ჭდე: 2014 FIFA World Cup

გერმანია — არგენტინა (მატჩის გმირი)

Posted on by ბექა დოგრაშვილი

მსოფლიოს ჩემპიონატის ფინალში გერმანიისა და არგენტინის ნაკრებებს შორის გამართული მატჩის ძირითადი დრო უგოლოდ დასრულდა, დამატებით დროში კი ევროპელებმა მარიო გიოტცეს მიერ გატანილი კინკილა გოლის წყალობით იმარჯვეს და ჩემპიონის სტატუსი დაიბევეს.

შეხვედრის საუკეთესო ფეხბურთელად „ბუნდესნაკრების“ ნახევარმცველი გიოტცე დაასახელეს, რომელმაც, როგორც გითხარით, მატჩის ერთადერთი გოლი გაიტანა.

მიუნხენის „ბაიერნში“ მოთამაშე ფეხბურთელი მოედანზე 88-ე წუთზე მიროსლავ კლოზეს ნაცვლად გამოვიდა. გიოტცემ გააკეთა 19 გადაცემა და კარში დაარტყა ორჯერ.

 

სამუნდიალე კონკურსი (გერმანია — არგენტინა)

Posted on by ბექა დოგრაშვილი

როგორც მოგეხსენებათ, 2014 წლის მსოფლიოს ჩემპიონატთან დაკავშირებით მიმდინარეობს Fanebi.com-ისა და Europe-bet-ის ერთობლივი პროექტი – „სამუნდიალე კონკურსი“, რისი მეშვეობითაც ფულადი ჯილდოს მოგების შანსი გეძლევათ. დღეს გამოქვეყნდა დასკვნითი 25-ე საკონკურსო დღის კითხვები, რომელიც გერმანიისა და არგენტინის ნაკრებებს შორის გასამართ მატჩს ეხება. კითხვები იხილეთ აღნიშნული მატჩის გვერდზე.

წესებში ცვლილებაა: გაიზარდა საპრიზო ადგილების რაოდენობა. გამარჯვებულად ჩაითვლება ის პირველი 20 რეგისტრირებული მომხმარებელი, რომელიც ყველაზე მეტ სწორ პასუხს გამოიცნობს. 4-ივე კითხვაზე სწორი პასუხის ავტორს „ევროპა ბეთის“ ანგარიშზე 15 ლარი ერიცხება. თუ გამარჯვებულთა სიაში 3 სწორი პასუხის ავტორებიც მოხვდებიან, მათ 10 ლარი დაერიცხებათ.

ერთი IP მისამართიდან მხოლოდ ერთი (პირველი) კომენტარი მიიღება, დანარჩენი კი უგულებელყოფილი იქნება.

საკონკურსო კითხვებს პასუხი უნდა გასცეთ მატჩის გვერდზე: გერმანია — არგენტინა

 

სამუნდიალე კონკურსის 24-ე დღის გამარჯვებულები

Posted on by ბექა დოგრაშვილი

როგორც მოგეხსენებათ, 2014 წლის მსოფლიოს ჩემპიონატთან დაკავშირებით მიმდინარეობს Fanebi.com-ისა და Europe-bet-ის ერთობლივი პროექტი – „სამუნდიალე კონკურსი“, რისი მეშვეობითაც ფულადი ჯილდოს მოგების შანსი გეძლევათ. ბრაზილიისა და ჰოლანდიის ნაკრებებს შორის გამართულ მატჩთან დაკავშირებული 4 კითხვა შემოგთავაზეთ. შეცვლილი წესების მიხედვით, ჯილდოვდება ყველაზე მეტი სწორი პასუხის დამწერი პირველი 20 მომხმარებელი. 4-ივე კითხვაზე სწორი პასუხის ავტორს „ევროპა ბეთის“ ანგარიშზე 15 ლარი ერიცხება. თუ გამარჯვებულთა სიაში 3 სწორი პასუხის ავტორებიც მოხვდებიან, მათ 10 ლარი დაერიცხებათ. ერთი IP მისამართიდან მხოლოდ ერთი (პირველი) კომენტარი მიიღება.

სამუნდიალე კონკურსის 24-ე დღის კითხვები იყო:

1) რომელი გუნდი მოიგებს მატჩს? (ბრაზილია, ჰოლანდია) — ჰოლანდია;
2) ვინ გააკეთებს პირველ ცვლილებას? (ბრაზილია, ჰოლანდია) — ბრაზილია;
3) რომელი გუნდი გაიტანს პირველ გოლს: ბრაზილია, ჰოლანდია თუ არ იქნება გოლი? (იგულისხმება როგორც ძირითადი, ასევე დამატებითი ტაიმები) — ჰოლანდია;
4) ვინ მიიღებს პირველ ყვითელ ბარათს? (ბრაზილია, ჰოლანდია) — ბრაზილია.

სამუნდიალე კონკურსის 24-ე დღის გამარჯვებულთა სია ასე გამოიყურება:

მომხმარებელი: გამოცნობილი პასუხების რაოდენობა: მოგებული თანხა:
MISHUTKA  4 15
JASHI  4 15
TORNIKE95  4 15 არ აქვს მითითებული პინ-კოდი
QERQADZE90  4 15 არ აქვს მითითებული პინ-კოდი
WRIPAGIO  4 15
ZEDBED  4 15 არ აქვს მითითებული პინ-კოდი
TBILISI07  4 15 არ აქვს მითითებული პინ-კოდი
MATE04  4 15 არ აქვს მითითებული პინ-კოდი
INTERIUKVDAVIA  4 15 არ აქვს მითითებული პინ-კოდი
SAFOO95  4 15
NIKAKEKE  4 15 არ აქვს მითითებული პინ-კოდი
XUCIKA  4 15
BET BET 4 15
BORANI  4 15 არ აქვს მითითებული პინ-კოდი
BABAAN  4 15
STRIKER  4 15
ISMAIL  4 15
DITO27  4 15
LAIKON  4 15
VANIKO25  4 15

 

გამარჯვებულთა სიები „ევროპა ბეთში“ გაიგზავნება დღეს. შესაბამისად, მომხმარებლებმა, რომლებსაც საკუთარი ანგარიშის პინ-კოდი არ აქვს მითითებული, სასწრაფოდ უნდა მოგვაწოდონ. მათ პინ-კოდის მოსაწოდებლად დრო ეძლევათ 15:00 საათამდე. სხვა შემთხვევაში, მათ ბალანსზე თანხის დარიცხვა ვერ მოხერხდება. თავისთავად, დანარჩენ გამარჯვებულებს თანხები რომ დაერიცხებათ, ეს ჩვენმა ერთგულმა მომხმარებელმა კარგად იცის და არანაირი პრობლემა ამ მხრივ არ იქნება, ჩვენი 6-წლიანი გამოცდილება მეტყველებს ამაზე.

 

ბრაზილია — ჰოლანდია (მატჩის გმირი)

Posted on by ბექა დოგრაშვილი

ბრაზილიისა და ჰოლანდიის ნაკრებებს შორის მესამე ადგილის დაკავებისთვის გამართული მატჩი ევროპელთა გამარჯვებით, ანგარიშით 3:0 დასრულდა.

შეხვედრის საუკეთესო ფეხბურთელად „ნარინჯისფერთა“ ლიდერი არიენ რობენი დაასახელეს, რომლის წაქცევისთვის დანიშნული თერთმეტმერიანი დარტყმა რობინ ვან პერსიმ გამოიყენა და მე-3 წუთზე ანგარიში გახსნა.

მიუნხენის „ბაიერნში“ მოთამაშე ფეხბურთელმა შეხვედრა სრულად ჩაატარა, გააკეთა 44 გადაცემა და კარში დაარტყა ერთხელ.

 

ემოციური წერილი დავიდ ლუისს

Posted on by ბექა დოგრაშვილი

როგორც მოგეხსენებათ, მსოფლიოს ჩემპიონატის ნახევარფინალურ ეტაპზე ბრაზილიის ნაკრები გერმანიის ეროვნულ გუნდთან გამანადგურებელი ანაგრიშით 1:7 დამარცხდა და თასის მოგების შანსი მოისპო. ამის შემდეგ „სელესაოსა“ და ლუიშ ფელიპე სკოლარის მიმართ კრიტიკა კიდევ უფრო გაძლიერდა, თუმცა იყო მანუგეშებელი სიტყვებიც.

მატჩის შემდეგ ბრაზილიის ნაკრების ახალგაზრდა გულშემატკივარმა დავიდ ლუისს, რომელიც აღნიშნულ შეხვედრაში გუნდს კაპიტნობდა, ემოციური წერილი მისწერა:

„გამარჯობა, დავიდ ლუის!

მე ანა ლუზი მქვია.

„მსოფლიოს ჩემპიონატზე ბრაზილიის ნაკრების ყველა მატჩი ვნახე და ძალიან მომწონს შენი თამაში.

კარგად ითამაშე და ყველაფერი გააკეთე, რაც შეგეძლო, ამიტომ არ უნდა იყო დაღონებული. დიდებულად იკაპიტნე.

ხან წაგებ, ხან მოიგებ, მთავარი ისაა, რომ ბედნიერი იყო. ასეთია ცხოვრება.

დავიდ ლუის, შენ ჩემი ჩემპიონი ხარ!“

სამუნდიალე კონკურსი (ბრაზილია — ჰოლანდია)

Posted on by ბექა დოგრაშვილი

როგორც მოგეხსენებათ, 2014 წლის მსოფლიოს ჩემპიონატთან დაკავშირებით მიმდინარეობს Fanebi.com-ისა და Europe-bet-ის ერთობლივი პროექტი – „სამუნდიალე კონკურსი“, რისი მეშვეობითაც ფულადი ჯილდოს მოგების შანსი გეძლევათ. დღეს გამოქვეყნდა 24-ე საკონკურსო დღის კითხვები, რომელიც ბრაზილიისა და ჰოლანდიის ნაკრებებს შორის გასამართ მატჩს ეხება. კითხვები იხილეთ აღნიშნული მატჩის გვერდზე.

წესებში ცვლილებაა: გაიზარდა საპრიზო ადგილების რაოდენობა. გამარჯვებულად ჩაითვლება ის პირველი 20 რეგისტრირებული მომხმარებელი, რომელიც ყველაზე მეტ სწორ პასუხს გამოიცნობს. 4-ივე კითხვაზე სწორი პასუხის ავტორს „ევროპა ბეთის“ ანგარიშზე 15 ლარი ერიცხება. თუ გამარჯვებულთა სიაში 3 სწორი პასუხის ავტორებიც მოხვდებიან, მათ 10 ლარი დაერიცხებათ.

ერთი IP მისამართიდან მხოლოდ ერთი (პირველი) კომენტარი მიიღება, დანარჩენი კი უგულებელყოფილი იქნება.

საკონკურსო კითხვებს პასუხი უნდა გასცეთ მატჩის გვერდზე: ბრაზილია — ჰოლანდია

 

სკოლარი: „ეს არ ნიშნავს სამყაროს აღსასრულს“

Posted on by ბექა დოგრაშვილი

ბრაზილიის ნაკრების მთავარმა მწვრთნელმა ლუიშ ფელიპე სკოლარიმ წინასამატჩო პრესკონფერენციაზე „სელესოას“ შანსები შეაფასა.

„როდესაც დახურულ ვარჯიშს ვატარებ, მაკრიტიკებთ. როდესაც ღია ვარჯიშს ვატარებ, მაინც მაკრიტიკებთ. ჩვენც არ მოგვწონს ნაჩვენები შედეგი, თუმცა მსოფლიოს საუკეთესო გუნდების ოთხეულში შევდივართ და ეს არ ნიშნავს სამყაროს აღსასრულს.

ვთვლი თუ არა, რომ ანგარიშით 1:7 მარცხის შემდეგ იმიჯი გავიფუჭე? შედეგი კატასტროფული იყო, თუმცა ანგარიშის გარდა არაფრის მრცხვენია. საკმაოდ პროდუქტიული სამუშაო გავწიეთ“, – განაცხადა სკოლარიმ.

შეგახსენებთ, რომ ბრაზილიის ნაკრები ბრინჯაოს მედლებისთვის ჰოლანდიის ეროვნულ გუნდს დაუპირისპირდება.

 

ვან გაალი: „პენალტების სერიაში წაგებას ისევ 1:7 მარცხი სჯობდა“

Posted on by ბექა დოგრაშვილი

ჰოლანდიელთა მთავარი მწვრთნელი ლუი ვან გაალი ბრაზილიის ნაკრებთან გასამართ მატჩამდე აცხადებს, რომ მისი გუნდი საშინელ მორალურ მდგომარეობაშია.

„იმედგაცრუებულნი ვართ. ჩვენი ოცნება დაიმსხვრა და ამას ვეღარაფერი შეცვლის. მიზანი იყო მსოფლიოს ჩემპიონატის მოგება. აი, ამიტომ ვართ ასე ცუდად. მართლაც საშინელებაა ასე დამარცხება. ამას ისევ 1:7 წაგება სჯობდა, რადგან ყველასთვის გასაგები იქნებოდა, რომ მარცხს იმსახურებდი. თუმცა, ჩვენ არ დავმარცხებულვართ, პენალტების სერიაში წავაგეთ, რაც ორმაგად სამწუხაროა. ვწუხვართ, რომ ფინალში ვერ გავაღწიეთ“, – ვან გაალის სიტყვები „მარკას“ ვებგვერდზე გამოქვეყნდა.

შეგახსენებთ, რომ ჰოლანდიის ნაკრები ბრინჯაოს მედლებისთვის ბრაზილიის ეროვნულ გუნდს დაუპირისპირდება.

 

მსოფლიოს ჩემპიონატის ფინალური მატჩის არბიტრის ვინაობა ცნობილია

Posted on by ბექა დოგრაშვილი

მიმდინარე მსოფლიოს ჩემპიონატის ფინალურ მატჩს იტალიელი არბიტრი ნიკოლა რიცოლი მოემსახურება.

42 წლის მსაჯისთვის აღნიშნულ ტურნირზე ეს რიგით მეოთხე მატჩი იქნება. მანამდე მან შემდეგი შეხვედრები განსაჯა: ესპანეთი — ჰოლანდია (1:5), ნიგერია — არგენტინა (2:3), არგენტინა — ბელგია (1:0).

რიცოლი მესამე იტალიელი არბიტრია, რომელიც მუნდიალის ფინალურ მატჩს განსჯის. 1978 წელს ჰოლანდიისა და არგენტინის ნაკრებებს შორის გამართულ ფინალს (1:3) სერჯიო გონელა მოემსახურა. 2002 წელს გერმანიისა და ბრაზილიის ეროვნულ გუნდთა შორის ფინალური დაპირისპირება (2:0) კი პიერლუიჯი კოლინამ განსაჯა.

ნიკოლა რიცოლი ფიფას მსაჯია 2007 წლიდან. 2011 წელს იტალიის საუკეთესო არბიტრად დაასახელეს. 2013 წელს დორტმუნდის „ბორუსიასა“ და მიუნხენის „ბაიერნს“ შორის გამართული ჩემპიონთა ლიგის ფინალური შეხვედრა განსაჯა. პროფესიით ხუროთმოძღვარია.

გერმანიისა და არგენტინის ნაკრებებს შორის გასამართი ფინალური მატჩი 13 ივლისს, თბილისის დროით 23:00 საათზე დაიწყება.

 

მსოფლიოს ჩემპიონატი და სუპერმოდელები ქომაგის ამპლუაში

Posted on by ბექა დოგრაშვილი

Victoria’s Secret-ის მოდელები ალესანდრა ამბროსიო და ადრიანა ლიმა მიმდინარე მსოფლიოს ჩემპიონატზე ბრაზილიის ნაკრებს გულმხურვალედ ქომაგობდნენ, თუმცა „სელესაო“ ტურნირის ნახევარფინალურ ეტაპზე გერმანიის ეროვნულ გუნდთან ანგარიშით 1:7 განადგურდა და თასის მოგების შანსი დაკარგა.

მოდელებმა შეხვედრას თვალყური ნიუ იორკის ერთ-ერთ ბარში მიადევნეს. ლიმას 2-ნომრიანი მაისური ემოსა, ზედ წარწერით „Lims“. ამბროსიოს კი – 10-ნომრიანი ფორმა, წარწერით „Alé“

„ყველაფრის მიუხედავად, ბრაზილიის ნაკრები მაინც საუკეთესოა“, – დაწერა მატჩის შემდეგ ამბროსიომ.

სამარცხვინო მარცხის მიუხედავად, ბრაზილიელი მოდელები იხტიბარს არ იტეხდნენ და მატჩის შემდეგაც იღიმოდნენ. მოგვიანებით სიგარეტის მოსაწევად გარეთ გავიდნენ, სადაც ბრაზილიის ნაკრების სხვა ქომაგებსაც გაესაუბრნენ.

სამაგიეროდ, კარგ ხასიათზე იყო გერმანელი მოდელი ჰაიდი კლუმი, რომელსაც არ სჯეროდა, რომ მისმა საყვარელმა გუნდმა ტურნირის მასპინძლები ასე იოლად გატეხა.

„თქვენ ეს გჯერათ? მე არა. 1…2…3…..4….5….6…..7…“, – წააწერა სოციალურ ქსელში გამოქვეყნებულ ფოტოს კლუმმა, რომელიც შინ მყოფი ადევნებდა მატჩს თვალყურს.

 

ფიფამ არგენტინა დააჯარიმა

Posted on by ბექა დოგრაშვილი

ფიფამ არგენტინის ფეხბურთის ფედერაცია 300 ათასი შვეიცარული ფრანკით (247 050 ევრო) დააჯარიმა.

როგორც ირკვევა, „ალბისელესტემ“ 2014 წლის მსოფლიოს ჩემპიონატის რეგლამენტი დაარღვია. კერძოდ, საუბარია პრესასთან ურთიერთობის წესზე.

ფიფას ოფიციალური ვებგვერდის ცნობით, დისციპლინურმა კომიტეტმა საქმის მოკვლევა მას შემდეგ დაიწყო, რაც არგენტინელებმა მიჯრით მესამედ დაარღვიეს წესი. მატჩისშემდგომ პრესკონფერენციებს გუნდის მხრიდან მხოლოდ მთავარი მწვრთნელი ალეხანდრო საბელია ესწრებოდა, როცა მასთან ერთად მინიმუმ კიდევ ერთი ფეხბურთელი უნდა ყოფილიყო. ასეთი შემთხვევა ნიგერიის (3:2), შვეიცარიის (დ.დ. 1:0) და ბელგიის (1:0) ნაკრებების წინააღმდეგ გამართული მატჩების შემდეგ მოხდა. ანალოგიური სიტუაცია დაფიქსირდა ჰოლანდიის ეროვნული გუნდის წინააღმდეგ გამართულ შეხვედრამდეც (0:0, პენ 4:2).

შეგახსენებთ, რომ 13 ივლისს არგენტინის ნაკრები გერმანიის ეროვნულ გუნდს მსოფლიოს ჩემპიონატის ფინალურ მატჩში დაუპირისპირდება. შეხვედრა თბილისის დროით 23:00 საათზე დაიწყება.

 

მუნდიალის წყალობით ბელგიელი გოგონა მოდელი გახდა

Posted on by ბექა დოგრაშვილი

ბრაზილიაში მიმდინარე მსოფლიოს ჩემპიონატის წყალობით 17 წლის ბელგიელი გოგონა აქსელ დესპიგელარი იმდენად პოპულარული გახდა, რომ მას ცნობილი კომპანიები სამოდელოდ იწვევენ.

მუნდიალზე ბელგიის ნაკრების მონაწილეობით გამართულ მატჩებში აქსელ დესპიგელარი არაერთხელ მოხვდა როგორც ფოტო, ასევე ვიდეოობიექტივში. სამშობლოში დაბრუნებულმა კი აღმოაჩინა, რომ სოციალურ ქსელში მეგობრობის ათი ათასამდე თხოვნა ჰქონდა. მისმა თაყვანისმცემლებმა სპეციალური გვერდიც შექმნეს, რომელმაც მალევე მოიპოვა ვერიფიკაცია. გარდა ამისა, ფრანგულმა კოსმეტიკურმა კომპანია „ლორეალმა“ 17 წლის გოგონა სამოდელოდ მიიწვია. ცნობილმა ფირმამ აქსელს ხელსაყრელი კონტრაქტი და კომპანიის სარეკლამო რგოლში მონაწილეობა შესთავაზა, რასაც სოლიდური ანაზღაურებაც მოჰყვება.