახურულ მოედანზე გამართულ ამხანაგურ მატჩში (1:0) იტალიელი მოთამაშე მთავარ მსაჯ კრის ფოის დაუპირისპირდა.
ბალოტელი არბიტრთან მის წინააღმდეგ მეტოქე გუნდის ფეხბურთელის უხეშ თამაშს აპროტესტებდა, რასაც მსაჯმა ყურადღება არ მიაქცია. როგორც თვითმხილველები აცხადებენ, “ლივერპულის” ახალწვეულმა მოწინააღმდეგეს თავშიც წამოარტყა. სერიოზული კონფლიქტის თავიდან არიდების მიზნით იტალიელი ფორვარდი პირველივე ტაიმში შეცვალეს.
ფლორენციის “ფიორენტინასა” და მადრიდის “რეალს” შორის პოლონეთის დედაქალაქ ვარშავაში გამართული ამხანაგური მატჩი იტალიური გუნდის გამარჯვებით, ანგარიშით 2:1 დასრულდა.
ანგარიში კრიშტიანუ რონალდუმ მე-4 წუთზე გახსნა. 27-ე წუთზე მარიო გომესმა გაათანაბრა, 69-ე წუთზე კი მარკოს ალონსომ “რეალის” კარში მეორე ბურთი გაიტანა და საბოლოო შედეგი 2:1 დაფიქსირდა.
ამხანაგური მატჩი
“ფიორენტინა” — “რეალი” 2:1 (1:1)
“ფიორენტინა“: ნეტო, როდრიგესი (ჰეგაზი 86′), ტომოვიჩი (პიჩინი 85′), სავიჩი, მარკოს ალონსო (პასკუალი 85′), პიზარო (ვოლსკი 77′), აკვილანი (ბრილანტე 69′), ბორხა ვალერო (ჯილი 90′), ვარგასი (ლაძარი 85′), გომესი (ილიჩიჩი 68′), ბაბაკარი (ბერნარდეში 77′).
მთავარი მწვრთნელი: ვინჩენცო მონტელა.
“რეალი“: ნავასი, არბელოა (ლუკას ვასკესი 76′), მარსელო (ფაბიო კოენტრაუ 46′), ნაჩო, ვარანი (სერხიო რამოსი 74′), ჩაბი ალონსო (კროოსი 46′), ხედირა (მედრანი 75′), ილიარამენდი (ბურგუი 75′), დი მარია, ხამეს როდრიგესი (კარვახალი 46′), რონალდუ (ბენზემა 46′).
მთავარი მწვრთნელი: კარლო ანჩელოტი.
გოლები: გომესი 27′, მარკოს ალონსო 69′ — რონალდუ 4′.
ლიბერტადორესის თასის ფინალის განმეორებით მატჩში არგენტინულმა “სან ლორენსომ” პარაგვაული “ნასიონალი” დაამარცხა. პირველი შეხვედრა ფრედ, ანგარიშით 1:1 დასრულდა, განმეორებით მატჩში კი არგენტინელებმა 1:0 იმარჯვეს. ერთადერთი გოლი 36-ე წუთზე თერთმეტმეტრიანი დარტყმით ნესტორ ორტიგოსამ გაიტანა.
ამრიგად, ორი მატჩის ჯამში “წმინდანებმა” 2:1 გაიმარჯვეს და არსებობის ისტორიაში პირველად სამხრეთ ამერიკის საუკეთესო კლუბის სტატუსი მოიპოვეს.
“სან ლორენსო” (არგენტინა) — “ნასიონალი” (პარაგვაი) 1:0 (1:0)
გოლი: ორტიგოსა 35′ (პენ).
პირველი მატჩი: 1:1
მიუნხენის “ბაიერნის” ნახევარმცველი მარიო გიოტცე გერმანიის სუპერთასზე დორტმუნდის “ბორუსიას” წინააღმდეგ გამართული მატჩის (0:2) მიმდინარეობისას ტრიბუნქვეშა გვირაბში ხურდებოდა, რათა ყოფილი გუნდის ქომაგების მხრიდან ზედმეტი ყურადღება არ მიეპყრო.
გთავაზობთ ფაქტის ამსახველ ვიდეომასალას.
არგენტინის ნაკრების ყოფილმა თავდამსხმელმა და მთავარმა მწვრთნელმა დიეგო არმანდო მარადონამ ჟურნალისტს სახეში ხელი გაარტყა.
ინციდენტი მაშინ მოხდა, როდესაც მარადონა შვილ დიეგო ფერნანდოსთან და ბავშვის დედა ვერონიკა ოხედასთან ერთად თეატრში მიდიოდა.
მარადონას ავტომობილის გარშემო ჟურნალისტების მთელმა ჯგუფმა მოიყარა თავი, თუმცა ლეგენდარულმა არგენტინელმა ფეხბურთელმა ინტერვიუს მიცემა არ ისურვა. მედიის წარმომადგენლები მარადონას არ მოეშვნენ, რის შემდეგაც დიეგო მანქანიდან გადმოვიდა და ერთ-ერთ კორესპონდენტს სახეში ხელი გაარტყა.
“ლივერპულსა” და დორტმუნდის “ბორუსიას” შორის “ენფილდ როუდზე” გამართული ამხანგური მატჩი მერსისააიდული გუნდის დამაჯერებელი გამარჯვებით, ანგარიშით 4:0 დასრულდა.
ანგარიში შეხვედრის მე-10 წუთზე დანიელ სტარიჯმა გახსნა. ზუსტად სამ წუთში გოლი გაიტანა “ლივერპულის” ხორვატმა მცველმა დეიან ლოვრენმა, რომელიც მერსისაიდულ გუნდში “საუთჰემპტონიდან” მიმდინარე სატრანსაფერო პერიოდში 23 მილიონ ევროდ გადავიდა.
მეორე ტაიმში “წითლებმა” კიდევ ორი უპასუხო გოლი გაიტანეს: 49-ე წუთზე ფილიპე კოუტინიომ გამოიჩინა თავი, 61-ე წუთზე კი გოლი ჯორდან ჰენდერსონმა გაიტანა.
ამხანაგური მატჩი:
“ლივერპული” — “ბორუსია” (დორტმუნდი) 4:0 (2:0)
“ლივერპული”: მინიოლე, მანკილიო (კელი 86′), ჯონსონი (ხოსე ენრიკე 64′), ლოვრენი, შკრტელი, ჯერარდი, კოუტინიო (იბე 72′), ჯანი, ჰენდერსონი, სტერლინგი, სტარიჯი (ლამბერტი 73′).
მთავარი მწვრთნელი: ბრენდან როჯერსი.
“ბორუსია”: ლანგერაკი, გინტერი (კნიშტოკი 83′), შმელცერი, პიშჩეკი (გროსკროიტცი 58′), პაპასტატოპულოსი (სარი 82′), იოიჩი (ამინი 76′), კელი (ბენდერი 47′), კირხი (ჰოფმანი 47′), მხითარიანი (დონგ-ვონ ჯი 65′), რამოსი (იმობილე 47′), ობამეიანგი (ბანდოვსკი 71′).
მთავარი მწვრთნელი: იურგენ კლოპი.
გოლები: სტარიჯი 10′, ლოვრენი 13′, კოუტინიო 49′, ჰენდერსონი 61′.
მთავარი მსაჯი: მარტინ ატკინსონი (ინგლისი).
Guinness International Champions Cup-ის ფარგლებში მადრიდის „რეალსა“ და მილანის „ინტერს“ შორის ამხანაგური მატჩი გაიმართა. შეხვედრის ძირითადი დრო ფრედ, ანგარიშით 1:1 დასრულდა. მე-11 წუთზე გარეტ ბეილმა შორეული დარტყმით ანგარიში გახსნა. იტალიელებმა თერთმეტმერიანი დარტყმით გაათანაბრეს. ნემანია ვიდიჩის მიერ გამომუშავებული პენალტი მაურო იკარდიმ გოლად აქცია. ტურნირის რეგლამენტის მიხედვით, საყაიმო შედეგის გამო, ძირითადი 90 წუთის შემდეგ პირდაპირ პენალტების სერია დაინიშნა. თერთმეტმერიანი დარტყმების სერიაში ვალტერ მაცარის გუნდმა ანგარიშით 3:2 იმარჯვა.
ტურნირის ამავე ჯგუფში „მანჩესტერ იუნაიტედმა“ „რომა“ ანგარიშით 3:2 დაამარცხა.
„რეალი“ — „ინტერი“ 1:1 (პენ. 2:3)
„რეალი“: დიეგო ლოპესი (ხესუს კოლადო 46′), კარვახალი, პეპე (მასკარელი 65′), ნაჩო, დიეგო ლორენტე; ილიარამენდი, მედრანი (დერიკი 65′), ისკო; ლუკას ვასკესი, რაულ დე ტომასი (სობრინიო 53′), ბეილი (მარკოს ლორენტე 53′).
მთავარი მწვრთნელი: კარლო ანჩელოტი.
„ინტერი“: ჰანდანოვიჩი (კარიზო 63′), რანოკია (ანდრეოლი 63′), ვიდიჩი, ჟუან ჟეზუსი, დამბროზიო, ჯონათანი (ბონაცოლი 90′), კუზმანოვიჩი (მვილა 63′), ობი (კრჰინი 78′), დოდო (ნაგატომო 78′), ბოტა (ლაქსალტი 78′), იკარდი.
მთავარი მწვრთნელი: ვალტერ მაცარი.
გოლები: ბეილი 11′ — იკარდი 68′ (პენ).
პენალტების სერია: ისკო (X), ლუკას ვასკესი (O), ნაჩო (O) ილიარამენდი (X), მასკარელი (X) — ვიდიჩი (O), ნაგატომო (X), მვილა (X), ჟუან ჟეზუსი (O), იკარდი (O).
მთავარი მსაჯი: რიკარდო სალაზარი (აშშ).
ლეგენდარულმა არგენტინელმა ფეხბურთელმა დიეგო მარადონამ კიდევ ერთხელ მოახდინა განსაკუთრებული ნიჭის დემონსტრირება.
53 წლის მარადონამ ვეტერან ფეხბურთელთა შორის გამართულ ამხანაგურ მატჩში ლამაზი გოლი გაიტანა.
კარიერის დასრულებიდან თითქმის ერთწლიანი პაუზის შემდეგ დეკუს გამოსათხოვარი მატჩი შედგა.
შეხვედრაში ერთმანეთს პირობითად „პორტუ-2004“ და „ბარსელონა-2006“ დაუპირისპირდნენ. შეგახსენებთ, რომ დეკუმ 2004 წელს „პორტუსთან“ ერთად ჩემპიონთა ლიგა მოიგო, ხოლო იმავე წარმატებას 2006 წელს „ბარსელონასთან“ ერთად მიაღწია.
დეკუმ პირველი ტაიმი „პორტუს“, მეორე კი „ბარსელონას“ შემადგენლობაში ჩაატარა, თუმცა მეორე ნახევრის ბოლოს კვლავ „პორტუს“ რიგებში დაბრუნდა. მატჩი ფრედ, ანგარიშით 4:4 დასრულდა.
„პორტუს“ სასტარტო შემადგენლობა: ბაია, პ.ფერეირა, ჟ.კოსტა, პ.ემანუელი, ვალენტე, კოშტინია, მანიშე, მენდეში, დეკუ, დერლეი, მაკარტი.
„პორტუს“ სათადარიგო შემადგენლობა: ვალე, კარვალკიუ, სეკრეტარიუ, იანკაუსკასი, ანდრადე, ალენიჩევი, რუბენსი, რ.ფერნანდეში, ბ.მორაეში, მარიო სილვა, კონსეისაუ.
მწვრთნელი: ფერნანდუ სანტუში.
„ბარსელონას“ სასტარტო შემადგენლობა: ხორკერა, ბელეტი, სილვინიო, ოლეგერი, ვან ბრონხორსტი, დავიდსი, ხერარდი, ვან ბომელი, გუდიონსენი, ჟიული, ესკერო.
„ბარსელონას“ სათადარიგო შემადგენლობა: დეკუ, მესი, ჯალმინია, ლუიზაო, ეტოო
მწვრთნელი: ჰენკ ტენ კატე.
გოლები: 1:0 – დერლეი (3′), 2:0 – მაკარტი (14′), 2:1 – ეტოო (55′), 2:2 – დეკუ (57′), 3:2 – იანკაუსკასი (62′), 3:3 – ეტოო (67′), 3:4 – მესი (81′), 4:4 – დეკუ (90′).
