World Cup – გვერდი 2 – Fanebi.Com – ფეხბურთი, კალათბურთი, რაგბი, სხვა

ნიგერიის მწვრთნელი: “ოთხ წელში ძალიან ძლიერები ვიქნებით”

Posted on ივნისი 27, 2018 by კახა ყიფიანი

მსოფლიოს ჩემპიონატის ჯგუფური ეტაპის მესამე ტურში ნიგერია არგენტინასთან ანგარიშით, 1-2 დამარცხდა და ტურნირს დაემშვიდობა. აფრიკელთა მთავარმა მწვრთნელმა, გენროტ რორმა ჟურნალისტებთან მატჩისშემდგომი კომენტარი გააკეთა.

“ჩვენ ახლაგაზრდა ფეხბურთელები გვყავს, რომელთაც მცირე გამოცდილება აქვთ. თუმცა, ოთხ წელში ძალიან ძლიერები ვიქნებით. მინდა, მადლობა გადავუხადო ჩვენს გულშემატკივრებს, რომელთაც დიდი გზა გამოიარეს, რათა აქ მოხვედრილიყვნენ. მატჩების უმეტესობაში თავს ისე ვგრძნობდით, თითქოს, სტუმრად ვთამაშობდით. თუმცა, აქ საქმე გულშემატკივართა რაოდენობას კი არა, მათი მხარდაჭერის ხარისხს ეხება. ვფიქრობ, ამ ასპექტში ერთ-ერთი საუკეთესონო ვიყავით,” – ამბობს რორი.

ისკო: “შეცდომები? კონცენტრაციის ნაკლებობა და პოზიციების დაკარგვა”

Posted on ივნისი 26, 2018ივნისი 26, 2018 by კახა ყიფიანი

მსოფლიოს ჩემპიონატის ჯგუფური ეტაპის მესამე ტურში ესპანეთმა მაროკოსთან ფრე, 2-2 ითამაშა. “ფურია როხას” მხრიდან პირველი გოლის ავტორი ისკო ალარკონი გახდა, რომელმაც, ასევე, მატჩის საუკეთესო ფეხბურთელს ჯილდო მოიპოვა. მან დაპირისპირების შემდეგ, კომენტარი გააკეთა.

“საერთო ჯამში, კმაყოფილი ვარ. ბედნიერად ვგრძნობ თავს, რადგან ჯგუფში პირველ ადგილზე დავასრულეთ თამაში. სწორედ ეს გვინდოდა. შესაძლოა, სხვა, მატჩისშემდგომი გრძნობები უფრო გვესიამოვნებოდა, თუმცა დაპირისპირების შემდეგ გავაცნობიერეთ, რომ მსოფლიოს ჩემპიონატის შემდეგ ფაზაში გადავედით. ეს ძალიან გასახარია. სიმართლე რომ გითხრათ, ნაკრებში თამაშის რწმენა განმიმტკიცდა. თუმცა, ჯერ არაფერი მოგივიგია; სულ ცოტა ხნის წინ კი, ურთულესი შეხვედრა გვქონდა. შესაძლოა, ეს იმის ბრალია, რომ ბოლომდე კონცენტრირებულნი არ ვიყავით. ასევე, პოზიციური შეცდომებიც დავუშვით. სწორედ ესენია ის ასპექტები, რომლებიც უნდა გამოვასწოროთ,” – ამბობს ალარკონი.

ფერნანდუ სანტუშის კომენტარი ირანთან მატჩის შემდეგ

Posted on ივნისი 26, 2018 by კახა ყიფიანი

მსოფლიოს ჩემპიონატის ჯგუფური ეტაპის მესამე ტურში პორტუგალიამ ირანთა ფრე გააგორა, ხუთი ქულა მოაგროვა და მეორე ადგილით მერვედფინალში გავიდა, სადაც ურუგვაის დაუპირისპირდება.

მატჩის შემდეგ ევროპის მოქმედი ჩემპიონების მთავარმა მწვრთნელმა, ფერნანდუ სანტუშმა ჟურნალისტებთან ისაუბრა.

“ახლა ყველაზე მთავარი რამ მერვედფინალზე ფიქრია. აუცილებელია, კარგად შევისწავლოთ ჩვენი მოწინააღმდეგე, ხოლო ამის შემდეგ კი, ფიზიკურად და მენტალურად მომზადებულნი გავიდეთ მოედანზე, მიუხედავად იმისა, ურუგვაია ჩვენი მეტოქე თუ მასპინძელი. ეს ორი სხვადასხვა სიტუაციაა. მასპინძლებს ძალიან დიდი მხარდაჭერა აქვთ თამაშის დროს, მატჩის დროს. მათ ძალიან კარგად იასპარეზეს ჯგუფურ ეტაპზე. რაც შეეხება ურუგვაის, ის შესანიშნავი ნაკრებია, რომელსაც მაღალი კლასის ფეხბურთელები ჰყავს. თუმცა, გვაქვს ჩვენი იარაღი და ვეცდებით მეტოქის დამარცხებას,” – ამბობს სანტუში.

ესპანეთი – მაროკო: მატჩის საუკეთესო ფეხბურთელი დასახელდა

Posted on ივნისი 26, 2018ივნისი 26, 2018 by კახა ყიფიანი

მსოფლიოს ჩემპიონატის B ჯგუფის მესამე ტურის შეხვედრაში ესპანეთი მაროკოს დაუპირისპირდა და ფრე, 2-2 ითამაშა. “ფურია როხამ” ამ მატჩის შემდეგ ხუთი ქულა დააგროვა და პირველ ადგილზე გავიდა.

Fifa.Com-ის ვერსიით შეხვედრის საუკეთესო ფეხბურთელად ისკო ალარკონი დასახელდა. ევროპელთა ნახევარმცველმა ერთი გოლის გატანა მოახერხა და მთელი მატჩის მანძილზე აქტიური იყო.

გეტყვით, რომ ესპანეთი მერვედფინალში რუსეთის ნაკრებს დაუპირისპირდება.

ფერნანდო იეროს წინასამატჩო პრესკონფერენცია მაროკოსთან შეხვედრამდე

Posted on ივნისი 24, 2018 by კახა ყიფიანი

25 ივნისს მსოფლიოს ჩემპიონატის ჯგუფური ეტაპის მეორე ტურის შეხვედრაში ესპანეთი მაროკოს დაუპირისპირდება. “ფურია როხა” მერვედფინალში გასულია, თუმცა ჯერ არ გარკვეულა, ის დაიკავებს პირველ ადგილს თუ პორტუგალია, რომელიც ირანს შეხვდება.

მნიშვნელოვანი თამაშის წინ, ესპანელთა მთავარმა მწვრთნელმა, ფერნანდო იერომ წინასამატჩო პრესკონფერენცია გამართა.

“მეტი ძალა მოედნის ცენტრში? არა, ძალისმიერი თამაში ჩვენთვის არაა. მაროკო ძალიან კარგი გუნდია და პორტუგალიასთანაც მშვენიერი თამაში ჩაატარა. მათ წინააღმდეგ ასპარეზობა რთულია, რადგან მობილურები არიან. თუმცა, ჩვენი მოვალეობა სამი ქულის აღება, კარგი თამაშის ჩვენებაა. ხოლო, თუ შევძებთ, რომ პირველ ადგილზე დავასრულოთ ეს ეტაპი, უკეთესი იქნება. არ ვიცით, ხვალ მეტოქე როგორ ითამაშებს. თუმცა, ჩვენი ძალების გვჯერა.

ეს თანასწორობის მსოფლიოს ჩემპიონატია. ყველა გუნდი კარგად თამაშობს და, საბედნიეროდ, ფეხბურთი უფრო თანასწორია. ეს სპორტის ამ სახეობისთვის ძალიან სასარგებლოა,” – ამბობს იერო.

ფერნანდუ სანტუში: “ვიმედოვნებ, რონალდუ კიდევ ერთ დიდ მატჩს ჩაატარებს”

Posted on ივნისი 20, 2018 by კახა ყიფიანი

დღეს მსოფლიოს ჩემპიონატის ჯგუფური ეტაპის მეორე ტურის შეხვედრაში პორტუგალია მოროკოს დაუპირისპირდება. ევროპელთა მთავარმა მწვრთნელმა, ფერნანდუ სანტუშმა წინასამატჩო პრესკონფერენცია გამართა.

“ვიმედოვნებ, კრიშტიანუ ისევ იმავე დონეზე ითამაშებს და კიდევ ერთ დიდ შეხვედრას ჩაატარებს. ჩვენ შეგვიძლია ისეთი კარგი გუნდის დამარცხება, როგორიც მოროკოა. თუმცა, მარტო არავინ იგებს. ევროპის ჩემპიონები ვართ. პორტუგალიის მთავარი მიზანია, გააგრძელოს იმის კეთება, რამაც აქამდე მოგვიყვანა: დიდი ვალდებულების გრძნობა მინდორზე გასვლის დროს და მეტოქის პატივისცემა. გზა, რომლითაც გამარჯვებები მოვიპოვეთ, სწორედ ადამიანურობასა და ოპონენტის დაფასებას უკავშირდება. აუცილებელია, ვიყოთ კონკურენტუნარიანნი, ვიბრძოლოთ და ბოლომდე დავიხარჯოთ. თუმცა, კლასი საჭიროა, რომ სასურველი შედეგი დავაფიქსიროთ. ხვალ, მთავარი მიზანი, თავიდანვე გოლის გატანა იქნება. ფოკუსირებულნი ვართ მხოლოდ გამარჯვებაზე,” – ამბობს პორტუგალიელთა დამრიგებელი.

ჩინეთს მსოფლიოს ჩემპიონატის მასპინძლობა სურს

Posted on სექტემბერი 29, 2016 by ბექა დოგრაშვილი

ჩინეთის ფეხბურთის ფედერაციის ვიცე-პრეზიდენტმა ჩჟან ცზიანმა განაცხადა, რომ მის ქვეყანას ფეხბურთში მსოფლიოს ჩემპიონატის მასპინძლობა სურს.

“ჩინეთში თითოეული გულშემატკივარი ოცნებობს მსოფლიოს ჩემპიონატის მასპინძლობაზე. დებულების გამო 2026 წელს ტურნირის ჩინეთში ჩატარება ვერ მოხერხდება. ჩვენ ფიფას წესებს პატივს ვცემთ, მაგრამ გვინდა, რომ მუნდიალს რაც შეიძლება მალე ვუმასპინძლოთ”, – ციტირებს ჩჟან ცზიანის სიტყვებს L’Equipe-ი.

შეგახსენებთ, რომ ფიფას რეგლამენტის თანახმად, მსოფლიოს ჩემპიონატი მუდმივად სხვადასხვა კონტინენტზე ტარდება.

რომელ საათზე დაიწყება 2018 წლის მუნდიალის მატჩები

Posted on დეკემბერი 3, 2015 by ბექა დოგრაშვილი

ფიფამ 2018 წელს რუსეთში გასამართი მსოფლიოს ჩემპიონატის მატჩების დაწყების დროები დაადგინა.

ტურნირის გახსნისა და ფინალური მატჩები თბილისის დროით 18:00 საათზე დაიწყება.

16 ივნისს დაგეგმილი ჯგუფური ეტაპის შეხვედრები 13:00, 16:00 19:00 და 22:00 საათზე დაიწყება. ჯგუფური რაუნდის დანარჩენი მატჩები კი 15:00, 18:00 და 21:00 საათზე აიღებს სტარტს.

გამონაკლის წარმოადგენს დასკვნითი ტურის შეხვედრები. ჯგუფური ეტაპის გადამწყვეტი ტურის, მერვედფინალური და მეოთხედფინალური რაუნდის მატჩები 17:00 და 20:00 საათზე დაიწყება.

ნახევარფინალური შეხვედრები 21:00 საათზე აიღებს სტარტს, ბრძოლა მესამე ადგილისთვის კი 17:00 საათზე.

2018 წლის მსოფლიოს ჩემპიონატის პირველი და ბოლო შეხვედრები მოსკოვში მდებარე “ლუჟნიკის” სტადიონზე ჩატარდება. ტურნირი 14 ივნისიდან 15 ივლისამდე პერიოდში გაიმართება.

მსოფლიოს ჩემპიონატზე ევროპულ გუნდთა რაოდენობა შესაძლოა 14-მდე გაზარდონ

Posted on დეკემბერი 3, 2015 by ბექა დოგრაშვილი

ფიფას პრესსამსახურის ცნობით, მსოფლიოს ჩემპიონატზე მონაწილე გუნდების რაოდენობის შესაძლო მატებასთან (40 გუნდამდე) დაკავშირებით შესაძლოა, მუნდიალზე უეფას წარმომადგენელთა რიცხვი 14 ნაკრებამდე გაიზარდოს.

შეგახსენებთ, რომ 2014 წელს ბრაზილიაში გამართულ მსოფლიოს ჩემპიონატზე 13 ევროპული გუნდი მონაწილეობდა. 2018 წელს გასამართ მუნდიალზე ევროპიდან 14 ნაკრები მიიღებს მონაწილეობას, ვინაიდან მასპინძელ რუსეთის ეროვნულ გუნდს ავტომატურად ენიჭება ტურნირზე თამაშის უფლება.

ფიფას აღმასრულებელმა კომიტეტმა 2026 წლის მსოფლიოს ჩემპიონატიდან ტურნირზე მონაწილე გუნდების რაოდენობის გაზრდის საკითხი უკვე განიხილა, თუმცა საბოლოო გადაწყვეტილება ჯერჯერობით არ არის დამტკიცებული.

ჯეკ უილშირმა პელეს ინტერვიუ ჩამოართვა (ვიდეო)

Posted on მაისი 2, 2015მაისი 2, 2015 by ბექა დოგრაშვილი

ლონდონის “არსენალის” ნახევარმცველმა ჯეკ უილშირმა ჟურნალისტის ამპლუა მოირგო და მსოფლიოს სამგზის ჩემპიონ, ლეგენდარულ ბრაზილიელ ფეხბურთელ პელეს ინტერვიუ ჩამოართვა.

— რომელია თქვენი კარიერის ყველაზე საამაყო ეპიზოდი?
— ღმერთს მადლობას ვუხდი ბევრი საამაყო მომენტისთვის. გამოვყოფდი შვედეთში გამართულ მსოფლიოს ჩემპიონატს, რომელიც ჩემთვის პირველი იყო. მაშინ 17 წლის ვიყავი, ბრაზილიის ნაკრებმა ტურნირი მოიგო. აღსანიშნავია ჩემი ბოლო მსოფლიოს ჩემპიონატიც, როდესაც იტალია დავამარცხეთ, 1970 წელს.

— ვინ იყო თქვენი ბავშვობის გმირი?
— ჩემი ბავშვობის გმირი მამაჩემი იყო. ის “სან პაულუს” ცენტრალური თავდამსხმელი გახლდათ.

— რა გრძნობაა მსოფლიოს ჩემპიონატის მოგება?
— პირველი მსოფლიოს ჩემპიონატი 17 წლის ასაკში, შვედეთში ვითამაშე. ეს ჩემთვის ოცნება იყო. მაშინ პასუხისმგებლობა არ მქონდა, ახალგაზრდა ვიყავი და ყველაფერი მშვენიერი იყო, მაგრამ ბოლო მსოფლიოს ჩემპიონატზე, 1970 წელს, უკვე გამოცდილი მოთამაშე გახლდით და გაცილებით რთული იყო, რადგან უდიდესი წნეხის ქვეშ ვიყავით, ბრაზილიაში პოლიტიკური პრობლემა იყო. მსოფლიოს ჩემპიონატი უნდა მოგვეგო. ძალიან რთული იყო.

— რატომ აირჩიეთ 10-ნომრიანი მაისური?
— ეს სრული შემთხვევითობა იყო. როდესაც “სანტოსში” დებიუტი მქონდა, ჩვენი მეათე ნომერი ტრავმირებული იყო და ის მე შევცვალე. 16-17 წლის ვიყავი. გამიმართლა, რადგან ეს იღბლიანი ნომერი აღმოჩნდა. ამისთვის ღმერთს მადლობას ვეუბნები.

„რეალი“ მსოფლიოს საკლუბო ჩემპიონატის ფინალში უპრობლემოდ გავიდა (ვიდეო)

Posted on დეკემბერი 17, 2014 by Alix

მადრიდის „რეალმა“ მსოფლიოს საკლუბო ჩემპიონატის 1/2 ფინალში მექსიკური „კრუს ასული“ უპრობლემოდ დაამარცხა. კარლო ანჩელოტის მოთამაშეებმა მეტოქეს ანგარიშით 4:0 მოუგეს.

მე-15 წუთზე ანგარიში სერხიო რამოსმა გახსნა. 11 წუთში მადრიდელთა უპირატესობა ორამდე ქარიმ ბენზემამ გაზარდა. 50-ე წუთისთვის „ბლანკოსი“ უკვე ანგარიშით 3:0-ს იგებდა, მესამე გოლი თავის ანგარიშზე გარეთ ბეილმა ჩაიწერა, წერტილი კი ისკომ დასვა, რომელმაც თავი 72-ე წუთზე გამოიჩინა.

აღსანიშნავია, რომ როდესაც ანგარიში 0:2 იყო, იკერ კასილიასმა პენალტი მოიგერია.

„კრუს ასული“ – „რეალი“ 0:4
გოლები: რამოსი 15′, ბენზემა 36′, ბეილი 50′, ისკო 72′

„კრუს ასული“: კორონალ ფლორესი, როდრიგესი, დომინგესი, პინტო; ტორადო, ბერნარდელო; როხასი (ვალადესი 76′), ფორმიკა, ხიმენესი (ფაბიანი 65′); პავონე (ბარერა 65′)

„რეალი“: კასილიასი; კარვახალი, პეპე, რამოსი (ვარანი 64′), მარსელი; ბეილი, ილიარამენდი, კროოსი (ხედირა 73′), ისკო (ხესე 76′); ბენზემა, რონალდუ

გაფრთხილება: რამოსი

ბლატერი: „მესის მუნდიალის საუკეთესო მოთამაშედ დასახელება შეცდომა იყო“

Posted on ოქტომბერი 28, 2014ოქტომბერი 28, 2014 by Alix

ფიფა-ს პრეზიდენტმა იოზეფ ბლატერმა მსოფლიოს 2014 წლის ჩემპიონატის საუკეთესო მოთამაშედ ლიონელ მესის დასახელებასთან დაკავშირებით თავისი აზრი გამოთქვა.

„მე ცოტა გამიკვირდა, როდესაც კომიტეტის გადაწყვეტილების შესახებ გავიგე.

ვთვლი, ეს გადაწყვეტილება არასწორი იყო.

ექსპერტებმა მითხრეს, რომ მხოლოდ ათ ფეხბურთელს აკვირდებოდნენ, რომელიც ფინალურ მატჩში მონაწილეობდა“, – განაცხადა ბალტერმა.

შეგახსენებთ, რომ არგენტინის ნაკრები პლანეტის პირველობის ფინალში გერმანიასთან დამატებით დროში 0:1 დამარცხდა. ჯამში კი, ბრაზილიაში ჩატარებულ ტურნირზე მესიმ შვიდი მატჩი ჩაატარა, რომელშიც ოთხი გოლი გაიტანა და ერთი საგოლე გადაცემაც მიითვალა.