უჩვეულო ფაქტი მოხდა ბრაზილიის ჩემპიონატის 29-ე ტურში “შაპეკოენსესა” და “პალმეირასს” შორის გამართულ მატჩში (5:1). მე-15 წუთზე შეხვედრის მთავარმა არბიტრმა ჟაილსონ მასედუ ფრეიტასმა სტუმართა მცველ ედიგიუს წითელი ბარათი უჩვენა. წესის თანახმად, გაძევებულმა ფეხბურთელმა გასახდელ ოთახში გადაინაცვლა, თუმცა ოთხ წუთში მთავარმა არბიტრმა სარეზერვო მსაჯთან კონსულტაციის გავლის შემდეგ ედიგიუ მოედანზე დააბრუნა.
ოფიციალურ პროტოკოლში ეს ეპიზოდი არ შეუტანიათ.
ბრაზილიის ნაკრების მთავარმა მწვრთნელმა კარლოს დუნგამ ერთი კვირის წინათ წელს გასამართი კოპა ამერიკისთვის “სელესაოს” განაცხადი გამოაქვეყნა. დღეს კი, ბრაზილიელმა სპეციალისტმა გუნდში დამატებით კიდევ შვიდ ფეხბურთელს უხმო:
მეკარე: ნეტო (“ფიორენტინა”, იტალია);
მცველი: კარლოს ჟილი (“კორინთიანსი”).
ნახევარმცველები: ფელიპე ანდერსონი (“ლაციო”, იტალია), ფრედი (“შახტარი”, უკრაინა), რაფაელ ალკანტარა (“ბარსელონა”, ესპანეთი), კაკა (“ორლანდო სიტი”, აშშ).
თავდამსხმელი: ლეანდრო დამიაო (“კრუზეირო”).
პირველ ეტაპზე დუნგამ ბრაზილიის ნაკრებში შემდეგ ფეხბურთელებს უხმო:
მეკარეები: დიეგო ალვესი (“ვალენსია”, ესპანეთი), ჯეფერსონი (“ბოტაფოგო”), მარსელო გროე (“გრემიო”);
მცველები: დანილო (“პორტუ”, პორტუგალია), ფაბინიო (“მონაკო”, მონაკოს სამეფო/საფრანგეთი), ფილიპე ლუისი (“ჩელსი”, ინგლისი), მარსელო (“რეალი”, ესპანეთი), დავიდ ლუისი (“პარი სენ-ჟერმენი”, საფრანგეთი), მარკინიოსი (“პარი სენ-ჟერმენი”, საფრანგეთი), მირანდა (“ატლეტიკო”, ესპანეთი), ტიაგო სილვა (“პარი სენ-ჟერმენი”, საფრანგეთი);
ნახევარმცველები: ელიასი (“კორინთიანსი”), ფერნანდინიო (“მანჩესტერ სიტი”, ინგლისი), ლუის გუსტავო (“ვოლფსბურგი”, გერმანია), კაზემირო (“პორტუ”, პორტუგალია), ფილიპე კოუტინიო (“ლივერპული”, ინგლისი), ვილიანი (“ჩელსი”, ინგლისი), ევერტონ რიბეირო (“ალ აჰლი”, ეგვიპტე), დუგლას კოსტა (“შახტარი”, უკრაინა);
თავდამსხმელები: დიეგო ტარდელი (“შანდუნ ლუნენი”, ჩინეთი), ნეიმარი (“ბარსელონა”, ესპანეთი), რობერტო ფირმინიო (“ჰოფენჰაიმი”, გერმანია), რობინიო (“სანტოსი”).
შეგახსენებთ, რომ კოპა ამერიკა წელს ჩილეში ჩატარდება. ტურნირი 11 ივნისიდან 4 ივლისამდე პერიოდში გაიმართება.
ბრაზილიის ნაკრებში მსოფლიოს სამგზის ჩემპიონმა პელემ ქვეყნის ხელისუფლება მუნდიალისთვის მოსამზადებელ პერიოდში გასაკეთებელი საქმეების შეუსრულებლობისთვის გააკრიტიკა.
„ქვეყანას საკმარისი დრო ჰქონდა იმისთვის, რომ სტადიონები სრულ მზადყოფნაში მოეყვანა. მიუღებელი სიტუაციაა. ნამდვილი სირცხვილია!
ისიც უნდა აღვნიშნო, რომ ამასთან ბრაზილიის ნაკრებს არანაირი კავშირი არ აქვს. ყველაფერში დამნაშავე კორუფციაა. ცბიერმა ხალხმა სტადიონების მშენებლობისთვის გამოყოფილი თანხა მოიპარა, არენები კი ვერ აშენდა.
აქედან გამომდინარე, გასაგებია, რატომ არის ბრაზილიაში რთული პოლიტიკური ვითარება. ხალხს კორუფციასთან ბრძოლის უფლება აქვს“, – პელეს სიტყვები ბრიტანულმა „სანმა“ გამოაქვეყნა.
შეგახსენებთ, რომ მსოფლიოს ჩემპიონატის დაწყებამდე 22 დღეს დარჩა.
ბექა დოგრაშვილი
პორტუგალიის ნაკრების ყოფილ ნახევარმცველ ლუიშ ფიგუს ეჭვი ეპარება იმაში, რომ ესპანელები მსოფლიოს ჩემპიონის ტიტულს დაიცავენ. პორტუგალიელის თქმით, 2014 წლის მუნდიალის მთავარი ფავორიტი ბრაზილიის ნაკრებია.
„არა მგონია, ესპანეთის ნაკრებმა მსოფლიოს ჩემპიონატის მოგება მოახერხოს. ამ გუნდს გამარჯვებისთვის საჭირო ხარისხი არ გააჩნია. ესპანელებისთვის მუნდიალის მოგება რთული იქნება, თუმც არა შეუძლებელი.
ვფიქრობ, რომ ტურნირის მასპინძელ ბრაზილიას ჩემპიონობის ყველაზე დიდი შანსი აქვს. ლუიშ ფელიპე სკოლარის კარგად ვიცნობ. ის ამ ტიტულის მოსაპოვებლად ზედგამოჭრილი მწვრთნელია. ბრაზილიელ ფეხბურთელებს გულშემატკივართა მხრიდან გამხნევება გარანტირებული აქვთ. ბრაზილიის ნაკრების წინააღმდეგ თამაში ყველას გაუჭირდება.
რთული გზა აქვს პორტუგალიის ნაკრებსაც. ჩემს ქვეყანაში 11 მილიონი ადამიანი ცხოვრობს და ადვილია არ არის, იპოვო 18-20 პორტუგალიელი, რომელსაც მსოფლიოს ჩემპიონატის მოგება შეეძლება. ამასთან ერთად, გუნდი მნიშვნელოვნად არის დამოკიდებული კრიშტიანუ რონალდუზე“, – ფიგუს სიტყვებს goal.com-ი ციტირებს.
პორტუგალიელმა ჩემპიონთა ლიგის ფინალის შესახებაც ისაუბრა და აღნიშნა, რომ ფავორიტად მადრიდის „რეალს“ თვლის.
„ჩემი აზრით, ჩემპიონთა ლიგას „რეალი“ მოიგებს, რადგან კლუბმა ეს ტიტული უკანასკნელად 2002 წელს დაისაკუთრა, როცა ამ გუნდის ნაწილი მეც გახლდით. ასე რომ, ეს მატჩი მეტად მნიშვნელოვანია. იმედი მაქვს, „რეალი“ გაიმარჯვებს, თუმცა კარგად მოგეხსენებათ, რომ ფინალში ყველაფერი შესაძლებელია“, – განაცხადა ლუიშ ფიგუმ.
აქვე შეგახსენებთ, რომ „რეალსა“ და მადრიდის „ატლეტიკოს“ შორის ჩემპიონთა ლიგის ფინალური მატჩი 24 მაისს, თბილისის დროით 22:45 საათზე დაიწყება.
ბექა დოგრაშვილი
შვედეთის ნაკრების თავდამსხმელ ზლატან იბრაჰიმოვიჩს ბრაზილიაში ეპატიჟებიან. ბრაზილიელებმა სპეციალური ვიდეო დაამზადეს, რომლის მეშვეობითაც ისინი შვედ ფეხბურთელს მსოფლიოს ჩემპიონატზე დასწრებას სთხოვენ. გულშემატკივრებმა სპეციალური ჰეშთეგიც შექმნეს: #VEMIBRA შეგახსენებთ, რომ შვედეთის ნაკრები მუნდიალზე ვერ მოხვდა, თუმცა ბრაზილიელებს იმედი აქვთ, რომ ზლატანი მსოფლიოს ჩემპიონატს მაყურებლის რანგში მაინც დაესწრება. ვიდეოში იბრაჰიმოვიჩს ისეთი ფეხბურთელებიც მიმართავენ, როგორებიც არიან დანი ალვესი, რონალდო, ბებეტო, დენილსონი და სხვა.
მოგვიანებით იბრაჰიმოვიჩი ბრაზილიელებს სოციალური ქსელის მეშვეობით გამოეხმაურა: „ბრაზილია! ვფიქრობ, დაგეგმილი არდადეგების შეცვლა მომიწევს“.
ბრაზილიის პოლიციამ მსოფლიოს ჩემპიოანტის დაწყებამდე ერთი თვით ადრე დიდი რაოდენობით ცრემლსადენი გაზი და რეზინის ტყვიები შეიძინა. ამ საშუალებით აპირებენ სამართალდამცავები საპროტესტო აქციების აღკვეთას. შეგახსენებთ, რომ ბრაზილიაში საკმაოდ ხშირია მომიტინგეთა შეკრება, რამაც 2013 წელს კონფედერაციის თასის გათამაშების მიმდინარეობის დროსაც პრობლემები.
2014 წლის მსოფლიოს ჩემპიონატის დაწყებამდე 30 დღე დარჩა. ტურნირი 13 ივნისს, სან პაულოშიში გაიხსნება, სადაც ბრაზილიის ნაკრები ხორვატიას მიიღებს.
იხილეთ: 2014 წლის მსოფლიოს ჩემპიონატის კალენდარი
რამდენიმე დღის წინათ ფიფამ საკუთარ ჟურნალში 2014 წლის მსოფლიოს ჩემპიონატის ტურისტებისთვის რჩევების სია გამოაქვეყნა. „ბრაზილია დამწყებთათვის“ მოიცავს ათ პუნქტს და მოგვითხრობს ბრაზილიელთა კულტურის, მათი ჩვევების შესახებ. სიის რამდენიმე პუნქტმა იმდენად შეურაცხყო ბრაზილიელები, რომ ფიფას ინტერნეტ-სივრციდან მათი წაშლა მოუწია. სხვათა შორის, როგორც ამ სიიდან ირკვევა, ბრაზილიელები უარყოფითი თვისებებით ქართველებს ძალიან ჰგვანან.
აი, რამ გამოიწვია ბრაზილიელთა უკმაყოფილება:
● არაპუნქტუალობა: თუ ბრაზილიელები ერთმანეთს შეხვედრას 12:30 საათზე დაუნიშნავენ, 12:45 საათზე ადრე არ მივლენ;
● რიგები: ბრაზილიელებს ლოდინი ჭირის დღესავით სძულთ. რიგში ისინი მუდმივად ქაოსს აწყობენ;
● გზებზე ფეხით მოსიარულეებს ყურადღებასაც არ აქცევენ, ე.წ. „ზებრებზეც“ კი არ ატარებენ მძღოლები მოსიარულეებს. (გიხაროდენ! ეს მარტო ქართველების სენი არ ყოფილა – ავტ.);
● არ ისაუბროთ ესპანურად. სახელმწიფო ენა პორტუგალიურია. თუ ბრაზილიის დედაქალაქად ბუენოს-აირესს დაასახელებთ, ქვეყნიდან გაგაძევებენ;
● იქონიეთ მოთმინება: ბრაზილიაში ყველაფერს ბოლო წუთებში აკეთებენ. ეს სტადიონების მშენებლობასაც ეხება. ბრაზილიაში ცხოვრების მიმართ ასეთი დამოკიდებულება აქვთ: უნდა დაისვენო და დატკბე.
შეგახსენებთ, რომ 2014 წლის მსოფლიოს ჩემპიონატი 13 ივნისიდან 13 ივლისამდე პერიოდში ჩატარდება. ტურნირის დაწყებამდე 71 დღე დარჩა.
ბექა დოგრაშვილი
ჟურნალი Fanebi.com
რუბრიკა „ფეხბურთოლოგიის“ დღევანდელ ნაწილში გთავაზობთ მსოფლიო ფეხბურთის ისტორიიდან ოთხ საინტერესო ფაქტს: როგორ გააკეთა ფეხბურთელმა მატჩის დროს უნიკალური არქეოლოგიური აღმოჩენა, სად არის აკრძალული ფეხბურთის თამაში, რომელია ფეხბურთის ისტორიაში ყველაზე უხეში შეხვედრა და რატომ დაშალა ბრაზილიის შინაგან საქმეთა მინისტრმა ერთ-ერთი საფეხბურთო კლუბი.
იტალიის ქალაქ ასტიში ადგილობრივი კლუბის ცენტრალურმა თავდამსხმელმა მასკიომ ერთ-ერთი ამხანაგური მატჩიც მიმდინარეობისას ფეხი ბურთს ააცილა და მიწას დაჰკრა. დარტყმა იმდენად ძლიერი აღმოჩნდა, რომ ფეხბურთელმა ფეხი სერიოზულად დაიზიანა. შემთხვევის ადგილზე ჩონჩხი აღმოაჩინეს, რომელსაც ისტორიული ღირებულება გააჩნდა. მასკიომ ამ „არქეოლოგიური აღმოჩენისთვის“ ფულადი ჯილდო და სპეციალური პრიზიც მიიღო.
ფეხბურთი ოფიციალურად ექვს ქვეყანაში არის აკრძალული, მათ შორის – ავღანეთში, კამბოჯასა და გრენლანდიაში. ამერიკის შტატ იუტაში ფეხბურთის თამაში მხოლოდ იმ შემთხვევაშია დაშვებული, თუ მოედანი ეკლესიიდან არანაკლებ 1,5 მილის დაშორებითაა. ბეისბოლისთვის, გოლფისა და ამერიკული ფეხბურთისთვის ეს მანძილი 0,5 მილით განისაზღვრება.
1969 წლის 3 ნოემბერს, დიდ ბრიტანეთში ფეხბურთის ისტორიაში ყველაზე უდისციპლინო მატჩი გაიმართა. „ტონგჰემის ახალგაზრდულ კლუბსა“ (სურეი) და „ჰაუ-ლის“ (ჰანთსი) შორის შეხვედრა იმდენად უხეში გამოდგა, რომ მსაჯმა 22-ივე მოთამაშე დასაჯა, აქედან ერთ-ერთი ფეხბურთელი და გვერდითი არბიტრი სულაც საავადმყოფოში გააქანეს.
ბრაზილიური საფეხბურთო კლუბი „რა“, რომელსაც საკმაოდ კარგი შედეგები ჰქონდა, ქვეყნის შინაგან საქმეთა მინისტრმა დაშალა. საქმე იმაში გახლავთ, რომ გუნდი ძირითადად პოლიციელებისგან შედგებოდა და როდესაც მათი მონაწილეობით მატჩები იმართებოდა, მათ საგულშემატკივროდ სტადიონზე დანარჩენი პოლიციელებიც მიდიოდნენ. ამით სარგებლობდნენ ბოროტმოქმედნი და ქალაქში ქაოსს აწყობდნენ. სამაგიეროდ, ტრიბუნებზე იყო სამაგალითო წესრიგი.
ბექა დოგრაშვილი
ინტერნეტ-ჟურნალი Fanebi.com
ლეგენდარული ბრაზილიელი ფეხბურთელი ზიკო მიიჩნევს, რომ 2014 წლის მსოფლიოს ჩემპონატის მოგების ყველაზე კარგი შანსი ბრაზილიის ნაკრებს აქვს. მისი თქმით, „სელესაოს“ კონკურენციას ისევ სამხრეთამერიკული ნაკრებები გაუწევენ.
„თუ ჩვენი გუნდის ძირითადი ფეხბურთელები ტრავმებს არ მიიღებენ, მაშინ ბრაზილიის ნაკრები ტურნირის ერთ-ერთი მთავარი ფავორიტი იქნება. „სელესაოს“ ძირითადი კონკურენტები, ჩემი აზრით, იქნებიან არგენტინა, თავისი ლიონელ მესით და ურუგვაი, რომელსაც შესანიშნავ თავდამსხმელთა სამეული ჰყავს: ლუის სუარესი, დიეგო ფორლანი, ედინსონ კავანი. ასე რომ, ვფიქრობ, მუნდიალის თასი სამხრეთ ამერიკაში დარჩება“, – ზიკოს სიტყვებს „გლობო“ ციტირებს.
ბექა დოგრაშვილი
დროდადრო ბრაზილიის ფეხბურთის კონფედერაცია თავისი ფეხბურთელების შესახებ საარქივო მასალებს ასაჯაროებს ხოლმე. გთავაზობთ გამოჩენილი ბრაზილიელი ფეხბურთელების საარქივო მასალებს.
ნეიმარი
დენილსონი
ჟულიო ბაპტისტა
რობინიო
ლუსიო
კაკა
რონალდო
ჟუნინიო
რონალდინიო
ადრიანო
მიუხედავად იმისა, რომ დიეგო კოსტამ ბრაზილიის ეროვნული ნაკრების მაისურით ორ არაოფიციალურ მატჩში ითამაშა, მადრიდის „ატლეტიკოს“ თავდამსხმელმა ესპანეთს ფეხბურთის ფედერაციის წინადადება მიიღო.
როგორც ცნობილი გახდა, 25 წლის მოთამაშემ ოფიციალურ წერის მოაწერა ხელი, რომელშიც დაადასტურა, რომ ვისენტე დელ ბოსკეს გუნდის სასარგებლოდ ბრაზილიის ნაკრებში თამაშზე უარი თქვა.
სავარაუდოდ, „ფურია როხაში“ დიეგოს დებიუტო ნოემბრის თვეში შდგება, როდესაც ესპანელები ამხანაგურ მატჩებს ჩაატარებენ.
ალექსანდრე მატევოსოვი
