ბრიტანული „დეილი ექსპრესის“ ცნობით, დორტმუნდის „ბორუსიას“ ნახევარმცველმა მარკო როისმა „ლივერპულში“ გადასვლაზე უარი თქვა, რითაც მიუნხენის „ბაიერნის“ შანსი გაიზარდა.
წყაროს თანახმად, გერმანელი ფეხბურთელი მომდევნო ზაფხულს შესაძლოა სწორედ ბავარიულ კლუბში აღმოჩნდეს.
„ბაიერნი“ მზად არის, როისის სანაცვლოდ 35 მილიონი ევრო გაიღოს. გერმანელი ფეხბურთელის შესაძლო ტრანსფერის გაჩარხვით თავად ხოსეპ გვარდიოლა არის დაინტერესებული, რომელიც როისის ნიჭს დიდად აფასებს.
„ლივერპულმა“ მიუნხენის „ბაიერნის“ ნახევარმცველ ჯერდან შაქირისთან პირადი კონტრაქტის დეტალებზე შეთანხმებას ვერ მიაღწია.
შესაბამისად, სულ უფრო მცირდება იმის ალბათობა, რომ შვეიცარიელმა ფეხბურთელმა მერსისაიდულ გუნდს მიაშუროს. შექმნილ ვითარებას ყურადღებით აკვირდება იტალიური „რომა“, რომელიც ფეხბურთელის ხელში ჩასაგდებად გაჩაღებულ ბრძოლაში ჩართვას აპირებს.
ტრანსფერის ღირებულება 15 მილიონ ევროდ ფასდება.
შეგახსენებთ, რომ ჯერდან შაქირის არასაკმარისი სათამაშო პრაქტიკის გამო „ბაიერნის“ დატოვება სურს.
მიუნხენის „ბაიერნის“ მცველმა ჰოლგერ ბადშტუბერმა 2012 წლის დეკემბრის შემდეგ პირველი მატჩი ჩაატარა.
შეგახსენებთ, რომ გერმანელმა ფეხბურთელმა 2012 წლის ბოლოს დორტმუნდის „ბორუსიასთან“ გამართულ შეხვედრაში მუხლის მძიმე ტრავმა მიიღო, რის გამოც წელიწადნახევარი გაუცდა.
პარასკევს ბადშტუბერმა „ბაიერნის“ ფან-კლუბ „რედ ბარუნსის“ წინააღმდეგ გამართულ ამხანაგურ მატჩში დაახლოებით 60 წუთი ითამაშა. მატჩი ბავარიული კლუბის გამარჯვებით, ანგარიშით 3:0 დასრულდა. გოლები დავიდ ალაბამ (ორჯერ) და დანიელ ჰაგლერმა გაიტანეს.
როგორც მოსალოდნელი იყო, დღეს მადრიდის „რეალმა“ ოფიციალურად დაადასტურა ტონი კროოსის ტრანსფერი.
გერმანელმა ნახევარმცველმა „სამეფო კლუბთან“ ექვსწლიან კონტრაქტს მოაწერა ხელი.
„რეალში“ გადავედი, რითაც ჩემი ოცნება ახდა. კრიშტიანუ რონალდუ დიდებული ფეხბურთელია, თუმცა ამ კლუბში მხოლოდ ის არ თამაშობს“, – ციტირებს კროოსის სიტყვებს ესპანური გამოცემა „ასი“.
ტრანსფერის დეტალები არ ხმაურდება. არაოფიციალური ინფორმაციით, მადრიდელებმა კროოსის სანაცვლოდ 30 მილიონი ევრო გაიღეს. ფეხბურთელი ჯამაგირის სახით წელიწადში 6 მილიონ ევროს მიიღებს.
„რეალი“ კროოსს თბილისის დროით 19:00 საათზე წარადგენს.
გერმანული გამოცემა „ბილდი“ იუწყება, რომ ხუთშაბათს, 17 ივლისს მადრიდის „რეალი“ ტონი კროოსს ოფიციალურად წარადგენს.
წყაროს ცნობით, „სამეფო კლუბი“ 24 წლის გერმანელი ნახევარმცველის სანაცვლოდ 25 მილიონ ევროს იხდის. გავრცელებული ინფორმაციის თანახმად, მხარეებს შორის ხუთწლიანი კონტრაქტი გაფორმდება, კროოსი წელიწადში ხელფასის სახით 12 მილიონ ევროს მიიღებს.
მიუხედავად ამისა, ფეხბურთელის აგენტი ფოლკერ შტრუგი ამბობს, რომ ჯერ არაფერია გადაწყვეტილი.
„კროოსის მომავალი ჯერ არ გადაწყვეტილა. მინდა, ამაში ყველა დაგარწმუნოთ. სამშაბათს ერთმანეთს შევხვდებით და სამომავლო გეგმებს დავსახავთ“, – აღნიშნა აგენტმა.
გასულ სეზონში კროოსმა მიუნხენის „ბაიერნის“ ფორმით ყველა ტურნირზე ერთად 49 მატჩი ჩაატარა და ოთხი გოლი გაიტანა.
ბრაზილიაში გამართულ მსოფლიოს ჩემპიონატზე ტონი კროოსმა შვიდივე შეხვედრა ჩაატარა, მხოლოდ ერთხელ შეცვალეს – მეოთხედფინალურ ეტაპზე საფრანგეთის ნაკრების წინააღმდეგ გამართულ მატჩში. მუნდიალზე გერმანელმა ფეხბურთელმა ორი გოლი გაიტანა და ოთხი საგოლე გადაცემა გააკეთა.
დღეს მიუნხენის „ბაიერნმა“ კლუბის ახალწვეული რობერტ ლევანდოვსკი წარადგინა.
როგორც მოგეხსენებათ, დორტმუნდის „ბორუსიას“ ყოფილმა თავდამსხმელმა ბავარიულ კლუბთან წინასწარ შეთანხმებას იანვარში მიაღწია. კონტრაქტი ძალაში უკვე შევიდა, პოლონელი ფეხბურთელი „ბაიერნის“ სრულფასოვანი წევრია.
„თავს მშვენივრად ვგრძნობ. კარგად დავისვენე, ძალები აღვიდგინე. ამ მასშტაბის მქონე კლუბში უკეთ თამაში შემიძლია“, – ლევანდოვსკის სიტყვებს „ბაიერნის“ ოფიციალური ვებგვერდი აქვეყნებს.
რობერტ ლევანდოვსკი „ბაიერნში“ 9-ნომრიანი მაისურით ითამაშებს.
ესპანური გამოცემა „მარკა“ იუწყება, რომ მადრიდის „რეალმა“ მიუნხენის „ბაიერნის“ ნახევარმცველ ტონი კროოსთან შეთანხმებას მიაღწია. 24 წლის ფეხბურთელი უახლოეს პერიოდში „სამეფო კლუბთან“ ხუთწლიან კონტრაქტს მოაწერს ხელს, სეზონის განმავლობაში კი ჯამაგირის სახით 5 მილიონ ევროს მიიღებს.
ტრანსფერის საბოლოოდ გასაჩარხად „ბაიერნის“ თანხმობაღა დარჩა. კლუბებს შორის უკვე მიმდინარეობს მოლაპარაკებები. კროოსის სავარაუდო ტრანსფერი 25-30 მილიონ ევროდ ფასდება.
შეგახსენებთ, რომ გერმანელ ფეხბურთელს „ბაიერნთან“ მოქმედი კონტრაქტი ერთი წლის შემდეგ ეწურება. კროოსმა ცოტა ხნის წინათ მიანიშნა, რომ ხელშეკრულების გახანგრძლივებას არ აპირებს.
გერმანელი ფეხბურთელი „ბუნდესთიმთან“ ერთად ბრაზილიაში მიმდინარე მსოფლიოს ჩემპიონატზე იმყოფება.
გერმანული „კიკერის“ ცნობით, ტომას მიულერი მიუნხენის „ბაიერნში“ უკმაყოფილოა და მზად არის, „მანჩესტერ იუნაიტედს“ მიაშუროს.
გერმანელ თავდამსხმელს სურს, რომ უფრო მეტი სათამაშო დრო მიეცეს.
როგორც მოგეხსენებათ, „იუნაიტედის“ მთავარი მწვრთნელის პოსტზე აქტიურად განიხილება ლუი ვან გალის კანდიდატურა. გავრცელებული ინფორმაციით, მიულერის „ოლდ ტრაოფრდზე“ მიწვევა თავად ჰოლანდიელ სპეციალისტს სურს. ვან გალმა კარგად იცის მიულერის შესაძლებლობები. შეგახსენებთ, რომ გერმანელმა ფეხბურთელმა „ბაიერნის“ ძირითად შემადგენლობაში ადგილი სწორედ ჰოლანდიელი სპეციალისტის თავკაცობის დროს დაიმკვიდრა.
ბექა დოგრაშვილი
მიუნხენის „ბაიერნის“ წევრთა შეხვედრა შედგა, რომელზედაც კლუბის ახალ პრეზიდენტად პრაქტიკულად ერთხმად კარლ ჰოპფნერი აირჩიეს.
გამოკითხვაში კლუბის 1593 წარმომადგენელმა მიიღო მონაწილეობა. აქედან მხოლოდ ხუთმა პირმა მისცა ხმა ჰოპფნერის წინააღმდეგ, ერთმა კი თავი შეიკავა.
ამრიგად, „ბაიერნში“ ული ჰიონესის მემკვიდრედ ჰოპფნერი ხმათა 99,6 პროცენტით აირჩიეს.
შეგახსენებთ, რომ ბავარიულ კლუბში საპრეზიდენტო არჩევნების ჩატარება მას შემდეგ გახდა აუცილებელი, რაც ჰიონესს გერმანიის სასამართლომ გადასახადების დამალვისთვის სამწელიწადნახევრით თავისუფლების აღკვეთა მიუსაჯა.
დღეს, თბილისის დროით 22:45 საათზე სტარტს აიღებს უეფას ჩემპიონთა ლიგის ნახევარფინალურ ეტაპზე მადრიდის „რეალსა“ და მიუნხენის „ბაიერნს“ შორის გასამართი მატჩი. უკვე ცნობილია გუნდების სასტარტო შემადგენლობები:
„რეალი“: კასილასი, პეპე, სერხიო რამოსი, კოენტრაუ, კარვახალი, ალონსო, მოდრიჩი, ისკო, დი მარია, რონალდუ, ბენზემა.
„ბაიერნი“: ნოიერი, რაფინია, ბოატენგი, დანტე, ალაბა, ლამი, შვაინშტაიგერი, კროოსი, რობენი, რიბერი, მანჯუკიჩი.
მატჩს ჰოვარდ უების თავკაცობით ინგლისელ მსაჯთა ბრიგადა განსჯის.
მიუნხენის „ბაიერნის“ გენერალური დირექტორი კარლ-ჰაინც რუმენიგე იმედს გამოთქვამს, რომ მადრიდის „რეალის“ თავდამსხმელი კრისტიანუ რონალდუ გამოჯანმრთელებას მოასწრებს და უეფას ჩემპიონთა ლიგის ნახევარფინალურ ეტაპზე ბავარიული კლუბის წინააღმდეგ თამაშს შეძლებს.
„იმედი მაქვს, კრიშტიანუ რონალდუ ჩვენთან სათამაშოდ მზად იქნება. მომხრე ვარ იმისა, რომ გუნდებმა ერთმანეთის წინააღმდეგ ყოველთვის ოპტიმალური შემადგენლობით ითამაშონ. მიყვარს მსოფლიოს მასშტაბით საუკეთესო ფეხბურთელების თამაშის ცქერა. ფიფას თანახმად, რონალდუ საუკეთესოა.
„რეალის“ არ მეშინია. მადრიდში ჩვენ „შავ მონსტრს“ გვეძახიან. ეს იმას ნიშნავს, რომ პატივს გვცემენ. ასეთივე პატივს ვცემთ ჩვენ მათ“, – რუმენიგეს სიტყვებს Football Espana აქვეყნებს.
ჩემპიონთა ლიგის ნახევარფინალურ ეტაპზე „რეალსა“ და „ბაიერნს“ შორის პირველი მატჩი „სანტიაგო ბერნაბეუზე“, 23 აპრილს შედგება.
ბექა დოგრაშვილი
გერმანიის ბუნდესლიგის 30-ე ტურის ცენტრალური მატჩი „ალიანს არენაზე“ შედგა, სადაც მიუნხენის „ბაიერნმა“ გათამაშების მეორეადგილოსან დორტმუნდის „ბორუსიას“ უმასპინძლა. შეხვედრა სტუმართა დამაჯერებელი გამარჯვებით, ანგარიშით 3:0 დასრულდა. მატჩის შემდეგ ბავარიული გუნდის მთავარი მწვრთნელი ხოსეპ გვარდიოლა მის მიერ დაშვებული შეცდომის შესახებ საუბრობდა.
„ბორუსიას“ ვულოცავ. პირველ ტაიმში ჩვენი თამაში ვერ ვიპოვეთ. მეორე ნახევარშიც რაღაც გვაკლდა. აქამდე დაცვაში ძალზედ საიმედოდ ვთამაშობდით, მაგრამ „ბორუსიასთან“ ეს ვერ მოვახერხეთ. ალბათ შეცდომა დავუშვი, რაც იმაში მდგომარეობს, რომ ამ შეხვედრაში ცოტა სხვანაირად თამაში გადავწყვიტე. რაც არ უნდა იყოს, თავს იმით ვერ გავიმართლებ, რომ გუნდის როტაციას მივმართე“, – პეპ გვარდიოლას სიტყვებს Goal.com-ი აქვეყნებს.
ბექა დოგრაშვილი
