დღეს ბერლინის ოლიმპიურ სტადიონზე ევროპული საკლუბო ფეხბურთის ყველაზე პრესტიჟული ტურნირის ფინალური მატჩი შედგება. ტურინის “იუვენტუსი” “ბარსელონას” ჩემპიონთა ლიგის თასის მოგებაში შეეცილება. Fanebi.com-ის მომხმარებლებმა თავიანთი ვარაუდი გამოთქვეს, თუ რა შედეგით დასრულდება დღევანდელი მატჩის ძირითადი დრო. პროცენტულად გთავაზობთ, თუ როგორ გადანაწილდა ხმები.
| “იუვენტუსი” (11 %) | ფრე (21 %) | “ბარსელონა” (68 %) |
დღეს ბერლინის ოლიმპიურ სტადიონზე უეფას ჩემპიონთა ლიგის ფინალია — ტურინის “იუვენტუსი” “ბარსელონას” წინააღმდეგ.
“ბებერი სინიორას” მცველ პატრის ევრას კიდევ ერთხელ მოუწევს ლუის სუარესთან შეხვედრა. შეგახსენებთ, რომ 2011 წლის ოქტომბერში ურუგვაელ ფეხბურთელს ევრას მიმართ რასისტული შეურაცხყოფის გამო რვამატჩიანი დისკვალიფიკაცია მისცეს.
ფრანგმა მცველმა კიდევ ერთხელ გაიხსენა ის ინციდენტი და განაცხადა, რომ ფინალურ მატჩამდე სუარესს ხელს ჩამოართმევს.
“მისი ბოდიში არ მჭირდება. ამას არც აქვს მნიშვნელობა. ჩემთვის ეს პრობლემა არ არის. მატჩამდე ხელს ჩამოვართმევ, როგორც ეს “მანჩესტერ იუნაიტედში” ყოფნის პერიოდში გავაკეთე.
ის ვერასოდეს იქნება ჩემი საუკეთესო მეგობარი. წარსული წარსულს ჩაბარდა. ვამაყობ ჩემი ფერით.
მე ვთამაშობ “ბარსელონას” და არა ლუის სუარესის წინააღმდეგ, თუმცა დარწმუნებული ვარ, ის მოედანზე ჩემ ყოფნას იგრძნობს.
სასამართლო პროცესზე არ მითქვამს, რომ სუარესი რასისტია. მე ვთქვი, რომ მან რასისტული კომენტარები გააკეთა. სუარესს იმდენად კარგად არ ვიცნობ, რომ მას რასისტობა დავაბრალო.
იმ მომენტში საკუთარ თავს ვაკონტროლებდი. თითქოს რაღაც ხმა ჩამესმოდა: “სულელური არაფერი გააკეთო, ხელი არ კრა, ამ თამაშს უამრავი ადამიანი უყურებს”.
ბავშვებისთვის მაგალითი უნდა იყო. რაიმე ცუდი რომ ჩამედინა, დღეს ჩემპიონთა ლიგის ფინალს ვერ ვითამაშებდი. შესაძლოა, ჩემთვის სამწლიანი დისკვალიფიკაციაც კი მოეცათ.
იმ მატჩის შემდეგ სერ ალექს ფერგიუსონი და თანაგუნდელები გაოცებულები მიყურებდნენ. იმ მომენტში სხვა სამყაროში ვიყავი.
ის ჩემთვის მართლაც მძიმე დღე იყო, თუმცა ჩემი თავით ვამაყობ”, – უთხრა ევრამ ITV Sport-ს.
დღეს ბერლინის ოლიმპიურ სტადიონზე ევროპული საკლუბო ფეხბურთის ყველაზე პრესტიჟული ტურნირის ფინალური მატჩი შედგება. ტურინის “იუვენტუსი” “ბარსელონას” ჩემპიონთა ლიგის თასის მოგებაში შეეცილება. შეხვედრა თბილისის დროით 22:45 საათზე დაიწყება და მას ჯიუნეთ ჩაქირის ხელმძღვანელობით თურქ მსაჯთა ბრიგადა მოემსახურება. ამ მატჩით დასრულდება ევროპული საკლუბო სეზონი.
აღნიშნულ შეხვედრაში გამარჯვებული გუნდი აგვისტოში თბილისში ჩამოვა და ევროპის ლიგის მომგებ “სევილიასთან” უეფას სუპერთასისთვის იბრძოლებს.
ჩემპიონთა ლიგის ფინალურ მატჩამდე გთავაზობთ გამოკითხვას — რომელი გუნდი მოიგებს თასს?
“ბარსელონას” ყოფილმა ფეხბურთელმა რონალდინიომ კატალონიურ გუნდს უეფას ჩემპიონთა ლიგის ფინალში წარმატება უსურვა.
“იმედი მაქვს, შაბათს “ბარსელონა” ჩემპიონთა ლიგის თასის მეხუთედ მოგებას შეძლებს”, – დაწერა სოციალურ ქსელში რონალდინიომ.
შეგახსენებთ, რომ “ბარსელონას” მეტოქე ტურინის “იუვენტუსი” იქნება. ფინალური მატჩი 6 ივნისს, ბერლინში გაიმართება და ის თბილისის დროით 22:45 საათზე დაიწყება.
უეფას ჩემპიონთა ლიგის ფინალამდე ბერლინში ერთი საინტერესო მატჩი გაიმართება.
პარასკევს მსოფლიოს ნაკრები ტურინის “იუვენტუსისა” და “ბარსელონას” ყოფილი ფეხბურთელებისგან შემდგარ ერთობლივ გუნდს შეხვდება.
მსოფლიო ნაკრების რიგებში ითამაშებენ: იენს ლემანი, კაფუ, იური ჯორკაეფი, რობერ პირესი, პრედრაგ მიატოვიჩი, ჯოვანე ელბერი, კლარენს ზეედორფი, რაი, კრისტიან კარამბუ, სტივ მაკმანამანი, პიერ ვან ჰოიდონკი და მარკო მატერაცი.
“იუვეს” და “ბარსას” ერთობლივი გუნდი ასე დაკომპლექტდა: ედვინ ვან დერ სარი, ჩირო ფერარა, ლუიშ ფიგუ, ლიუდოვიკ ჟიული, ალესანდრო დელ პიერო, ჯოვანი ვან ბრონკჰორსტი, ედმილსონი, ფაბიო კანავარო, დავიდ ტრეზეგე, მარკ ვან ბომელი, ჯანლუკა ძამბროტა, დეკუ, ერიკ აბიდალი და კრისტიან ვიერი.
იტალიის ჩემპიონატის 36-ე ტურში მილანის “ინტერსა” და ტურინის “იუვენტუსს” შორის გამართული მატჩი ანგარიშით 1:2 დასრულდა. გამარჯვების ბურთი ალვარო მორატამ გაიტანა, რომელმაც გოლის აღნიშვნისას ტრიბუნიდან გადმოგდებული მზის სათვალე გაიკეთა.
როგორც აღმოჩნდა, ეს სათვალე “ინტერის” ერთ-ერთ ქომაგს ეკუთვნოდა. მილანური კლუბის ფანი უკმაყოფილოა, რომ მისი სათვალე მორატამ გაიკეთა.
“ინტერის” ერთგული ქომაგი ვარ და არ მომეწონა, რომ ჩემი სათვალე “იუვენტუსის” ფეხბურთელმა გაიკეთა. ამ გოლის მომენტში ძალიან გავბრაზდი. სათვალე არ მისვრია, უბრალოდ ხელიდან გამივარდა. როცა დავინახე, რომ ჩემი სათვალე ბონუჩიმ აიღო და მორატას მიაწოდა, მთელი ძალით დავიყვირე, მაგრამ არ მომისმინეს. შემდეგ მორატამ სადღაც მოისროლა და ახლაც არ ვიცი, სად არის ჩემი სათვალე. მას მერე აღარც მინახავს. საბედნიეროდ, ეს სათვალე ბაზრობაზე მხოლოდ 2 ევროდ მქონდა ნაყიდი”, – “ინტერის” ტიფოზის სიტყვები “ლა გაძეტა დელო სპორტმა” გამოაქვეყნა.
დღეს იტალიის თასის ფინალური მატჩია — ტურინის “იუვენტუსი” რომის “ლაციოს” წინააღმდეგ. “ბებერი სინიორას” მთავარმა მწვრთნელმა მასიმილიანო ალეგრიმ მოახლოებული შეხვედრის შესახებ ისაუბრა.
“იუვენტუსი” ზებრა კი არა, ვეფხვია. რთული მატჩი გველის, შემდეგ კი ჩემპიონთა ლიგის ფინალისთვის უნდა მოვემზადოთ. იტალიის თასი “იუვენტუსს” 20 წელია, არ მოუგია და წელს შესაძლოა, ეს ტიტული მეათედ დავისაკუთროთ.
ანდრეა პირლო ითამაშებს. რას ვიტყოდი იტალიურ ფეხბურთზე? ყველა ლიგას აქვს აღმასვლა და დაღმასვლა. წელს ჩვენ ჩემპიონთა ლიგის ფინალში გავედით, “ნაპოლი” და “ფიორენტინა” ევროპის ლიგის ფინალთან იყვნენ ახლოს”, – ალეგრის კომენტარი “კორიერე დელო სპორტმა” გამოაქვეყნა.
მატჩი “იუვენტუსსა” და “ლაციოს” შორის რომის “სტადიო ოლიმპიკოზე”, თბილისის დროით 22:45 საათზე დაიწყება.
უეფა-მ 6 ივნისს, ბერლინში, „იუვენტუსსა“ და „ბარსელონას“ შორის ჩასატარებელი ჩემპიონთა ლიგის ფინალის მთავარი მსაჯი დანიშნა. როგორც ცნობილია, ტურნირის მთავარ შეხვედრას თურქი ჩუნეიტ ჩაკირი გაუძღვება.
38 წლის ჩაკირი საერთაშორისო დონეზე 2006 წლიდან მუშაობს. ჯამში მან უეფა-ს ეგიდით ჩატარებლ 70 შეხვედრაში იმსაჯა.
მიმდინარე სეზონში ჩაკირიმ ჩემპიონთა ლიგის ოთხ შეხვედრაში იმუშავა.
დღეს უეფას ჩემპიონთა ლიგის 2014/15 წლების გათამაშების ნახევარფინალურ ეტაპზე მადრიდის “რეალსა” და ტურინის “იუვენტუსს” შორის განმეორებითი შეხვედრა ჩატარდება. Fanebi.com-ის მომხმარებლებმა თავიანთი ვარაუდი გამოთქვეს, თუ რა შედეგით დასრულდება დღევანდელი დღის მატჩი. პროცენტულად გთავაზობთ, თუ როგორ გადანაწილდა ხმები.
| “რეალი” (80 %) | ფრე (10 %) | “იუვენტუსი” (10 %) |
იტალიური გამოცემა “ტუტოსპორტი” იუწყება, რომ “ლივერპული” ტურინის “იუვენტუსის” ნახევარმცველ ანდრეა პირლოთი დაინტერესდა.
წყაროს ცნობით, მერსისაიდული გუნდის წარმომადგენლებმა შესაძლო ტრანსფერთან დაკავშირებით “ბებერ სინიორასთან” მოლაპარაკების დაწყება უკვე სცადეს.
მანამდე გავრცელებული ინფორმაციით, პირლოს მიმართ ინტერესს ლონდონის “ჩელსი”, არგენტინული “ბოკა ხუნიორსი” და MLS-ის კლუბები იჩენენ. თავად ფეხბურთელი თვლის, რომ მისთვის ევროპის დატოვება ჯერ ადრეა.
შეგახსენებთ, რომ ანდრეა პირლოს “იუვენტუსთან” მოქმედი კონტრაქტი 2016 წელს ეწურება.
იტალიის ჩემპიონატის 32-ე ტურში ტურინული დერბი შედგა — “ტორინომ” “იუვენტუსი” მიიღო და მრისხანე მეტოქე ანგარიშით 2:1 დაამარცხა. უკანასკნელი ოცი წლის განმავლობაში ტურინულ დერბიში “ტორინომ” პირველად იმარჯვა.
35-ე წუთზე საჯარიმო დარტყმით ანგარიში ანდრეა პირლომ გახნა, თუმცა შესვენებამდე მატეო დარმიანიმ გაათანაბრა, ხოლო 57-ე წუთზე ფაბიო კვალიარელამ გამარჯვების გოლი გაიტანა
“იუვენტუსი” 73 ქულით სატურნირო ცხრილში ლიდერობას განაგრძობს. “ტორინოს” 47 ქულით მერვე პოზიცია უკავია.
იტალიის სერია A
32-ე ტური
“ტორინო” — “იუვენტუსი” 2:1 (1:1)
გოლები: დარმიანი 45′, კვალიარელა 57′ — პირლო 35′
გაფრთხილებები: გაცი 59′, მორეტი 70′, ვივესი 88′ — ბონუჩი 77′.
იტალიის ჩემპიონატის 30-ე ტურში “პარმამ” საკუთარ მოედანზე გათამაშების ერთპიროვნული ლიდერი ტურინის “იუვენტუსი” მიიღო და მეტოქე ანგარიშით 1:0 დაამარცხა. ეს ერთადერთი გოლი შეხვედრის მე-60 წუთზე მასპინძელთა 18 წლის თავდამსხმელმა ხოსე მაურიმ გაიტანა.
“ჩვენი ფანების წინაშე შესანიშნავი მომენტი მქონდა. ღმერთს მადლობას ვეუბნები, რომ ამის ძალა მომცა. ამ გოლს ბებიას ვუძღვნი.
ეს ჩემი ცხოვრების ყველაზე ბედნიერი დღეა. ეს ყველაფერი ამ დრომდე არ მჯერა, თუმცა ჩემი გოლი ისტორიაში ჩაიწერება.
მწვრთნელმა გვითხრა, რომ ჩვენი სჯერა. მან გვითხრა, რომ შეტევისას ყველაფერი შეიძლება მოხდეს. ის მართალი გამოდგა”, – ციტირებს მაურის სიტყვებს Football Italia.
