ლეგენდარული იტალიელი მეკარე, დინო ძოფი აცხადებს, რომ ტურინის “იუვენტუსის” კარის დარაჯი, ჯანლუიჯი ბუფონი მსოფლიოში კვლავაც საუკეთესოა.
“ჩემი აზრით, ჯიჯი იტალიაში, ევროპაში და მთლიანად მსოფლიოში გამორჩეულია, ის საუკეთესო მეკარეა. რაც შეეხებათ ანდრეა კონსილისა და ანტონიო მირანტეს, ისინი პატარები აღარ არიან, ხოლო მატია პერინის ძალიან მეიმედება. ვფიქრობ, ისიც ბუფონის მსგავსად, არაერთ წარმატებას მიაღწევს”, – ამბობს ძოფი.
რუსეთის ნაკრების მთავარმა მწვრთნელმა ფაბიო კაპელომ ახლანდელი „იუვენტუსი“ იმ „იუვენტუსს“ შეადარა, რომელსაც 2004-2006 წლებში თავად წვრთნიდა. ფეხბურთის იტალიელი სპეციალისტი ამბობს, რომ ტურინელთა ამჟამინდელი თავკაცი ანტონიო კონტე უკეთეს შედეგს აჩვენებს, ვიდრე თავის დროზე მას ჰქონდა. აღსანიშნავია, რომ ორივე მწვრთნელის თავკაცობით „იუვენტუსმა“ იტალიის ჩემპიონატის ზედიზედ ორჯერ მოიგო.
„კონტე იტალიაში საუკეთესო მწვრთნელია. მან ეს გუნდის მიერ უკანასკნელ პერიოდში ნაჩვენები შედეგებით დაამტკიცა. კონტე თავს არ ზოგავს იმისთვის, რომ „იუვენტუსს“ გამარჯვებულის მენტალიტეტი დაუბრუნოს. თქმა არ უნდა იმას, რომ ევროპაში უფრო სერიოზული კონკურენციაა, ვიდრე იტალიაში, თუმცა ანტონიოს ევროპულ დონეზეც შეუძლია მაღალი დონის ჩვენება. „იუვეს“ ბოლოდროინდელ სტატისტიკას გადავხედე და დავრწმუნდი, რომ ციფრები არ იტყუებიან – კონტეს „იუვენტუსი“ უკეთესია, ვიდრე ჩემი იყო“, – კაპელოს სიტყვები იტალიურმა გამოცემა „ტუტოსპორტმა“ გამოაქვეყნა.
მოგეხსენებათ, 5 იანვარს იტალიის სერია A მე-18 ტურით განახლდება, რომლის ცენტრალური მატჩიც „იუვენტუსსა“ და „რომას“ შორის შედგება. როგორც მოგეხსენებათ, კაპელოს ორივე გუნდში აქვს ნამუშევარი. იტალიელმა სპეციალისტმა აღნიშნული შეხვედრის შესახებაც გააკეთა კომენტარი.
„თუ ტურინელები „რომას“ დაამარცხებენ, მაშინ მათ შორის სხვაობა 8 ქულამდე გაიზრდება და ამის აღმოფხვრა რთული იქნება. ჩემი გული ნახევრად არის გაყოფილი – დაუვიწყარი დრო გავატარე რომშიც და ტურინშიც“, – განაცხადა კაპელომ.
ბექა დოგრაშვილი
ცნობილი იტალიელი სპეციალისტის, ამჟამად რუსეთს ნაკრების თავკაცის, ფაბიო კაპელოს აზრით, ამჟამად იტალიის საუკეთესო მწვრთნელი ტურინის „იუვენტუსის“ დამრიგებელი ანტონიო კონტეა.
„კონტე გუნდში გამარჯვებულის მენტალიტეტით მაშინ მივიდა, როდესაც „იუვენტუსს“ არც თუ ისე კარგი პერიოდი ჰქონდა. ამ მომენტისთვის, კონტე – იტალიის საუკეთესო მწვრთნელია. მე ამას მისი შედეგებიდან გამომდინარე ვამბობ. საუკეთესოა თუ არა იგი ევროპაში? ამ პასუხზე კითხვის გასაცემად კიდევ რამდენიმე წელიწადი დაგვჭირდება. დღეს ამ წოდებისთვის დიდი კონკურენციაა“, – განაცხადა კაპელომ.
ალექსანდრე მატევოსოვი
ტურინის „იუვენტუსის“ მეკარემ ჯანლუიჯი ბუფონმა 2013 წლის „ოქროს ბურთის“ პრეტენდენტთა შანსები შეაფასა და თავისი ფავორიტებიც დაასახელა.
„ვფიქრობ, გუნდური ტიტულები ყველაზე მნიშვნელოვანია. რიბერის უპირატესობა სწორედ ამაში აქვს, 2013 წელს „ბაიერნთან“ ერთად მან ყველა ტურნირი მოიგო, რომელშიც მონაწილეობა ჰქონდა მიღებული. თანაც, ფრანკმა ამ ტიტულების მოგებაში თავისი წვლილი შეიტანა. იგი დიდი ჩემპიონია.
თუმცა, რა თქმა უნდა, აღსანიშნავია, კრიშტიანუ რონალდუც, რომელიც დღესდღეობით სხვებზე უკეთესად თამაშობს. ყველაფრის მიუხედავად, ვთვლი, რომ საუკეთესოდ საუკეთესოთა შორის კვლავ მესი რჩება“, – აცხადებს ჯიჯი.
ალექსანდრე მატევოსოვი
ტურინის “იუვენტუსის” გამოცდილი მეკარე ჯანლუიჯი ბუფონი გუნდის მთავარ მწვრთნელ ანტონიო კონტეს აქებს და ამბობს, რომ ის ფეხბურთელებს დამატებით მოტივაციას აძლევს.
შეგახსენებთ, რომ დუბაიში, კონტემ წლის საუკეთესო მწვრთნელის წოდება მიიღო.
“ანტონიო ძალიან ძლიერი ტაქტიკოსია, ის ფეხბურთელებს დამატებით მოტივაციას გვაძლევს. “იუვენტუსი” საკმაოდ ძლიერი გუნდია და რა თქმა უნდა, ასეთი გუნდის გაწვრთნა ძალიან ძნელია”, – ამბობს ბუფონი.
ტურინის “იუვენტუსის” ნახევარმცველი, კვადვო ასამოა აცხადებს, რომ 2013 წელს, ოქროს ბურთს მადრიდის “რეალის” პორტუგალიელი ფეხბურთელი, კრიშტიანო რონალდუ იმსახურებს.
შეგახსენებთ, რომ რონალდუმ 2013 წელს, “სამეფო კლუბის” მაისურით 69 გოლის გატანა მოახერხა და ოქროს ბურთის მოპოვების მთავარ კანდიდატადაც ის ითვლება.
“მე რომ მკითხოთ, ოქროს ბურთს რონალდუ იმსახურებს. მან ბრწყინვალე წელი ჩაატარა და ვფიქრობ, საუკეთესო ფეხბურთელის წოდებასაც იმსახურებს”, – ამბობს ასამოა.
პსჟ”-ს ნახევარმცველი ტურინელებს შეუთანხმდა.
ფრანგი ნახევარმცველი, ჟერემი მენეზი, პირადი კონტრაქტის თაობაზე, “იუვენტუსს” შეუთანხმდა. ფეხბურთელი ტურინში მომავალ ზაფხულს თავისუფალი აგენტის სტატუსით გადაბარგდება.
თუმცა, “იუვენტუსი” შესაძლოა სეზონის დასრულებას არ დაელოდოს და სატრანსფერო ფანჯრის გახსნისთანავე გადაუხადოს ფეხბურთელის სანაცვლოდ პარიზელებს გარკვეული ოდენობის თანხა.
მიმდინარე სეზონში, ჟერემი მენეზმა “პსჟ”-ს მაისურით ცხრა შეხვედრა ჩაატარა. 26 წლის ფეხბურთელის ანგარიშზე ორი გატანილი გოლი და ერთი შედეგიანი გადაცემაა.
ტურინის “იუვენტუსის” ნახევარმცველი, არტურო ვიდალი აცხადებს, რომ მას კლუბთან ერთად ტიტულების მოგება სურს.
შეგახსენებთ, რომ “ბიანკონერიმ” ჩემპიონთა ლიგის ჯგუფური ეტაპიდან გასვლა ვერ მოახერხა, ამრიგად კონტეს შეგირდებს საკუთარი შესაძლებლობების გამოვლენა ევროპის ლიგაზე მოუწევთ.
“დიდი სურვილი მაქვს, რომ “იუვენტუსთან” ერთად ბევრი ტიტული მოვიგო. გამიხარდება, თუ ევროპის ლიგაზე საუკეთესონიც ჩვენ გავხდებით”, – აცხადებს ვიდალი.
ტურინის “იუვენტუსის” ნახევარმცველი, კლაუდიო მარკიზიო აცხადებს, რომ ჩემპიონთა ლიგიდან გამოვარდნა სამწუხაროა, თუმცა “ბიანკონერის” ფეხბურთელები ევროპის ლიგის მოგებას შეეცდებიან.
“სამწუხაროა, რომ ჩემპიონთა ლიგიდან გამოვვარდით, მაგრამ რაც მოხდა, იმას ვეღარ შევცვლით. ვფიქრობ, საინტერესო იქნება, როგორ ვიასპარეზებთ ევროპის ლიგაზე. რა თქმა უნდა, ამ ტურნირის მოგება გვინდა. ცხადია, ევროპის ლიგაზე, გამარჯვების მოპოვება ადვილი არ იქნება, ამიტომ ყველა მატჩს დიდი ყურადღება უნდა დავუთმოთ”, – ამბობს მარკიზიო.
ტურინის „იუვენტუსის“ მეკარემ ჯანლუიჯი ბუფონმა აღიარა, რომ ჩემპიონთა ლიგის მოგებაზე ოცნებობს.
„მრავალი წლის განმავლობაში უეფა-ს ჩემპიონთა ლიგის მოგებაზე ვოცნებობ. ეს ოცნება ჯერ კიდევ ბავშვობაში მქონდა. ეს ჩემი მთავარი მიზანია და იმედი მაქვს, მას ოდესმე მივაღწევ“, – აღნიშნა ბუფონმა.
„ჩვენ გვყავს გუნდი, რომელსაც ევროპაში წარმატებით თამაში შეუძლია. ამავე დროს, სათქმელია, რომ „ბაიერნს“, „ბარსელონასა“ და „რეალს“ ამჟამად მეტი ვარსკვლავი ჰყავს. ამ სეზონში ვაჩვენეთ, რომ საერთაშორისო ტურნირებზე გამოსვლა შეგვიძლია“, – დაასრულა „ბიანკონერის“ კაპიტანმა.
შეგახსენებთ, რომ თურქულ „გალათასარაისთან“ მარცხის შედეგად, ტურინელებმა ევროპის ყველაზე პრესტიჟული საკლუბო ტურნირის ჯგუფური ეტაპიდან გასვლა ვერ მოახერხეს.
ალექსანდრე მატევოსოვი
თურქული “ტრაბზონსპორის” პრეზიდენტმა, ეთჰემ ჰაჯიოსმანოღლუმ განაცხადა, რომ მის გუნდს “იუვენტუსთან” გამარჯვების ყველა შანსი აქვს. ევროპა ლიგის დღევანდელმა წილისყრამ ეს ორი გუნდი მეთექვსმეტედფინალში შეახვედრა ერთმანეთს.
“ვერ ვიტყვი, რომ წილისყრაში არ გაგვიმართლა. ჯგუფურ ეტაპზე “ლაციოსთან” თამაშების მერე ძალიან მინდოდა პლეი-ოფშიც იტალიურ კლუბი შეგვხვედროდა. ჩემპიონთა ლიგიდან “იუვენტუსი” თურქულმა გუნდმა გამოაგდო, ჩვენი თანამემამულეების დაწყებული საქმე, ჩვენვე უნდა დავამთავროთ . თუ ძალიან მოვინდომებთ, ჩვენს საუკეთესო თამაშს ვაჩვენებთ და “იუვეს” შანსი არ ექნება. ზამთარში გაძლიერებასაც ვაპირებთ.
“ტრაბზონსპორი” იტალიური კლუბების წინააღმდეგ წარმატებულად თამაშობს. ჩვენი ფანები იტალიაშიც არიან. პირველი გასვლითი შეხვედრა კი მცირე, მაგრამ მაინც უპირატესობაა. იქ თუ დადებით შედეგს მივაღწევთ, ტრაბზონში გამარჯვება ჩვენი იქნება” – განაცხადა “ტრაბზონსპორის” პრეზიდენტმა.
ტურინის “იუვენტუსის” თავდამსხმელი, კარლოს ტევესი აცხადებს, რომ მას მიმდინარე სეზონში იტალიის ჩემპიონატის მოგება და თავად, ტურნირის ბომბარდირობა სურს.
შეგახსენებთ, რომ გასულ უქმეებზე, “ბიანკონერიმ” “სასუოლოს” ანგარიშით 4:0 სძლია, ტევესმა კი შეხვედრაში სამი გოლის გატანა მოახერხა.
“უპირველეს ყოვლისა, ძალიან მინდა, რომ სკუდეტო მოვიგო, ამის შემდეგ კი, მსურს, იტალიის ჩემპიონატის ბომბარდირი მე გავხდე”, – ამბობს ტევესი.
