ლუის ენრიკეს მოთამაშეები მადრიდის „რეალთან“ პრინციპული მატჩის წინ საკმაოდ კარგ განწყობაზე არიან, რაზეც მათი ერთ-ერთი ბოლო ვარჯიშის ამსახველ ვიდეოც მეტყველებს.
ჭდე: F.C. Barcelona
ბეილი „ლივერპულთან“ მატჩსა და „ელ კლასიკოს“ გამოტოვებს?
მადრიდის „რეალის“ ნახევარმცველი გარეთ ბეილი უელსის ნაკრების შემადგენლობაში მიღებული ტრავმის გამო, დიდი ალბათობით, „ლივერპულთან“ უეფა-ს ჩემპიონთა ლიგის ჯგუფური ეტაპის ემსამე ტურის მატჩს გამოტოვებს.
გარდა ამისა, შესაძლოა, გარეთმა ვერც კატალონიის „ბარსელონასთან“ პრინციპულ შეხვედრაში ითამაშოს, რომელიც 25 ოქტომბერს გაიმართება.
„რეალმა“ მოთამაშის ტრავმა უკვე დაადასტურა, თუმცა მისი გამოჯანმრთელების ვადის შესახებ ამჟამად ცნობილი არაფერია.
რონალდინიო: „მანჩესტერ იუნაიტედში“ გადასვლამდე სულ ცოტა დამაკლდა“
ბრაზილიელმა ფეხბურთელმა რონალდინიო განაცხადა, რომ 2003 წელს შეეძლო, „ბარსელონას“ ნაცვლად, „მანჩესტერ იუნაიტედში“ აღმოჩენილიყო.
„თითქმის უკვე „იუნაიტედში“ ვიყავი გადასული. შესაძლებელი იყო, 48 საათში ყველაფერი გადაწყვეტილიყო, თუმცა სანამ „წითელი ეშმაკებისგან“ წინადადებას მივიღებდი, მანამდე ჟოან ლაპორტამ მკითხა, გადავიდოდი თუ არა „ბარსელონაში“, თუ ის კლუბის პრეზიდენტი გახდებოდა. მე ვუპასუხე, რომ გადავიდოდი.
„იუნაიტედთან“ მცირე დეტალებიღა იყო შესათანხმებელი, როცა ლაპორტამ დამირეკა და მითხრა, რომ საპრეზიდენტო არჩევნებს იგებდა. როგორც გითხარით, შეპირებული ვიყავი, თუ ის გახდებოდა პრეზიდენტი, კატალონიურ გუნდში გადავიდოდი. ინგლისელებს ვუთხარი, რომ არჩევანი „ბარსელონაზე“ გავაკეთე.
ეს მართებული არჩევანი იყო. ბრაზილიელებს „ბარსელონა“ ყოველთვის უყვარდათ. ამ კლუბში ჩვენც გვაქვს ჩვენი ისტორია. ფეხბურთი გვერდზე რომ გადავდოთ, ბარსელონას მსგავსი ქალაქი ევროპაში არ მოიძებნება. ბედნიერი ვარ, რომ კატალონიურ გუნდში ვითამაშე“, – განაცხადა რონალდინიომ FourFourTwo-ს ჟურნალისტთან საუბრისას.
„ატლეტიკო“ — ჩემპიონთა ლიგის ნახევარფინალში პირველად 40 წლის შემდეგ
ჩემპიონთა ლიგის მიმდინარე გათამაშებას გამოეთიშა ტურნირის ერთ-ერთ ფავორიტად დასახელებული „ბარსელონა“, რომელმაც მადრიდის „ატლეტიკოს“ ბარიერის დაძლევა ვერ მოახერხა.
ამრიგად, „ბარსელონა“ 2007 წლის შემდეგ პირველად ვერ ითამაშებს ჩემპიონთა ლიგის ნახევარფინალურ ეტაპზე. სათქმელია ისიც, რომ ამ შვიდი წლის განმავლობაში კატალონიელებმა ორჯერ მოიგეს ევროპის ყველაზე პრესტიჟული საკლუბო ტურნირი (2008–09, 2010-11), ხოლო როცა „ბარსელონა“ უტიტულოდ რჩებოდა, თასს ის გუნდი იგებდა, რომელიც ნახევარფინალურ ეტაპზე სწორედ კატალონიელთა ბარიერს სძლევდა. ასე მოხდა „მანჩესტერ იუნაიტედის“ (2007-08), მილანის „ინტერის“ (2009-10), ლონდონის „ჩელსისა“ (2011-12) და მიუნხენის „ბაიერნის“ (2012-13) გაჩემპიონების შემთხვევაში.
რაც შეეხება „ატლეტიკოს“, მადრიდელები უკანასკნელი 40 წლის მანძილზე პირველად გავიდნენ ჩემპიონთა ლიგის (თასის) ნახევარფინალურ ეტაპზე. უკანასკნელად ეს მათ 1973-74 წლების სეზონში მოახერხეს.
ცნობისათვის, ჩემპიონთა ლიგის ნახევარფინალური ეტაპის წილისყრა 11 აპრილს შედგება.
ბექა დოგრაშვილი
ბრაზილიელების გოლები და ფრე „ნოუ კამპზე“
ჩემპიონთა ლიგის მეოთხედფინალურ ეტაპზე „ბარსელონამ“ მადრიდის „ატლეტიკო“ მიიღო. მატჩი ფრედ, ანგარიშით 1:1 დასრულდა.
აღსანიშნავია, რომ მადრიდელთა გოლეადორის, დიეგო კოსტას თამაში საეჭვო იყო, თუმცა გაესპანელებული ბრაზილიელი თავდამსხმელი სასტარტო განაცხადში მაინც მოხვდა. როგორც აღმოჩნდა, დიეგო სიმეონემ არასწორი გადაწყვეტილება მიიღო, რადგან კოსტამ პირველი ტაიმის შუაწელს ტკივილი იგრძნო და ტრავმის გამო მოედნის ნაადრევად დატოვება მოუწია. მის ნაცვლად თამაშში ბრაზილიელი დიეგო ჩაერთო. მანამდე ტრავმის გამო კატალონიელებს ხერარ პიკე გამოაკლდათ. შეხვედრის პირველი ნახევარი უგოლოდ გაილია. სამაგიეროდ, გულშემატკივრებმა მეორე ტაიმში იხილეს გოლები: 56-ე წუთზე შეცვლაზე შემოსულმა დიეგომ შორი მანძილიდან უძლიერესი დარტყმით მეკარე პინტოს ახლო ზედა კუთხეში გაუტანა. ბრაზილიელ ფეხბურთელს გოლი მართლაც რომ თვალსასეირო გამოუვიდა.„ბარსელონა“, ტრადიციულად, ბურთს ფლობდა და მათ ტერიტორიულ უპრატესობას გოლიც მოჰყვა: 71-ე წუთზე ანდრეს ინიესტამ მახვილგონივრული გადაცემით ხელსაყრელ გაიყვანა ნეიმარი, ამ უკანასკნელმაც არ დაახანა და ანგარიში გაათანაბრა — 1:1. მატჩის მიწურულს გამარჯვების გოლის გატანის შესაძლებლობა ლიონელ მესის მიეცა, თუმცა მის მიერ შესრულებულ საჯარიმო დარტყმულს კურტუა გაუმკლავდა.
საბოლოოდ, შეხვედრა ფრედ 1:1 დასრულდა. ყველაფერი კი საპასუხო მატჩში გაირკვევა, რომელიც 9 აპრილს, „ვისენტე კალდერონზე“ შედგება.
უეფას ჩემპიონთა ლიგა
მეოთხედფინალი (პირველი მატჩი)
„ბარსელონა“ — „ატლეტიკო“ 1:1 (0:0)
„ბარსელონა“: პინტო, დანი ალვესი, პიკე (ბარტრა 12′), ალბა, მასკერანო, ფაბრეგასი (ალექსის სანჩესი 68′), ინიესტა, ჩავი, ბუსკეტსი, მესი, ნეიმარი.
მთავარი მწვრთნელი: ხერარდო მარტინო.
„ატლეტიკო“: კურტუა, მირანდა, ხუანფრანი, ფილიპე ლუისი, გოდინი, ტიაგო, გაბი, თურანი (როდრიგესი 77′), კოკე, ვილია (სოსა 70′), დიეგო კოსტა (დიეგო 30′)
მთავარი მწვრთნელი: დიეგო სიმეონე.
გოლები: ნეიმარი 71′ — დიეგო 56′.
გაფრთხილებები: ინიესტა 56′, ალბა 58′ —კოკე 19′, გაბი 38′, თურანი 44′, ხუანფრანი 52′, დიეგო 79′, სოსა 90+2′.
მთავარი მსაჯი: ფელიქს ბრიხი (გერმანია).
ბექა დოგრაშვილი
„ელ კლასიკოს“ კონკურსის გამარჯვებულები
სპორტულმა ინტერნეტ-პორტალმა Fanebi.com-მა მადრიდის „რეალსა“ და „ბარსელონას“ შორის გამართულ მატჩთან დაკავშირებით კიდევ ერთი დამატებითი კონკურსი შემოგთავაზათ. ჩვენს პორტალზე დარეგისტრირებულ მომხმარებელს უშუალოდ ამ შეხვედრის გვერდზე უნდა დაეწერა „europe-bet.com“ და მატჩის შესაძლო შედეგი („რეალის“ მოგება / ფრე / „ბარსელონას“ მოგება).
პირველი 100 სწორი პასუხის ავტორისთვის „ევროპაბეთის“ ანგარიშზე 2 ლარი იყო გათვალისწინებული. დღეს ჩატარებული ანალიზის შედეგად, გამარჯვებულად ცხადდება 37 მომხმარებელი. შესაბამისად, აღნიშნულ 37 მომხმარებელს დაერიცხება „ევროპაბეთის“ ანგარიშზე თანხა, თუმცა, სამწუხაროდ, ყველას არ აქვს მითითებული პინ-კოდი. კვლავინდებურად შეგახსენებთ, რომ საკუთარ პროფილში არსებულ ველში „ჩემს შესახებ“ – უნდა მიუთითოთ „ევროპაბეთის“ პინი, რათა გამარჯვებულს მოგებული თანხა დაერიცხოს.
თქვენს პროფილში გადასასვლელად ეს ბმული გამოიყენეთ — http://fanebi.com/user_profile/
რაც შეეხება გამარჯვებულთა სიას, ის ასე გამოიყურება:
mamuka151551 – 2 ლარი
I8K8A – 2 ლარი
Neymar. – 2 ლარი
Dimano – 2 ლარი
nona151551 – 2 ლარი
alain_bernard – 2 ლარი
temo151551 – 2 ლარი
badri1990badri – 2 ლარი
komunichi – 2 ლარი
vatooo – 2 ლარი
murtazi – 2 ლარი
giobagdo – 2 ლარი
mari151551 – 2 ლარი
lashikovski16 – 2 ლარი
nia – 2 ლარი
DOMENA – 2 ლარი
jabaaa – 2 ლარი
gia chichinadze – 2 ლარი
acm – 2 ლარი
xucika – 2 ლარი
CONTINUE2000 – 2 ლარი
nagana – 2 ლარი
sua9 – 2 ლარი
D A V I T I – 2 ლარი
milanista – 2 ლარი
berika77 – 2 ლარი
ajax – 2 ლარი
niblia – 2 ლარი
wtengo – 2 ლარი
sergosg8 – 2 ლარი
baneta – 2 ლარი
kaxa1997 – 2 ლარი
crazyoig – 2 ლარი
luka – 2 ლარი
we are cules – 2 ლარი
malxaz_777 – 2 ლარი
keraqera – 2 ლარი
ამ 37 მომხმარებლიდან რვას არ აქვს მითითებული საკუთარი პინი.
ეს მომხმარებლები არიან: Dimano, murtazi, nia, jabaaa, sua9, D A V I T I, baneta, crazyoig. მათ პინ-კოდის მისათითებლად ვაძლევთ ვადას 00:00 საათამდე. წინააღმდეგ შემთხვევაში, მათ ანგარიშზე თანხა ვერ დაირიცხება.
„ელ კლასიკოზე“ დასასწრები ყველა ბილეთი გაყიდულია
როგორც მოგეხსენებათ, ესპანეთის პრიმერადივიზიონის 29-ე ტურის ცენტრალური მატჩი „სანტიაგო ბერნაბეუზე“ შედგება, სადაც მადრიდის „რეალი“ „ბარსელონას“ მიიღებს.
23 მარტს გასამართი შეხვედრა გულშემატკივართა დიდ ინტერესს იწვევს. ესპანური „ასის“ ცნობით, ბაზარზე გამოტანილი ყველა ბილეთი უკვე გაყიდულია. ბილეთების ღირებულება 70-დან 340 ევრომდე მერყეობდა.
ამ დროისთვის ბილეთების შეძენა მხოლოდ „შავ ბაზარზეა“ შესაძლებელი, სადაც მათი ფასი 300-დან 900 (!) ევრომდე აღწევს.
მატჩი „რეალსა“ და „ბარსელონას“ შორის 24 მარტს, 00:00 საათზე დაიწყება. შეხვედრას ალბერტო უნდიანო მალიენკო განსჯის.
ბექა დოგრაშვილი
სერხიო რამოსი: „ახლა „ბარსელონასი“ ისე აღარ ეშინიათ, როგორც ადრე“
ესპანეთის პრიმერადივიზიონის 29-ე ტურის ცენტრალური მატჩი „სანტიაგო ბერნაბეუზე“ შედგება, სადაც მადრიდის „რეალი“ „ბარსელონას“ მიიღებს. „სამეფო კლუბის“ მცველი სერხიო რამოსი მიიჩნევს, რომ კატალონიური კლუბის კრიზისზე საუბარი გადაჭარბებულია.
„ბარსელონას“ კრიზისზე აქტიური საუბრები მიმდინარეობს, თუმცა კატალონიელები ესპანეთის თასის ფინალში გავიდნენ, ჩემპიონთა ლიგის მეოთხედფინალური ეტაპის საგზური მოიპოვეს და მხოლოდ ოთხი ქულით ჩამორჩებიან ესპანეთის ჩემპიონატის სატურნირო ცხრილის ლიდერს.
ერთადერთი რამ, რაც შეიცვალა, ეს შიშის ფაქტორია. ახლა სხვა კლუბებს „ბარსელონასი“ ისე აღარ ეშინიათ, როგორც ადრე. ძალიან კარგი იქნება, თუ კატალონიელებს დავამარცხებთ. ეს ისტორიული დაპირისპირებაა. „რეალი“ სტაბილურად მაღალ დონეზე თამაშობს და ვეცდებით, რომ ასე გავაგრძელოთ“, – რამოსის სიტყვები „ასმა“ გამოაქვეყნა.
მატჩი „რეალსა“ და „ბარსელონას“ შორის 24 მარტს, 00:00 საათზე დაიწყება.
ბექა დოგრაშვილი
„ატლეტიკოს“ დირექტორმა წილისყრის შედეგები შეაფასა
მადრიდის „ატლეტიკოს“ დირექტორმა კლემენტე ვალვერდემ უეფას ჩემპიონთა ლიგის მეოთხედფინალური ეტაპის წილისყრის შედეგები შეაფასა.
შეგახსენებთ, რომ მადრიდული კლუბი „ბარსელონას“ დაუპირისპირდება
„მეტოქედ „ბარსა“ შეგვხვდა და ვეცდებით, რომ ეს ბარიერიც დავძლიოთ. ჩვენი გუნდი თავისი თამაშით ერთიანობასა და შეუპოვრობას აჩვენებს. ჩვენთან თამაში ყველასთვის რთული იქნება“, – ციტირებს ვალვერდეს სიტყვებს უეფას ოფიციალური ვებ-გვერდი.
„ბარსელონას“ და „ატლეტიკოს“ შორის პირველი მატჩი პირველ აპრილს, „ნოუ კამპზე“ შედგება, განმეორებითი კი – 9 აპრილს, „ვისენტე კალდერონზე“.
ბექა დოგრაშვილი
ჩემპიონთა ლიგის მეოთხედფინალის წილისყრის შედეგები
შვეიცარიის ქალაქ ნიონში მდებარე უეფას შტაბ-ბინაში დასრულდა ჩემპიონთა ლიგის მეოთხედფინალური ეტაპის წილისყრა. მატჩები 1-2 და 8-9 აპრილს შედგება.
გუნდები შემდეგნაირად დაწყვილდნენ.
 |
„ბარსელონა“ — „ატლეტიკო“ |  |
 |
„რეალი“ — „ბორუსია“ |  |
 |
„პარი სენ-ჟერმენი“ — „ჩელსი“ |  |
 |
„მანჩესტერ იუნაიტედი“ — „ბაიერნი“ |  |
„ბარსელონას“ სატრანსფერო მიზნები
გამოცემა „ელ მუნდო დეპორტივომ“ „ბარსელონას“ სატრანსფერო სამიზნეთა სია გამოაქვეყნა. კატალონიელთა მთავარი მიზანი გუნდის დაცვითი ხაზის გაძლიერება იქნება. წყაროს ცნობით, ხერარდო მარტინო „ბარსელონას“ მთავარი მწვრთნელის პოსტზე დარჩება.
მეკარე მარკ-ანდრე ტერ შტეგენის გარდა, კატალონიური კლუბი შემდეგი ფეხბურთელების გადაბირებას შეეცდება:
აიმერიკ ლიპორტე („ატლეტიკი“), მატეო მუსაჩიო („ვილიარეალი“), ფაბიან შერი („ბაზელი“), ფედერიკო ფასიო („სევილია“), დავიდ ლუისი („ჩელსი“), ინიგო მარტინესი („რეალ სოსიედადი“), მატს ჰუმელსი (ბორუსია“), იან ვერტონგენი („ტოტენჰემი“), კამილო სუნიგა („ნაპოლი“), არტურო ვიდალი („იუვენტუსი“), ილკაი გიუნდოგანი („ბორუსია“), ხუან კუარდადო („ფიორენტინა“), თომას მიულერი, ტონი კროოსი (ორივე – „ბაიერნი“), ბრუნო („ვილიარეალი“), რამირესი („ჩელსი“), კოკე („ატლეტიკო“).
პელეგრინი: „დისკვალიფიკაციას არ ვიმსახურებდი“
Fanebi.com-ის მკითხველს მოეხსენება, რომ „მანჩესტერ სიტის“ მთავარი მწვრთნელი მანუელ პელეგრინი ჩემპიონთა ლიგის მერვედფინალურ ეტაპზე, „ბარსელონას“ წინააღმდეგ გამართული შეხვედრის (0:2) შემდეგ გაკეთებული განცხადების გამო უეფამ ორმატჩიანი დისკვალიფიკაციით დასაჯა. „ქალაქელთა“ თავკაცმა მთავარი არბიტრი იონას ერიქსონი მკაცრად გააკრიტიკა. „სიტის“ დამრიგებლის თქმით, შვედი მსაჯი არაობიექტური იყო, მთელი შეხვედრის განმავლობაში კატალონიური გუნდის მხარეს იჭერდა და საერთოდაც, მან გადაწყვიტა მატჩის ბედი. პელეგრინის განცხადებით, ერიქსონმა მასპინძელთა კარის მიმართულებით შეცდომით დანიშნა პენალტი, არც მცველი მარტინ დემიკელისი უნდა გაეძევებინა მოედნიდან. „ქალაქელთა“ დამრიგებელი თვლის, რომ დისკვალიფიკაციას არ იმსახურებს.
„არა მგონია, ორმატჩიან ან სამმატჩიან დისკვალიფიკაციას ვიმსახურებდე. აღნიშნული მატჩიდან ორი დღის შემდეგ გამართულ პრესკონფერენციაზე ვთქვი, რომ არასწორად მოვიქეცი. ამის მიუხედავად, მე კვლავ ვთვლი, რომ იმ ეპიზოდში პენალტი არ ყოფილა. დანიშნულმა თერთმეტმეტრიანმა დარტყმამ თამაშის მიმდინარეობაზე იმოქმედა.
აღარ ვაპირებ ამ თემის განხილვას. ამის შემდეგ მოვიფიქრებ, როგორ ვიმოქმედო მომავალში“, – ციტირებს პელეგრინის სიტყვებს itv.