ჭდე: რობერტ ლევანდოვსკი

ობამეიანგმა ლევანდოვსკის ბოლო ტურში გადაასწრო და ბუნდესლიგის საუკეთესო ბომბარდირი გახდა

Posted on by იაკობ კაპანაძე

გერმანიის უმაღლესი ჩემპიონატის ბოლო, 34-ე ტურის მატჩში გატანილი ორი გოლის წყალობით, პიერ-ემერიკ ობამეიანგი ბუნდესლიგის საუკეთესო ბომბარდირი გახდა.

აღსანიშნავია, რომ ბოლო ტურამდე ბომბარდირთა დავას რობერტ ლევანდოვსკი ლიდერობდა 30 გოლით, გაბონელის ანგარიშზე კი 29 გოლი იყო. “ვერდერთან” მატჩში გაფორმებულმა დუბლმა კი ყველაფერი შეცვალა.

აქვე გეტყვით იმასაც, რომ ბუნდესლიგის გასული სეზონის საუკეთესო ბომბარდირი პოლონელი რობერტ ლევანდოვსკი გახდა 30 ზუსტად შესრულებული დარტყმით.

რობერტ ლევანდოვსკიმ “ბაიერნის” მაისურით მე-100 გოლი გაიტანა

Posted on by იაკობ კაპანაძე

მიუნხენის “ბაიერნის” პოლონელი ფორვარდის, რობერტ ლევანდოვსკისათვის “აინტრახტთან” გამართული მატჩი (3:0) საიუბილეო გამოდგა.

შეგახსენებთ, რომ ამ შეხვედრაში ლევანდოვსკიმ დუბლის გაფორმება მოახერხა, გაიტანა რა 99-ე და მე-100 გოლები (“ბაიერნის” მაისურით. ამ შედეგის მისაღწევად მას სულ რაღაც 136 მატჩის ჩატარება დასჭირდა.

აქვე გეტყვით, რომ მიმდინარე სეზონში პოლონელი ფორვარდის ანგარიშზე 24 მატჩში გატანილი 21 გოლია და ბომბარდირთა ბრძოლაში მეორე ადგილს იკავებს – ის მხოლოდ ობამეიანგს ჩამორჩება.

ლევანდოვსკი ობამეიანგს “ბორუსიაში” დარჩენისაკენ მოუწოდებს

Posted on by იაკობ კაპანაძე

მიუნხენის “ბაიერნის” ფორვარდმა, რობერტ ლევანდოვსკიმ მისი ყოფილი კლუბის, დორტმუნდის “ბორუსიას” ამჟამინდელ ლიდერზე, პიერ-ემერიკ ობამეიანგზე ისაუბრა.

“რამდენადაც მე ვიცი, ობამეიანგი დორტმუნდში თავს ბედნიერად გრძნობს,” – განაცხადა პოლონელმა ფორვარდმა Bild-თან საუბრისას.

“ნამდვილად არ ვიცი რას აპირებს ის და როგორ გადაწყვეტილებას მიიღებს კლუბის ხელმძღვანელობა, მისი შენარჩუნებისთვის იბრძოლებენ, თუ დიდი ფულის გაკეთებას დააპირებენ…

მაგრამ, რა თქმა უნდა, ჩვენთვის და საერთოდ ბუნდესლიგისთვის, უკეთესი იქნება, თუ ის იქ დარჩება, სადაც ახლა არის.”

ოფიციალურად: ლევანდოვსკიმ “ბაიერნთან” გაახანგრძლივა

Posted on by იაკობ კაპანაძე

მიუნხენის “ბაიერნი” ოფიციალურად ადასტურებს ინფორმაციას რობერტ ლევანდოვსკისთან კონტრაქტის 2021 წლამდე გახანგრძლივების თაობაზე.

შეგახსენებთ, რომ 28 წლის ექს-“ბორუსიელი” “ალიანს არენაზე” 2014 წელს გადაბარგდა. ბოლო დროს კი მისი გადაბირება რამდენიმე ევროპულმა გრანდმა სცადა, რასაც გერმანელებმა მალევე უპასუხეს (კონტრაქტის გახანგრძლივებით).

“მოხარული ვარ, რომ მოლაპარაკებებმა ამგვარი დასასრული ჰპოვა და კვლავ მომეცემა დრო “ბაიერნში” საკუთარი შესაძლებლობების წარმოსაჩენად.

ამ კლუბმა მე ყველაფერი მომცა, რაც ჩემი ოცნებების ასახდენად იყო საჭირო. წინ ახალი გამოწვევები გველის!” – განაცხადა პოლონელმა შემტევმა.

ლევანდოვსკი: “ლივერპულს” პრემიერ ლიგის მოგების რეალური შანსი აქვს”

Posted on by იაკობ კაპანაძე

რობერტ ლევანდოვსკიმ ინგლისურ “ლივერპულსა” და მის გერმანელ თავკაცზე საუბრისას აღნიშნა, რომ “დორტმუნდში” ყოფნისას იურგენ კლოპი მისთვის მამასავით იყო.

“მართალია, პეპი და “მანჩესტერ სიტის” ტიტულისთვის ბრძოლაში ძლიერი მეტოქეები არიან, თუმცა “ლივერპულს” ჩემპიონობის რეალური შანსი აქვს.

ფაქტი, რომ გუნდი ევროპული ფეხბურთის გარეშეა, შესაძლოა მათ ამაში დაეხმაროს კიდეც – ისინი ამით დაღლილობასა და ზედმეტ ტრავმებს აიცილებენ თავიდან.

კლოპის კლუბში მოსვლის შემდეგ, “ლივერპულის” რამდენიმე თამაშს ვუყურე და დავასკვენი, რომ ფეხბურთელები იქ თამაშით დიდ სიამოვნებას იღებენ.

ფეხბურთელებმა იციან, რომ კლოპი მათ ზურგს მაქსიმალურად უმაგრებს. ის მამის როლს ასრულებს მოთამაშეებისათვის. მას გუნდის სჯერა.”

“რეალის” ვარსკვლავი: “ლევანდოვსკი მსოფლიოს საუკეთესო ფორვარდია”

Posted on by იაკობ კაპანაძე

მადრიდის “რეალის” ესპანელმა ფორვარდმა, ალვარო მორატამ საკმაოდ საინტერესო განცხადება გააკეთა, რომლის თანახმადაც ამ მომენტში რობერტ ლევანდოვსკი მსოფლიოს საუკეთესო ფორვარდია.

“ლევანდოვსკი მსოფლიოს საუკეთესო ფორვარდია, არა მარტო მისი სიმაღლის, არამედ ტექინიკის გამოც.” – განუცხადა ესპანელმა შემტევმა ESPN-ს ჟურნალისტებს.

“ვცდილობ, რომ მისგან ბევრი რამ ვისწავლო – არ ვტოვებ არცერთ მატჩს, რომელშიც ის იღებს მონაწილეობას და ყოველდღიურად ვცდილობ მისი მოძრაობების შესწავლას.”

ლევანდოვსკი: „ფინალში თამაში დავიმსახურეთ“

Posted on by Alix

„ბაიერნის“ თავდამსმხელმა რობერტ ლევონდოვსკიმ ჩემპიონთა ლიგის ფინალის მიღმა დარჩენის შესახებ ისაუბრა. ფეხბურთელის აზრით, მისმა გუნდმა ტურნირის გადამწყვეტ მატჩში თამაში დაიმსახურა.

„ძალიან გულდაწყვეტილნი ვართ. ფინალში თამაში დავიმსახურეთ, თუმცა ეს ფეხბურთია“, – ციტირებს პოლონელს ესპანური AS-ი.

რუმენიგე: “ლევანდოვსკისთან თამაშს არ ვაპირებთ”

Posted on by იაკობ კაპანაძე

კარლ-ჰაინც რუმენიგე დარწმუნებულია, რომ რობერტ ლევანდოვსკი მომავალში კვლავ “ბაიერნის” მაისურით იასპარეზებს და უარყოფს პოლონელის წასვლის შესაძლებლობის არსებობას.

“ლევანდოვსკის კონტრაქტის გახანგრძლივების პოტენციალზე კომენტარის გაკეთებას არ ვაპირებ.”- განუცხადა კლუბის აღმასრულებელმა დირექტორმა Kicker-ის ჟურნალისტს.

“არ ვაპირებთ მის აგენტთან თამაშს. მისი ამჟამინდელი კონტრაქტი სიმშვიდის საფუძველზს გვაძლევს.” – დაამატა მან.

შეგახსენებთ, რომ 27 წლის რობერტ ლევანდოვკით, რომლის კონტრაქტის 2019 წლის ზაფხულში იწურება, მადრიდის “რეალის” ხელმძღვანელობა არის დაინტერესებული.

ლევანდოვსკი: “ჩემპიონთა ლიგის ფავორიტი “ბარსელონაა”

Posted on by იაკობ კაპანაძე

მიუნხენის “ბაიერნის” გოლეადორმა, რობერტ ლევანდოვსკიმ აღიარა, რომ შიდა ჩემპიონატში კარგი ასპარეზობის მიუხედავად მიუნხენის “ბაიერნი” ჩემპიონთა ლიგის მოგების ფავორიტი მაინც არ არის.

“არ ვიცი, ვართ თუ არა დიდი ფავორიტები. ყველა ფეხბურთელი მწყობრში რომ იყოს, ამის თქმა ნამდვილად გამიადვილდებოდა. ახლა კი ნაკლებად ვთვლი, რომ ეს ასეა.

“ბარსელონა” საუკეთესო ფორმაში იმყოფება, ასე რომ ფავორიტი სწორედ ის არის. თუმცა შეიძლება, რომ ამაზე საუბარი ადრე იყოს. ნამდვილად ვერ ვიტყვი, შეინარჩუნებენ თუ არა ისინი ამ ფორმას სეზონის ბოლომდე.

ბოლოს ნაკლები მნიშვნელობა აქვს იმას, თუ ვინ არის ფავორიტი. ყოველ მატჩში უნდა იბრძოლო და უნდა გაიმარჯვო.” – განაცხადა პოლონელმა თავდამსხმელმა.

El Confidencial: კრიშტიანო რონალდოს რობერტ ლევანდოვსკი ჩაანაცვლებს

Posted on by იაკობ კაპანაძე

El Confidencial დარწმუნებულია, რომ მადრიდის “რეალის” პორტუგალიელ ვარსკვლავს, კრიშტიანო რონალდოს კლუბის დატოვება სურს, რისი მიზეზიც თანაგუნდელებთან არსებული უთანხმოებაა.

პორტუგალიელის განცხადებით, მადრიდში მოთამაშე ფეხბურთელები ისე ვერ ასპარეზობენ, როგორც საჭიროა, რაც კლუბის წარუმატებლობას განაპირობებს. ეს განცხადება რონალდომ “ატლეტიკოსთან” წაგებული დერბის შემდგომ გააკეთა.

ასე რომ პორტუგალიელი გოლეადორის წასვლის ალბათობა ძალიან დიდია. კლუბი კი უკვე ეძებს მის შესაძლო ჩამნაცვლებელს.

ფლორენტინო პერესის აზრით ამისათვის საუკეთესო ვარიანტი რობერტ ლევანდოვსკის გადმობირებაა, რომელიც “ბაიერნში” ერთ-ერთი ყველაზე მნიშვნელოვან ფეხბურთელად ითვლება. პოლონელი ფორვარდი “რეალის” მთავარი სამიზნე იქნება ზაფხულის სატრანსფერო ფანჯარაზე.

ანჩელოტის ლევანდოვსკის ჩანაცვლება პაულო დიბალათი სურს

Posted on by იაკობ კაპანაძე

La Gazzetta dello Sport-ის ცნობით, მიუნხენის “ბაიერნის” მომავალი თავკაცი, კარლო ანჩელოტი გუნდში პაულო დიბალას მიყვანას აპირებს იმ შემთხვევაში, თუკი რობერტ ლევანდოვსკი მადრიდის “რეალს” შეუერთდება.

როგორც იცით, ანჩელოტი ბავარიულ გრანდს მხოლოდ მას შემდეგ ჩაიბარებს, რაც პეპ გვარდიოლა კლუბს დატოვებს, ეს კი მიმდინარე სეზონის დასასრულს მოხდება.

პაულო დიბალა წელს მართლაც რომ მშვენივრად გამოიყურება, იტალიელმა შემტევმა სერია ა-ს 23 მატჩში მიიღო მონაწილეობა, გაიტანა 13 გოლი და შეასრულა 8 შედეგიანი გადაცემა.

ლევანდოვსკი ზედიზედ მეხუთედ პოლონეთის საუკეთესო ფეხბურთელია (ფოტო)

Posted on by Alix

მიუნხენის „ბაიერნის“ თავდამსხმელი რობერტ ლევანდოვსკი ზედიზედ მეხუთედ პოლონეთის წლის საუკეთესო ფეხბურთელად დასახელდა. გამოკითხვა ცნობილმა პოლონურმა ჟურნალმა „Piłka Nożna“-მ ჩაატარა. ლევანდოვსკიმდე რეკორდული მაჩვენებელი ები სმოლიარეკს ეკუთვნოდა, რომელიც პოლონეთის საუკეთესო ფეხბურთელად ზედიზედ სამჯერ დასახელდა (2005, 2006 და 2007 წლებში).

„2015 წელი შესანიშნავი იყო. იმედია, 2016 „ბაიერნთან“ და პოლონეთის ნაკრებთან ზუსტად ასეთი გამოდგება და კიდევ არაერთ წარმატებას აღვნიშნავთ“, – განაცხადა 27 წლის ფეხბურთელმა პრიზის მიღების შემდეგ.

2015 წელს ლევანდოვსკი ევროპის 2016 წლის ჩემპიონატის საკვალიფიკაციო ეტაპის საუკეთესო ბობმარდირი აღმოჩნდა (10 მატჩში მან 13 გოლი გაიტანა). „ბაიერნის“ რიგებში კი ის გერმანიის ჩემპიონი გახდა.

1454804295_b_levandovski-v