უეფას ჩემპიონთა ლიგის ჯგუფური ეტაპის მესამე ტურში ლონდონის “არსენალის” წინააღმდეგ გასამართ მატჩს მიუნხენის “ბაიერნის” გარემარბი არიენ რობენი გამოტოვებს.
მიუხედავად იმისა, რომ ჰოლანდიელმა ფეხბურთელმა ნაკრებში მიღებული ტრავმის შემდეგ ვარჯიში დაიწყო, მისი მდგომარეობა ჯერ კიდევ არ აკმაყოფილებს გუნდის მთავარ მწვრთნელ ხოსეპ გვარდიოლას.
მატჩი “არსენალსა” და “ბაიერნს” შორის სამშაბათს, თბილისის დროით 22:45 საათზე დაიწყება.
მიუნხენის “ბაიერნისა” და ჰოლანდიის ნაკრების ნახევარმცველი არიენ რობენი ტრავმის გამო ერთი თვე ვერ ითამაშებს. ამ ინფორმაციას ბავარიული კლუბის პრესსამსახური ავრცელებს.
31 წლის ფეხბურთელი 2016 წლის ევროპის ჩემპიონატის საკვალიფიკაციო ეტაპზე ისლანდიის ნაკრების წინააღმდეგ გამართულ მატჩში (0:1) დაშავდა.
შეგახსენებთ, რომ არიენ რობენმა მხოლოდ ივლისის ბოლოს მოიშუშა წინა ტრავმა.
მიუნხენის “ბაიერნის” შემტევმა ნახევარმცველმა არიენ რობენმა განაცხადა, რომ კლუბთან გაფორმებული მოქმედი კონტრაქტის ვადის ამოწურვის შემდეგაც ბავარიულ გუნდში აპირებს ყოფნას.
“ალბათ, “ბაიერნში” 2017 წლის შემდეგაც ვიქნები. ტრავმები ცოტათი კი მაფერხებს, მაგრამ ვიმედოვნებ, რომ ოთხი-ხუთი წელი კიდევ შევძლებ თამაშს. ოპტიმისტურად ვარ განწყობილი”, – რობენის კომენტარს “ბილდი” აქვეყნებს.
შეგახსენებთ, რომ 31 წლის ჰოლანდიელ ფეხბურთელს “ბაიერნთან” მოქმედი შრომითი ხელშეკრულება 2017 წელს ეწურება.
გერმანიის ბუნდესლიგის მიმდინარე გათამაშებაში არიენ რობენმა 21 მატჩის ჩატარება, 17 გოლის გატანა და 7 საგოლე პასის გაკეთება მოასწრო.
მიუნხენის “ბაიერნის” ნახევარმცველმა არიენ რობენმა გერმანიის თასის ნახევარფინალურ ეტაპზე დორტმუნდის “ბორუსიას” წინააღმდეგ გამართული მატჩი ვერ ჩაამთავრა.
ჰოლანდიელმა ფეხბურთელმა, რომელიც მოედანზე შეხვედრის 68-ე წუთზე გამოვიდა, ზუსტად 16 წუთში შეცვლა მოითხოვა.
შეგახსენებთ, რომ არიენ რობენმა მარტში ტრავმა მიიღო, რის გამოც შვიდი მატჩის გამოტოვება მოუწია. ჰოლანდიელი გარემარბის თამაში დღესაც საეჭვო იყო.
მიუნხენის “ბაიერნის” ექიმმა ჰანს-ვილჰელმ მიულერ-ვოლფრატმა გუნდის ნახევარმცველ არიენ რობენთან მუშაობის სპეციფიკაზე ისაუბრა. როგორც მოგეხსენებათ, ჰოლანდიელი ფეხბურთელი ტრავმებისადმი საკმაოდ მიდრეკილია.
“რობენი ფორმულა 1-ის ბოლიდს მაგონებს. თითოეული მატჩის დაწყებამდე ის აუცილებლად უნდა შემოწმდეს, რათა დავრწმუნდეთ, რომ ყველაფერი რიგზეა და სათამაშოდ მზად არის”, – ექიმის სიტყვებს “სქაი სპორტსი” ციტირებს.
როგორც მოგეხსენებათ, მიუნხენის “ბაიერნის” ერთ-ერთმა ლიდერმა არიენ რობენმა ხელის ტრავმა მიიღო.
ჰოლანდიელმა ფეხბურთელმა ჟურნალისტებთან საუბრისას იხუმრა და თქვა, რომ მას ნიანგმა უკბინა. როგორც ირკვევა, სინამდვილეში ხელი მან სატრენაჟორო დარბაზში დაიშავა.
გავრცელებული ინფორმაციით, ტრავმა სერიოზული არ არის.
მიუნხენის “ბაიერნის” გარემარბი არიენ რობენი არ ნანობს, რომ 2009 წელს ის მადრიდის “რეალიდან” ბავარიულ კლუბში გადაბარგდა.
“როდესაც “ბაიერნში” გადავედი, 25 წლის ვიყავი. ეს ჩემს კარიერაში საუკეთესო გადაწყვეტილება იყო. დიდი სამუშაო გავწიეთ და ბოლო წლებში ბევრი ტიტული მოვიგეთ. ვამაყობ, რომ ამ წარმატებებში ჩემი წვლილიც არის”, – ციტირებს რობენის სიტყვებს Goal-ი.
მიუნხენის “ბაიერნის” ერთ-ერთი ლიდერი არიენ რობენი თვლის, რომ პრესა “სტრემსგოდსეტის” შემტევ ნახევარმცველ მარტინ ედეგორს ზედმეტ ყურადღებას უთმობს, რითაც ახალგაზრდა ნორვეგიელ ფეხბურთელს დიდი წნეხის ქვეშ აყენებს. ედეგორს ამა წლის 17 დეკემბერს მხოლოდ 16 წელი უსრულდება. ის უკვე თამაშობს კლუბის ძირითად შემადგენლობაში. გარდა ამისა, ედეგორი 15 წლისა და 300 დღის ასაკში, ბულგარეთის ნაკრების წინააღმდეგ გამართულ მატჩში მონაწილეობით ყველაზე ახალგაზრდა ფეხბურთელი გახდა, რომელსაც ევროპის ჩემპიონატის საკვალიფიკაციო ეტაპზე უთამაშია.
მარტინ ედეგორით უკვე დაინტერესდნენ ევროპის წამყვანი კლუბები. ახალგაზრდა ნორვეგიელმა ფეხბურთელმა “ლივერპულისა” და მიუნხენის “ბაიერნის” რიგებში უკვე ჩაატარა რამდენიმე ვარჯიში, იანვრიდან კი ამსტერდამის “აიაქსში” ივარჯიშებს.
“ედეგორი დიდი ნიჭის მქონე ფეხბურთელია, მაგრამ ის მხოლოდ 15 წლის გახლავთ. მის შესახებ ბევრს საუბრობენ და წერენ, თუმცა მისთვის უმჯობესი იქნება, მშვიდ გარემოში ფეხბურთით ტკბობის საშუალება მიეცეს. ამ ყურადღებით ედეგორი დიდი წნეხის ქვეშ ექცევა”, – რობენის სიტყვები sport1.de-ზე გამოქვეყნდა.
მიუნხენს “ბაიერნის” ჰოლანდიელმა ნახევარმცველმა არიენ რობენმა მეკარე მანუელ ნოიერის მიმართ საქებარი სიტყვები არ დაიშურა.
“მას ბრწყინვალე სეზონი ჰქონდა. ის არამხოლოდ მსოფლიოს ჩემპიონი, არამედ სხვა პლანეტიდან მოსული მეკარეა.
მისი ქარიზმა მთელ გუნდს თავდაჯერებას მატებს”, – ციტირებს რობენის სიტყვებს Sport1.
შეგახსენებთ, რომ მანუელ ნოიერი კრიშტიანუ რონალდუსთან და ლიონელ მესისთან ერთად “ოქროს ბურთის” მოპოვების პრეტენდენტია.
“ოქროს ბურთის” დაჯილდოების საზეიმო ცერემონიალი 2015 წლის 12 იანვარს, შვეცარიის ქალაქ ციურიხში გაიმართება.
მიუნხენის “ბაიერნს” უახლოესი მატჩების გამართვა ნახევარმცველ არიენ რობენის გარეშე მოუწევს. ჰოლანდიელ ფეხბურთელს ფეხის ნერვზე პრობლემები შეექმნა და უკვე გადაწყვეტილი ამბავია, რომ მიუნხენგლადბახის “ბორუსიას” წინააღმდეგ დღეს გასამართ მატჩს რობენი გამოტოვებს.
ჰოლანდიელი ნახევარმცველის თამაში კითხვის ნიშნის ქვეშ დადგა გერმანიის თასზე ფრანკფურტის “აინტრახტთან” გასამართ შეხვედრაშიც, რომელიც 29 ოქტომბერს შედგება.
რაც შეეხება მიუნხენგლადბახის “ბორუსიასა” და “ბაიერნს” შორის მატჩს, ის დღეს, თბილისის დროით 20:30 საათზე დაიწყება.
ვიდეოთამაშ FIFA 15-ის გამოსვლამდე სულ ცოტა დრო რჩება, მანამდე კი ვებგვერდმა Purely Football იმ ფეხბურთელთა სავარაუდო სია გამოაქვეყნა, რომელთაც აღნიშნულ თამაშში ყველაზე მაღალი რეიტინგი ექნებათ.
Purely Football-ის ვერსიით, FIFA 15-ის ყველაზე მაღალრეიტინგული მოთამაშეები იქნებიან:
| ადგილი: | ფეხბურთელი: | რეიტინგი: | |
| 10. |  |
სერხიო აგუერო (“მანჩესტერ სიტი”) | 88 |
| 9. |  |
რობერტ ლევანდოვსკი (“ბაიერნი”) | 88 |
| 8. |  |
იაია ტურე (“მანჩესტერ სიტი”) | 88 |
| 7. |  |
ფრანკ რიბერი (“ბაიერნი”) | 89 |
| 6. |  |
გარეტ ბეილი (“რეალი”) | 89 |
| 5. |  |
არიენ რობენი (“ბაიერნი”) | 89 |
| 4. |  |
ლუის სუარესი (“ბარსელონა”) | 90 |
| 3. |  |
ზლატან იბრაჰიმოვიჩი (“პსჟ”) | 91 |
| 2. |  |
კრიშტიანუ რონალდუ (“რეალი”) | 93 |
| 1. |  |
ლეო მესი (“ბარსელონა”) | 94 |
ბრაზილიისა და ჰოლანდიის ნაკრებებს შორის მესამე ადგილის დაკავებისთვის გამართული მატჩი ევროპელთა გამარჯვებით, ანგარიშით 3:0 დასრულდა.
შეხვედრის საუკეთესო ფეხბურთელად „ნარინჯისფერთა“ ლიდერი არიენ რობენი დაასახელეს, რომლის წაქცევისთვის დანიშნული თერთმეტმერიანი დარტყმა რობინ ვან პერსიმ გამოიყენა და მე-3 წუთზე ანგარიში გახსნა.
მიუნხენის „ბაიერნში“ მოთამაშე ფეხბურთელმა შეხვედრა სრულად ჩაატარა, გააკეთა 44 გადაცემა და კარში დაარტყა ერთხელ.
