ჭდე: მილანი

#შაბათის ევროტური: ბასკური კოშმარები “ბარსას” კვლავ არ ასვენებს, ჰიდინკმა კი როგორც იქნა წააგო

Posted on by იაკობ კაპანაძე

შაბათი, 2016 წლის 9 აპრილი: დღე, როდესაც “ვესტ ჰემმა” და “არსენალმა” ქულები გაიყვეს, რანიერი კი გახარებულია.

ინგლისი. ქალაქელები ბრძოლას კვლავ განაგრძობენ

“ქალაქელებმა” შინ “ვესტ ბრომვიჩი” მიიღეს, რომელიც პირველ მატჩში ადვილად, 0-3 დაამარცხეს გასვლაზე. თუმცა “ეტიჰადზე” მოვლენები სხვაგვარად წარიმართა: მეექვსე წუთზე სტეფან სესენიონმა შესანიშნავი გოლი გაუტანა ჰარტს, თანაც ახლო კუთხეში – ასეთი რამ იბრამაც ვერ გააკეთა ოთხშაბათს. გოლის მომენტში კოლაროვმა იმდენად ინერტულად ითამაშა, რომ პეპმა მაშინვე გადაურეკა შეიხებს და მისი რომელიმე ჩემფიონშიპის გუნდში გაყიდვა მოსთხოვა.

თუმცა, სერბმა მცველმა 10 წუთში ისეთი შეუსრულა “ვესტ ბრომვიჩს”, რომ გვარდიოლამ თავში ხელი ირტყა – ეს რა ვქენიო. საუბარია კოლაროვის ბრწყინვალე გარღვევაზე, რომლის შედეგადაც მასპინძლებმა პენალტი მოიპოვეს. პენალტი აგუერომ გოლად გარდასახა. მატჩი კი 66′-ე წუთზე დასრულდა, როცა აგუეროსა და ნასრის აქტიურობას მომდევნო გოლი მოჰყვა.

მაილი საირუსის მსგავსად მელირებულმა თმებმა შედეგი გამოიღო: დააბნია მეტოქე გუნდის ფეხბურთელები, რამაც საბოლოოდ ნასრი მატჩის საუკეთესო ფეხბურთელი გახადა.

და კიდევ: • გუნდმა, რომელიც ინგლისის ჩემპიონობაზე აცხადებს პრეტენზიას, ლიდის ზედიზედ ორი მატჩი პირველად მოიგო ოქტომბრის შემდეგ.

ინგლისი. გუსის მოსვლის შემდეგ, “არისტოკრატებმა” ლიგაში პირველად იწვნიეს მარცხი

როგორც ჩანს, “ჩელსი” მომავალ სეზონს ევროპული ტურნირების გარეშე გაატარებს. მართალია, რომ ჰიდინკის ხელში “არისტოკრატები” არც თუ ისე ცუდად გამოიყურებიან, თუმცა არის ჩავარდნებიც. ისეთი, როგორიც შაბათს იყო. გუს ჰიდინკის მოსვლიდან გუნდს პრემიერ ლიგაში არცერთი მატჩი არ ჰქონდა წაგებული, თუმცა ზღაპარი დასრულდა: გვიდოლინის “სუონსი” გახდა პირველი გუნდი, რომელმაც ჩემპიონატში “ჩელსი” დაამარცხა. მატჩის ერთადერთი გოლი კი მონტეროს მიერ იქნა ორგანიზებული, სიგურდსონის მიერ კი შესრულებული.

საბოლოო ჯამში გუნდი ყველა ტურნირიდან გამოვარდა და ყველანაირი შანსი დაკარგა წარმატებისა. ეს ყველაფერი კი “მელიების” თავკაცს, კლაუდიო რანიერის ძალიან ახარებს, რამეთუ ჩემპიონატის მიწურულს მის კლუბს უმოტივაციო ლონდონელებთან მოუწევთ დაპირისპირება.

ინგლისი. “ვესტ ჰემისა” და “არსენალის” მატჩში გამარჯვება მხოლოდ ნეიტრალურ მაყურებლებს დარჩათ

შაბათის ყველაზე გამორჩეული მატჩი. არსენ ვენგერის გუნდი 0:2-ს უგებდა “ჩაქუჩებს” (იოზილისა და სანჩესის გოლების წყალობით), თუმცა 44-ე წუთზე ნამდვილი შოუ დაიწყო, რომლის მთავარი გმირიც ენდი ქეროლი გახლდათ.

44-ე წუთზე ქეროლმა კრესუელის პასი გამოიყენა, 46-ე წუთზე კი პაიეს დაუფასა შრომა. ასე რომ პირველი ტაიმის ბოლოს ანგარიში 2-2 იყო. მატჩის მეორე ნახევრის დაწყებისთანავე “ჩაქუჩებმა” “მეთოფეთა” კარისკენ გაიწიეს. ანტონიოს დარტყმის შემდეგ ბურთი ძელს მოხვდა, რის შემდეგაც ქეროლთან მივიდა, ამ უკანასკნელმა კი დიდი სიამოვნებით გაიფორმა ჰეთ-ტრიკი.

მართალია “არსენალმა” (კერძოდ კი კოშელნიმ) გაათანაბრა, თუმცა სიტუაცია მაინც მძიმზე: “ლესტერთან” ჩამორჩენა უკვე 10 ქულაა. სამაგიეროდ ქეროლის საქმეები ბრწყინვალედ მიდის – მედია უკვე ალაპარაკდა მის ევრო-2016-ზე მოხვედრის შანსებზე.

და კიდევ:

• ქეროლმა 10-ჯერ დაარტყა კარის მიმართულებით – წლევანდელი სეზონის რეკორდი. მათი ნახევარი კი კარში წავიდა.

და კიდევ, ინგლისში:

• ალან პარდიუს “კრისტალმა” 2016 წლის პირველი გამარჯვება მოიპოვა – პარდიუს შეგირდებმა “ნორვიჩს” აჯობეს (1-0).

ესპანეთი. “ბარსელონამ” “ატლეტიკოსთან” მატჩამდე კარგად დაისვენა

და წააგო “სოსიედადთან”, “სოსიედადის” სტადიონზე ზედიზედ მეოთხეჯერ. ერთადერთი გოლი მიკელ ოიარსაბარმა და ხავი პრიეტომ შექმნეს მატჩის დაწყებისთანავე. დარჩენილი დრო კი “ბარსელონა” ცდილობდა, ცდილობდა თუმცა ამაოდ.

იქნებ მასპინძლებს უბრალოდ გაუმართლათ?

ბურთის ფლობის მხრივ, “ბლაუგრანა” უდიდეს უპირატესობას ფლობდა: 72% 28%-ის წინააღმდეგ. პასების სიზუსტის მხრივაც: 86% 62%-ის წინააღმდეგ. კატალონიელებმა კუთხურიც მეტი ჩამოაწოდეს: 9, 5-ის წინააღმდეგ. კარშიც მეტჯერ დაარტყეს – 13-ჯერ, მასპინძლებმა – 5-ჯერ. მოკლედ რომ ვთქვათ, ეს “ბარსას” ტიპიური მარცხი იყო.

და კიდევ ესპანეთში:

• “რეალმა” შინ “ეიბარი” გაანადგურა (4:0). ხამესმა შესანიშნავი ჯარიმა გაიტანა. გაიტანა რონალდომაც, მართალია ცარიელ კარში, თუმცა ლამაზად. გაიტანეს ვასკესმა და ხესემაც. რაც მთავარია, “ბლანკოსი” 4 ქულით დაუახლოვდა “ბარსას”, თუმცა ძნელი დასაჯერებელია, რომ “ბლაუგრანას” კიდევ ორჯერ დაუცდება ფეხი.

• მესიმ 7-ჯერ დაარტყა მეტოქის კარის მიმართულებით, თუმცა მე-500-ე გოლი კვლავ არ ჩანს.

• “ატლეტიკოს” ჩამორჩენა “ბარსასთან” კი მხოლოდ 3 ქულაა. შაბათს მადრიდელები ამ კვირაში მეორეჯერ ეწვივნენ კატალონიას, თუმცა ამჟამად “ესპანიოლთან” სათამაშოდ. მასპინძლებმა ანგარიში პირველებმა გახსნეს, თუმცა სიმეონეს გუნდმა ტორესის, გრიზმანისა და კოკეს გოლებით უპასუხეს. 1-3.

გერმანია. “ბავარიას” გაუჭირდა

პეპის მდგომარეობა რთულია: ერთი მხრივ “სიტიზე” ფიქრობს, მეორ მხრივ კი “ბაიერნზე”. ფიქრობს ჩემპიონთა ლიგაზეც . თუმცა როგორც ჩანს, ბუნდესლიგაზე ფიქრს ვერ ახერხებს. რიბერისა და ალბას მიერ გატანილი გოლების შემდეგ, “ბაიერნი” “შტუტგარდთან” მატჩში მოეშვა და ძალების დაზოგვა სცადა.

მატჩში ინტრიგა დიდავიმ შემოიტანა, რომელმაც ნოიერის კარის აღება მოახერხა. “რეკორდმაისტერმა” და “შტუტგარდმა” კარგა ხანი იწვალეს, თუმცა საბოლოოდ გამარჯვება მაინც ბავარიელებს დარჩათ – მატჩის მიწურულს დუგლას კოშტამაც გაიტანა. 1-3.

იტალია. “იუვე” “მილანს” კვლავ უგებს

სინიშა მიჰაილოვიჩის გუნდი, რომელიც ასე თუ ისე კარგ ფორმაშია, “იუვეს” დაუპირისპირდა. 4-4-2 სქემაში სინიშამ ბალოტელისთვისაც გამოძებნა ადგილი, რომელსაც ბაკა ეხმარებოდა. თავიდან ყველაფერი მილანელთა სასარგებლოდ დაიწყო, მე-18 წუთზე ანგარიში სანდროს გოლის წყალობით 1-0 იყო.

თუმცა “ბებერ ქალბატონს” დანებება არ სჩვევია. ტურინელებმა მანჯუკიჩისა და პოლ პოგბას გოლების წყალობით კვლავ მოახერხეს “როსონერის” დაჯაბნა.

და კიდევ, იტალიაში:

• “ინტერმა” გასვლაზე “ფორზინონე” დაამარცხა. გოლი გაიტანა იკარდიმ, რომლისთვისაც ეს მე-100-ე მატჩში 50-ე გოლი გამოდგა. მანჩინი მეოთხეზეა და ჩემპიონთა ლიგის საგზურამდე 8 ქულა აშორებს.

აგენტი: “დონარუმა “მილანს” მხოლოდ უცხოურ კლუბში გაცვლის”

Posted on by იაკობ კაპანაძე

ახალგაზრდა, პერსპექტიული მეკარის, ჯანლუიჯი დონარუმას აგენტი, მინო რაიოლა აღიარებს, რომ ეს უკანასკნელი “მილანთან” კონტრაქტის გახანგრძლივებას აპირებს და აღნიშნავს იმასაც, რომ ის სხვა იტალიურ კლუბში არასდროს გადავა.

“დონარუმა იტალიაში მხოლოდ “მილანს” ხედავს, თუ ის კლუბის დატოვებას გადაწყვეტს, მისი არჩევანი სხვა იტალიური კლუბი არასდროს იქნება. არაფრის დაკონკრეტებას არ ვაპირებ, მაგრამ ყველა ხედავს, რომ ის სხვა კლუბები ყურადღებას იპყრობს.

მხოლოდ იმის თქმა შემიძლია, რომ ის მილანში თავის საქმეს დიდებულად აკეთებს. კრისტიან აბიატი მისთვის ძმასავით არის, ამასთან დაკავშირებით პრობლემა არ არსებობს.”

როგორც იცით, დონარუმა ჯერჯერობით იტალიის 21-წლამდელთა ნაკრებში ირიცხება, თუმცა რაიოლას უნდა, რომ ანტონიო კონტემ მას თავის გუნდში თამაშის შანსი მისცეს: “ვიცი, რომ კონტე მისთვის ყველაფერს გააკეთებს, იმედი მაქვს მას შანსი მიეცემა.”

ბერლუსკონიმ ფრანჩესკო ტოტისა და ზლატან იბრაჰიმოვიჩის ტრანსფერების შანსებზე ისაუბრა

Posted on by იაკობ კაპანაძე

იტალიური “მილანის” პრეზიდენტი, სილვიო ბერლუსკონი თვლის, რომ მილანურ კლუბს “პარის სენ-ჟერმენის” ფორვარდის, ზლატან იბრაჰიმოვიჩის დაბრუნების არანაირი შანსი არ გააჩნია.

“შეუძლებელია იბრაჰიმოვიჩის უკან, “მილანში” დაბრუნება. მას ჩინური და არაბული ქვეყნები ისეთ წინადადებებს სთავაზობენ, რომლებთანაც ახლოსაც ვერ მივალთ.” – განაცხადა ბერლუსკონიმ Tele Radio Stereo-სთან საუბრისას.

“მილანს” “რომას” ლეგენდარული ფეხბურთელის ფრანჩესკო ტოტის გადაბირებასაც უწინასწარმეტყველებენ, რომელსაც “მგლების” ახალ თავკაცთან, სპალეტისთან პრობლემები აქვს.

“ასევე მიუწვდომელია ფრანჩესკო ტოტიც. ასეთი ლეგენდების ყიდვა ასე უბრალოდ არ შეიძლება. იმედი მაქვს, რომ ტოტი “რომასთან” არსებულ ყველა პრობლემას მოაგვარებს.”

ვიტსელი: ” არამგონია “ზენიტმა” ჩემს სანაცვლოდ 40 მილიონზე მეტი მოითხოვოს”

Posted on by იაკობ კაპანაძე

ბელგიის ეროვნული ნაკრებისა და რუსული “ზენიტის” ნახევარმცველი, ალექს ვიტსელი რუსულ პრემიერ ლიგაში დარჩენას აღარ აპირებს და ევროპულ ფეხბურთში დაბრუნების სურვილს გამოთქვამს.

“მართალია, რომ კლუბთან კონტრაქტი კიდევ ერთი წლით მაკავშირებს, თუმცა კლუბმა იცის, თუ რა მინდა მე – უფრო ძლიერ ჩემპიონატში თამაში.

ვერ ვიტყვი, რომ კლუბიდან 100%-ით წავალ, მაგრამ ჯერჯერობით არც ახალ კონტრაქტზე დაგვიწყია მოლაპარაკებები. მინდა რომ სეზონი მაღალ დონეზე დავამთავრო და ევროპის ჩემპიონატს ფორმაში მყოფი შევხვდე.

“გასულ ზაფხულს მოლაპარაკებებს რამდენიმე ევროპულ კლუბთან ვაწარმოებდი, თუმცა “ზენიტმა” ჩემი შენარჩუნება მოინდომა.მაშინ ჩემი ჩამნაცვლებლის მოძებნის დრო არ იყო, თანაც კლუბი ჩემპიონთა ლიგისთვის ემზადებოდა.

როდესაც ფეხბურთელის კონტრაქტი ერთ წელიწადში იწურება, არამგონია კლუბმა მის სანაცვლოდ ბევრი მოითხოვოს. ჩემი აზრით “ზენიტი” 40 მილიონზე მეტს არ მოითხოვს.” – განაცხადა ბელგიელმა, რომელსაც “მილანს” უკავშირებდნენ.

იურგენ კლოპის გუნდს ზაფხულში “ჩელსის”, “ბარსელონასა” და “მილანის” წინააღმდეგ მოუწევს თამაში

Posted on by იაკობ კაპანაძე

იურგენ კლოპის პირველი პრე-სეზონი “ლივერპულთან” ერთად საკმაოდ საინტერესოდ უნდა ჩატარდეს – “წითლები” საერთაშორისო ჩემპიონთა თასის 2016 წლის გათამაშებაში მიიღებენ მონაწილეობას.

“ლივერპული” ერთ-ერთია იმ 10 გუნდს შორის, რომლებიც გინესის თასის ჩრდილოეთ ამერიკის ეტაპზე მიიღებენ მონაწილეობას. ინგლისელები “ჩელსის” (27 ივლისი), “მილანსა” (30 ივლისი) და “ბარსელონას” (6 აგვისტო) დაუპირისპირდებიან.

“ლივერპულის”, “ჩელსის”, “მილანისა” და “ბარსელონას” გარდა აღნიშნულ ჯგუფში იმყოფებიან:”რეალი”, “ბაიერნი”, “პსჟ”, “ინტერი”, “სელტიკი” და “ლესტერი”.

შეგახსენებთ, რომ მერსესაიდერულმა კლუბმა გინესის თასის 2014 წლის გათამაშებაშიც მიიღო მონაწილეობა, სადაც ის “ოლიმპიაკოსს”, “მანჩესტერ სიტის”, “მილანსა” და “მანჩესტერ იუნაიტედს” დაუპირისპირდა.

დონარუმამ ტრავმის გამო თამაში ვერ გააგრძელა

Posted on by Alix

„კიევოსთან“ მიმდინარე მატჩში „მილანის“ მაკარე ჯანლუიჯი დონარუმა დაშავდა, „როსონერის“ მეკარემ ამის გამო თამაში ვერ გააგრძელა. მე-19 წუთიდან მისი ადგილი კრისტიან აბიატიმ დაიკავა.

ტრავმის სიმძიმე და ახალგაზრდა გოლკიპერის მოედანზე დაბრუნების შესაძლო თარიღი მოგვიანებით გაირკვევა.

სავიჩევიჩი: „არ მესმის, „მილანს“ ბალოტელი რაში სჭირდება“

Posted on by Alix

„მილანის“ ექს-ფეხბურთელის დეიან სავიჩევის თქმით, მისთვის გაუგებარია, „შავ-წითებმა“ თავდამსხმელი მარიო ბალოტელი რა მიზეზით დაიმატეს.

„სიმართლე გითხრათ, არ ვიცი, გასულ ზაფხულს „მილანს“ ბალოტელი რაში დასჭირდა. ხელძღვანელობის ამ გადაწყვეტილების ახსნას ვცდილობ. არ ვამბობ, რომ მარიო ცუდი თავდამსხმელია, მაგრამ ყველამ იცის, როგორი ადამიანია ის.

ხელმძღვანელობამ იფიქრა, რომ მასი შეცვლა შეეძლო? ველოდებოდი, რომ „მილანი“ ფრთხილად იქნებოდა და ასეთ სარისკო ნაბიჯს არ გადადგამდა“, – ციტირებს სავიჩევიჩს „Football Italia“.

ნიანგი ავტოავარიაში მოჰყვა

Posted on by Alix

„მილანის“ თავდამსხმელი მბაიერ ნიანგი გასულ შაბათ-კვირას საავტომობილო ავარიაში მოჰყვა, იუწყება „Football-Italia“. როგორც გაირკვა, ფეხბურთელი ფხიზელი იყო. ავარიის შედეგად, ფეხბურთელმა მხარი და ფეხი დაიზიანა. შემთხვევის სხვა დეტალები და ფეხბურთელების გამოჯანმრთელების თარიღი ამჟამად უცნობია.

მიმდინარე სეზონში მბაიემ სერია ა-ს 16 მატჩში 5 გოლი გაიტანა.

გალიანი: „დონარუმა არ იყიდება“

Posted on by Alix

„მილანის“ ვიცე-პრეზიდენტი ადრიანო გალიანი „როსონერის“ 17 წლის მეკარის ჯანლუიჯი დონარუმას „ბარსელონაში“ შესაძლო ტრანსფერის შესახებ გავრცელებულ ინფორმაციას გამოეხმაურა.

„დონარუმა არ იყიდება, „ბარსელონასთან“ მოლაპარაკება არ დაგვიწყია. ის ჩვენი მეკარეა და მისი იმედი გვაქვს“, – ციტირებს გალიანიმ „Barcastuff“-ი.

მიჰაილოვიჩი: “ჩვენს ბედს მომდევნო 3 მატჩი გადაწყვეტს”

Posted on by იაკობ კაპანაძე

“ტორინოსთან” მინიმალური ანგარიშით მოპოვებული გამარჯვების შემდგომ, “მილანის” თავკაცმა, სინიშა მიჰაილოვიჩმა ყველას განუმარტა, რომ მომდევნო 3 მატჩი “მილანისთვის” გადამწყვეტი იქნება.

“მართლია ცოტა გაგვიჭირდა, თუმცა საბოლოო ჯამში გამარჯვება დავიმსახურეთ. თუმცა მთავარი იყო ის, რომ მოედანზე მატჩისადმი შესანიშნავი დამოკიდებულება გამოვაჩინეთ.

ჩვენ საბრძოლველად მზად ვართ. თუკი სატურნირო ცხრილში პროგრესირება გვინდა, მაშინ ასე უნდა გავაგრძელოთ. მომდევნო 3 მატჩში ძალიან ბევრი რამ გაირკვევა – პირველ რიგში კი ის, ვიმსახურებთ თუ არა უფრო მაღალ პოზიციაზე ყოფნას” – განაცხადა “მილანის” თავკაცმა.

აქვე გეტყვით, რომ მეექვსე პოზიციაზე მყოფი “როსონერი” იტალიის ჩემპიონატის ეგიდით შემდეგ მატჩს 6 მარტს, “სასუოლოს” წინააღმდეგ გამართავს, რის შემდგომაც მილანელები “კიევოსა” და “ლაციოს” დაუპირისპირდებიან.

“ნაპოლიმ” და “მილანმა” ქულები გაიყვეს (ვიდეო)

Posted on by ბექა დოგრაშვილი

იტალიის სერია A-ს 26-ე ტურის დასკვნითი მატჩი “სტადიო სან პაოლოზე” გაიმართა, სადაც “ნაპოლიმ” “მილანი” მიიღო. შეხვედრა ფრედ, ანგარიშით 1:1 დასრულდა.

ანგარიში მატჩის 39-ე წუთზე მასპინძელთა თავდამსხმელმა ლორენცო ინსინიემ გახსნა. სტუმართა რიგებიდან 44-ე წუთზე გატანილი გოლით თავი ჯაკომო ბონავენტურამ გამოიჩინა. მატჩის მეორე ტაიმში მსაჯთან კამათისთვის ნეაპოლიტანელთა მთავარი მწვრთნელი მაურიციო სარი გააძევეს.

ამრიგად, “ნაპოლიმ” 57 ქულა დააგროვა და სატურნირო ცხრილის ლიდერ ტურინის “იუვენტუსს” მხოლოდ ერთი ქულით ჩამორჩება. “როსონერის” აქტივში 44 ქულა აქვს და ცხრილის მეექვსე პოზიცია უკავია.

იტალიის სერია A
26-ე ტური
“ნაპოლი” — “მილანი” 1:1 (1:1)

გოლები: ინსინიე 39′ — ბონავენტურა 44′.
გაფრთხილებები: დონარუმა 53′, მონტოლივო 66′.

„პალერმოს“ პრეზიდენტი: „მილანი“ დიბალაში ორმოც მილიონს იხდიდა“

Posted on by Alix

„პალერმოს“ პრეზიდენტმა მაურიციო ძამპარინიმ გაიხსენა, რომ 2015 წლის ზაფხულში თავდამსხმელ პაულო დიბალას შეძენა, „იუვენტუსის“ გარდა, ასევე „მილანს“ სურდა, რომელმაც მის კლუბს 40 მილიონი ევრო შესთავაზა.

„ბერლუსკონი გულდაწყვეტილი იყო, რადგან მისმა კლუბმა დიბალა ვერ დაიმატა, როდესაც 40 მილიონი ევრო შემოგვთავაზა. იმ დროისთვის პაულოს აგენტები უკვე „იუვენტუსს“ შეუთანხმდნენ.

ვწუხვარ, რომ დიბალა „მილანში“ ვერ გავყიდე, რადგან ამ კლუბთან „იუვენტუსზე“ უკეთესი ურთიერთობა მაკავშირებს.

რამდენად შეუძლია ფრანკო ვასკესს „მილანში“ გადასვლა? მასზე კონკრეტული ფასი არ დამიწერესია“, – განაცხადა ძამრინიმ.

შეგახსენებთ, რომ 22 წლის არგენტინელის სანაცვლოდ ტურინელებმა 32 მილიონი ევრო გადაიხადეს. ასევე 8 მილიონ „პალერმო“ ბობნუსის სახით მიიღებს.

მიმდინარე სეზონის 24 მატჩში დიბალამ 13 გოლი და 10 საგოლე პასი მიითვალა.