2014 წლის მსოფლიოს ჩემპიონატის ჯგუფურ ეტაპზე იტალიისა და კოსტა რიკის ნაკრებებს შორის გამართული შეხვედრა ხორხე ლუის პინტოს გუნდის გამარჯვებით, ანგარიშით 1:0 დასრულდა.
მატჩის საუკეთესო ფეხბურთელად კოსტა რიკის ნაკრების თავდამსხმელი ბრაიან რუისი დაასახელეს, რომელიც აღნიშნულ შეხვედრაში გატანილი ერთადერთი გოლის ავტორია.
28 წლის ფეხბურთელმა მოედანზე 81 წუთი დაჰყო, გააკეთა 36 გადაცემა და კარში 2-ჯერ დაარტყა.
„სელესაოს“ ყოფილმა მცველმა რობერტო კარლოსმა მიმდინარე მსოფლიოს ჩემპიონატზე ბრაზილიის ნაკრების პრობლემების შესახებ ისაუბრა.
„ალბათ, იმ ფეხბურთელებზე არ უნდა ვსაუბრობდეთ, რომლებსაც ლუიშ ფელიპე სკოლარიმ ნაკრებში არ უხმო, თუმცა მე გუნდში კაკას, რონალდინიოს და რობინიოს გამოვიძახებდი. სკოლარის საკუთარი სტილი და შეხედულება აქვს.
აშკარაა, რომ ბრაზილიის ნაკრები ნახევარდაცვაში უკეთ უნდა თამაშობდეს. გუნდს აკლია ისეთი ფეხბურთელები, რომლებსაც საკუთარ თავზე პასუხისმგებლობის აღება, ნაკრების გაძღოლა, ბურთის ფლობა და უკან ჩამოსვლა შეუძლიათ. ისიც სათქმელია, რომ თითოეულ გუნდს რაღაც აკლია“, – განაცხადა რობერტო კარლოსმა.
შეგახსენებთ, რომ A ჯგუფს სათავეში ბრაზილიისა და მექსიკის ნაკრებები 4-4 ქულით უდგანან, მესამე ადგილზე ხორვატიის ნაკრებია, რომელსაც 3 ქულა აქვს, ბოლო პოზიცია კი უქულოდ დარჩენილ კამერუნს უკავია.
თითოეული ჯგუფის სატურნირო მდგომარეობის გასაცნობად გადადით გვერდზე: ცხრილი
2014 წლის მსოფლიოს ჩემპიონატის ჯგუფურ ეტაპზე იაპონიისა და საბერძნეთის ნაკრებებს შორის გამართული შეხვედრა უღიმღამოდ წარიმართა და უგოლოდ დასრულდა.
ირანი-ნიგერიისა არ იყოს, მატჩის გმირი აქაც ცოტა ხმამაღალი ნათქვამია, თუმცა ოფიციალურად შეხვედრის საუკეთესო ფეხბურთელად აზიელთა ნახევარმცველი კეისუკე ჰონდა დასახელდა
„მილანში“ მოთამაშე ფეხბურთელმა მატჩი სრულად ჩაატარა, გააკეთა 75 გადაცემა და კარში დაარტყა 4-ჯერ.
როგორც მოგეხსენებათ, 2014 წლის მსოფლიოს ჩემპიონატთან დაკავშირებით მიმდინარეობს Fanebi.com-ისა და Europe-bet-ის ერთობლივი პროექტი – „სამუნდიალე კონკურსი“, რისი მეშვეობითაც ფულადი ჯილდოს მოგების შანსი გეძლევათ. ურუგვაისა და ინგლისის ნაკრებებს შორის გამართულ მატჩთან დაკავშირებული 4 კითხვა შემოგთავაზეთ. წესების მიხედვით, ჯილდოვდება ყველაზე მეტი სწორი პასუხის ავტორი 10 მომხმარებელი. 4-ივე კითხვაზე სწორი პასუხის ავტორს „ევროპა ბეთის“ ანგარიშზე 15 ლარი ერიცხება. თუ გამარჯვებულთა სიაში 3 სწორი პასუხის ავტორებიც მოხვდებიან, მათ 10 ლარი დაერიცხებათ. ერთი IP მისამართიდან მხოლოდ ერთი (პირველი) კომენტარი მიიღება.
სამუნდიალე კონკურსის მერვე დღის კითხვები იყო:
1) რა იქნება მატჩის საბოლოო შედეგი (1 – X – 2) — 1;
2) რამდენი გოლი გავა (3 და მეტი თუ 3-ზე ნაკლები)? — 3 და მეტი;
3) რომელი გუნდი გაიტანს პირველ გოლს? (ურუგვაი, ინგლისი, არ იქნება გოლი); — ურუგვაი;
4) რომელი გუნდი გააკეთებს პირველ ცვლილებას? — ინგლისი.
კონკურსის მერვე დღის გამარჯვებულთა სია ასე გამოიყურება:
| მომხმარებელი: | სწორი პასუხების რაოდენობა: | მოგებული თანხა: | |
| MUMLA_777 | 4 | 15 | |
| NEYMAR. | 4 | 15 | |
| BARCAMAN15 | 4 | 15 | |
| VERDZO | 4 | 15 | |
| KAXA1997 | 4 | 15 | |
| GOGIBEDA | 4 | 15 | არ აქვს მითითებული პინ-კოდი |
| MAGNETIC | 4 | 15 | არ აქვს მითითებული პინ-კოდი |
| BEKAGELASHA | 4 | 15 | |
| DATA98 | 4 | 15 | |
| GORDE85 | 4 | 15 |
გამარჯვებულთა სიები „ევროპა ბეთში“ დღეს გაიგზავნება. შესაბამისად, იმ მომხმარებლებს, რომლებსაც საკუთარი ანგარიშის პინ-კოდი ჯერ არ მოუწვდიათ, 15:00 საათამდე ეძლევათ დრო პინ-კოდის მისათითებლად. სხვა შემთხვევაში, მათ ბალანსზე თანხის დარიცხვა ვერ მოხერხდება. თავისთავად, დანარჩენ გამარჯვებულებს თანხები რომ დაერიცხებათ, ეს ჩვენმა ერთგულმა მომხმარებელმა კარგად იცის და არანაირი პრობლემა ამ მხრივ არ იქნება, ჩვენი 6-წლიანი გამოცდილება მეტყველებს ამაზე.
იტალიის ნაკრების მთავარმა მწვრთნელმა ჩეზარე პრანდელიმ მსოფლიოს ჩემპიონატზე ესპანეთის ნაკრების ჯგუფში ჩარჩენის შესახებ ისაუბრა.
„არ მინდა, ეს თემა ფართოდ მიმოვიხილო, თუმცა დარწმუნებული ვარ, რომ ორ თვეში ესპანეთის ნაკრები კვლავ გახდება მსოფლიოს ერთ-ერთი უძლიერესი გუნდი. შესაძლოა, ესპანელებმა განვლილ სტრესულ სეზონსა და ჩემპიონთა ლიგის ფინალს დიდი ძალები მიახარჯეს“, – განაცხადა პრანდელიმ.
შეგახსენებთ, რომ „ლა როხამ“ ჯგუფურ ეტაპზე მეორე მატჩიც დათმო, რითაც პლეი-ოფში თამაშის თეორიული შანსიც დაკარგა.
2014 წლის მსოფლიოს ჩემპიონატის ჯგუფურ ეტაპზე ურუგვაისა და ინგლისის ნაკრებებს შორის გამართული შეხვედრა სამხრეთამერიკელთა გამარჯვებით, ანგარიშით 2:1 დასრულდა.
მატჩის საუკეთესო ფეხბურთელად ურუგვაელთა თავდამსხმელი ლუის სუარესი დაასახელეს, რომელმაც აღნიშნულ შეხვედრაში დუბლი გაიფორმა.
„ელ პისტოლერომ“ მოედანზე 88 წუთი დაჰყო, გააკეთა 35 გადაცემა და კარში 6-ჯერ დაარტყა.
2014 წლის მსოფლიოს ჩემპიონატის ჯგუფურ ეტაპზე კოლუმბიისა და კოტ დივუარის ნაკრებებს შორის გამართული შეხვედრა სამხრეთამერიკელთა გამარჯვებით, ანგარიშით 2:1 დასრულდა.
მატჩის საუკეთესო ფეხბურთელად კოლუმბიის ნაკრების ნახევარმცველი ხამეს როდრიგესი დაასახელეს, რომელმაც აღნიშნულ შეხვედრაში 64-ე წუთზე ანგარიში გახსნა.
„მონაკოში“ მოთამაშე ფეხბურთელმა მატჩი სრულად ჩაატარა, გააკეთა 53 გადაცემა და კარში 2-ჯერ დაარტყა.
როგორც მოგეხსენებათ, 2014 წლის მსოფლიოს ჩემპიონატთან დაკავშირებით მიმდინარეობს Fanebi.com-ისა და Europe-bet-ის ერთობლივი პროექტი – „სამუნდიალე კონკურსი“, რისი მეშვეობითაც ფულადი ჯილდოს მოგების შანსი გეძლევათ. დღეს გამოქვეყნდა მერვე საკონკურსო დღის მატჩის კითხვები, რომელიც ურუგვაისა და ინგლისის ნაკრებებს შორის გასამართ მატჩს ეხება. კითხვები იხილეთ აღნიშნული მატჩის გვერდზე.
გამარჯვებულად ჩაითვლება ის პირველი 10 რეგისტრირებული მომხმარებელი, რომელიც ყველაზე მეტ სწორ პასუხს გამოიცნობს. 4-ივე კითხვაზე სწორი პასუხის ავტორს „ევროპა ბეთის“ ანგარიშზე 15 ლარი ერიცხება. თუ გამარჯვებულთა სიაში 3 სწორი პასუხის ავტორებიც მოხვდებიან, მათ 10 ლარი დაერიცხებათ.
ერთი IP მისამართიდან მხოლოდ ერთი (პირველი) კომენტარი მიიღება, დანარჩენი კი უგულებელყოფილი იქნება.
საკონკურსო კითხვებზე პასუხი უნდა გასცეთ მატჩის გვერდზე: ურუგვაი — ინგლისი
ლეგენდარული დიეგო მარადონა აცხადებს, რომ 2014 წლის მსოფლიოს ჩემპიონატის ჯგუფურ ეტაპზე არგენტინისა და ბოსნია & ჰერცეგოვინის ნაკრებებს შორის გამართული მატჩის (2:1) მიმდინარეობისას „მარაკანაზე“ შესვლა ვერ მოახერხა.
„სტადიონზე არ შემიშვეს. მეორე ტაიმის საყურებლად სასტუმროში დაბრუნება მომიწია. ყველაფერი გავაკეთე, რაც შემეძლო, მაგრამ სტადიონზე შესვლის ნება არ მომცეს. უბრალოდ უარი მითხრეს, მეც ტელევიზიის საშუალებით ვუყურე შეხვედრას. იმედი მაქვს, ეს ამბავი მალე მიეცემა დავიწყებას.
მინდა, რომ არგენტინის ნაკრების მომავალ მატჩებს სტადიონიდან ვუცქირო. ერთია, როცა სტადიონზე მოხვედრის საშუალება არ გაქვს და მეორე, როცა არ გიშვებენ. თუ შენს მიმართ თბილი დამოკიდებულება აქვთ, უპრობლემოდ გატარებენ, მაგრამ როცა ცუდად არიან განწყობილნი, სჯობს, ყველაფერი დაივიწყო და სასტუმროში დაბრუნდე, რაც გავაკეთე კიდეც“, – განაცხადა მარადონამ.
2014 წლის მსოფლიოს ჩემპიონატის ჯგუფურ ეტაპზე კამერუნისა და ხორვატიის ნაკრებებს შორის გამართული მატჩის (0:4) მიწურულს კამერუნელ ფეხბურთელებს – ბენუა ასუ-ეკოტოსა და ბენჟამენ მუკანჯოს შორის ფიზიკური დაპირისპირება მოხდა.
ასუ-ეკოტომ მუკანჯოს თავი ჩაარტყა. არბიტრს ეს ეპიზოდი გამოეპარა და ფეხბურთელი დასჯას გადაურჩა.
ასუ-ეკოტომ კინკლაობა საფინალო სასტვენის შემდეგაც განაგრძო. საბოლოოდ კი, მისი დამშვიდება გუნდის კაპიტანმა სამუელ ეტოომ მოახერხა.
2014 წლის მსოფლიოს ჩემპიონატის ჯგუფურ ეტაპზე კამერუნისა და ხორვატიის ნაკრებებს შორის გამართული შეხვედრა ევროპელთა დამაჯერებელი გამარჯვებით, ანგარიშით 4:0 დასრულდა.
მატჩის საუკეთესო ფეხბურთელად ბალკანელთა თავდამსხმელი მარიო მანჯუკიჩი დაასახელეს, რომელმაც აღნიშნულ შეხვედრაში დუბლი გაიფორმა.
მიუნხენის „ბაიერნში“ მოთამაშე ფეხბურთელმა მატჩი სრულად ჩაატარა, გააკეთა 24 გადაცემა და კარში 4-ჯერ დაარტყა.
თუ პორტუგალიის ნაკრების ლიდერი კრიშტიანუ რონალდუ მიმდინარე მსოფლიოს ჩემპიონატზე გამოსვლას არ დაასრულებს, შესაძლოა, ამან მისი მომავალი კარიერა შეიწიროს. ამ განცხადებას აკეთებს ექიმი ნორონია, რომელსაც პორტუგალიელი ფეხბურთელი უპირობოდ ენდობა.
რონალდუს მუხლის ტრავმამ თავი შეახსენა, თუმცა ამჯერად გართულებული ფორმით.
მადრიდის „რეალის“ პორტუგალიელ ფეხბურთელს მედიკოსები მსოფლიოს ჩემპიონატის ჯგუფურ ეტაპზე გერმანიის ნაკრების წინააღმდეგ გამართული მატჩის (0:4) გამოტოვებას ურჩევდნენ, თუმცა რონალდუმ ექიმების რჩევა ყურად არ იღო, რამაც მისი მდგომარეობა კიდევ უფრო გააუარესა. პორტუგალიელთა კაპიტანს გუშინდელი ვარჯიშის ნაადრევად დასრულებაც მოუწია. თუ რონალდუ უახლოესი რამდენიმე კვირის განმავლობაში არ დაისვენებს, მის სამომავლო კარიერას სერიოზული საფრთხე შეექმნება.
